Dr. Hafizur Rahman Sanabili

جامعہ عالیہ عربیہ مئو میں فضیلۃ الشيخ أسعد اعظمى -حفظہ اللہ ورعاہ-استاذ جامعہ سلفیہ (مرکزی دارالعلوم) بنارس کی تشریف آوری اور پرمغز خطاب

معروف اور عہد ساز #اردوغزل گو شاعر کا انتقال 28 مئی 2026ء کو ہوا۔ ان کی پیدائش 15 فروری 1935ء کو #ایودھیا (فیض آباد)، اتر پردیش میں ہوئی تھی۔

حدیث مسیئ صلاۃ
نماز نہ صحیح پڑھنے کا واقعہ
کاوش قلم: فضیلۃ الشیخ استاذ الاساتذہ شمیم احمد عمری سابق پرنسپل جامعہ محمدیہ کھیدوپورہ, مئو

روزنامہ انقلاب اور سیاسی تقدیر کے شکریے کے ساتھ

جامعہ عالیہ عربیہ مئو میں حفاظ وغیر حفاظ کے درمیان شاندار مسابقۂ قرأت کا انعقاد
جامعہ عالیہ عربیہ، مئو میں آج بتاریخ 20 مئی 2026ء بروز بدھ بعد نماز مغرب لجنۃ الثقافہ کے زیر اہتمام حفاظ وغیر حفاظ طلبہ کے درمیان ایک روح پرور اور شاندار مسابقۂ قرأت منعقد ہوا۔ اس بابرکت پروگرام کا مقصد طلبہ کے اندر حسن قرأت، تجوید وترتیل کے ساتھ تلاوت قرآن کا ذوق پیدا کرنا اور قرآن کریم سے ان کے تعلق کو مزید مضبوط بنانا تھا۔
یہ مسابقہ دو الگ زمروں پر مشتمل تھا۔ پہلا زمرہ حفاظ کرام کا تھا جس میں بائیس طلبہ نے شرکت کی، جبکہ دوسرا زمرہ غیر حفاظ طلبہ کا تھا جس میں تینتیس طلبہ شریک ہوئے۔ پروگرام کی نظامت، حکم اور دیگر انتظامات جامعہ کے طلبہ نے خوش اسلوبی کے ساتھ انجام دیے، جس کے نتیجے میں پورا پروگرام نہایت پرسکون، باوقار اور روحانی ماحول میں اختتام پذیر ہوا۔
قرآن کریم کے نزول کا ایک اہم مقصد اس کی تلاوت بھی ہے، اور اسلام نے خوش الحانی اور ترتیل کے ساتھ قرآن پڑھنے کی خصوصی ترغیب دی ہے۔ اسی حقیقت کو اجاگر کرتے ہوئے اللہ تعالیٰ ارشاد فرماتا ہے: "وَرَتِّلِ الْقُرْآنَ تَرْتِيلًا" قرآن کو ٹھہر ٹھہر کر پڑھو۔” اسی طرح نبی کریم صلی اللہ علیہ وسلم نے فرمایا: "زَيِّنُوا الْقُرْآنَ بِأَصْوَاتِكُمْ“ اپنی آوازوں کے ذریعے قرآن کو مزین کرو۔”
حفاظ کرام نے نہایت خوبصورت، پرسوز اور دلنشیں انداز میں تلاوت پیش کی کیونکہ انہیں اسٹیج پر تلاوت کا تجربہ حاصل تھا، جبکہ غیر حفاظ طلبہ کے لیے یہ پہلا تجربہ تھا جس کی وجہ سے بعض طلبہ گھبراہٹ کا شکار نظر آئے تاہم انہوں نے بھی اپنی بہترین صلاحیتوں کا مظاہرہ کرتے ہوئے سامعین کے دل جیت لیے۔
مسابقے کی ایک منفرد خصوصیت یہ رہی کہ تلاوت کے لیے آیات پہلے سے متعین نہیں تھیں، بلکہ قرعہ اندازی کے ذریعے پرچی نکالی جاتی تھی اور اسی میں درج آیات کی تلاوت طلبہ کو پیش کرنی ہوتی تھی، جس سے مقابلے میں دلچسپی، سنجیدگی اور علمی معیار مزید بڑھ گیا۔
حفاظ کے زمرے میں پہلی پوزیشن اسد اللہ زاہد، دوسری پوزیشن محمد مرتضیٰ ابو القاسم اور تیسری پوزیشن محمد عاقب محمد پرویز جبکہ غیر حفاظ کے زمرے میں پہلی پوزیشن صفی الرحمن عبدالرشید، دوسری پوزیشن عبدالقادر استامل انصاری اور تیسری پوزیشن عبدالحلیم ضیاء الحق نے حاصل کی۔
پروگرام میں شیخ الجامعہ ڈاکٹر حفیظ الرحمن سنابلی صاحب اور جامعہ کے سینئر استاد مولانا عبید اللہ عالی صاحب اور تمام طلبہ شریک رہے۔
اختتامی خطاب میں شیخ الجامعہ نے طلبہ کی بہترین کارکردگی پر خوشی کا اظہار کرتے ہوئے ان کی بھرپور حوصلہ افزائی کی۔ آپ نے اپنے تاثرات میں تجوید وترتیل کے ساتھ قرآن کریم کی تلاوت کی اہمیت کو اجاگر کیا اور طلبہ کو قرآن مجید سے اپنے تعلق کو مزید مضبوط کرنے کی تلقین کی۔ آپ نے کہا کہ قرآن کریم محض تلاوت کی کتاب نہیں بلکہ مکمل دستور حیات ہے، اور اگر امت مسلمہ نے صحیح معنوں میں قرآن کو سمجھا ہوتا، اس کی تعلیمات کو اپنایا ہوتا اور اس کی اہمیت کو پہچانا ہوتا تو آج امت مسلمہ اس زبوں حالی، انتشار اور کمزوری کا شکار نہ ہوتی۔
انہوں نے طلبہ کو نصیحت کی کہ وہ قرآن کو اپنی زندگی کا حصہ بنائیں، اس کے معانی و مفاہیم پر غور کریں اور اس کے پیغام کو عام کرنے کی کوشش کریں۔
آخر میں پوزیشن حاصل کرنے والے طلبہ کو قیمتی انعامات سے نوازا گیا جبکہ دیگر شریک طلبہ کی حوصلہ افزائی کے لیے تشجیعی انعامات بھی تقسیم کیے گئے۔ دعا کے ساتھ اس بابرکت پروگرام کے اختتام کا اعلان کیا گیا۔

