Malappuram Co-operative Spinning Mills Ltd.

കേരളം രൂപീകരിച്ച് 75 വർഷം പൂർത്തിയാകുന്ന 2031ൽ വ്യവസായ കേരളം എങ്ങനെയായിരിക്കണമെന്നാണ് നിങ്ങളുടെ ആഗ്രഹം? ഈ വിഷയം ചർച്ച ചെയ്യുന്നതിനും വിശാലമായ കാഴ്ചപ്പാട് രൂപീകരിക്കുന്നതിനുമായി സംസ്ഥാന വ്യവസായ വാണിജ്യ വകുപ്പ് സംഘടിപ്പിക്കുന്ന വിഷൻ 2031 സെമിനാർ നാളെ രാവിലെ 10 മുതൽ തിരുവനന്തപുരം കഴക്കൂട്ടം അൽ സാജ് കൺവെൻഷൻ സെൻ്ററിൽ നടക്കും.

കേരളത്തിൽ പുതിയൊരു വ്യവസായ ഭൂമിക ഉദയം ചെയ്യുകയും രാജ്യത്തെ നിക്ഷേപ ലക്ഷ്യ കേന്ദ്രങ്ങളിൽ ഒന്നാം നിരയിലേക്ക് വളരുകയും ചെയ്ത സാഹചര്യത്തിൽ വ്യവസായ മേഖലയിലെ അജണ്ടക്ക് പുതുരൂപം നൽകുന്നത് ലക്ഷ്യമിട്ടുള്ള ആശയരൂപീകരണമാണ് സെമിനാറിലൂടെ ലക്ഷ്യമിടുന്നത്. വൈജ്ഞാനിക സമ്പദ്ഘടനയുടേയും സൺ റൈസ് മേഖലകളിലെ വളർച്ചയുടേയും അന്താരാഷ്ട്ര മാതൃകയായി കേരളത്തെ രൂപപ്പെടുത്തും. പൊതു-പരമ്പരാഗത മേഖലകളെ ആധുനികീകരിച്ച് മത്സരക്ഷമമാക്കി സംരക്ഷിക്കുന്ന കേരളത്തിൻ്റെ വേറിട്ട വളർച്ചാവഴി ശക്തിപ്പെടുത്തുകയും ചെയ്യും. ഇതുൾപ്പെടുന്ന സമഗ്രമായ കർമ്മപദ്ധതിയാണ് രൂപപ്പെടുത്തുക.

ഉദ്ഘാടന സമ്മേളനത്തിനു ശേഷം 11.30 ന് 'വിഷൻ 2031: റോഡ് മാപ്പ് ഫോർ റെസ്പോൺസിബിൾ ഗ്രോത്ത് ആൻ്റ് ഇന്നവേഷൻ' എന്ന വിഷയത്തിൽ പാനൽ ചർച്ച നടക്കും. കെയ്ൻസ് ടെക്നോളജീസ് സി.ഇ.ഒ രമേഷ് കണ്ണൻ, വെസ്റ്റേൺ ഇന്ത്യ എം.ഡി പി.കെ മായൻ മൊഹമ്മദ്, അദാനി വിഴിഞ്ഞം പോർട്ട് സി.ഇ.ഒ പ്രദീപ് ജയരാമൻ, ഡെൻ്റ് കെയർ സി.ഇ.ഒ ജോൺ കുര്യാക്കോസ്, നെസ്റ്റ് സി.ഇ. ഒ നസ്നീൻ ജഹാംഗീർ തുടങ്ങിയവർ സംസാരിക്കും.

ഇതോടൊപ്പം 3 വിഷയങ്ങളിൽ സമാന്തര സെഷനുകൾ ചേർന്ന് ചർച്ച നടത്തും. 'പൊതുമേഖല 2.0 - അടുത്ത ഘട്ട വ്യവസായ വളർച്ചയെ ശക്തിപ്പെടുത്തൽ', 'പരമ്പരാഗ വ്യവസായങ്ങൾ, പുതിയ മൂല്യ ശൃംഖല 2031', 'സൂക്ഷ്മ സംരംഭങ്ങളിൽ നിന്ന് ശക്തമായ സംരംഭങ്ങളിലേക്ക്: വ്യവസായ ഭാവിക്കായി എം.എസ്.എം.ഇ കളെ പുനർ വിഭാവനം ചെയ്യൽ' എന്നീ വിഷയങ്ങളിലാണ് സമാന്തര സെഷനുകൾ നടക്കുക. ചർച്ചകളിൽ അതത് മേഖലകളിലെ വിദഗ്ധർ, ഉദ്യോഗസ്ഥർ, വ്യവസായികൾ എന്നിവർ പങ്കെടുക്കും.

✨🌸 **ഓണവിസ്മയം 2025** 🌸✨

*“ഓണവിസ്മയം”* എന്ന തലക്കെട്ട് അക്ഷരാർത്ഥത്തിൽ അന്വർത്ഥമാക്കി,
മലപ്പുറം കോ-ഓപ്പറേറ്റീവ് സ്പിന്നിംഗ് മില്ലിന്റെ ചരിത്രത്തിലെ
ഏറ്റവും വിസ്മയകരമായ ഓണാഘോഷങ്ങളിൽ ഒന്നാക്കി മാറ്റാൻ
സഹകരിച്ച എല്ലാ പ്രിയപ്പെട്ട സഹപ്രവർത്തകർക്കും
നന്ദിയും കടപ്പാടും അറിയിക്കുന്നു. 🙏❤️

🌼 മാവേലി വരവ്
🐅 പുലികളി
🎉 ഘോഷയാത്ര
💃 തിരുവാതിര & ഒപ്പന
🎯 ഷൂട്ടൗട്ട്, വടംവലി
🎶 ഗാനമേള...
എല്ലാം ഒന്നിനൊന്ന് മികച്ച അനുഭവങ്ങളായി! 🌟

ഈ വിജയത്തിനുപിന്നിൽ
👉 മാനേജിംഗ് ഡയറക്ടർ മുതൽ യൂണിയൻ നേതാക്കളും,
👉 സ്ഥിരം ജീവനക്കാരും, കാഷ്വൽ ജീവനക്കാരും വരെ —
*സംഘാടകരായും, വിളമ്പുകാരായും, മത്സരാർത്ഥികളായും*
ഒറ്റക്കെട്ടായി നിന്ന പരിശ്രമമാണ്! 👏

🍽️ സദ്യയും പായസവും...
മറക്കാനാവാത്ത ഓർമയായി ❤️

ആരെയും പേരെടുത്ത് പറയുന്നില്ല —
പക്ഷേ, ഓരോരുത്തരുടെയും കൂട്ടായ പരിശ്രമമാണ്
ഈ മഹാവിസ്മയത്തിന്റെ കരുത്ത്! 💪✨

ഒരിക്കൽ കൂടി,
മലപ്പുറം കോ-ഓപ്പറേറ്റീവ് സ്പിന്നിംഗ് മില്ലിന്റെ
**ഒരായിരം ഓണാശംസകൾ!** 🌸🥳

\