ജാമിഅ പഠനത്തിന് ഇനി ആറു നാള് മാത്രം
കേന്ദ്ര സര്വ്വകലാശാലയായ ന്യൂ ഡല്ഹി ജാമിഅ മില്ലിയ്യയുടെ മലപ്പുറം വിദൂരപഠന കേന്ദ്രത്തില് വിവിധ കോഴ്സുകളില് പ്രവേശനത്തിന് അപേക്ഷിക്കാന് ഇനി 6 നാള് കൂടി മാത്രം. വിവിധ തൊഴില് മേഖലകളില് വ്യാപൃതരായവര്ക്കും കുടുംബിനികള്ക്കും കേന്ദ്ര സര്വ്വകലാശാലയില് പഠന/ഗവേഷണ സാധ്യതകള് തേടുന്നവര്ക്കും ഏറെ അനുയോജ്യമായ പഠന ബോധന സംവിധാനങ്ങളും സമയക്രമങ്ങളുമാണ് പഠനകേന്ദ്രം ഒരുക്കിയിരിക്കുന്നത്.
ഏറെ തൊഴില് സാധ്യതയുള്ള MA HRM( Human Resource Management), MA PA(Public Administration), PG DGC (Post Graduate Diploma In Guidance and Counselling) എന്നിവയടക്കമുള്ള വിവിധ കോഴ്സുകളിലേക്ക് ഒക്ടോബര് 20 വരെ അപേക്ഷിക്കാം. ഇവക്ക് പുറമെ MA (English, Sociology, History, Political Science), M Com, B Com, BA, BBA കോഴ്സുകളും സെന്ററില് ലഭ്യമാണ്.
അഡ്മിഷന് ഹെല്പ്പ് ലൈന്: 9995950868, 9645642285
13/10/2016
Ma'din Media School
Share
An institute under Ma'din Academy which conducts a wide variety of programs in the field of journalism and media.
A national leader in journalistic education that meets the demands of a dynamic and fast growing society where communication is the buzzword of success. Ma'din media school strengthens a positive media's role in a democratic society to create an ideal world where everyone gets freedom, justice, peace and voice with a positive and progressive outlook.
പിരിമുറുക്കങ്ങളും ധൃതിപിടിച്ച ഷെഡ്യൂളുകളും കഴുത്തറുപ്പന് മല്സരങ്ങളും വിദ്യാഭ്യാസ രംഗത്തെ മുഖമുദ്രയായ പുതിയ കാലത്ത് ബാല്യവും കൗമാരവും യൗവനവും പകച്ചു നില്ക്കുമ്പോള് അവര്ക്ക് കൈത്താങ്ങാവേണ്ടത് മാതാപിതാക്കളും അദ്ധ്യാപകരുമടങ്ങുന്ന സമൂഹം തന്നെയാണ്.
മികച്ച അദ്ധ്യാപന് ഒരു നല്ല കൗണ്സലര് കൂടിയാണ്. മികച്ച രക്ഷിതാവ് ഒരു നല്ല മന:ശാസ്ത്രജ്ഞന് കൂടിയാണ്. മന:ശാസ്ത്ര പഠനം അതു കൊണ്ടുതന്നെ പക്വമായ ഒരു സമൂഹത്തിന്റെ നിലനില്പ്പിന് അനിവാര്യമാണ്.
