Chandtekri Primary School

05/09/2026

એક ફોન ન ઉપાડ્યો હોત તો…?

નેપાળમાં બનેલી એક ઘટના વાંચી અને મારા મનમાં એક વિચાર આવ્યો.

નેપાળના નુવાકોટ જિલ્લાના બિદુરમાં આવેલી Tribhuvan Trishuli Secondary Schoolમાં તે દિવસે આશરે 900 જેટલા વિદ્યાર્થીઓ શાળામાં હાજર હતા.

શાળાના આચાર્ય હતા રાજેન્દ્ર દવાડી.

અચાનક ઉપરવાસના વિસ્તારમાંથી પૂર અંગે ગંભીર ચેતવણી મળવા લાગી. શાળાના એકાઉન્ટન્ટને ફોન દ્વારા જાણ થઈ અને ત્યારબાદ આ માહિતી આચાર્ય સુધી પહોંચી.

આચાર્ય રાજેન્દ્ર દવાડીએ વાતને સામાન્ય માનીને અવગણી નહીં.

તેમણે તરત જ નિર્ણય લીધો—

ક્લાસ બંધ કરો… ઘંટ વગાડો… બાળકોને બહાર કાઢો!

વિદ્યાર્થીઓ અને સ્ટાફને ઊંચાઈવાળા સુરક્ષિત વિસ્તારમાં ખસેડવાનું શરૂ કરવામાં આવ્યું.

શાળાએ આવતી બસોને પણ પાછી વાળવામાં આવી.

અને પછી જે બન્યું એ ખરેખર હચમચાવી નાખે એવું હતું…

માત્ર આશરે 14 મિનિટની અંદર પૂરના પ્રચંડ પ્રવાહે આખી શાળાને જ તબાહ કરી નાખી.

પરંતુ ત્યાં હાજર આશરે 900 વિદ્યાર્થીઓ અને 16 સ્ટાફ સભ્યોને સમયસર સુરક્ષિત સ્થળે ખસેડી દેવામાં આવ્યા હતા.

હવે અહીંથી મારા મનમાં એક સવાલ આવ્યો…

જો એ સમયે ચેતવણી આપતો ફોન આવ્યો જ ન હોત તો?

અથવા…

ફોન આવ્યો હોત, પરંતુ કોઈએ ફોન ઉપાડ્યો જ ન હોત તો?

કદાચ થોડા જ સમય પછી શાળામાં ભણતા સેંકડો બાળકો એ ભયંકર પૂર વચ્ચે ફસાઈ ગયા હોત.

એટલે આ ઘટના માત્ર એક આચાર્યે બાળકોને બચાવ્યાની ઘટના નથી.

આ ઘટના એ પણ બતાવે છે કે આપત્તિ આવે ત્યારે માહિતી કેટલી કિંમતી હોય છે અને એ માહિતી સમયસર મળે તો નિર્ણય લેવાની એક-બે મિનિટ કેટલી મહત્વની બની શકે છે.

હવે રસપ્રદ વાત એ છે કે નેપાળની શાળાઓમાં મોબાઇલ અંગે એક જ પ્રકારનો નિયમ દરેક શાળામાં જોવા મળતો નથી.

નેપાળની કેટલીક શાળાઓમાં વિદ્યાર્થીઓને શાળામાં મોબાઇલ લાવવાની કે વર્ગમાં ઉપયોગ કરવાની મનાઈ છે.

પરંતુ કેટલીક શાળાઓમાં શિક્ષકોને મોબાઇલ સાથે રાખવાની મંજૂરી છે અને તેનો ઉપયોગ શૈક્ષણિક હેતુસર કરવાની છૂટ આપવામાં આવે છે. નેપાળની ત્રણ શાળાઓ પર થયેલા 2024ના અભ્યાસમાં શિક્ષકોએ જણાવ્યું હતું કે વિદ્યાર્થીઓને વર્ગમાં મોબાઇલ લાવવાની મંજૂરી નહોતી, પરંતુ જરૂર પડે ત્યારે શિક્ષકો પોતાના મોબાઇલનો ઉપયોગ શિક્ષણ માટે કરી શકતા હતા.

