Govt. Primary School Takhanwadh - Moga

03/03/2026

ਸਾਡੇ ਬਹੁਤ ਸਤਿਕਾਰਯੋਗ ਦਿਆਲ ਸਿੰਘ ਭਾਈ ਕੇ , ਉਹਨਾਂ ਦੇ ਸਪੁੱਤਰ ਮੰਦਰ ਸਿੰਘ ਢਿੱਲੋਂ ਕੈਨੇਡਾ , ਲਖਵੀਰ ਸਿੰਘ ਢਿੱਲੋਂ ਤਖਾਣਵੱਧ ਤੇ ਸਾਰੇ ਪਰਿਵਾਰ ਵੱਲੋਂ ਸਰਕਾਰੀ ਪ੍ਰਾਇਮਰੀ ਸਕੂਲ ਤਖਾਣਵੱਧ ਨੂੰ ਕੰਪਿਊਟਰ ਅਤੇ ਪ੍ਰਿੰਟਿਰ ਲਈ ਨਕਦ ਰਾਸ਼ੀ ਭੇਟ ਕੀਤੀ ਗਈ ।
ਸਮੂਹ ਸਟਾਫ ਤਖਾਣਵੱਧ ਸਕੂਲ ਵੱਲੋਂ ਪਰਿਵਾਰ ਦਾ ਤਹਿ ਦਿਲੋਂ ਧੰਨਵਾਦ ਕੀਤਾ ਗਿਆ ।
ਪ੍ਰਮਾਤਮਾ ਪਰਿਵਾਰ ਨੂੰ ਤੰਦਰੁਸਤੀਆਂ ਅਤੇ ਤਰੱਕੀਆਂ ਬਖਸ਼ੇ ।

27/02/2026

ਬਹੁਤ ਸਤਿਕਾਰਯੋਗ ਸਖਸ਼ੀਅਤ ਦਿਆਲ ਸਿੰਘ ਭਾਈ ਕੇ ਉਨ੍ਹਾਂ ਦੇ ਸਪੁੱਤਰ ਮੰਦਰ ਸਿੰਘ ਢਿੱਲੋਂ ਕੈਨੇਡਾ, ਲਖਵੀਰ ਸਿੰਘ ਢਿੱਲੋਂ ਤਖਾਣਵੱਧ
ਤਥਾ ਸਾਰੇ ਪਰਿਵਾਰ ਵੱਲੋਂ ਸਰਕਾਰੀ ਪ੍ਰਾਇਮਰੀ ਸਕੂਲ ਤਖਾਣਵੱਧ ਵਿਖੇ ਬੱਚਿਆ ਨੂੰ ਆਪਣੀ ਦਸਾਂ ਨੌਹਾਂ ਦੀ ਕਿਰਤ ਕਮਾਈ ਵਿੱਚੋਂ ਬੂਟਾਂ ਦੀ ਸੇਵਾ ਕੀਤੀ ਗਈ। ਅਸੀਂ ਬਹੁਤ ਧੰਨਵਾਦ ਕਰਦੇ ਹਾਂ ਇਸ ਪਰਿਵਾਰ ਦਾ ।
ਸਮੂਹ ਸਟਾਫ ਤਖਾਣਵੱਧ ਅਤੇ ਸਕੂਲ ਕਮੇਟੀ ਵੱਲੋਂ ਇਸ ਪਰਿਵਾਰ ਦੇ ਉਪਰਾਲੇ ਦੀ ਬਹੁਤ ਸ਼ਲਾਘਾ ਕਰਦਿਆਂ ਤਹਿ ਦਿਲੋਂ ਧੰਨਵਾਦ ਕੀਤਾ ਗਿਆ ।
ਪਰਿਵਾਰ ਨੂੰ ਪ੍ਰਮਾਤਮਾ ਤੰਦਰੁਸਤੀਆਂ ਅਤੇ ਚੜਦੀ ਕਲਾ ਬਖਸ਼ਣ

