MGV's Arts, Science and Commerce College Manmad

MGV's Arts, Science and Commerce College Manmad MGV's Arts, Science & Commerce College, Manmad

महात्मा गांधी विद्यामंदिर संचलित कला, विज्ञान आणि वाणिज्य (स्वायत्त) महाविद्यालय, मनमाड येथीलरसायनशास्त्र विभागाच्या विद...
29/01/2026

महात्मा गांधी विद्यामंदिर संचलित कला, विज्ञान आणि वाणिज्य (स्वायत्त) महाविद्यालय, मनमाड येथील
रसायनशास्त्र विभागाच्या विद्यार्थ्यांनी जिल्हास्तरीय केमियाड 2026 स्पर्धेत उल्लेखनीय यश संपादन करत प्रथम
पारितोषिक पटकाविले. म. स. गा. महाविद्यालय येथे आयोजित करण्यात आलेल्या या स्पर्धेत मनमाड
महाविद्यालयाचा संघ विजयी ठरला.
या स्पर्धेत जिल्ह्यातील एकूण 18 महाविद्यालयांतील रसायनशास्त्र विभागाच्या संघातील विद्यार्थ्यांनी सहभाग
नोंदवला होता. विविध फेऱ्यांमधून विद्यार्थ्यांच्या विषयज्ञानाची, प्रयोगशीलतेची, तर्कशक्तीची व संघभावनेची कसोटी
घेण्यात आली. अत्यंत चुरशीच्या आणि स्पर्धात्मक वातावरणात मनमाड महाविद्यालयाच्या विद्यार्थ्यांनी आपल्या
गुणवत्तेच्या जोरावर उत्कृष्ट कामगिरी करत प्रथम क्रमांक पटकावून महाविद्यालयाच्या शिरपेचात मानाचा तुरा
रोवला.
या स्पर्धेच्या पारितोषिक वितरण समारंभासाठी डॉ. बी. जी. वाघ, माजी प्राचार्य तसेच डॉ. आर. एस. भांबर, एस. पी.
एच. फार्मसी महाविद्यालय, पंचवटी हे प्रमुख अतिथी म्हणून उपस्थित होते. त्यांच्या हस्ते विजयी संघाला पारितोषिक
देऊन गौरविण्यात आले. या प्रसंगी अतिथींनी विद्यार्थ्यांच्या यशाचे कौतुक करत विज्ञान शिक्षणातील अशा स्पर्धांचे
महत्त्व अधोरेखित केले.
या विजयी संघाचे नेतृत्व डॉ. ए. व्ही. गजभिये यांनी केले. संघाला रसायनशास्त्र विभागाचे विभागप्रमुख डॉ. बी. एस.
देसले तसेच डॉ. आर. एस.शिंदे, प्रा. ए. आर.बुकाने प्राध्यापक एम. सी. नागरे विभागातील या सर्वांचे मोलाचे मार्गदर्शन
लाभले. विद्यार्थ्यांच्या सातत्यपूर्ण सरावामुळे आणि प्राध्यापकांच्या योग्य दिशादर्शनामुळे हे यश शक्य झाले असल्याचे
मत व्यक्त करण्यात आले.
या यशाबद्दल महात्मा गांधी विद्यामंदिर संस्थेचे जनरल सेक्रेटरी माननीय डॉ. प्रशांत हिरे, समन्वयक डॉ. अपूर्व हिरे,
डॉ. संपदादीदी हिरे तसेच डॉ. अद्वय हिरे यांनी विजयी संघाचे व मार्गदर्शक प्राध्यापकांचे अभिनंदन केले.
महाविद्यालयाचे प्राचार्य डॉ. अरुण विठ्ठल पाटील यांनीही रसायनशास्त्र विभाग व विद्यार्थ्यांचे अभिनंदन करत,मनमाड
महाविद्यालयाचा रसायनशास्त्र विभाग हा केवळ अभ्यासक्रमापुरता मर्यादित न राहता विद्यार्थ्यांच्या सर्वांगीण
बौद्धिक विकासासाठी सातत्याने कार्यरत आहे. अद्ययावत अभ्यासक्रम, प्रयोगाधिष्ठित अध्यापन पद्धती,
संशोधनाभिमुख दृष्टिकोन तसेच विविध शैक्षणिक व स्पर्धात्मक उपक्रमांमध्ये विद्यार्थ्यांना सक्रिय सहभागाची संधी देणे,
हे या विभागाचे वैशिष्ट्य आहे.
#प्रथम_पारितोषिक #जिल्हास्तरीय_स्पर्धा #रसायनशास्त्र_विभाग