નેપાળની એક શાળાના નિયમમાં તો વિદ્યાર્થીઓ માટે મોબાઇલ પર પ્રતિબંધ રાખવામાં આવ્યો હતો, જ્યારે શિક્ષકોને મોબાઇલ શાળામાં લાવવાની મંજૂરી હતી—પરંતુ તેને silent modeમાં રાખવાનો નિયમ હતો. જરૂરી હોય ત્યારે વિદ્યાર્થીઓથી દૂર જઈને emergency call કરવાની વ્યવસ્થા પણ જણાવવામાં આવી હતી.

એટલે નેપાળની સ્થિતિને માત્ર એટલું કહીને સમજાવી શકાય નહીં કે—

“નેપાળમાં શાળામાં મોબાઇલની સંપૂર્ણ છૂટ છે.”

હકીકતમાં નિયમો શાળા પ્રમાણે અલગ જોવા મળે છે.

પરંતુ નેપાળની આ ઘટનાએ મારા મનમાં એક અલગ જ વિચાર જન્માવ્યો છે…

📱 મોબાઇલનો બિનજરૂરી ઉપયોગ ચોક્કસપણે ધ્યાન ભંગ કરી શકે છે.

પરંતુ…

🚨 ક્યારેક એ જ મોબાઇલ એક એવી ચેતવણી લઈને આવી શકે છે જે સેંકડો લોકોના જીવનનો નિર્ણય બની જાય.

રાજેન્દ્ર દવાડીએ મળેલી ચેતવણીને ગંભીરતાથી લીધી.

સમય બગાડ્યો નહીં.

બાળકોને બહાર કાઢ્યા.

અને થોડી જ મિનિટો પછી જે શાળા હતી ત્યાં પ્રચંડ પૂરનો પ્રવાહ વહી રહ્યો હતો.

આચાર્યનો એ નિર્ણય કેટલો મહત્વનો હતો એ કદાચ એ શાળા આજે ઊભી નથી એ હકીકત કરતાં વધારે સારી રીતે બીજું કંઈ સમજાવી શકે નહીં.

મારા મનમાં બસ એક જ સવાલ રહી ગયો છે—

આપત્તિ ક્યારેય કહીને આવતી નથી…
તો શું શાળાની વ્યવસ્થામાં એવી કોઈ વ્યવસ્થા હોવી જોઈએ કે આપત્તિની તાત્કાલિક ચેતવણી આપતો ફોન ક્યારેય “બિનજરૂરી ફોન” સમજીને અવગણાઈ ન જાય?

કદાચ આ ઘટનાનો સૌથી મોટો પાઠ એ જ છે—

ક્યારેક એક ફોન કૉલ માત્ર ફોન કૉલ નથી હોતો…
એ સેંકડો જિંદગીઓ માટેની છેલ્લી ચેતવણી હોઈ શકે છે.

ફોરવર્ડ SMS ✅

07/08/2026

🎉 ચાંદટેકરી પ્રાથમિક શાળામાં બાળ મેળાનું સફળ આયોજન 🎉

આજ રોજ તા. 07/08/2026 ના રોજ ચાંદટેકરી પ્રાથમિક શાળા ખાતે બાલવાટિકાથી ધોરણ–5 સુધીના વિદ્યાર્થીઓ માટે આનંદમય બાળ મેળાનું આયોજન કરવામાં આવ્યું હતું.

બાળકો માટે વિવિધ શૈક્ષણિક, સર્જનાત્મક અને મનોરંજક પ્રવૃત્તિઓનું આયોજન કરવામાં આવ્યું, જેમાં તમામ બાળકોએ ખૂબ જ ઉત્સાહ, આનંદ અને સક્રિયતાથી ભાગ લીધો. સમગ્ર કાર્યક્રમ દરમિયાન વિદ્યાર્થીઓના ચહેરા પર ખુશી અને શીખવાની ઉત્કંઠા સ્પષ્ટ જોવા મળી.