മഅ്ദിന് ജാമിഅ സ്റ്റഡി സെന്റര് നല്കുന്ന മികച്ച പരിശീലനത്തിലൂടെ നിങ്ങള്ക്കും ഒരു കൗണ്സലറാകാം. ഒപ്പം സര്ഗാത്മക സമൂഹത്തിന്റെ നിര്മിതിയില് പങ്കാളിയാകാം. വിവരങ്ങള്ക്ക്: 9995950868,9645642285
മഅ്ദിന് സ്കൂള് ഓഫ് ജേര്ണലിസത്തില് നിന്ന് ഇനി ദഅ്വാ ബാച്ചുകളും
മഅ്ദിന് സ്കൂള് ഓഫ് ജേര്ണലിസം പുതിയ സംരംഭമായി ജേര്ണലിസം ദഅ്വാ കോളെജ് ബാച്ചുകള്ക്ക് തുടക്കം കുറിക്കുകയാണ്. ധര്മ്മബോധനവഴികളില് ഭാവിയുടെ കരുത്താവേണ്ടവരാണ് ദഅ്വാ വിദ്യാര്ത്ഥികള്. ആത്മീയവും ഭൗതികവുമായ വിഷയങ്ങള് സമഗ്രമായും ആധികാരികമായും പഠനവിധേയമാക്കുന്ന ദഅ്വാ കോളെജുകള് ധിഷണാശാലികളായ നിരവധി പണ്ഡിതരെയും ഗവേഷകരെയും സമൂഹത്തിന് സമ്മാനിച്ചിട്ടുണ്ട്. ജെ. ആര്.എഫ്/ എസ്. ആര്. എഫ/ നെറ്റ് തുടങ്ങി ഉന്നത യോഗ്യതയുള്ള നിരവധി പ്രതിഭകളാണ് ഈ സ്ഥാപനങ്ങളില് നിന്ന് പുറത്തിറങ്ങിയത്.
ദഅവാ രംഗത്തെ മുന്നിരക്കാരില് പ്രമുഖരായ മഅ്ദിനു കീഴില് 8 ദഅ്വ കോളെജുകള് പ്രവര്ത്തിക്കുന്നുണ്ട്. മഅ്ദിന് മോഡല് അക്കാദമി, മഅ്ദിന് ഇശാഅത്ത് മലപ്പുറം, മഅ്ദിന് ദഅ്വാ കോളെജ് പെരുംപറമ്പ്, മഅ്ദിന് എജ്യു പാര്ക്ക് ദഅ്വാ കോളെജ്, മഅ്ദിന് മുത്വവ്വല് സ്വലാത്ത് നഗര്, മഅ്ദിന് ദഅ്വാ കോളെജ് കടന്നമണ്ണ, മഅ്ദിന് ദഅ്വാ കോളെജ് അല് ഇര്ശാദ് കാംപസ് തൃപ്പനച്ചി, മോളൂര് മഅ്ദിന് മസ്വാലിഹ് എന്നവയാണ് മഅ്ദിന് കീഴിലെ ദഅ്വാ കോളെജുകള്. ഇതിനു പുറമെ മഅ്ദിന് ഹിഫഌല് ഖു് #ആന് കോളെജ് കൂടെ ചേരുന്നതോടെ സ്ഥാപനങ്ങളുടെ എണ്ണം 9 ആകും. സ്കൂള് ഓഫ് ജേര്ണലിസം നിയോഗിക്കുന്ന ഫാക്കല്റ്റി സ്ഥാപനത്തില് നേരിട്ടെത്തിയാണ് വിദ്യാര്ത്ഥികള്ക്ക് പത്രപ്രവര്ത്തനമേഖലയില് ക്ലാസ്സുകളും പരിശീലനവും നല്കുന്നത്.
സമൂഹത്തെ നേര്വഴിക്ക് നയിക്കാനും ശബ്ദമില്ലാത്തവന്റെ ശബ്ദവും വഴികാട്ടിയും ആയി മാറാനും ശ്രമിക്കുന്നവര് ആശയവിനിമയരംഗത്തും മാധ്യമമേഖലകളിലും സമര്ത്ഥമായും കൃത്യമായും ഇടപെടാന് കഴിവുള്ളവായിരിക്കണം. ആ വഴിയില് ദഅ്വാ വിദ്യാര്ത്ഥികളുടെ കരുത്തിനു മൂര്ച്ച കൂട്ടുകയാണ് സ്കൂള് ഓഫ് ജേര്ണലിസം. കേരളത്തിലെ ഏറ്റവും സമര്ത്ഥരായ വിദ്യാര്ത്ഥികള് പഠിക്കുന്ന ഈ ദഅ്വാ കോളെജുകളില് പത്രപ്രവര്ത്തന പഠനം നല്കാന് കഴിയുന്നത് സ്കൂള് ഓഫ് ജേര്ണലിസത്തെ സംബന്ധിച്ചിടത്തോളം അമൂല്യമായ അവസരമാണ്.