महात्मा गांधी कला, विज्ञान व वाणिज्य महाविद्यालय मनमाड येथे, राजमाता जिजाऊ व स्वामी विवेकनंद यांची जयंती महाविद्यालयाचे ...
21/01/2026

महात्मा गांधी कला, विज्ञान व वाणिज्य महाविद्यालय मनमाड येथे, राजमाता जिजाऊ व स्वामी विवेकनंद यांची जयंती महाविद्यालयाचे प्राचार्य डॉ.ए.व्ही.पाटील सर यांच्या अध्यक्षेतेखाली साजरी करण्यात आली. राजमाता जिजाऊ व स्वामी विवेकनंद यांच्या प्रतिमेचे पूजन इंदोर येथील प्रसिद्ध उद्योजक श्री. विवेक देशपांडे यांच्या हस्ते करण्यात आले. अध्यक्षीय मनोगतातून प्राचार्य डॉ.ए.व्ही.पाटील यांनी अखंड महाराष्ट्राचे आराध्य दैवत छत्रपती शिवाजी महाराज यांना घडवणाऱ्या,
हिंदवी स्वराज्याची संकल्पना देणाऱ्या राजमाता जिजाऊ यांनी शिवरायांना केवळ युद्धकलाच शिकवली नाही, तर न्याय, नीती आणि स्त्रियांचा सन्मान करण्याची शिकवण दिली. एवढेच नव्हे तर शिवराय मोहिमेवर असताना स्वराज्याचा कारभार अतिशय कुशलतेने पाहणाऱ्या त्या एक आदर्श प्रशासक होत्या. आजच्या काळात जिजाऊंचे विचार अधिक महत्त्वाचे आहेत. "प्रत्येक घरात एक जिजाऊ जन्माला आली, तरच प्रत्येक घरात एक शिवाजी घडेल." आजच्या स्त्रियांनी जिजाऊंचा स्वाभिमान आणि धडाडी अंगी बाणवणे आवश्यक आहे. भारत हा युवकांचा देश आहे. भारतीय संकृती जगात पोहचविणारे स्वामी विवेकानंद हे आजच्या युकांचे आदर्श असले पाहिजे. त्यांनी पाश्चात्य जगाला भारतीय संस्कृती आणि वेदांताची खरी ओळख करून दिली. त्यांनी केवळ धर्मावरच नव्हे, तर मानवाच्या उद्धारावर अधिक भर दिला.त्यांच्या मते, शिक्षण म्हणजे केवळ पुस्तकी ज्ञान नव्हे, तर माणसाच्या चारित्र्याचा विकास होय. ते म्हणायचे की, तुम्हाला जर स्वतःवर विश्वास नसेल, तर तुम्ही देवावरही विश्वास ठेवू शकत नाही. आत्मविश्वास हाच यशाचा खरा मार्ग आहे. आजच्या काळात जेव्हा आपण छोट्या संकटांनी खचून जातो, तेव्हा त्यांचे
विचार आपल्याला बळ देतात. "शंभर वेळा अपयश आले तरी पुन्हा एकदा प्रयत्न करा,& quot; हा त्यांचा सल्ला आजही तितकाच लागू होतो. या कार्यक्रमाचे सूत्रसंचालन प्रा. एस.आर. पावडे यांनी केले. या कार्यक्रमा प्रसंगी महाविद्यालयाचे उपप्राचार्य डॉ. बी.एस. देसले, शैक्षणिक पर्यवेक्षक प्रा. डी.व्ही सोनवणे, प्रा. एस.जी.सुखदेवे, डॉ. संजय चिंचोले महाविद्यालायचे कुलसचिव श्री. समाधान केदारे तसेच सर्व प्राध्यापक, शिकाक्षेकेत्तर कर्मचारी उपस्थित होते. कार्यक्रम यशस्वीतेसाठी महाविद्यालयाचे जनसंपर्क अधिकारी प्रा. शरद वाघ यांनी प्रयत्न केले.