મેળાની તમામ પ્રવૃત્તિઓના સુંદર ફોટોગ્રાફ્સ લેવામાં આવ્યા, જે બાળકોના ઉત્સાહ અને કાર્યક્રમની સફળતાના સાક્ષી છે.

ચાંદટેકરી પ્રાથમિક શાળા સતત બાળકોના સર્વાંગી વિકાસ માટે આવી સર્જનાત્મક અને આનંદદાયક પ્રવૃત્તિઓનું આયોજન કરતી રહે છે.

ચાંદટેકરી પ્રાથમિક શાળા પરિવાર

30/09/2025

Thanks for being a top engager and making it on to my weekly engagement list! 🎉 Sakim Multani, Aakid Multani, Akmal K, Faizan Khan, Sharafat Multani

30/09/2025

I got over 100 reactions on my posts last week! Thanks everyone for your support! 🎉

28/09/2025

🌺અંત સુધી ધ્યાનથી વાંચો ! જીવનનું વાસ્તવિક સત્ય !🌺

45000 કરોડની સંપત્તિ ધરાવનારા રાકેશ ઝૂંનઝુંનવાલાના અવસાન થતાં પહેલાંના છેલ્લા શબ્દો:

હું બિઝનેસ જગતમાં સફળતાના શિખરે પહોંચ્યો છું. મારું જીવન બીજાની નજરમાં એક સિદ્ધિ છે. જોકે, કામ સિવાય મારી પાસે કોઈ ખુશી નહોતી. પૈસા માત્ર એક સત્ય છે જેનો હું ઉપયોગ કરું છું.

આ સમયે હોસ્પિટલના પથારીમાં સૂઈને અને મારી આખી જીંદગીને યાદ કરીને, મને ખ્યાલ આવે છે કે મને જે ઓળખ અને પૈસા પર ગર્વ હતો, તે મૃત્યુ પહેલાં ઝાંખું અને નકામું થઈ ગયું છે.

તમે તમારી કાર ચલાવવા અથવા પૈસા કમાવવા માટે કોઈને ભાડે રાખી શકો છો. પરંતુ, તમે કોઈને પીડાતા અને મરવા માટે ભાડે રાખી શકતા નથી.

ખોવાયેલ ભૌતિક વસ્તુઓ મળી શકે છે. પણ એક વસ્તુ એવી છે, જે ખોવાઈ જવા પર ક્યારેય મળતી નથી - અને તે છે "જીવન".

આપણે જીવનના ગમે તે તબક્કામાં હોઈએ, સમય સાથે આપણે એ દિવસનો સામનો કરીશું, જ્યારે હૃદય બંધ થઈ જશે.

તમારા પરિવાર, જીવનસાથી અને મિત્રોને પ્રેમ કરો... તેમની સાથે સરસ વ્યવહાર કરો, તેમની સાથે છેતરપિંડી ન કરો, બેઈમાની કે વિશ્વાસઘાત ક્યારેય ન કરો.

જેમ જેમ આપણે મોટા થતા જઈએ છીએ અને સમજદાર થઈએ છીએ તેમ તેમ, આપણને ધીમે ધીમે ખ્યાલ આવે છે કે Rs 300 અથવા Rs 3000 અથવા Rs 2- 4 લાખની કિંમતની ઘડિયાળ પહેરવાથી - બધું એક જ સમય સુચવે છે.

આપણી પાસે 100નું પર્સ હોય કે 500નું - અંદર બધુ સરખું જ હોય છે.

ભલે આપણે 5Lacks ની કાર ચલાવીએ કે 50Lacks ની કાર ચલાવીએ. રસ્તો અને અંતર એક જ છે અને આપણે એ જ મુકામ પર પહોંચીએ છીએ.

આપણે જે મકાનમાં રહીએ છીએ, પછી તે 300 ચોરસ ફૂટનું હોય કે 3000 ચોરસ ફૂટનું - એકલતા બધે જ સમાન છે.

તમને ખ્યાલ આવશે કે તમારું સાચું આંતરિક સુખ આ દુનિયાની ભૌતિક વસ્તુઓમાંથી મળતું નથી.

