NSS MSG College

23/03/2021

म. स. गा महाविद्यालयातील प्राचार्य व प्राध्यापकांनी आयुक्तांना घेरले || SHARP NEWS MALEGAON ||

...

22/01/2020

*एड्स जनजागृती जिल्हा कार्यशाळा आयोजन...!*
महाराष्ट्र राज्य एड्स नियंत्रण मंडळ नाशिक जिल्हा एड्स नियंत्रण पथक व रेड रिबीन क्लब यांच्या संयुक्त विद्यमाने महाराजा सयाजीराव गायकवाड महाविद्यालयातील राष्ट्रीय सेवा योजना विभागातून युवा सप्ताह निमित्त एडस् नियंत्रण व प्रशिक्षण या विषयावर एक दिवसीय कार्यशाळा आयोजित करण्यात आली. या कार्यशाळेचे उद्घाटन महाविद्यालयाचे प्राचार्य डॉ. डी.एफ.शिरोडे यांनी केले.
जिल्हा कार्यशाळेत मार्गदर्शन करण्यासाठी नाशिक येथील एड्स नियंत्रण पथकाचे श्री. नरेंद्र पाटील व योगेश परदेशी उपस्थित होते.
या कार्यशाळेत अनेक विद्यार्थी सहभागी झाले. तसेच विद्यार्थ्यांनी या विषयावर आपले विविध विचार मांडले. श्री नरेंद्र पाटील यांनी एड्सविषयी माहिती देऊन आज एड्स जनजागृती प्रशिक्षण व मार्गदर्शन किती अवश्य आहे, त्याचे महत्व पटवून सांगितले. यावेळी रा.स.यो. कार्यक्रम अधिकारी प्रा. सी.डी.राजपूत, उपस्थित होते. तसेच प्रशिक्षण राबविण्यासाठी मालेगाव महानगर पालिकेचे आरोग्य विभागाचे श्री देवेंद्र भामरे सर यांनी सहकार्य केले. कार्यक्रमात नाशिक जिल्ह्यातील विविध महाविद्यालयांचे विद्यार्थी व प्राध्यापक यांनी सहभाग घेतला. संदीप गवळी, दिपक पाटील, सागर कट्ट्यारे आदींनी आपले विचार मांडले. कार्यशाळेत उपप्राचार्य डॉ.सी. एम. निकम कला शाखा प्रमुख डॉ. एन.बी. बच्छाव डॉ. मनिष सोनवणे प्रा.ए.डी पवार, डॉ.एम. व्ही. हिरे उपस्थित होते.
कार्यशाळेचे सूत्रसंचालन गणेश हलवर यांनी तर आभार प्रदर्शन अभिषेक दाणी यांनी केले.