ड्रग्स, असुरक्षित यौन संबंध यातून होतो एचआयव्हीचा प्रसार, सुदृढ युवा पिढी घडवण्यासाठी ड्रग्स पासून दूर राहावे हा दिला अन...
21/01/2026

ड्रग्स, असुरक्षित यौन संबंध यातून होतो एचआयव्हीचा प्रसार, सुदृढ युवा पिढी घडवण्यासाठी ड्रग्स पासून दूर राहावे हा दिला अनमोल संदेश महात्मा गांधी विद्यामंदिर संचलित कला, विज्ञान व वाणिज्य महाविद्यालयाच्या रेड रिबन क्लब, राष्ट्रीय सेवा योजना व उपजिल्हा रुग्णालय मनमाड
यांच्या संयुक्त विद्यमाने महाविद्यालयाचे प्राचार्य डॉ. अरुण पाटील, वैद्यकीय अधीक्षक डॉ. बाळू पाटील, डॉ. रसिका धाडील, उपप्राचार्य प्रा.डॉ. बी एस देसले यांच्या मार्गदर्शनाखाली युवा दिनानिमित्त मनमाड शहरातील बस स्थानक परिसरात राष्ट्रीय सेवा योजनेच्या स्वयंसेविकांनी आरोग्य जनजागृती
वरचे पथनाट्य सादरीकरण केले. यावेळी एनएसएस स्वयंसेविकांनी & #39;संयम पाळा, एचआयव्ही टाळा& #39; & #39;एच आय व्ही मुक्त देश बनवूया, आपले जीवन सुरक्षित बनवूया& #39;, रक्तदान श्रेष्ठ दान, धूम्रपानाचे धोके,अशा विविध पोस्टर्सने जनजागृती केली. या पथनाट्यच्या माध्यमातून सादरीकरण करत असताना आजची युवा पिढी धूम्रपान, ड्रग सेवन, रेव पार्टीच्या माध्यमातून यौवन संबंध, एकमेकांचे वापरलेले इंजेक्शनद्वारे ड्रग सेवन यातून एचआयव्हीचा धोका वाढू शकतो आणि ते समाजाच्या आरोग्यासाठी ही
धोक्याचे आहे, अशी भरकटलेली युवा पिढी देशाच्या शाश्वत विकासासाठी धोक्याची आहे. एचआयव्ही रुग्णांना प्रत्येक ग्रामीण, उपजिल्हा, जिल्हा रुग्णालय येथे नियुक्त केलेल्या समुपदेशकां मार्फत आरोग्य सल्ला दिला जातॊ. याचे उत्कृष्ट सादरीकरण त्यांनी पथनाट्याच्या माध्यमातून केले.उपजिल्हा रुग्णालयाचे लॅब टेक्निशियन श्री जितेंद्र बिरारी, समुपदेशक निलेश मोरे , रासेयो कार्यक्रम अधिकारी डॉ
पवनसिंग परदेशी, डॉ.आरती छाजेड सह स्वयंसेवक उपस्थित होते. यावेळी बस स्थानक परिसरात एच आय व्ही, व आरोग्य जनजागृती चे पत्रके रासेयो स्वयंसेवकांतर्फे वाटण्यात आली. या कार्यक्रमाचे संयोजन यशस्वीतेसाठी रेड रिबन क्लब व राष्ट्रीय सेवा योजनाविभागातर्फे करण्यात आले.


मनमाड: येथील महात्मा गांधी विद्यामंदिर संचलित कला, विज्ञान व वाणिज्य महाविद्यालय मनमाड येथे विशाखा व सखी सावित्री समिती ...
21/01/2026