તમે ફર્સ્ટ ક્લાસ કે ઈકોનોમી ક્લાસમાં ફ્લાઈટ કરો, જો પ્લેન નીચે પડે તો તમે ય તેની સાથે નીચે જ જવાના છો.

એટલે જ.. હું આશા રાખું છું કે તમને ખ્યાલ હશે, તમારી પાસે મિત્રો, ભાઈઓ અને બહેનો છે, જેમની સાથે તમે ગપસપ કરો છો, હસો છો, ગાઓ છો, સુખદુઃખની વાતો કરો છો,.... આ જ સાચી ખુશી છે !!

જીવનની એક નિર્વિવાદ હકીકત:

તમારા બાળકોને માત્ર શ્રીમંત બનવા માટે શિક્ષિત ન કરો. તેમને ખુશ રહેવાનું શીખવો. જ્યારે તેઓ મોટા થશે ત્યારે તેમને વસ્તુઓની Cost નહી Value ની ખબર પડશે.

જીવન શું છે ?

જીવનને વધુ સારી રીતે સમજવા માટે ત્રણ સ્થાનો છે
- હોસ્પિટલ
- જેલ
- સ્મશાન

હોસ્પિટલમાં તમે સમજી શકશો કે સ્વાસ્થ્યથી સારું બીજું કંઈ નથી
જેલમાં તમે જોશો કે આઝાદી કેટલી અમૂલ્ય છે.
અને સ્મશાનગૃહમાં તમને ખ્યાલ આવશે કે જીવન કંઈ જ નથી

આજે આપણે જે જમીન પર ચાલીએ છીએ તે કાલે આપણી નહીં હોય.

ચાલો હવેથી નમ્ર બનીએ અને આપણને જે મળ્યું છે તેના માટે સર્જનહારનો આભાર માનીએ.

23/09/2025

ખોરાકનો બગાડ અટકાવવાની ચાંદટેકરી પ્રાથમિક શાળાની અનોખી પહેલ.....

એક વખત એવું બનતું હતું કે આખી ડોલ ભરાઈને ખોરાકનો બગાડ થતો. બાળકો થોડીવાર ખાઈને થાળી અધૂરી મૂકી દેતા, અને જીવન માટે આવશ્યક એવા અન્નના દાણા વ્યર્થ જતા.
પરંતુ જ્યારે ડીશનું નિરીક્ષણ શરૂ થયું અને બાળકોને ખોરાકનું મહત્વ સમજાવવામાં આવ્યું, ત્યારે ચિત્ર બદલાઈ ગયું. હવે ખોરાકનો બગાડ રોકાઈ ગયો છે. બાળકો સમજ્યા કે દુનિયાના લાખો લોકો આજે પણ ભૂખ્યા સૂઈ જાય છે અને જે અનાજ તેમને સહેલાઈથી મળે છે તે બીજાના જીવન માટે અમૂલ્ય બની શકે છે.
આ પહેલ માત્ર શાળાના બાળકોને જ નહીં પરંતુ સમગ્ર સમાજને એક મોટો સંદેશ આપે છે — “અન્નનો એક દાણો પણ વ્યર્થ નહીં જવો જોઈએ.”
ચાંદટેકરી પ્રાથમિક શાળાની આ પ્રશંસનીય પહેલને બિરદાવતા, ઉપશિક્ષક મહંમદઆરીફ પટેલ સાહેબના અદમ્ય પ્રયાસો બાળકો માટે પ્રેરણાસ્ત્રોત બની રહ્યા છે. તેમણે માત્ર શિક્ષણ આપ્યું નથી, પરંતુ જીવન જીવવાની એક મૂલ્યવાન દિશા બતાવી છે.
આવી નાની લાગતી ક્રાંતિઓ જ ભવિષ્યમાં મોટા બદલાવ લાવે છે, જ્યાં દરેક બાળક અન્નને ખાવા માટે મળવા બદલ ખુદાનો આભાર સમાન માનશે અને ખોરાકનો માન રાખશે.