24/12/2019

*राष्ट्रीय सेवा योजना हिवाळी शिबीर समारोप...!*

सावित्रीबाई फुले पुणे विद्यापीठ महात्मा गांधी विद्यामंदिर संचलित, महाराजा सयाजीराव गायकवाड महाविद्यालय व के.बी.एच. महाविद्यालय निमगाव राष्ट्रीय सेवा योजना यांच्या संयुक्त विद्यमाने आयोजित विशेष हिवाळी शिबिर,
गांधीजींच्या १५० व्या जयंतीनिमित्त व राष्ट्रीय सेवा योजना स्थापन होऊन ५० वर्षे पूर्ण झाल्यामुळे "सुवर्णमहोत्सवी वर्ष" म्हणून श्रम संस्कार शिबिर आयोजित करण्यात आले होते. या शिबिरात विविध समाज प्रबोधनाचे विषय घेऊन निमगाव ग्रामस्थांचे पथनाट्य,वासुदेव फेरी,नाटक,भारुड,गीत, श्रमदान, यांच्या माध्यमातून प्रबोधन केले. आजचा शेवटचा दिवस समारोपाचा होता. शिबिर स्थळी म्हणजेच के. बी. एच. महाविद्यालय परिसरात स्वच्छता करण्यात आली. व समारोप कार्यक्रम सुरू झाला. या समारोप कार्यक्रम प्रसंगी प्रमुख पाहुणे म्हणून अशोक हिरे साहेब तर कार्यक्रमाचे अध्यक्ष म्हणून म.स.गा. महाविद्यालयाचे प्राचार्य डॉ. डी.एफ.शिरोडे हे उपस्थित होते. डॉ. सुभाष निकम यांनी त्यांच्या मनोगतातून स्वयंसेवकांचे कौतुक करून शुभेच्छा दिल्या. कार्यक्रमाचे प्रास्ताविक प्रा. सी. डी.राजपूत व आभार प्रा. स्नेहल मराठे यांनी मानले,व सूत्रसंचालन दिपाली देवरे हिने केले, शिबिरातील सर्वात महत्वाचे म्हणजे सात दिवस एकत्र काम केल्यानंतर त्यामध्ये उत्कृष्ट स्वयंसेवक काढला जातो. त्यामध्ये दिपक पवार व पायल अमिपरा यांची आदर्श स्वयंसेवक म्हणून निवड केली तसेच उत्कृष्ट ग्रुप हा पुरस्कार तानाजी मालुसरे या ग्रुप ला मिळाला व सर्वोत्कृष्ट गट नेता म्हणून निकिता चौधरी ला पुरस्कार मिळाला, उत्कृष्ट सांस्कृतिक दिपक पाटील व उत्कृष्ट मिरवणूक वेशभूषा सादरीकरण करणारा ग्रुप म्हणून मावळे शिवा काशिद या ग्रुप ची निवड करण्यात आले. कार्यक्रम पार पाडण्यासाठी रा.स.यो. कार्यक्रम अधिकारी प्रा. राजपूत सर, प्रा. एस. बी. पाटील व प्रा.स्नेहल मराठे विद्यापीठ प्रतिनिधी गणेश हलवर, शिबिर व्यवस्थापक कामेश गायकवाड, विद्यार्थी प्रतिनिधी अभिषेक दाणी, विद्यार्थिनी
प्रतिनिधी शुभांगी अहिरे, सिस्टम प्रमुख गोकुळ बच्छाव सांस्कृतिक प्रमुख ज्ञानेश्वर देवरे,महेश वेताळ साहित्य प्रमुख सचिन गवळी, मीडिया प्रमुख विलास देवरे, सागर कट्यारे, या सर्वांनी शिबिर संपन्न करण्यासाठी अथक परिश्रम घेतले. अतिशय सुंदर पद्धतीने शिबिर पार पडले.

23/12/2019

*निमगाव मध्ये आज समाज प्रबोधन...!*
म.स.गा.महाविद्यालय मालेगाव व के.बी. एच. महाविद्यालय निमगाव राष्ट्रीय सेवा योजना यांच्या संयुक्त विद्यमाने चालत असलेले विशेष हिवाळी श्रमसंस्कार शिबिर निमगाव या गावामध्ये राबत असून उद्याचा शेवटचा दिवस म्हणजेच समारोपाचा दिवस असल्याकारणाने आज गावामध्ये सकाळी सर्व स्वयंसेवक वेगवेगळ्या वेशभूषा साकारून मिरवणूक काढण्यात आली. त्यामध्ये वारकरी, साऊथ इंडियन, लेझीम पथक, सर्व धर्म समभाव, प्रत्येक राज्याची वेशभुषा, शेतकरी वेशभुषा, अश्या प्रकारे गावामध्ये पथनाट्य सादर करून गावकऱ्यांचे प्रबोधन करुन ही मिरवणुक पार पडली. मिरवणूक पार पाडण्यासाठी रा.स.यो. कार्यक्रम अधिकारी प्रा.सी. डी. राजपूत, प्रा. एस.बी.पाटील, प्रा.बी.यू. पवार, प्रा. सपना सोनवणे परिश्रम घेतले.

