27/03/2026
শিক্ষক বিনিময় কাৰ্যসূচী_ যোৱা ২৪-০৩-২০২৬ তাৰিখে নন্দনাথ শইকীয়া মহাবিদ্যালয়ৰ (তিতাবৰ) অসমীয়া বিভাগৰ সৈতে মৰিয়নি মহাবিদ্যালয়ৰ অসমীয়া বিভাগৰ বুজাবুজি চুক্তিৰ (MOU)অধীনত এটি শিক্ষক বিনিময় কাৰ্যসূচী সম্পন্ন কৰা হয়। এই কাৰ্যসূচীত নন্দনাথ শইকীয়া মহাবিদ্যালয়ৰ অসমীয়া বিভাগৰ মুৰব্বী অধ্যাপিকা ড• বৰ্ণালী শইকীয়া আৰু সহকাৰী অধ্যাপক ড• গৌতম বৰাই মৰিয়নি মহাবিদ্যালয়ৰ অসমীয়া বিভাগৰ ছাত্ৰ-ছাত্ৰীসকলক চাৰিটা শ্ৰেণীত পাঠদান কৰে। লগতে চতুৰ্থ আৰু ষষ্ঠ ষাণ্মাসিকৰ ছাত্ৰ-ছাত্ৰীৰ সৈতে বিশেষভাৱে পাঠ্যক্ৰম সন্দৰ্ভত ভাৱৰ বিনিময় কৰে। একেদৰে মৰিয়নি মহাবিদ্যালয়ৰ অসমীয়া বিভাগৰ তৰফৰপৰা যোৱা ২৬-০৩-২০২৬ তাৰিখে সহকাৰী অধ্যাপক অবিনাশ দত্তই নন্দনাথ শইকীয়া মহাবিদ্যালয়ত সাহিত্য সম্পৰ্কীয় পাঠ্যক্ৰমৰ পাঠদান কৰে।দুয়োখন মহাবিদ্যালয়ৰ অসমীয়া বিভাগৰ বুজাবুজিৰ এনে আন্তঃসম্পৰ্কই পৰৱৰ্তী সময়ত বিভাগীয় ছাত্ৰ-ছাত্ৰীসকলৰ মাজত ভাষা , সাহিত্য আৰু সংস্কৃতি বিষয়ক আলোচনাক অগ্ৰগতি প্ৰদান কৰিব বুলি দুয়োটা বিভাগে আশা প্ৰকাশ কৰে।