ચાંદટેકરી પ્રાથમિક શાળાની આ અનોખી પહેલ સમગ્ર સમાજ માટે પ્રેરણાદાયી બની રહી છે.

🍽️ “અન્નનો એક દાણો પણ વ્યર્થ નહીં જવો જોઈએ” – ચાંદટેકરી પ્રાથમિક શાળાની પ્રેરણાદાયી પહેલ 👏

🙌 ખોરાકનો બગાડ રોકી, બાળકોમાં અન્ન પ્રત્યે માન વિકસાવવાનો અદમ્ય પ્રયાસ – મહંમદઆરીફ પટેલ સાહેબને સલામ 👏

🌍 દુનિયામાં લાખો લોકો ભૂખ્યા છે, આપણે ખોરાકનો આદર કરવો જ જોઈએ –

“અન્ન છે પ્રાણ – વ્યર્થ ન જવા દઈએ એક પણ દાણ.”

“બાળપણથી જ સંસ્કાર – અન્નનો કરવો સન્માન.”

“અન્નનો આદર, ભવિષ્યનો આધાર.”

A Unique Initiative by Chandtekri Primary School to Stop Food Wastage

Earlier, at Chandtekri Primary School, a large amount of food used to go to waste, often filling an entire bucket. But now, with the guidance of teachers and by motivating children to understand the value of food, the school has successfully minimized food wastage.
The practice of daily plate inspection has been implemented. Children are encouraged to take food only according to their appetite and not to waste even a single grain. As a result, buckets remain empty, and food wastage has nearly stopped.
Through this initiative, students have been made aware that millions of people across the world still sleep hungry due to lack of food. What we easily get here can be life-saving for others.
This commendable step of the school is being widely appreciated. A major contribution behind this success is of Mr. Mahammed Aarif Patel (Assistant Teacher), whose tireless efforts and guidance have developed respect for food and a sense of responsibility among the children.
This unique initiative of Chandtekri Primary School is becoming an inspiration for the whole society.

06/09/2025

ચાંદટેકરી પ્રાથમિક શાળાના આંગણે આજે, તા. 30/08/2025, શનિવારના પવિત્ર પ્રભાતે એક અનોખી હર્ષભરેલી રમઝટ જોવા મળી. ધોરણ 1 થી ધોરણ 8 સુધીના નિર્દોષ, હસતા-ખિલખિલાતા નાનકડાં પંખીડાં સમાન વિદ્યાર્થીઓએ ખંજરીના મધુર સ્વરો સાથે ખુરશીની રમતમાં એવો આનંદ માણ્યો કે જાણે સમગ્ર શાળા પ્રાંગણ હાસ્ય, તાળીઓ અને ઉત્સાહના નાદથી ગુંજી ઊઠ્યું.

જ્યાં ખંજરી થંભે ત્યાં બાળકોની તીવ્ર દોડધામ અને રમૂજી હાસ્ય, જાણે મોરના નૃત્ય જેવું મનોહર દૃશ્ય સર્જી રહ્યા હોય. એક ખુરશી માટે અનેક હાથોની હરીફાઈ, પરંતુ એ હરીફાઈમાં પણ મિત્રતાનું પાવન સ્નેહ ઝળહળતું હતું. બાળકોના ચહેરા પર ખુશીની કિરણો ઝળહળતી હતી અને શિક્ષકમંડળ પણ આ રમતમાં સાથ સહકાર આપતા ગર્વભેર ઝળકતા હતાં.

આ સંગીત ખુરશીની રમત માત્ર એક રમત ન રહી, પરંતુ બાળકોના દિલોમાં મિત્રતા, સૌહાર્દ અને આનંદની સંગીતમય કેળવણી બની ગઈ.

