11/04/2026
📚 سعادۃ الدارین: ترجمہ تعلیقات سلفیہ بر تفسیر جلالین کیا ہے؟ 📚
کچھ سال قبل مکتبہ نعیمیہ، مئو ناتھ بھنجن سے ایک نہایت اہم اور مختصر کتاب "سعادۃ الدارین: ترجمہ تعلیقات سلفیہ برتفسیر جلالین" منظر عام پر آئی تھی۔ اکثر محبانِ علم اور شائقینِ کتاب اس کے مشتملات کے حوالے سے کنفیوژن کا شکار رہتے ہیں، کوئی اس کی ضخامت کے بارے میں استفسار کرتا ہے تو کوئی اس کی جلدوں کی تعداد پوچھتا ہے۔ غالباً یہ سمجھا جاتا ہے کہ یہ کتاب پوری 'تفسیر جلالین' اور اس کے تمام حواشی کا مکمل ترجمہ ہے۔
اس ابہام کو دور کرنے کے لیے اس کتاب کا مختصر تعارف اور مشتملات پیشِ خدمت ہیں:
📌 بنیادی معلومات:
یہ کتاب پوری تفسیر کا ترجمہ نہیں ہے، بلکہ نام ہی سے واضح ہے کہ یہ صرف تفسیر جلالین کے سلفی حواشی کا ترجمہ ہے۔ یہ کوئی ضخیم کتاب نہیں بلکہ محض 132 صفحات پر مشتمل ہے۔
▪️ مترجم و محشی: جناب مولانا اسعد اعظمی حفظہ اللہ (استاذ جامعہ سلفیہ بنارس)
▪️ ناشر: مکتبہ نعیمیہ، مئو ناتھ بھنجن
📖 پسِ منظر اور اہمیت:
تفسیر جلالین برصغیر کے بیشتر مدارس میں داخلِ نصاب ہے۔ چونکہ اس کے دونوں مصنفین عقیدتاً اشعری ہیں، اس لیے انہوں نے اللہ تعالیٰ کی بعض صفات میں تاویل اور تعطیل کی راہ اختیار کی ہے، جو کہ سلفی منہج کے خلاف ہے۔
اس مسئلے کے حل کے لیے مکتبہ دارالسلام (ریاض) نے معروف اہل حدیث عالم مولانا صفی الرحمن مبارکپوری رحمہ اللہ کی نگرانی میں ایک کمیٹی تشکیل دی تھی۔ اس کمیٹی نے ان مقامات کی نشاندہی کی جہاں شیخین نے صفات میں تاویل کی راہ اپنائی، وہاں صحیح عقیدے کی وضاحت کی، اور مزید کچھ مفید حواشی کا اضافہ بھی کیا۔
✨ حواشی کی نوعیت (کتاب کے اہم نکات):
مترجم نے اپنے مقدمے میں حواشی کے مشتملات کا ذکر درج ذیل 6 نکات میں کیا ہے:
1️⃣ صفاتِ باری تعالیٰ کی تاویل و تعطیل اور عقیدے سے متعلق دیگر انحرافات پر تنبیہ۔
2️⃣ دونوں مفسرین کے اوہام و اغلاط اور سبقتِ قلم کی نشاندہی اور ان کی تصحیح۔
3️⃣ غیر مستند واقعات اور تفاسیر پر تنبیہ۔
4️⃣ مرجوح (کمزور) تفسیروں کی نشاندہی اور راجح کا ذکر۔
5️⃣ کتاب میں بیان کی گئی قراءتوں پر اہم نوٹس۔
6️⃣ کتاب میں وارد احادیث و آثار کا ان کے مراجع کی طرف احالہ اور بعض روایتوں پر علمی نقد۔
💡 مترجم کی انفرادی کاوش:
ان مندرجات کے علاوہ، مترجم نے تفسیر جلالین کے ہندوستانی نسخے میں درج قراءتوں میں واقع التباس (کنفیوژن) کو بھی جا بجا دور کرنے کی کوشش کی ہے۔ اسی طرح ہندوستانی نسخے اور زیرِ ترجمہ عربی نسخے کے درمیان جہاں جہاں فرق ہے، اسے بھی حاشیے میں نہایت عمدگی سے واضح کیا ہے۔
خلاصہ:
ان گراں قدر مندرجات کی وجہ سے یہ مختصر سی کتاب کافی اہمیت کی حامل ہوگئی ہے۔ بالخصوص اہل حدیث مدارس میں تفسیر جلالین پڑھانے والے اساتذہ اور پڑھنے والے طلبہ کے لیے یہ کتاب حد درجہ مفید اور ناگزیر ہے۔
✍️ (یاسر اسعد)
کتاب حاصل کرنے کے لیے رابطہ کریں
مکتبہ دارالسلام مئو
صدر چوک مئو ناتھ بھنجن مئو
اتر پردیش 275101
موبائل نمبر : 7428738778
What's app
Message MAKTABA DARUSSALAM MAU on WhatsApp. https://wa.me/message/7MHPDNTN6R4BF1
What's app channel
https://whatsapp.com/channel/0029VaCdpWtE50UbRfz3b52G
What's app community Group
https://chat.whatsapp.com/JHzxVRdJ0RMHuVWfd1J54R
page
https://www.facebook.com/share/wrQRxRyKmmEfqJTg/
YouTube
https://www.youtube.com/
Naim Book Center & Publishers
Maktaba darussalam mau
09/04/2026
30/03/2026
21/03/2026
14/03/2026
12/03/2026