18/12/2019

*आज निमगाव येथे राष्ट्रीय सेवा योजनेचा हिवाळी शिबिराचे उद्घाटन समारंभ पार पडला...!*
महाराजा सयाजीराव गायकवाड महाविद्यालय व कर्मवीर भाऊराव हिरे महाविद्यालय निमगाव राष्ट्रीय सेवा योजना विभाग विशेष हिवाळी श्रमसंस्कार शिबिराला आजपासून सुरुवात होत आहे. या शिबिराच्या उद्घाटन प्रसंगी प्रमुख पाहुणे म्हणून के.बी.हच महाविद्यालयाचे प्राचार्य डॉ. सुभाष निकम सर व कार्यक्रमाचे अध्यक्ष म्हणून म.स.गा. महाविद्यालयाचे प्राचार्य डॉ. डी.एफ.शिरोडे सर हे उपस्थित होते. प्रतिमापूजन आणी व श्रमदान साहित्याचे पूजन करून कार्यक्रमाचे उद्घाटन करण्यात आले. त्यानंतर कार्यक्रमाचे प्रास्ताविक मा. प्रा. राजपूत सर यांनी केले. उपस्थित सर्व मान्यवरांनी शिबिरासाठी सर्व स्वयंसेवकांनी शुभेच्छा दिल्या. तसेच कार्यक्रमाला दोन्ही महाविद्यालयाचे प्राध्यापक व इतर कर्मचारीही उपस्थित होते.

02/10/2019

*म.स.गा. महाविद्यालयात महात्मा गांधी व लालबहादूर शास्त्री जयंती साजरी..!*
राष्ट्रपिता महात्मा गांधी यांच्या १५० व्या जयंतीनिमित्त व महात्मा गांधी विद्यामंदिर संस्थेच्या वर्धापन दिनानिमित्त महाराजा सयाजीराव गायकवाड महाविद्यालय मालेगाव कॅम्प येथे कार्यक्रम पार पडला. सर्व प्रथम महात्मा गांधी विद्यामंदिर संस्थेच्या ध्वजाचे संस्थेचे उपाध्यक्ष बी. के. अण्णा देवरे यांच्या हस्ते आरोहण करण्यात आले, त्यानंतर राष्ट्रीय सेवा योजनेच्या स्वयंसेवकांनी महात्मा गांधीजी याचे संदेश देणारे पत्रक व गांधीजी वेशभूषा विजय वाघ या स्वयंसेवकाने साकारून टाळ मृदुंगाच्या घोषात गांधीजींचे आवडते भजन गाऊन दिंडी काढण्यात आली.
दिंडीचा समारोप झाल्यानंतर व्याख्यानाचे आयोजन करण्यात आले होते. या कार्यक्रमाच्या अध्यक्षस्थानी संस्थेचे उपाध्यक्ष बी. के. आण्णा देवरे हे होते तर प्रमुख वक्ते म्हणून प्राचार्य डॉ. डी. एफ. शिरोडे ( बापूसाहेब) हे होते. दिपप्रज्वलन,स्वागत, सत्कार, झाल्यानंतर प्राचार्यांच्या व्याख्यानातून हातावरच्या छडीचा मार ते छातीवर झेललेली गोळी हा गांधीजींचा जीवनपट उलगडून अहिंसा, सत्य, सदाचार करणारे महात्मा गांधी सर्वांसमोर मांडले.
‌त्यानंतर बी.के. आण्णा देवरे यांचे अध्यक्षीय भाषण झाले, त्या प्रसंगी संस्थेचे रजिस्टार शेलार सर, महाविद्यालयाचे उपप्राचार्य सी.एम. निकम सर तिन्ही विभागांचे विभाग प्रमुख, रा.स.यो. कार्यक्रम अधिकारी प्रा.राजपूत सर, स्नेहल मराठे मॅडम, पाटील सर व महाविद्यालयात सर्व प्राध्यापक कर्मचारी वृंद उपस्थित होते. गौरव साबळे, अक्षय शिरोळे, तुषार जाधव यांनी महात्मा गांधी यांच्या विचारांचे पोस्टर प्रदर्शन केले. कार्यक्रमाच्या शेवटी आभार प्रदर्शन झाले व राष्ट्रगीताने कार्यक्रमाची सांगता झाली.