લિ. મહંમદઆરીફ પટેલ (ઉપશિક્ષક ચાંદટેકરી પ્રાથમિક શાળા)

05/09/2025

💐💐જાપાનમાં, કોઈ શિક્ષક દિવસ ઉજવાતો નથી.💐💐

એક દિવસ મેં મારા જાપાની સાથીદાર, શિક્ષક યામામોટાને પૂછ્યું: "તમે જાપાનમાં શિક્ષક દિવસ કેવી રીતે ઉજવો છો?"
મારા પ્રશ્નથી આશ્ચર્યચકિત થઈને, તેણે જવાબ આપ્યો:
*અમે શિક્ષક દિવસ નથી ઉજવતા.*
જ્યારે મેં તેનો જવાબ સાંભળ્યો, ત્યારે મને ખાતરી નહોતી કે મારે તેના પર વિશ્વાસ કરવો જોઈએ કે નહીં. મારા મગજમાં એક વિચાર પસાર થયો: "જે દેશ અર્થતંત્ર, વિજ્ઞાન અને ટેક્નોલોજીમાં આટલો આગળ છે, તે શિક્ષકો અને તેમના કામ પ્રત્યે આટલો અનાદર કેમ કરે છે?"
***
એકવાર, કામ પછી, યામામોટાએ મને તેમના ઘરે બોલાવ્યો. અમે મેટ્રો ટ્રેનમાં ગયા કારણ કે તેનું ઘર દૂર હતું. તે સાંજનો ભીડવાળો સમય હતો, અને મેટ્રો આખી ભરાઈ ગઈ હતી. મેં ચુસ્તપણે પકડીને ઊભા રહેવા માટે એક જગ્યા શોધી કાઢી. અચાનક, મારી બાજુમાં બેઠેલા વૃદ્ધ માણસે મને તેમની બેઠક ઓફર કરી. એક વૃદ્ધ માણસના આ આદરપૂર્ણ વર્તનને ન સમજીને, મેં ના પાડી, પરંતુ તેનો બહુ આગ્રહ હતો, અને મને બેસવાની ફરજ પડી. અમે મેટ્રોમાંથી બહાર નીકળ્યા પછી, મેં યામામોટાને પૂછ્યું કે સફેદ દાઢી વાળા એ દાદા એ એમ કેમ કર્યું? યામામોટા હસ્યા અને મેં પહેરેલા શિક્ષકના ટેગ તરફ ઈશારો કરીને કહ્યું:
તેણે એ તમારા પર શિક્ષકનો ટેગ જોયો અને તમારી પ્રત્યે આદર રાખને તમને તેની સીટ ઓફર કરી હતી.
હું પહેલીવાર યામામોટા ની મુલાકાતે આવ્યો હોવાથી, ત્યાં ખાલી હાથે જવાનું મને અયોગ્ય લાગ્યું. તેથી મેં ભેટ ખરીદવાનું નક્કી કર્યું. મેં મારા વિચારો યામામોટા સાથે શેર કર્યા, તેમણે આ વિચારને સમર્થન આપ્યું અને કહ્યું કે થોડે આગળ, શિક્ષકો માટે એક દુકાન છે, જ્યાં કોઈપણ શિક્ષક ઓછી કિંમતે સામાન ખરીદી શકે છે. ફરી એકવાર, હું લાગણીવશ થયો. કેમ આ વિશેષાધિકારો માત્ર શિક્ષકોને જ આપવામાં આવે છે? મે મેં પુછ્યુ .
મને જવાબ આપતા યામામોટાએ કહ્યું:
- જાપાનમાં, શિક્ષણ એ સૌથી આદરણીય વ્યવસાય છે અને શિક્ષક સૌથી આદરણીય વ્યક્તિ છે. જ્યારે શિક્ષકો તેમની દુકાને આવે છે ત્યારે જાપાની વેપારીઓ ખૂબ જ ખુશ થાય છે, તેઓ આ ઘટનાને પોતાનું સન્માન માને છે.
***
જાપાનમાં મારા રોકાણ દરમિયાન, મેં ઘણી વખત શિક્ષકો પ્રત્યે જાપાનીઓના અત્યંત આદરનું અવલોકન કર્યું છે. તેમના માટે મેટ્રોમાં ખાસ બેઠકો ફાળવવામાં આવી છે, તેમના માટે ખાસ દુકાનો છે, ત્યાં શિક્ષકો ગમે તે પ્રકારના પરિવહન માટે ટિકિટ માટે કતારમાં ઉભા રહેતા નથી. તેથી જ જાપાની શિક્ષકોને કોઈ ખાસ શિક્ષક દિવસની જરૂર નથી, જ્યારે તેમના જીવનમાં દરેક દિવસ શિક્ષક દિવસની જઉજવણી હોય છે. આ વાર્તા દરેક સુધી પહોંચાડો. સમાજને આ સ્તરે શિક્ષકોની કદર થવી જોઈએ. તમારા સાથીદારોને આ વાર્તા ફરીથી સંભળાવો જેથી તેમની છાતી ગર્વથી ફૂલી જાય.
* રૂસ્તમ બિસેનોવ