मनमाड: येथील महात्मा गांधी विद्यामंदिर संचलित कला, विज्ञान व वाणिज्य महाविद्यालय मनमाड येथे विशाखा व सखी सावित्री समिती अंतर्गत एकदिवसीय आरोग्य तपासणी शिबिराचे आयोजन महाविद्यालयाचे प्राचार्य डॉ अरुण पाटील यांच्या मार्गदर्शनाखाली करण्यात आले.
या कार्यक्रमास उपजिल्हा ग्रामीण रुग्णालय मनमाडचे वैद्यकीय अधिकारी डॉ. योगेश देवरे व डॉ. संगीता काळे उपस्थित होते. डॉ. योगेश देवरे यांनी तणावमुक्त जीवनशैली, व्यसनमुक्ती, संतुलित आहार व नियमित व्यायाम याबाबत मार्गदर्शन केले. डॉ संगीता काळे यांनी विद्यार्थिनींना पीसीओडी याबद्दल मार्गदर्शन केले. या शिबिरात विद्यार्थ्यांची सर्वसाधारण आरोग्य तपासणी करण्यात आली. तपासणीदरम्यान विद्यार्थ्यांना संतुलित आहार,
नियमित व्यायाम व आरोग्यविषयक सवयींबाबत मार्गदर्शन करण्यात आले.
कार्यक्रमाच्या अध्यक्ष महाविद्यालयाचे प्राचार्य डॉ अरुण पाटील यांनी आरोग्य चांगले राहण्यासाठी संतुलित आहार आणि चांगल्या सवयी महत्त्वाच्या आहेत. तसेच विद्यार्थ्यांनी अभ्यासासोबत आरोग्याकडेही तितकेच लक्ष देणे आवश्यक असल्याचे प्रतिपादन केले. या कार्यक्रमाप्रसंगी कनिष्ठ महाविद्यालयाचे उपप्राचार्य श्री सुभाष अहिरे, महाविद्यालयाचे कुलसचिव
श्री समाधान केदारे, विशाखा समिती अध्यक्ष श्रीमती अनुपमा पाटील तसेच सखी सावित्री व विशाखा समिती सदस्या श्रीमती सविता पवार, महाविद्यालयातील प्राध्यापक व विद्यार्थी मोठ्या संख्येने उपस्थित होते या कार्यक्रमाचे सूत्रसंचालन श्रीमती योगिता शिंदे यांनी तर आभार सौ शितल हिरे यांनी व्यक्त केले.


महात्मा गांधी विद्यामंदिर संचलित कला विज्ञान व वाणिज्य महाविद्यालय मनमाड व राष्ट्रीय सेवा योजना विभाग सावित्रीबाई फुले प...
21/01/2026

महात्मा गांधी विद्यामंदिर संचलित कला विज्ञान व वाणिज्य महाविद्यालय मनमाड व राष्ट्रीय सेवा योजना विभाग सावित्रीबाई फुले पुणे विद्यापीठ यांच्या संयुक्त विद्यमाने एक दिवसीय जिल्हास्तरीय पर्यावरण संवर्धन कार्यशाळा महाविद्यालयाचे प्राचार्य डॉ. अरुण पाटील, उप प्राचार्य डॉ. बी.एस देसले यांच्या मार्गदर्शनात मनमाड महाविद्यालयात संपन्न झाली. या कार्यशाळेचे उद्घाटन मा. प्रतिभा कोठुळे, मा.सुशांत रणशूर, मा. अतुल देवरे, मा. पूजा पगार, मा. पुनम धांद्रे, कुलसचिव श्री.समाधान केदारे, शैक्षणिक पर्यवेक्षक प्रा. डी.व्ही. सोनवणे, डॉ. संजय चिंचोले, प्रा समाधान सुखदेवे यांच्या उपस्थितीत संपन्न झाले. मा. प्रतिभा कोठुळे यांनी आपले मनोगत व्यक्त करताना सांगितले की, आज होणारा निसर्गाचा ऱ्हास व त्यावरच्या उपायोजना, राह फाउंडेशनच्या माध्यमातून नाशिक जिल्ह्यात सुरू असलेल्या विविध जैवविविधता उपक्रमांविषयी माहिती तसेच राह फाउंडेशनतर्फे निमोण येथे सुरू असलेल्या वृक्षारोपण, जैवविविधता पार्क याविषयी मार्गदर्शन त्यांनी केले. ए आर इ ए एस फाउंडेशन चे मा. सुशांत रणशूर यांनी सापांसोबत सहअस्तित्व याविषयी विद्यार्थ्यांना मार्गदर्शन, सापांकडे बघण्याचा दृष्टिकोन, समाजामध्ये भरलेली अंधश्रद्धा, साप ओळखण्याची पद्धत, सर्पदंश व
त्यापासून च्या उपायोजना यांची प्रात्यक्षिकाद्वारे विद्यार्थ्यांना मार्गदर्शन केले. शेवटी कार्यशाळेत सहभागी विद्यार्थ्यांना प्रमाणपत्र देण्यात आले. या कार्यशाळेचे सूत्रसंचालन कु. रूपाली घुगे, प्रास्ताविक राष्ट्रीय सेवा योजना कार्यक्रमाधिकारी डॉ पवनसिंग परदेशी, प्रमुख पाहुण्यांचा परिचय व आभार डॉ. आरती छाजेड यांनी केले. या कार्यक्रमाला महाविद्यालयातील प्राध्यापकवृंद, प्रशासकीय कर्मचारी, विद्यार्थी मोठ्या संख्येने उपस्थित होते. या कार्यशाळेच्या यशस्वीतेसाठी रासयो कार्यक्रमाधिकारी डॉ पवन सिंग परदेशी, डॉ.आरती छाजेड यांच्यासह एन एस एस स्वयंसेवक, स्वयंसेविका यांनी परिश्रम घेतले.


