𝐝𝐞𝐞𝐧 𝐤𝐢 𝐛𝐚𝐚𝐭

*زندگی کے دو پہلو:*

ایک شخص نے سالوں کی محنت سے پیسہ پیسہ جوڑ کر' اپنی حلال کی کمائی اور زور بازو پر بھروسہ کرتے ہوئے' اپنے بیوی بچوں کے لیے ایک خوبصورت نیا گھر تعمیر کروایا، جب گھر مکمل ہوا تو یہ فیصلہ کیا کہ 3 دن بعد اپنے اہل خانہ کے ساتھ نئے گھر میں شفٹ ہو جائیں گے، لیکن شفٹنگ سے ایک دن پہلے رات کو زلزلہ آیا اور پورے علاقے سمیت اس کا نیا' خوابوں جیسا گھر زمیں بوس ہو گیا، اگلی صبح جب محلے والے اور عزیز و اقارب گھروں کے ملبوں پر افسوس کے لیے کھڑے تھے تو اچانک گھر کا مالک ہاتھ میں مٹھائی کا ڈبہ لِیے وہاں پہنچا اور سب میں مٹھائی بانٹنے لگا، لوگ حیران رہ گئے' ایک صاحب نے اس سے پوچھا اور کہا:
کیا تمھارا دماغ خراب ہو گیا ہے' یہاں اتنا بڑا نقصان ہو گیا اور تم مٹھائی بانٹ رہے ہو؟؟ گھر کے مالک نے مسکرا کر جواب دیا: نہی'؛؛ میں تو اپنے رب کا شکر ادا کر رہا ہوں کہ زلزلہ ایک رات پہلے آیا' اگر میں اس رات اپنی فیملی کے ساتھ گھر میں ہوتا تو آج مٹھائی نہیں بانٹ رہا ہوتا، بلکہ ملبے کے نیچے دفن ہوتا۔

زندگی میں دو پہلو ہوتے ہیں۔۔۔
ایک شکایت کا
دوسرا شکر کا

ہم کیا چنتے ہیں۔۔۔
یہی ہماری سوچ اور ایمان کی پہچان ہے

✍️محمد رضوان قادری سہالی کھدر✍️