അര്ഹമായവ നേടിയെടുക്കാനും അനീതികള്ക്കെതിരെ പോരാടാനും നന്മയുടെ പക്ഷത്ത് ഉറച്ചുനിന്ന് ജീര്ണതകള്ക്കെതിരെ സുരക്ഷാ കവചമൊരുക്കാനും ശ്രമിക്കുന്ന ഈ പുതുതലമുറക്ക് ആവനാഴിയിലെ അസ്ത്രങ്ങള്ക്ക് കരുത്ത് കൂട്ടാന് പത്രപ്രവര്ത്തന പഠനം സഹായകമാവും. അച്ചടി, ദൃശ്യ-ശ്രാവ്യ മാധ്യമരംഗങ്ങളിലും സാമൂഹ്യ മാധ്യമങ്ങളിലും പക്വമായും ഫലപ്രദമായും ഇടപഴകാനും ആശയവിനിമയ മേഖലയിലെ ധാര്മ്മിക സാന്നിദ്ധ്യമാവാനും ഈ വിദ്യാര്ത്ഥികള്ക്ക് കഴിയുമെന്ന് പ്രത്യാശിക്കാം.
04/01/2016
Ma'din Academy conducted a workshop for Wikipedia writing. Organised as part of Vicennium programmes along with Malayalam Wikipedia.
04/01/2016
Ma'din Academy conducted a workshop for Wikipedia writing. Organised as part of Vicennium programmes along with Malayalam Wikipedia.
01/01/2016
The new move in the new year
01/10/2015
മഅ്ദിന് അക്കാദമിയുടെ പുതിയ സംരംഭമായ മഅ്ദിന്- ജാമിഅ സ്റ്റഡി സെന്റര് അഡ്മിഷന് പ്രവര്ത്തനങ്ങള് അതിവേഗം പുരോഗമിക്കുകയാണ്. ഇന്ത്യയുടെ വിദ്യാഭ്യാസ മേഖലയില് നിരവധി അതുല്യമായ നേട്ടങ്ങള് കാഴ്ച വച്ച ഡല്ഹി ജാമിഅ മില്ലിയ്യ യൂണിവേഴ്സിറ്റിയും ചുരുങ്ങിയ കാലം കൊണ്ടു തന്നെ അന്തര്ദേശീയ ശ്രദ്ധയാകര്ഷിച്ച മഅ്ദിന് അക്കാദമിയും കൈ കോര്ക്കുമ്പോള് അത് ഉന്നത വിദ്യാഭ്യാസ രംഗത്ത് പുതിയ ചരിത്രം തീര്ക്കും, തീര്ച്ച.
പ്രഥമ വര്ഷം 7 പി.ജി കോഴ്സുകളും രണ്ട് ബിരുദ കോഴ്സുകളുമാണ് സെന്ററില് ലഭ്യമാവുക. എം.എ-ഇംഗ്ലിഷ്, ഹിസ്റ്ററി, പൊളിറ്റിക്കല് സയന്സ്, പബ്ലിക് അഡ്മിനിസ്ട്രേഷന്, സോഷ്യോളജി, എം.കോം എന്നീ പി.ജി കോഴ്സുകളും ബി.എ (ജനറല്), ബി.ബി.എ എന്നീ ബിരുദ കോഴ്സുകളുമാണ് സെന്ററില് ഈ വര്ഷം ഉണ്ടാവുക.
റെഗുലര് സ്ട്രീമില് ഉന്നത പഠനം നടത്താന് കഴിയാത്തവര്ക്ക് കേന്ദ്ര യൂണിവേഴ്സിറ്റിയുടെ സര്ട്ടിഫിക്കറ്റ് നേടാനുള്ള സുവര്ണ്ണാവസരമാണ് മഅ്ദിന് ജാമിഅ സ്ററഡി സെന്റര് യാഥാര്ത്ഥ്യമാക്കുന്നത്.