एनसीसी पंतप्रधान सायकल रॅली 2026 च्या पार्श्वभूमीवर एनसीसी संचालनालय महाराष्ट्र यांच्या वतीने आयोजित करण्यात येणारी पुणे...
31/12/2025

एनसीसी पंतप्रधान सायकल रॅली 2026 च्या पार्श्वभूमीवर एनसीसी संचालनालय महाराष्ट्र यांच्या वतीने आयोजित करण्यात येणारी पुणे ते दिल्ली अशी भव्य सायकल मोहीम ( शौर्य के कदम, क्रांती की ओर ) या नावाने राबविण्यात येणार आहे. या महिन्याचा प्रारंभ शनिवार वाडा, पुणे येथून करण्यात येणार असून ही मोहीम 26 जानेवारी 2026 रोजी दिल्ली येथे होणाऱ्या प्रजासत्ताक दिनाच्या कार्यक्रमात कर्तव्यपथावरील संचालनात सहभागी होणार आहे. या रॅलीचा तिसरा टप्पा संगमनेर ते मनमाड असे एकूण 104 किलोमीटरचा 20 सदस्य असलेल्या पथकाचे भव्य स्वागताचा कार्यक्रमाचे आयोजन महात्मा गांधी विद्यामंदिर संचलित कला विज्ञान आणि वाणिज्य महाविद्यालय मनमाड महाविद्यालयाच्या प्रांगणात 50 महाराष्ट्र एनसीसी बटालियन छ. संभाजी नगर, मनमाड महाविद्यालय व छत्रे हायस्कूल यांच्या सहभागातून करण्यात आले.
या धाडसी सायकल मोहिमेत सहभागी कॅडेट्स सुमारे 1680 किलोमीटर चे अंतर पाच राज्यातून पार करणार असून मोहिमेदरम्यान विविध ऐतिहासिक स्थळांना भेटी देण्यात येणार आहे. मोहिमेचे नेतृत्व अमरावती एनसीसी ग्रुप चे प्रमुख ब्रिगेडियर सचिन गवळी, 11 महाराष्ट्र बटालियन अकोला चे कमांडिंग ऑफिसर कर्नल विजय शुक्ला यांच्यासह 12 कॅडेट्स सहभागी झाले आहेत. रॅलीचे स्वागत व सत्कार प्रभारी कमांडिंग ऑफिसर लेफ्टनंट कर्नल कीर्ती मुंडले, (50 महाराष्ट्र एनसीसी बटालियन छ. संभाजीनगर), प्राचार्य डॉ. अरुण विठ्ठल पाटील( मनमाड महाविद्यालय ), प्राचार्या सौ. संगीता पोतदार (छत्रे हायस्कूल ) यांनी केले. याप्रसंगी एनसीसी छात्रांनी विविध पारंपरिक नृत्य प्रकार,नाट्यप्रकार व पथनाट्य यांचे सुंदर सादरीकरण करून सर्वांची मने जिंकली.
रॅलीत सहभागी झालेल्या छात्रांना पुढील सायकल प्रवासासाठी प्रेरित केले. कार्यक्रमाचे आयोजन व नियोजन छ. संभाजीनगर एनसीसी ग्रुप यांच्या मार्गदर्शनाखाली 50 महाराष्ट्र बटालियचे प्रभारी कमांडिंग ऑफिसर कीर्ती मुंडले, सुभेदार शरद पवार, कॅप्टन प्रकाश रमेश बर्डे, मनोज पाटील यांनी केले.


#शौर्यकेकदम_क्रांतीकीओर

मनमाड: येथील महात्मा गांधी विद्यामंदिर संचलित कला, विज्ञान व वाणिज्य महाविद्यालय मनमाड येथे आज दिनांक २९ डिसेंबर २०२५ रो...
31/12/2025