19/04/2025

ਸਰਕਾਰੀ ਪ੍ਰਾਇਮਰੀ ਸਕੂਲ ਤਖਾਣਵੱਧ ( ਮੋਗਾ )
ਅੱਜ ਸਰਕਾਰੀ ਪ੍ਰਾਇਮਰੀ ਸਕੂਲ ਤਖਾਣਵੱਧ (ਮੋਗਾ) ਵਿਖੇ ਬਹੁਤ ਹੀ ਸਤਿਕਾਰਯੋਗ ਪਿਆਰਾ ਸਿੰਘ ਕਨੇਡੀਅਨ ,ਪਿੰਡ ਤਖਾਣਵੱਧ ਖੁਰਦ ਵੱਲੋਂ ਸਕੂਲ ਦੇ ਸਾਰੇ ਬੱਚਿਆਂ ਨੂੰ ਆਪਣੀ ਦਸਾਂ ਨੌਹਾਂ ਦੀ ਕਿਰਤ ਕਮਾਈ ਵਿਚੋਂ ਪਾਣੀ ਵਾਲੀਆਂ ਬੋਤਲਾਂ ਵੰਡੀਆਂ ਗਈਆਂ ਤਾਂ ਕਿ ਬੱਚਿਆਂ ਨੂੰ ਗਰਮੀ ਤੋਂ ਰਾਹਤ ਮਿਲ ਸਕੇ
ਇਹ ਉਪਰਾਲਾ ਪਿਆਰਾ ਸਿੰਘ ਕਨੇਡੀਅਨ ਅਤੇ ਉਹਨਾਂ ਦੇ ਪਰਿਵਾਰ ਵੱਲੋਂ ਆਪਣੇ ਪਿਤਾ ਸਵਰਗਵਾਸੀ ਸਰਦਾਰ ਸਾਧੂ ਸਿੰਘ ਜੀ ਦੀ ਯਾਦ ਵਿੱਚ ਕੀਤਾ ਗਿਆ । ਇਸ ਸਮੇਂ ਸਤਿਕਾਰਯੋਗ ਸਰਪੰਚ ਰਵਿੰਦਰ ਸਿੰਘ ਤਖਾਣਵਾਧ ਖੁਰਦ ,ਪਿਆਰਾ ਸਿੰਘ ਕਨੇਡੀਅਨ ਅਤੇ ਉਹਨਾਂ ਦਾ ਪਰਿਵਾਰ, ਬੀਬੀ ਚਰਨਜੀਤ ਕੌਰ ਅਤੇ ਸਕੂਲ ਦਾ ਸਮੂਹ ਸਟਾਫ ਹਾਜ਼ਰ ਸੀ ।
ਇਸ ਤੋਂ ਉਪਰੰਤ ਸਕੂਲ ਵੱਲੋਂ ਪਿਆਰਾ ਸਿੰਘ ਕਨੇਡੀਅਨ ਅਤੇ ਉਹਨਾਂ ਦੇ ਪਰਿਵਾਰ ਨੂੰ ਸਨਮਾਨਿਤ ਕੀਤਾ ਗਿਆ। ਪਿਆਰਾ ਸਿੰਘ ਕਨੇਡੀਅਨ ਅਤੇ ਉਨਾਂ ਦੇ ਪਰਿਵਾਰ ਵੱਲੋਂ ਵਿਸ਼ਵਾਸ ਦਵਾਇਆ ਗਿਆ ਕਿ ਉਹ ਆਉਣ ਵਾਲੇ ਸਮੇਂ ਵਿੱਚ ਵੀ ਸਰਕਾਰੀ ਪ੍ਰਾਇਮਰੀ ਸਕੂਲ ਦੀ ਸਹਾਇਤਾ ਕਰਦੇ ਰਹਿਣਗੇ। ਇਸ ਸਮੇਂ ਰਵਿੰਦਰ ਸਿੰਘ ਸਰਪੰਚ ਵੱਲੋਂ ਪਰਿਵਾਰ ਦਾ ਧੰਨਵਾਦ ਕਰਦੇ ਹੋਏ ਕਿਹਾ ਗਿਆ ਕਿ ਇਹ ਉਪਰਾਲਾ ਬਹੁਤ ਹੀ ਸ਼ਲਾਘਾਯੋਗ ਹੈ ।ਨਿੱਕੇ ਨਿੱਕੇ ਬੱਚਿਆਂ ਦੀਆਂ ਦੁਆਵਾਂ ਪਰਿਵਾਰ ਨੂੰ ਜਰੂਰ ਲੱਗਣਗੀਆਂ ਪਰਿਵਾਰ ਸਦਾ ਤੰਦਰੁਸਤ ਅਤੇ ਚੜ੍ਹਦੀਆਂ ਕਲਾ ਚ ਰਹੇ ।
ਦਿਨ ਦੁਗਣੀ ਰਾਤ ਚੌਗਣੀ ਤਰੱਕੀ ਕਰੇ ।