دعوتی وتربیتی اجتماع — بندی کلاں، مئو

اراکین ومصلیان مسجد السلف الصالح، مومن پورہ، مئو کی جانب سے "نواں سالانہ سمر اسلامی تربیتی کیمپ" کا انعقاد کیا جا رہا ہے۔ جس میں قرآن و حدیث کی روشنی میں عقیدہ، نماز، روزہ، اخلاق، آداب، معاملات اور اصلاحِ معاشرہ جیسے اہم موضوعات پر تربیت دی جائے گی۔

تاریخ: 11 مئی 2026ء تا 24 مئی 2026ء
مقام: مسجد السلف الصالح، مون پورہ، مؤ

تمام طلبہ، طالبات اور عوام الناس سے شرکت کی اپیل ہے۔
آئیں! اپنی اور اپنی نسلوں کی اصلاح کے لیے اس مبارک موقع سے فائدہ اٹھائیں۔

علمی انعامی مسابقہ 2026 | طلبہ و طالبات کے لیے سنہری موقع
الفاروق آرگنائزیشن کی جانب سے مدارس، اسکولوں اور کالجوں کے طلبہ و طالبات کے لیے ایک شاندار علمی انعامی مسابقہ کا انعقاد کیا جا رہا ہے۔
مسابقہ تین زمروں پر مشتمل ہوگا:
1️⃣ پہلا زمرہ: مبادی دینیات
2️⃣ دوسرا زمرہ: تعلیم التوحید
3️⃣ تیسرا زمرہ: العمدة فی الاحکام
نمایاں کامیاب طلبہ کے لیے قیمتی انعامات اور اعزازات کا اہتمام کیا گیا ہے۔
رجسٹریشن کی آخری تاریخ: 23 مئی 2026
مسابقہ کی تاریخ: اگست 2026
طلبہ اپنی صلاحیتوں کو نکھارنے اور دینی و علمی میدان میں آگے بڑھنے کے لیے ضرور شرکت کریں۔

#مدارس #اسکول #طلبہ #دینیات