കേന്ദ്ര സര്വകലാശാല കോഴ്സുകള് ആഗ്രഹിക്കുന്നവര്ക്ക് സുവര്ണാവസരമാണ് മഅ്ദിന് സ്റ്റഡി സെന്റര് ഒരുക്കുന്നത്.
താല്പര്യമുള്ളവര്ക്ക് ഇപ്പോള് അപേക്ഷിക്കാം. അപേക്ഷിക്കാനുള്ള അവസാന തിയ്യതി ഒക്ടോ: 15. ഹെല്പ് ലൈന്: 9645 642285, 9447 471761, 9946 788483.
15/07/2015
02/07/2015
25/06/2015
മഅ്ദിന് സ്കൂള് ഓഫ് ജേര്ണലിസം ജൈത്രയാത്ര തുടരുകയാണ്. പതിനഞ്ച് വിദ്യാര്ത്ഥികളുമായി കഴിഞ്ഞ വര്ഷം ജൂലൈയില് എളിയ രീതിയില് റെഗുലര് ബാച്ച് പ്രവര്ത്തനമാരംഭിച്ച സ്ഥാപനം ഒട്ടേറെ നാഴികക്കല്ലുകള് പിന്നിട്ടാണ് പുതിയ അദ്ധ്യയന വര്ഷത്തെ വരവേല്ക്കുന്നത്.
പഠനം പൂര്ത്തിയാക്കിയവരില് ഉന്നത പഠനം ലക്ഷ്യം വച്ചവരൊഴികെ മുഴുവന് വിദ്യാര്ത്ഥികള്ക്കും പ്ലെയ്സ്മെന്റ് നല്കാനായതാണ് നേട്ടങ്ങളില് ഏറ്റവും ശ്രദ്ധേയം.
ആദ്യ ബാച്ചിലെ രണ്ട് പേര്ക്ക് ഇതു വരെ സെന്ട്രല് യൂണിവേഴ്സിറ്റികളില് അഡ്മിഷന് ലഭിച്ചു. മംഗലാപുരം സ്വദേശി മുഹമ്മദ് അലി ജൗഹര് ഹൈദരാബാദ് സെന്ട്രല് യൂണിവേഴ്സിറ്റിയില് മാസ് കമ്മ്യൂണിക്കേഷനില് ഉപരിപഠനം നടത്തും. മറ്റൊരു വിദ്യാര്ത്ഥിയായ മുഹമ്മദ് യൂസുഫ് കെ.വി നന്നമ്പ്ര ഹൈദരാബാദ് ഇഫ്ലു യൂണിവേഴ്സിറ്റിയില് സ്പാനിഷ് പഠിക്കും. സക്രിയമായ ഇടപെടലുകളിലൂടെയും നിര്മാണാത്മക നിലപാടുകളിലൂടെയും സാമൂഹ്യ പുരോഗതിയുടെ വഴിത്താരകളില് തങ്ങളുടേതായ ഇടം കണ്ടെത്താനും മാധ്യമപ്രവര്ത്തന മേഖലയില് ചെറുതെങ്കിലും പ്രസക്തമായ നേട്ടങ്ങള് കാഴ്ച വയ്ക്കാനും കഴിഞ്ഞുവെന്നത് ചാരിതാര്ത്ഥ്യത്തോടെ സ്മരിക്കുന്നു.
കൂട്ടായ മുന്നേറ്റത്തിന്റെ മഹത്തായ വിജയങ്ങള് എപ്പോഴും മധുരതരമാണ്. മാനേജ്മെന്റിന്റെയും പ്രമുഖ പത്രപ്രവര്ത്തകരുടേയും വിദ്യാര്ത്ഥികളുടേയും നിസ്വാര്ത്ഥമായ സഹകരണങ്ങള് ഈ വിജയത്തിന്റെ നെടും തൂണായി. സാമൂഹ്യ, സാംസ്കാരിക, സാഹിത്യ, കലാ രംഗങ്ങളിലെ നിരവധി പ്രമുഖര് ഇക്കാലയളവില് അതിഥികളായെത്തി. സഹായ സഹകരണങ്ങള് ചെയ്ത മുഴുവന് സഹൃദയര്ക്കും കൃതജ്ഞതയര്പ്പിക്കുന്നതോടൊപ്പം പുതിയ വര്ഷവും നിര്ലോപമായ പിന്തുണയും
ഇടപെടലും ഉണ്ടാവണമെന്ന് അഭ്യര്ത്ഥിക്കുന്നു.