09/03/2025

ਅੱਜ ਸਰਕਾਰੀ ਪ੍ਰਾਇਮਰੀ ਸਕੂਲ ਤਖਾਣਵੱਧ ਜ਼ਿਲ੍ਹਾ ਮੋਗਾ ਵਿਖੇ ਸਤਿਕਾਰਯੋਗ ਮਾਸਟਰ ਲਾਲ ਸਿੰਘ ਜੀ ਅਤੇ ਉਹਨਾਂ ਦੇ ਪਰਿਵਾਰ ਵੱਲੋਂ ਮਾਤਾ ਨਸੀਬ ਕੌਰ ਜੀ ਦੀ ਯਾਦ ਵਿੱਚ ਸਰਕਾਰੀ ਪ੍ਰਾਇਮਰੀ ਸਕੂਲ ਤਖਾਣਵੱਧ ਦੇ ਬੱਚਿਆਂ ਨੂੰ ਆਪਣੀ ਨੇਕ ਕਮਾਈ ਵਿੱਚੋਂ ਕਾਪੀਆਂ ਵੰਡੀਆਂ ਗਈਆਂ । ਮਾਸਟਰ ਲਾਲ ਸਿੰਘ ਜੀ ਅਤੇ ਉਹਨਾਂ ਦਾ ਪਰਿਵਾਰ ਹਮੇਸ਼ਾ ਹੀ ਸਿੱਖਿਆ ਦੇ ਖੇਤਰ ਨਾਲ ਜੁੜਿਆ ਰਿਹਾ ਹੈ ਅਤੇ ਉਹਨਾਂ ਵੱਲੋਂ ਸਿੱਖਿਆ ਪ੍ਰਤੀ ਬਹੁਤ ਹੀ ਉਪਰਾਲੇ ਕੀਤੇ ਜਾਂਦੇ ਹਨ। ਮਾਸਟਰ ਜੀ ਅਤੇ ਉਹਨਾਂ ਦਾ ਪਰਿਵਾਰ ਹਮੇਸ਼ਾਂ ਹੀ ਵਿਦਿਆਰਥੀਆਂ ਦੀ ਸਹਾਇਤਾ ਲਈ ਤਿਆਰ ਰਹਿੰਦਾ ਹੈ ।ਸਿੱਖਿਆ ਲਈ ਉਨ੍ਹਾ ਦਾ ਜਜਬਾ ਬਾਕਮਾਲ ਹੈ ।
ਮਾਤਾ ਨਸੀਬ ਕੌਰ ਜੀ ਦੀ ਚੌਥੀ ਬਰਸੀ ਦੇ ਸਮੇਂ ਤੇ ਮਾਸਟਰ ਲਾਲ ਸਿੰਘ ਜੀ ਅਤੇ ਉਹਨਾਂ ਦੇ ਪਰਿਵਾਰ ਜਿਨਾਂ ਵਿੱਚ ਉਹਨਾਂ ਦੇ ਬੇਟੀ ਕਮਲਜੀਤ ਕੌਰ,ਰਿਟਾਇਰਡ ਪ੍ਰਿੰਸੀਪਲ ਨਿਰਪਾਲ ਕੌਰ ਵੱਲੋਂ ਬੱਚਿਆਂ ਨੂੰ ਪੜ੍ਹਾਈ ਨਾਲ ਸਬੰਧਤ ਮਟੀਰੀਅਲ ਦਿੱਤਾ ਗਿਆ ।ਇਸ ਸਮੇਂ ਤੇ ਉਹਨਾਂ ਵੱਲੋਂ ਬੱਚਿਆਂ ਨੂੰ ਲੱਡੂ ਵੀ ਵੰਡੇ ਗਏ। ਇਸ ਸਾਰੇ ਪ੍ਰੋਗਰਾਮ ਦੀ ਅਗਵਾਈ ਪ੍ਰਧਾਨ ਮਾਸਟਰ ਨੱਥਾ ਸਿੰਘ ਜੀ ਵੱਲੋਂ ਕੀਤੀ ਗਈ ।