मनमाड: येथील महात्मा गांधी विद्यामंदिर संचलित कला, विज्ञान व वाणिज्य महाविद्यालय मनमाड येथे आज दिनांक २९ डिसेंबर २०२५ रोजी विशाखा व सखी सावित्री समिती यांच्या संयुक्त विद्यमाने सायबर सुरक्षा या विषयावर व्याख्यान आयोजित केले होते. कार्यक्रमाचे अध्यक्ष महाविद्यालयाचे प्राचार्य डॉ अरुण पाटील तर नाशिक जिल्हा सत्र न्यायालयाच्या अँड. सुप्रिया भामरे या प्रमुख वक्त्या होत्या.
प्रमुख वक्त्या अँड. सुप्रिया भामरे यांनी आपल्या व्याख्यानातून विद्यार्थ्यांना सायबर सुरक्षा या विषयावर मार्गदर्शन केले. सोशल मीडियावर वैयक्तिक माहिती, फोटो किंवा लोकेशन शेअर करताना विशेष काळजी घ्यावी, अनोळखी व्यक्तींच्या फ्रेंड रिक्वेस्ट स्वीकारू नयेत आणि संशयास्पद लिंकवर क्लिक करू नये.जर एखाद्या महिलेची सायबर छळ किंवा फसवणूक झाली, तर घाबरून न जाता पुरावे जतन करून तात्काळ तक्रार करावी. भारत सरकारने यासाठी १९३० ही हेल्पलाईन आणि www.cybercrime.gov.in ही वेबसाईट उपलब्ध करून दिली आहे. सायबर सुरक्षितता ही केवळ सरकारची जबाबदारी नाही, तर ती आपलीही आहे. जागरूक महिला हीच सुरक्षित महिला असते. असे प्रतिपादन त्यांनी केले.
कार्यक्रमाचे अध्यक्ष महाविद्यालयाचे प्राचार्य डॉ अरुण पाटील यांनी आपल्या अध्यक्षीय मनोगतातून सांगितले की, सोशल मीडियाचा वापर करताना सावधगिरी बाळगली पाहिजे, माहिती नसलेल्या लिंक ओपन करताना काळजी घ्यावी, तसेच लॉटरी, जॉब ऑफर, बक्षीस यासारख्या ऑनलाईन प्रलोभनाला बळी पडू नका असा संदेश प्राचार्य डॉ. अरुण पाटील यांनी दिला.
याप्रसंगी कनिष्ठ महाविद्यालयाचे उपप्राचार्य श्री सुभाष अहिरे, ज्येष्ठ प्राध्यापिका श्रीमती अनुपमा पाटील, महाविद्यालयातील शिक्षक व विद्यार्थी मोठ्या संख्येने उपस्थित होते. कार्यक्रमाचे प्रास्ताविक व परिचय श्रीमती योगिता शिंदे, सूत्रसंचालन सौ शितल हिरे तर कार्यक्रमाचे आभार श्रीमती सविता पवार यांनी मानले.

#सायबरसुरक्षा
#सायबरसुरक्षितता #डिजिटलसुरक्षा

मनमाड : येथील महात्मा गांधी विद्यामंदिर संचलित कला, विज्ञान व वाणिज्य महाविद्यालय मनमाड येथे महाविद्यालयाचे प्राचार्य डॉ...
31/12/2025

मनमाड : येथील महात्मा गांधी विद्यामंदिर संचलित कला, विज्ञान व वाणिज्य महाविद्यालय मनमाड येथे महाविद्यालयाचे प्राचार्य डॉ. अरुण पाटील यांच्या अध्यक्षतेखाली रेणुकाआजी हिरे यांची ११८ वी जयंती उत्साहात साजरी करण्यात आली. कनिष्ठ महाविद्यालयाचे मराठी विभागाचे प्रा. अमोल देसले यांनी स्वर्गीय रेणुकाआजी हिरे यांच्या जयंतीनिमित्त आजींच्या कार्याच्या आठवणींना उजाळा दिला.
कार्यक्रमाचे अध्यक्ष महाविद्यालयाचे प्राचार्य डॉ. अरुण पाटील यांनी आपल्या मनोगतात महात्मा गांधी विद्यामंदिर व आदिवासी सेवा समितीचे संस्थापक कर्मवीर भाऊसाहेब हिरे यांच्या सामाजिक, राजकीय, शैक्षणिक कार्यात आजींनी कर्मवीरांना खंबीरपणे साथ दिली. त्यामुळेच कर्मवीर भाऊसाहेब हिरे सामाजिक व राजकीय कार्यात आपल्या कर्तुत्वाचा ठसा उमटवू शकले असे प्रतिपादन केले.
याप्रसंगी कनिष्ठ महाविद्यालयाचे उपप्राचार्य सुभाष अहिरे, प्रा विठ्ठल फंड, कार्यालयीन अधीक्षक श्री. एल. के. निकम, श्री. प्रशांत सानप, जनसंपर्क अधिकारी प्रा. शरद वाघ. प्रा. पी. व्ही. अहिरे तसेच महाविद्यालयातील प्राध्यापक, प्रशासकीय कर्मचारी उपस्थित होते.

