Al Jamia Tul Mohammadia

یوم آزادی کے پروگرام کی کچھ جھلکیاں

جامعہ کے سابق ناظم اعلی کو صدمہ
خواہر نسبتی کا انتقال

جامعہ محمدیہ کے سابق ناظم اعلی الحاج نثار احمد پردھان کی خواہر نسبتی کا ٢٨/ مئی ٢٠٢٥ عیسوی بروز منگل ٣ بجے دن میں طویل علالت کے بعد انتقال ہوگیا انا للہ وانا الیہ راجعون مرحومہ مغربی مئو کے مشہور تاجر مولوی شمس الدین صاحب کی صاحب زادی اورمشرقی مئو کے مشہور تاجر الحاج محمد صاحب المعروف دھڑ دھڑکی بہو اور الحاج عبد الرحمن صاحب کی زوجہ اور فیاض احمد وبرادران کی والدہ محترمہ تھیں وہ طویل عرصہ سے فریش اور ایام بیوگی کے کٹھن مرحلے سے گزر رہی تھیں اور مسلسل صدمات سے دوچار ہونے کے باوجود صبرو شکر کے ساتھ زندگی کی گاڑی کھینچ رہی تھیں کیوں کہ انکے ساتھ انکا بھرا پورا خاندان اور انکی حسن تربیت سے آراستہ اولاد واحفاد اور قرابتداروں کی فوج تھی جنھیں دیکھ کر وہ یقینا حوصلہ پارہی ہونگی ورنہ وہ ابتلاء وآزمائش کے جن مراحل سے دوچار ہوئ تھیں اچھے اچھے لوگ ایسے وقت میں حوصلہ ہار بیٹھتے ہیں
وہ اپنے گیارہ بہن بھائیوں میں سب سے چھوٹی تھیں انکی بہنوں میں سب سے بڑی کی شادی حسین احمد برادر الحاج نثار احمدصاحب کھیدو پور ہ کے ساتھ ہوئ تھی جو ابھی باحیات لیکن بیوگی سے دوچار ہیں اور ان سے چھوٹی بہن جناب فیض احمد کے نکاح میں تھیں جو انتقال کرچکی ہیں اور ان سے چہوٹی الحاج نثار احمد صاحب کے عقد میں ہیں اور الحمد للہ ابھی زوجین باحیات ہیں
مرحومہ کے سات بھائیوں میں چار کی وفات ہوچکی ہے تین زندہ ہیں خود مرحومہ کے چار بیٹے اور چار بیٹیاں ہیں جو سب باحیات اور خوشحال زندگی گزار رہے ہیں سواۓ عبداللہ سلمہ کے جو مسلسل بیمار رہتے ہیں
مرحومہ موصوفہ صوم وصلوۃکی پابند اور حرمین شریفین کی زیارت سے مشرف اور اخلاق واطوار کے اعتبار سے اونچے منصب پر فائز خاتون خانہ تھیں
مرحومہ کو اپنی زندگی میں غالبا سب سے پہلا صدمہ اسوقت پہنچا جب انکے بڑے بیٹے جناب فیاض احمد صاحب کے اکلوتے چشم وچراغ کمسنی کے عالم میں اچانک وفات پاگئےوہ بھی ایسی موت ہوئ کہ ہر سننے والے کو نم دیدہ کر گئی بیچاری دادی تو دادی تھیں وہ کیوں کر اس سے ٹوٹ نہ جاتیں اور جب اس صدمہ جانکاہ کا زخم مرور ایام کیے ساتھ مندمل ہو نے پر آیا تو شوہر کا انتقال ہو گیا اور ایک عورت کے لیۓ شوہر کی وفات کا مطلب دنیا کا اندھیری ہوجانا ہے بہر حال انسان جبتک باحیات رہتا ہے اپنے حصہ کا بوجھ ڈھوتا ہی رہتا ہے بہر حال موصوفہ ایسے ہی زندگی کے ایام گزار رہی تھیں کہ خود ہی طویل بیماری میں مبتلا ہو کر بجائے خاندان کو سنبھالنے کے خاندان کو انھیں سنبھالنا پڑا مزید برآں آپ کے سب سےچھوٹے بیٹے عبد اللہ سلمہ ایک طویل اور صبر آزما بیماری میں مبتلاہیں جو کڈنی فیلیر اور مسلسل ڈائیلاسس کے سہارے زندگی جی رہےہیں اللہ انھیں شفاء کامل عاجل عطا کرے کیونکہ اسکی قدرت ورحمت سے کچھ بھی بعید نہیں ہے مرحومہ کیلیۓ اپنے اس عزیز کی زندگی کا یہ مرحلہ کتنا صبر آزما رہا ہوگا اسکا کوئی اندازہ نہیں کرسکتا کیونکہ چھوٹی اولاد والدین کے نزدیک کچھ زیادہ ہی عزیز ہوتی ہے اور انکی ادنی سی تکلیف بھی والدین مشکل ہی سے برداشت کر تے ہیں لیکن یہ بھی اللہ کا کرم ہی ہے کہ انسان اتنے سارے مصائب برداشت کر لیتا ہے
بہر حال مرحومہ نے اپنی زندگی کے ان مشکل ترین حالات ومصائب سے گزرتے ہوۓ اپنی مدت حیات جو تقریبا ستر سال پر مشتمل ہے پوری کرلی ا اللہ انکی مغفرت فرماۓ اور اعمال صالحہ کو شرف قبولیت سے نوازے ان کے صبرو شکر کا اجر جزیل عطاکرے انکی نماز جنازہ جمعیت وجماعت کی مشہور شخصیت مولانا اقبال احمد محمدی نے پڑھائ جو موصوفہ کے دیور ہیں
نماز جنازہ اسی دن بعد نماز عشاء کھیری باغ کے وسیع صحن میں ادا کی گئی جسمیں ہزاروں لوگوں نے شرکت کیااور قاسم پورہ قبرستان میں تدفین ہوئ اللہ سے دعا ہے انکی بشری لغزشوں سے صرف نظر کرے انکی نیکیوں اور اعمال صالحہ کو قبول فرماۓ آخرت کے مراحل کو آسان کرے جنت میں اعلی مقام عطا کرے انکے جملہ پسماندگان ومتعلقین کو صبر جمیل عطا کرے آمین
جامعہ کے جملہ اسا تذہ وملازمین واراکین وطلبہ ناظم صاحب اور خواہر نسبتی کے غم میں برابر کے شریک اور انکے لیۓ دعا گو ہیں
عبد المبین فیضی
انچارج پرنسپل مدر سہ محمدیہ کھیدو پور مئو