ਇਸ ਸਮੇ ਮਾਸਟਰ ਨੱਥਾ ਸਿੰਘ ਵੱਲੋਂ ਬੱਚਿਆਂ ਨੂੰ ਜੀ ਜਾਨ ਨਾਲ ਪੜ੍ਹਨ ਲਈ ਪ੍ਰੇਰਿਤ ਕੀਤਾ ਗਿਆ ।ਇਸ ਸਮੇਂ ਤੇ ਤਖਾਣਵੱਧ ਨਵਾਂ ਦੇ ਸਰਪੰਚ ਬੀਬਾ ਖੁਸ਼ਮੀਤ ਕੌਰ ਜੀ ਨੇ ਬੋਲਦੇ ਹੋਏ ਕਿਹਾ ਕਿ ਮਾਸਟਰ ਜੀ ਅਤੇ ਉਹਨਾਂ ਦਾ ਪਰਿਵਾਰ ਧੰਨਵਾਦ ਦਾ ਹੱਕਦਾਰ ਹੈ ।ਮਾਸਟਰ ਜੀ ਦੇ ਪਰਿਵਾਰ ਵੱਲੋਂ ਹਮੇਸ਼ਾ ਹੀ ਸਿੱਖਿਆ ਦੇ ਖੇਤਰ ਵਿੱਚ ਵਡਮੁੱਲਾ ਯੋਗਦਾਨ ਪਾਇਆ ਜਾਂਦਾ ਹੈ ।ਇਸ ਸਮੇਂ ਤੇ ਸਰਪੰਚ ਖੁਸ਼ਮੀਤ ਕੌਰ, ਕਮਲਜੀਤ ਕੌਰ, ਮਾਸਟਰ ਨੱਥਾ ਸਿੰਘ ਜੀ, ਵਰਿੰਦਰ ਪਾਲ ਸਿੰਘ, ਮੈਂਬਰ ਪੰਚਾਇਤ ਜਗਦੀਪ ਸਿੰਘ ਟੋਨੀ ,ਜਗਰਾਜ ਸਿੰਘ ਸੋਨੂ, ਮੈਂਬਰ ਪੰਚਾਇਤ ਈਸਰ ਸਿੰਘ ,ਰਵਿੰਦਰ ਸਿੰਘ ਘੋਟਾ ਤਖਾਣਵੱਧ ਨਵਾਂ ,ਸਕੂਲ ਮੁਖੀ ਮੈਡਮ ਅਮਨਦੀਪ ਕੌਰ, ਜਸਵੰਤ ਸਿੰਘ ,ਰਘਵੀਰ ਕੌਰ, ਜਸਪ੍ਰੀਤ ਕੌਰ ,ਹਰਵਿੰਦਰ ਸਿੰਘ ਖਹਿਰਾ ਜਸਵੰਤ ਸਿੰਘ, ਕੁਲਵਿੰਦਰ ਸਿੰਘ ਮੱਧੋਕੇ ਲਵਜੋਤ ਕੌਰ, ਆਦਿ ਹਾਜ਼ਰ ਸਨ ।
ਅੰਤ ਵਿੱਚ ਪੰਚਾਇਤ ਅਤੇ ਸਕੂਲ ਸਟਾਫ ਨੇ ਮਾਸਟਰ ਲਾਲ ਸਿੰਘ ਜੀ ਅਤੇ ਉਹਨਾਂ ਦੇ ਪਰਿਵਾਰ ਦਾ ਧੰਨਵਾਦ ਕੀਤਾ ਅਤੇ ਆਉਣ ਵਾਲੇ ਸਮੇਂ ਵਿੱਚ ਇਸੇ ਤਰ੍ਹਾਂ ਬੱਚਿਆਂ ਲਈ ਉਪਰਾਲੇ ਕਰਦੇ ਰਹਿਣ ਦੀ ਉਮੀਦ ਜਤਾਈ ।