പുതിയ അദ്ധ്യയന വര്ഷം ഒട്ടേറെ പുതുമകളാണ് സ്കൂള് ഓഫ് ജേര്ണലിസം കാഴ്ച വയ്ക്കാനൊരുങ്ങുന്നത്. മാധ്യമമേഖലകളിലെ കഴുത്തറുപ്പന് മല്സരങ്ങളെ അതിജയിക്കാന് കഴിയുന്ന, സാങ്കേതിക വിദ്യകളില് അതിമെയ് വഴക്കം കാണിക്കുന്ന, ആനുകാലിക സംഭവങ്ങളെ അതി സൂക്ഷ്മം നിരീക്ഷിക്കുന്ന, ധാര്മിക മൂല്യങ്ങളോട് പ്രതിബദ്ധത പുലര്ത്തുന്ന ഒരു പുതു തലമുറയെ വാര്ത്തെടുക്കാന് സ്ഥാപനം പ്രതിജ്ഞാ ബദ്ധമാണ്.
പത്രപ്രവര്ത്തന മേഖലയില് താല്പര്യവും അഭിരുചിയുമുള്ള ബിരുദധാരികള്ക്കാണ് പ്രവേശനം. വിവര വിനിമയ മേഖലയില് താല്പര്യമുള്ളവര്ക്ക് ഈ മേഖലയിലെ അനന്തമായ സാധ്യതകള് പ്രയോജനപ്പെടുത്താം.
കോഴ്സിനെക്കുറിച്ചും അഡ്മിഷനെക്കുറിച്ചും കൂടുതല് അറിയാന് താല്പര്യപ്പെടുന്നവര്ക്ക് 9895 096 618, 9995 950 868 നമ്പറുകളില് വിളിക്കാം.
12/04/2015
മഅ്ദിന് സാമൂഹിക സുരക്ഷാ സംഗമം
മന്ത്രി ആര്യാടന് മുഹമ്മദ് ഉദ്ഘാടനം ചെയ്യും
മഅ്ദിന് അക്കാദമിയുടെ 20-ാം വാര്ഷികാഘോഷ പരിപാടി- രണ്ടര വര്ഷം നീണ്ടുനില്ക്കുന്ന "മഅ്ദിന് വൈസനിയം"- പദ്ധതികള്ക്ക് ഇന്ന് തുടക്കമാവുകയാണ്. ബഹുമാന്യനായ കേരള മുഖ്യമന്ത്രി ശ്രീ. ഉമ്മന്ചാണ്ടി ഔപചാരിക ഉദ്ഘാടനം നിര്വ്വഹിക്കുന്നതോടെ വൈസനിയം ഉദ്ഘാടന സമ്മേളനം ഇന്നു മുതല് 16 വരെ മഅ്ദിന് സ്വലാത്ത് നഗരിയെ ജനനിബിഢമാക്കും.
ഈ ആഘോഷ മുഹൂര്ത്തങ്ങളില് മഅ്ദിന് സ്കൂള് ഓഫ് ജേര്ണലിസവും പങ്കാളികളാവുകയാണ്.നാളെ (13.04.15 തിങ്കള്) നടക്കുന്ന സാമൂഹിക സുരക്ഷാ സംഗമത്തിലൂടെ. രാവിലെ 10ന് മഅ്ദിന് ഓഡിറ്റോറിയത്തില് നടക്കുന്ന സാമൂഹിക സുരക്ഷാ സംഗമം കേരള വൈദ്യുതി വകുപ്പ് മന്ത്രി ആര്യാടന് മുഹമ്മദ് ഉദ്ഘാടനം ചെയ്യും. മഅ്ദിന് ചെയര്മാന് സയ്യിദ് ഇബ്രാഹിമുല് ഖലീലുല് ബുഖാരി അധ്യക്ഷത വഹിക്കും.