#कैरेणुकाआजीहिरे #रेणुकाआजीहिरेजयंती
#विनम्रअभिवादन #प्रेरणादायीकार्य

महात्मा गांधी विद्यामंदिर संचालित कला, विज्ञान आणि वाणिज्य महाविद्यालय, मनमाड येथे IQAC, प्लेसमेंट सेल व इक्विटास बँक, म...
09/10/2025

महात्मा गांधी विद्यामंदिर संचालित कला, विज्ञान आणि वाणिज्य महाविद्यालय, मनमाड येथे IQAC, प्लेसमेंट सेल व इक्विटास बँक, मनमाड यांच्या संयुक्त विद्यमाने रोजगार मेळावा यशस्वीपणे आयोजित करण्यात आला.
कार्यक्रमाच्या अध्यक्षस्थानी मा. प्राचार्य डॉ. अरुण पाटील होते, तर प्रमुख अतिथी म्हणून श्री. सतिश खिरोले उपस्थित होते. प्रारंभी आपल्या संबोधनात मा. प्राचार्य डॉ. अरुण पाटील यांनी महाविद्यालयातील विविध उपक्रमांविषयी माहिती दिली तसेच विद्यार्थ्यांची सामाजिक व आर्थिक पार्श्वभूमी पाहुण्यांना अवगत करून दिली. प्रमुख पाहुण्यांनी विद्यार्थ्यांना मार्गदर्शन करताना सांगितले की, "आजच्या स्पर्धेच्या युगात रोजगार मिळविण्यासाठी विद्यार्थ्यांनी अधिकाधिक कौशल्ये आत्मसात करणे गरजेचे आहे. कोणतेही काम मनापासून व आनंदाने केले तर त्यात यश निश्चित मिळते.” या रोजगार मेळाव्यात एकूण १०३ विद्यार्थ्यांनी Bank Development Officer, Bank Executive Officer व Marketing Manager या पदांसाठी मुलाखती दिल्या. त्यापैकी २३ विद्यार्थी अंतिम निवडीच्या पुढील टप्प्यासाठी पात्र ठरले. या सर्व विद्यार्थ्यांचे अभिनंदन मा. प्राचार्यांनी करून त्यांना शुभेच्छा दिल्या. सदर कार्यक्रम प्रसंगी महाविद्यालयाचे शैक्षणिक पर्यवेक्षक प्रा. देविदास सोनवणे, कुलसचिव श्री. समाधान केदारे, इक्विटास बँकेचे HR Manager श्री. हितेंद्र बोरसे, प्रशांत सोनवणे, गौरी जोशी यांच्यासह प्लेसमेंट सेलचे डॉ. राजाराम जाधव, प्रा. शरद वाघ, प्रा. वसंत गायकवाड, डॉ. सुनील घुगे, प्रा. अमोल बरकले आदी उपस्थित होते.

मनमाड शालेय शिक्षण व क्रीडा विभाग, क्रीडा व युवक सेवा संचलनालय पुणे आयोजित जिल्हा क्रीडा अधिकारी कार्यालय आणि जिल्हा क्र...
07/10/2025

मनमाड शालेय शिक्षण व क्रीडा विभाग, क्रीडा व युवक सेवा संचलनालय पुणे आयोजित जिल्हा क्रीडा अधिकारी कार्यालय आणि जिल्हा क्रीडा परिषद नाशिक यांच्यातर्फे राबविण्यात आलेल्या शासकीय शालेय जिल्हास्तरीय स्पर्धेत महात्मा गांधी विद्यामंदिर संचलित कला, विज्ञान व वाणिज्य कनिष्ठ महाविद्यालयाच्या खेळाडूंनी विजय संपादन केला. कनिष्ठ महाविद्यालयातील कु. आलेख पगारे ,६० कि. ग्रॅ. प्रथम, कु. तन्मय घुगे, ७१ कि. ग्रॅ. द्वितीय, कु. साक्षी पवार ६३ कि. ग्रॅ. द्वितीय तर स्वामी सगळे ,जैद शेख यांनी सहभाग नोंदवला. कु. आलेख पगारे या खेळाडूची विभागीय स्पर्धेसाठी निवड झाली आहे. या यशाबद्दल सर्व खेळाडूंचे महात्मा गांधी विद्यामंदिर संस्थेचे जनरल सेक्रटरी डॉ. प्रशांत हिरे, संस्थेच्या कोषाध्यक्ष डॉ. स्मिता हिरे, समन्वयक डॉ.अपूर्व हिरे, युवा नेते अद्वय हिरे, विश्वस्त मा. संपदा हिरे, महाविद्यालयाचे प्राचार्य डॉ. ए. व्ही. पाटील, क्रीडा शिक्षक श्री संदिप कोंडुरकर, सर्व प्राध्यापक व प्रशासकीय कर्मचाऱ्यांनी विजयी खेळाडूंचे अभिनंदन केले.