05/02/2025

ਸਰਕਾਰੀ ਪ੍ਰਾਇਮਰੀ ਸਕੂਲ ਤਖਾਣਵੱਧ (ਮੋਗਾ) ਦੇ ਗਰਾਊਂਡ ਭਾਵ ਖੇਡ ਦੇ ਮੈਦਾਨ ਦੀ ਚਾਰਦੀਵਾਰੀ ਦੀ ਗਰਾਂਟ ਜੋ ਪੰਜਾਬ ਸਰਕਾਰ ਤੋਂ ਪ੍ਰਾਪਤ ਹੋਈ ਸੀ ,ਉਸ ਦੇ ਅਨੁਸਾਰ ਅੱਜ 4-2-2025 ਨੂੰ ਚਾਰਦੀਵਾਰੀ ਦੀ ਨੀਂਹ ਸਮੁੱਚੀ ਪੰਚਾਇਤ ਜਿਸ ਦੀ ਅਗਵਾਈ ਸਰਪੰਚ ਇੰਦਰਜੀਤ ਸਿੰਘ ਗੱਬਰ ਕਰ ਰਹੇ ਸਨ ਅਤੇ ਪਿੰਡ ਦੇ ਮੋਹਤਬਰ ਜਿਹਨਾਂ ਵਿੱਚ ਸੁਸਾਇਟੀ ਪ੍ਰਧਾਨ ਕੁਲਦੀਪ ਸਿੰਘ ,ਕਲੱਬ ਪ੍ਰਧਾਨ ਕਰਮਜੀਤ ਸਿੰਘ ਕਰਮਾ ,ਅਮਰ ਸਿੰਘ ਫੌਜੀ ,ਚਰਨ ਸਿੰਘ ਧੀਰਾ ਸਾਬਕਾ ਬਲਾਕ ਸੰਮਤੀ ਮੈਂਬਰ ,ਗੁਰਪ੍ਰੇਮ ਸਿੰਘ ਮੈਂਬਰ ,ਸੁਖਰਾਜ ਸਿੰਘ ਰਾਜੂ ,ਜਗਦੀਪ ਸਿੰਘ ਟੋਨੀ ਪੰਚਾਇਤ ਮੈਂਬਰ ,ਮਾਸਟਰ ਦਲਜੀਤ ਸਿੰਘ ਬਿੱਟੂ ਪੰਚਾਇਤ ਮੈਂਬਰ ,ਰਾਜਾ ਸਿੱਧੂ ,ਈਸ਼ਰ ਸਿੰਘ ਪੰਚਾਇਤ ਮੈਂਬਰ ,ਬਾਬਾ ਬਿੱਟੂ ਜੀ ਪੰਚਾਇਤ ਮੈਂਬਰ ,ਲਖਵੀਰ ਸਿੰਘ ਫੌਜੀ ,ਸੁਖਮੰਦਰ ਸਿੰਘ ਫੌਜੀ ,ਗੁਰਸੇਵਕ ਸਿੰਘ SMC ਦੇ ਚੇਅਰਮੈਨ ,ਹਰਬੰਸ ਸਿੰਘ ,ਆਪ ਪਾਰਟੀ ਦੇ ਆਗੂ ਜਗਸੀਰ ਸਿੰਘ ਸੀਰਾ ,ਕਲੱਬ ਪ੍ਰਧਾਨ ਜਸਵੀਰ ਸਿੰਘ ਮਾਨ ,ਮਾਸਟਰ ਦਰਸ਼ਨ ਸਿੰਘ ,ਜਗਰਾਜ ਸੋਨੂੰ ਭਾਈ ਕੇ ,ਸਕੂਲ ਮੁਖੀ ਮੈਡਮ ਅਮਨਦੀਪ ਕੌਰ ,ਜਸਵੰਤ ਸਿੰਘ ਝੰਡਿਆਣਾ ,ਜਸਵੰਤ ਸਿੰਘ ਤਖਾਣਵੱਧ ,ਮੈਡਮ ਰਘਬੀਰ ਕੌਰ ,ਜਸਪ੍ਰੀਤ ਕੌਰ ,ਹਰਵਿੰਦਰ ਸਿੰਘ ਖੈਹਿਰਾ ਦੀ ਮੌਜੂਦਗੀ ਵਿੱਚ ਰੱਖੀ ਗਈ । ਇਸ ਮੌਕੇ ਤੇ ਵਾਹਿਗੁਰੂ ਜੀ ਦਾ ਓਟ ਆਸਰਾ ਲੈਂਦੇ ਹੋਏ ਅਤੇ ਕੰਮ ਦੀ ਨਿਰਵਿਘਨਤਾ ਲਈ ਅਰਦਾਸ ਬਾਬਾ ਗੁਰਦੇਵ ਸਿੰਘ ਜੀ ਵੱਲੋਂ ਕੀਤੀ ਗਈ ।ਉਪਰੰਤ ਸਾਰੀ ਸੰਗਤ ਨੇ ਚਾਹ ਦੇ ਲੰਗਰ ਛਕੇ ।

ਸਾਰੇ ਪਿੰਡ ਵਾਸੀਆਂ , ਕਲੱਬਾਂ ਅਤੇ ਸਮੁੱਚੀ ਪੰਚਾਇਤ ਦਾ ਬਹੁਤ ਬਹੁਤ ਧੰਨਵਾਦ ।

01/10/2024

30/09/2024

ਨਿੱਕੇ ਵਿਦਿਆਰਥੀਆਂ ਨਾਲ ਯਾਦਗਾਰੀ ਤਸਵੀਰ