സുരക്ഷിതമായ കുടുംബങ്ങള് ഏതൊരു സമൂഹത്തിന്റെയും അനിവാര്യ ഘടകമാണ്. നിര്ഭാഗ്യവശാല് സാങ്കേതിക വിദ്യകളും ശാസ്ത്രവും ഏറെ വികസിച്ചുവെങ്കിലും കുടുംബ ബന്ധങ്ങളെയും സാമൂഹിക സുരക്ഷിതത്വത്തെയും അത് ദോഷകരമായാണോ ബാധിച്ചത് എന്ന് സംശയിക്കേണ്ടിയിരിക്കുന്നു. സാമൂഹിക സുരക്ഷയുടെ പുതിയ പാഠങ്ങളിലേക്ക് സംഗമം വഴി തുറക്കും.
കേരള ഡി ജി പിയും (ഡയരക്ടര് ജനറല് ഓഫ് പ്രോസിക്യൂഷന്സ്, കേരള) പ്രമുഖ അഭിഭാഷകനമായ അഡ്വ. ടി ആസഫ് അലി വിവരാവകാശം സംബന്ധിച്ച് വിശദമായ ക്ലാസ്സെടുക്കും.
ജനാധി പത്യ വ്യവസ്ഥയുടെ അടിസ്ഥാന ഘടകം ജനങ്ങളാണ്. ലോകത്തെ ഏറ്റവും വലിയ ജനാധിപത്യ വ്യവസ്ഥയായ ഇന്ത്യയാവട്ടെ അതിന്റെ ജനതക്ക് അനന്തവും വിപുലവുമായ അവകാശങ്ങളാണ് നല്കിയിരിക്കുന്നത്.
വിവരാവകാശ നിയമം ജനാധിപത്യത്തെ കെടുകാര്യസ്ഥതയില് നിന്നും അഴിമതിയില് നിന്നും മുക്തമാക്കി ഭരണയന്ത്രത്തെ പൊതുജനോന്മുഖമാക്കാനും ഭരണകൂടത്തെ നേര്വഴി നടത്താനുമുള്ള പൗരന്റെ പ്രധാന ആയുധമാണ്.
നിര്ഭാഗ്യവശാല് വിവരാവകാശ നിയമത്തിന്റെ ശക്തിയെക്കുറിച്ചും വിവിധ വശങ്ങളെക്കുറിച്ചും ഭൂരിപക്ഷം പേര്ക്കും വേണ്ടത്ര അറിവില്ലെന്നത് ഖേദകരമാണ്. വിവരാവകാശത്തിന്റെ വിവിധ വശങ്ങള് ചര്ച്ച ചെയ്യുന്ന ക്ലാസ്സില് സംശയ നിവാരണത്തിനും ശ്രോദ്ധാക്കള്ക്ക് അവസരം ലഭിക്കും.
അഡീഷണല് ഡി ജി പി (പ്രോസിക്യൂഷന്സ്) ടോം ജോസ് പടിഞ്ഞാറെക്കര അതിഥിയായെത്തും. അഡ്വ. അബ്ദുല് കരീം ഇടുക്കി (ഗവ. പ്ലീഡര്, കേരള ഹൈ കോടതി), അഡ്വ. അബ്ദുല് അഹദ് (കേരള ഹൈ കോടതി) സംബന്ധിക്കും.
സാധാരണക്കാര്ക്കും സാമൂഹ്യപ്രവര്ത്തകര്ക്കും വിവിധ ഉദ്യോഗമേഖലകളില് പ്രവര്ത്തിക്കുന്നവര്ക്കും വിദ്യാര്ത്ഥികള്ക്കുമെല്ലാം പ്രയോജനപ്പെടുത്താവുന്ന വിധമാണ് ക്ലാസ് സംഘടിപ്പിച്ചിരിക്കുന്നത്.
കൂടുതല് വിവരങ്ങള് 9995 950868, 9895 096 618 നമ്പറുകളില് ലഭ്യമാണ്
Click here to claim your Sponsored Listing.
Location
Contact the school
Website
Address
Malappuram
676517