महात्मा गांधी विद्यामंदिर संचलित कला, विज्ञान आणि वाणिज्य (स्वायत्त) महाविद्यालय, मनमाड येथील SYBSc (Major Chemistry) या...
03/10/2025

महात्मा गांधी विद्यामंदिर संचलित कला, विज्ञान आणि वाणिज्य (स्वायत्त) महाविद्यालय, मनमाड येथील SYBSc (Major Chemistry) या विद्यार्थ्यांची फिल्ड प्रोजेक्ट (FP) विषयाशी संबंधित शैक्षणिक फिल्ड व्हिजिट आज दिनांक 30 सप्टेंबर रोजी व्यंकटेश्वरा को ऑपरेटिव्ह पावर अँड ऍग्रो प्रोसेसिंग लिमिटेड,अजंग, मालेगाव येथे आयोजित करण्यात आली. या शैक्षणिक दौऱ्यात विद्यार्थ्यांनी वेंकटेश्वरा को-ऑपरेटिव्ह पॉवर अँड अॅग्रो प्रोसेसिंग लिमिटेड प्रकल्पाला भेट देऊन कृषी व उद्योग क्षेत्रातील महत्त्वाच्या उपक्रमांचा अभ्यास केला. प्रकल्पाचे ब्रीदवाक्य "जय जवान जय किसान" याचा परिचय विद्यार्थ्यांना देण्यात आला. व्यंकटेश्वरा च्या पूर्ण कार्यपद्धतीबद्दल श्री राकेश सूर्यवंशी यांनी मार्गदर्शन केले. या दरम्यान विद्यार्थ्यांना इंटर क्रॉपिंग, शेण खतापासून विविध उपक्रम व गोबर गॅस निर्मिती, तसेच दुग्ध उत्पादन व प्रोसेसिंग प्रक्रियेची माहिती मिळाली. याशिवाय गांडूळ खत प्रकल्प प्रत्यक्ष पाहून त्याची सविस्तर माहिती श्री ललित पाटील यांनी दिली. तसेच माती व पाणी परीक्षण प्रयोगशाळेत विविध आधुनिक उपकरणांची माहिती श्री संदीप सूर्यवंशी यांनी विद्यार्थ्यांना दिली. या भेटीमुळे विद्यार्थ्यांना कृषी रसायनशास्त्र, पर्यावरणपूरक ऊर्जा निर्मिती व प्रयोगशाळा तंत्रज्ञान याबाबत प्रत्यक्ष अनुभव घेता आला. महाविद्यालयाचे प्राचार्य प्रो. डॉ. अरुण व्हि. पाटील , प्रभारी उपप्राचार्य डॉ. डी. व्ही. सोनवणे, कुलसचिव श्री समाधान केदारे यांच्या मार्गदर्शनाखाली रसायनशास्त्र विभागातील सहयोगी प्राध्यापक डॉ. आशिष व्हि. गजभिये, डॉ. आर. एस. शिंदे, प्रा. सुचिता बगडाणे यांनी फिल्ड व्हिजिटचे आयोजन केले.
#जयजवानजयकिसान

Address

Art, Science And Commerce College, Manmad Tal. Nandgaon. Dist. Nashik
Manmad
423104

Opening Hours

Monday 9am - 5pm
Tuesday 9am - 5pm
Wednesday 9am - 5pm
Thursday 9am - 5pm
Friday 9am - 5pm
Saturday 9am - 1pm

Website

Alerts

Be the first to know and let us send you an email when MGV's Arts, Science and Commerce College Manmad posts news and promotions. Your email address will not be used for any other purpose, and you can unsubscribe at any time.

Shortcuts

Share

Category