04/09/2025

🌸 ચાંદટેકરી પ્રાથમિક શાળામાં શિક્ષક દિવસની ઉજવણી 🌸

ચાંદટેકરી પ્રાથમિક શાળામાં તા. 04/09/2025ના રોજ શિક્ષક દિવસની હર્ષોલ્લાસભરી ઉજવણી યોજાઈ. આ પવિત્ર અવસરે ધોરણ 3થી 8 સુધીના વિદ્યાર્થીઓએ ઉમંગભેર ભાગ લઈને કાર્યક્રમને યાદગાર બનાવ્યો.

વિદ્યાર્થીઓએ મીઠા અવાજ, રમૂજી અભિનય અને હૃદયસ્પર્શી પ્રસ્તુતિઓએ શિક્ષકો પ્રત્યેનો આદર, પ્રેમ અને કૃતજ્ઞતા વ્યક્ત કરી. સમગ્ર શાળા પરિસરમાં આનંદ, ઉત્સાહ અને સર્જનાત્મકતાનો માહોલ છવાઈ ગયો હતો.

આ સમગ્ર કાર્યક્રમનું આયોજન મહંમદઆરીફ પટેલ સાહેબ અને સાથી ગુરુજનો મારફતે કરવામાં આવ્યું હતું.

---

✨ કવિતાત્મક ઝલક ✨

આજ ચાંદટેકરીના આંગણે,
જ્ઞાનનું દીપક ઝળહળ્યું,
શિક્ષકપ્રેમની પવિત્ર સુગંધથી
શાળા પરિસર મહેકી ઉઠ્યું.

ધોરણ ત્રણથી લઈને આઠ સુધીના,
નાનકડાં મનોહર મણિકાં,
ગીત-ગાયન-અભિનયનાં રંગોથી
અંકિત કર્યા યાદગાર પળિકાં.

બાળહૃદયનાં નિર્મળ સ્વરોમાં,
કૃતજ્ઞતાનો સંદેશ ગુંજ્યો,
ગુરુની મહિમા ગાયન થકી
દરેક હૃદય પ્રફુલ્લિત થયો.

ફોટાના ઝળહળતા પળોમાં,
સર્જનાની સોનેરી કિરણો કેદ,
શિક્ષક દિવસની ઉજવણી
બની અવર્ણનીય આનંદનો ફેર.

🌺 આ સુંદર અવસરનાં ઝળહળતા ફોટોગ્રાફ્સ વિદ્યાર્થીઓની પ્રતિભા અને ઉત્સાહને ચિત્રરૂપે કેદ કરે છે. આ રીતે ચાંદટેકરી પ્રાથમિક શાળાની શિક્ષક દિવસની ઉજવણી માત્ર એક કાર્યક્રમ નહિ, પરંતુ પ્રેમ, આદર અને સર્જનાની અનોખી અભિવ્યક્તિ બની રહી. 🌺📸

લિ. મહંમદઆરીફ પટેલ (ઉપશિક્ષક ચાંદટેકરી પ્રાથમિક શાળા )

03/09/2025

https://youtu.be/fOan1jMXd8k?si=vTUpmp81-6O6oAR7

ચાંદટેકરી પ્રાથમિક શાળા , મોડાસા | બાલ સંસદની ચૂંટણી પ્રક્રિયા 2025-26 . "ચાંદટેકરી પ્રાથમિક શાળા | બા....