24/09/2019

*राष्ट्रीय सेवा योजना दिन उत्साहात संपन्न....!*
महात्मा गांधी यांच्या जयंतीला १५० वर्ष पूर्ण झाले व राष्ट्रीय सेवा योजना स्थापन होऊन आज ५० वर्ष पूर्ण झाली या सुवर्ण मोहत्सवी वर्षानिमित्त व स्वयंसेवकांच्या मनात सामाजिक जाणीव निर्माण करणे व त्यांचा सर्वांगीण व्यक्तिमत्व विकास, स्वावलंबन, चरित्रवर्धन व सामाजिक बांधिलकी या मूल्यांचा समन्वय घडवून आणण्यासाठी, २४ सप्टेंबर "राष्ट्रीय सेवा योजना स्थापना दिन" म्हणून महाराजा सयाजीराव गायकवाड महाविद्यालयात साजरा करण्यात आला.
या कार्यक्रमाच्या अध्यक्षस्थानी महाविद्यालयाचे प्राचार्य डॉ. डी.फ. शिरोडे सर तर प्रमुख अतिथी म्हणून नामपूर महाविद्यालयाचे प्राचार्य डॉ. आर.पी. भामरे सर व निमगाव महाविद्यालयाचे प्राध्यापक ए.जी. नेरकर सर उपस्थित होते. महाविद्यालयाचे उपप्राचार्य डॉ.सी. एम.निकम, प्रा. एन.बी.बच्छाव व इतर सर्व प्राध्यापक ही कार्यक्रमाला उपस्थित होते. राष्ट्रीय सेवा योजनेचे कार्यक्रम अधिकारी राजपूत सर यांनी प्रास्ताविक केल्यानंतर प्रमुख अतिथी यांच्या मार्गदर्शनातून रा.स.यो. चे महत्व पटवून देण्यात आले. समाजाची सेवा करण्याची संधी हि राष्ट्रीय सेवा योजना स्वयंसेवकांना प्राप्त करुन एक आदर्श विद्यार्थी घडवण्याचे काम रा.स.यो करते. असे प्रमुख मार्गदर्शक नेरकर सर यांच्या मार्गदर्शनातून त्यांनी स्वयंसेवकांना उद्बोधन केले. एवढेच नाही तर एक "आदर्श कलाकार" हा राष्ट्रीय सेवा, योजना विभाग करतो हे स्वयंसेवकांनी केलेल्या सांस्कृतिक कार्यक्रमातून दिसून आले. सांस्कृतिक कार्यक्रमात विविध नाविन्यपूर्ण म्हणजेच गीत गायन, नाटक, भारुड, बतावणी, पोवाडा, नृत्य अशा उपक्रमांचे आयोजन करण्यात आले होते.
कार्यक्रमाचे सूत्रसंचालन पायल अमिपरा व ज्ञानेश्वर कोते व आभार प्रदर्शन मराठे मॅडम यांनी केले. राष्ट्रीय सेवा योजनेचे कार्यक्रम अधिकारी प्रा.सी.डी. राजपूत सर, प्रा.एस.बी.पाटील सर, प्रा. स्नेहल मराठे मॅडम, तसेच मागील प्रतिनिधी अमोल पवार सर, जयराम माळी सर, कामेश गायकवाड सर यांच्या मार्गदर्शनाखाली कार्यक्रम पार पडला. रा.स. यो. विद्यापीठ प्रतिनिधी गणेश हलवर, विद्यार्थी प्रतिनिधी अभिषेक दाणी व सर्व स्वयंसेवकांनी अतिशय उत्साहाने या समारंभाचे आयोजन केले होते.

21/09/2019

*↔️राष्ट्रीय सेवा योजना ↔️*
-●●● ▬▬▬ஜ۩۞۩ஜ▬▬▬ ●●●-
*महत्वाची सूचना*
*-●════════════════════●*
स्वयंसेवकांच्या मनात सामाजिक जाणीव निर्माण करणे व त्यांचा सर्वांगीण व्यक्तिमत्व विकास, स्वावलंबन, चरित्रवर्धन व सामाजिक बांधिलकी या मूल्यांचा समन्वय घडवून आणण्यासाठी, २४ सप्टेंबर *"राष्ट्रीय सेवा योजना दिन"* म्हणून महाविद्यालयात साजरा करण्यात येतो २०१९-२० हे वर्ष *सुवर्ण महोत्सवी वर्ष* म्हणून साजरा करण्यात येणार आहे.
त्यानुसार आपल्या महाविद्यालयात स्वयंसेवकांन मार्फत विविध नाविन्यपूर्ण म्हणजेच गीत गायन, नाटक, भारुड, बतावणी, पोवाडा उपक्रमांचे आयोजन करण्यात येणार आहे. *"राष्ट्रीय सेवा योजना दिन"* हा आपल्या महाविद्यालयात उत्साहात साजरा व्हावा म्हणून सर्व स्वयंसेवकांनी या समारंभात सहभागी होणे आवश्यक आहे. यानिमित्ताने सोमवार दिनांक २३/०९/२०१९ रोजी सर्व स्वयंसेवकांनी एनएसएस पार्कला ०९:०० वाजता उपस्थित राहावे.
सर्वांची उपस्थिती व सहभाग आवश्यकच आहे .......
*-●════════════════════●-*

12/09/2019

*म.स.गा. महाविद्यालय राष्ट्रीय सेवा योजनेचे गणेश मूर्ती व निर्माल्य संकलन अभियान*
अवघ्या भारतभर विशेषतः महाराष्ट्रात गणेशोत्सव उत्साहाने साजरा होणारा सण आहे. 10 दिवस आपल्या लाडक्या बाप्पाची आपण मनोभावे सेवा करतो.आणि मग शेवटचा दिवस येतो तो अनंत चतुर्दशीचा. म्हणजेच बाप्पांचे विसर्जन....!
या गणेशोत्सवामध्ये आपण प्लास्टर ऑफ पॅरिस च्या गणेश मूर्ती आपल्या घरी बसवतो व अनंत चतुर्दशीच्या दिवशी बाप्पाच्या मूर्तीचे नदीमध्ये विसर्जन करतो परंतु यामुळे प्रचंड प्रमाणात प्रदूषण होऊन निसर्गाची हानी होते, हे रोखण्यासाठी महाराजा सयाजीराव गायकवाड महाविद्यालय राष्ट्रीय सेवा योजनेतर्फे गेल्या १० वर्षांपासून मालेगाव गिरणा नदी येथे गणेशमूर्ती व निर्माल्य संकलन करण्यात येते. या वर्षीही १५०० गणेश मूर्ती संकलन करण्यात आले. त्याप्रसंगी महाविद्यालयाचे प्राचार्य डॉ. डी. एफ. शिरोडे व उपप्राचार्य सी. एम. निकम सर उपस्थित होते. रा.स.यो. कार्यक्रम अधिकारी प्रा. सी. डी.राजपूत, प्रा. एस. बी. पाटील, प्रा. स्नेहल मराठे मॅडम व सर्व स्वयंसेवकांच्या सहकार्याने कार्यक्रम पार पडला.

25/08/2019

*====~~ राष्ट्रीय सेवा योजना ~~===*
-●●● ▬▬▬ஜ۩۞۩ஜ▬▬▬ ●●●-
अती पावसामुळे कोल्हापूर,सांगली, साताऱ्या मध्ये आहाकार माजला होता, अनेक जणांचे घर-संसार कित्येक दिवस पाण्याखाली होते. अनेक संसार वाहून गेले, त्याचबरोबर खूप जणांचे शैक्षणिक साहित्य ही वाहून गेले. अनेकांचे संसार उध्वस्त झालेत.त्यांच्यात आत्मविश्वास भरून स्वाभिमानाने उभा करायचा हेच ध्येय. असं झालं तरच तुम्ही मित्रांनी स्वतःच्या फाटक्या आयुष्यातून वेळ काढून केलेले श्रमदान व बाकीच्या लोकांनी त्यांच्या घामाच्या पैशातून केलेल्या मदतीचं चीज होईल आणि तिथल्या लोकांना ही आधार मिळेल.
कोल्हापूर येथील पूर परिस्थिती आटोक्यात आली पण आता वेळ आहे ते कोल्हापूरचे पूर्वीच वैभव परत आणाण्याची. *म्हणूनच महाराजा सयाजीराव गायकवाड महाविद्यालय राष्ट्रीय सेवा योजनेचे पाच स्वयंसेवक व सोबत पुणे विद्यापीठातून विविध महाविद्यालयातून आलेले स्वयंसेवक सद्या कोल्हापूर सांगली मधील गावागावात जाऊन अनेक ठिकाणी श्रमदान,स्वच्छता करून विविध वस्तू त्यांच्यापर्यंत पोहोचवण्याचे काम करत आहेत.*
त्यांच्या या कार्याला सलाम....!
त्यांना दिलेलं प्रोत्साहन हे त्यांच्या कामातून दिसून येणारं आहे.
त्यांना सर्वांना हे काम करण्याची शक्ती मिळो....! हीच प्रार्थना....!
-●●● ▬▬▬ஜ۩۞۩ஜ▬▬▬ ●●●-

21/08/2019

*राष्ट्रीय सेवा योजना*

आपल्या रा.स.यो. विभागातून सांगली व कोल्हापूर येथे २२ ते २८ ऑगस्ट महाराष्ट्रातील अतीवर्षण पूरग्रस्त आणि दुष्काळग्रस्त भागातील समुहासाठी मदत व पुनर्वसन कार्य आयोजित शिबिरासाठी ०५ स्वयंसेवक सहभागी होत आहे. त्यांना महाविद्यालयाच्या व राष्ट्रीय सेवा योजनेच्या वतीने खूप खूप शुभेच्छा......!
शुभेच्छा देताना प्राचार्य, उपप्राचार्य, व इतर प्राध्यापक.....!

15/08/2019

*====~~ राष्ट्रीय सेवा योजना ~~===*
*↔️स्वतंत्र दिवस↔️*
-●●● ▬▬▬ஜ۩۞۩ஜ▬▬▬ ●●●
७३ वा स्वतंत्र दिन महाराजा सयाजीराव गायकवाड महाविद्यालयात उत्साहात साजरा करण्यात आला. सर्वात प्रथम महाविद्यालयाचे प्राचार्य डॉ. दिनेश शिरोडे सर यांच्या हस्ते ध्वजारोहण झाले. राष्ट्रगीत झाल्यानंतर युवक म्हणजे सतत एकत्र राहण्याची आग आणि अश्याच युवकांना एकत्र जोडणारा दोर म्हणजे राष्ट्रीय सेवा योजना. याच रा.स.यो. च्या स्वयंसेवकांनी मानवी मनोरे रचून एकात्मतेचे आज संदेश दिले. त्यानंतर रांगोळीच्या माध्यमातून प्रबोधन करण्यात आले.
राष्ट्रीय सेवा योजना म्हणजे एक परिवार आणि याच परिवार एक नात म्हणजे सर्व मुला मुलींमध्ये असलेलं बहीण भावाचे नाते. हेच नाते अतून करण्यासाठी प्रत्येक स्वयंसेविकेने एका कोणत्याही स्वयंसेवकाला राखी बांधून रक्षाबंधन साजरा केला. त्याप्रसंगी रा.स.यो. चे सर्व कार्यक्रम अधिकारी व माजी स्वयंसेवक उपस्थित होते.
-●●● ▬▬▬ஜ۩۞۩ஜ▬▬▬ ●●●-