02/09/2022
*തിരികെ*
കളിയും ചിരിയും, ഓടിക്കളിച്ച നടന്ന മണ്ണും പുതിയ കെട്ടിടങ്ങളും എല്ലാത്തിനും നിശബ്ദ സാക്ഷിയായ വൻമരങ്ങളും, ഒരിക്കൽ കൂടി കാണുവാൻ ജീവതത്തിൽ ഒരു ദിവസം കൂടി തന്ന ദൈവത്തിന് സ്തുതി...
ഇങ്ങനെ ഒരു ആശയവും മനസ്സിൽ നിന്നും കൺമുന്നിലേക്ക് തെളിഞ്ഞ് വരുവാൻ ഇരുപത് വർഷത്തിലധികം വേണ്ടിവന്നു നമുക്കെല്ലാവർക്കും അതിന് എല്ലാ അധ്യാപകരോടും വിദ്യാലയത്തോടും മാപ്പ് ചോദിക്കുന്നു..
ഈ ദിവസത്തിന്റെ കൂടിച്ചേരൽ പ്രവർത്തിച്ച ഒട്ടനവധി കോർഡിനേറ്റർമാരുണ്ട്... എല്ലാവർക്കും വിനീതമായ പ്രണാമങ്ങൾ. അവരുടെ ആത്മാർത്ഥമായ പ്രവർത്തനങ്ങൾക്ക് ഒരായിരം അഭിനന്ദനങ്ങൾ നേരുന്നു...
സമയത്തിന്റെ രഥത്തിലേറി സഞ്ചരിക്കുന്ന കാലം, ആ സമയം പലപ്പോഴും നമ്മളിൽ നിന്ന് ബാല്യകാല സൗഹൃദങ്ങൾ, പിന്നിട്ട വഴികളിൽ എവിടേക്കാ പോയിമറഞ്ഞ ബന്ധങ്ങളും ഓർമ്മകളും.. അകാലത്തിൽ വിട്ടുപിരിഞ്ഞ സഹപാഠികളും, ഇനിയൊരിക്കൽ കൂടി ഇവരിൽ ആരൊക്കെയോ കണ്ടുമുട്ടുമെന്ന് ഉറപ്പില്ലാത്ത ജീവിതം.
മറക്കാൻ പറ്റാത്ത മുറിപ്പാടുകൾ പലതും മനസ്സിൽ പലരോടും ഉണ്ടാവാം. എങ്കിലും ഒന്ന് കണ്ണോടിച്ചാൽ ഓർമ്മകളിൽ മാത്രം വന്നിരുന്ന സ്കൂളിൻറെ നടുമുറ്റവും മറ്റു വന്മരങ്ങളും പൂന്തോട്ടവും വീണ്ടും കണ്ടുമുട്ടാൻ അവസരം തന്ന ദൈവത്തിന് വീണ്ടും സ്തുതി അർപ്പിക്കുന്നു..
ഓർമ്മകൾ എന്നുള്ളത് സന്തോഷവും സങ്കടങ്ങളും ഒരുപോലെ പകർന്നു നൽകുന്ന ഒരു അനുഭൂതിയാണ്. അതിൽ വീണ്ടും ഓർമ്മിക്കാൻ ഇഷ്ടപ്പെടാത്ത ഒട്ടനവധി കാര്യങ്ങൾ ഉണ്ടാവും. പക്ഷേ അതിൽ ഓർമ്മിക്കുവാൻ സുഖമുള്ള ചെറിയ ചെറിയ നൊമ്പരങ്ങളുമുണ്ട്.. അത്തരം ഒരു ഓർമ്മകളിലൂടെയാണ് നമ്മൾ കൂടി ചേർന്ന കഴിഞ്ഞ ഞായറാഴ്ച നമുക്ക് കടന്നുപോയത്...
കൂടിച്ചേരൽ 20 വർഷത്തിനുശേഷം ആകുമ്പോൾ ബാല്യത്തിൽ നിന്നും യൗവനവും കടന്നു പിന്നിട്ടിരിക്കുന്നു... ബാല്യത്തിൽ കണ്ട മുഖങ്ങളെല്ലാം ഇപ്പോൾ താടിയും മുടിയുടെ രൂപവുമെല്ലാം മാറി ജീവിതാനുഭവങ്ങളിൽ നിന്നും പഠിച്ച് പക്വതയുള്ള മനുഷ്യനായി തീർത്തിരിക്കുന്നു... പക്ഷേ അവരുടെ മനസ്സിനേ 20 വർഷത്തിന്റെ ബാക്കിലേക്ക് ചിന്തിപ്പിക്കുന്ന രീതിയിലേക്ക് ആ ദിവസത്തെ നമുക്ക് മാറ്റപ്പെടാൻ സാധിച്ചു..
ഒരു ക്ലാസിൽ നിന്നുള്ള പരിചയങ്ങൾ ഒരു ബാച്ചിലേക്ക് മാറ്റപ്പെടുമ്പോൾ ഉണ്ടാകുന്ന പരിചയക്കുറവുകൾ തമ്മിൽ ഉണ്ടായിരിക്കും, എന്നിരുന്നാലും ഈ ഒരു സംഗമം കൊണ്ട് കൊണ്ട് ബന്ധങ്ങൾ കൂട്ടുകയും സൗഹൃദത്തിന് നവോന്മേഷം പകരുകയും ചെയ്യുന്നു...
റിട്ടയേഡ് ലൈഫ് ആസ്വദിക്കുന്ന സമയത്തും വാർദ്ധക്യ സാഹചര്യ ആരോഗ്യ പ്രശ്നങ്ങളുള്ള സമയത്തും നമ്മുടെ പരിപാടിയിൽ പങ്കെടുക്കാൻ കാണിച്ച അധ്യാപകർക്കും ഹൃദയത്തിൻറെ ഭാഷയിൽ കോഡിനേറ്റർ എന്ന നിലയിലും വിദ്യാർത്ഥി എന്ന നിലയിലും കടപ്പാടും നന്ദിയും അറിയിക്കുന്നു... ഇനിയും ഒത്തിരി ഒത്തിരി വർഷങ്ങൾ അവർക്കും നമുക്കും ഇനിയും പരിപാടി സംഗമിക്കാൻ കഴിയട്ടെ എന്ന് ആത്മാർത്ഥമായി പ്രാർത്ഥിക്കുന്നു...
നമ്മുടെ ഈ സംഗമം വിജയിപ്പിക്കുന്നതിന് വേണ്ടി പ്രവർത്തിച്ച ഓരോരുത്തർക്കും ഹൃദ്യമായ നന്ദി പ്രകാശിപ്പിക്കുന്നു.... ഈ പരിപാടി നടത്തുന്നതിനു വേണ്ടി അവരുടെ ഒഴിവും സമയവും ഇതിനായി ചെലവഴിച്ച സഹകോഡിനേറ്റർമാരോടും വ്യക്തിപരമായ രീതിയിൽ അവരോട് നന്ദിയും കടപ്പാടും ഈ സമയത്ത് അറിയിക്കുന്നു..
ഇനിയും ഇത്തിരി കൂടിച്ചേരുകൾ നമുക്കെല്ലാവർക്കും വർഷംതോറും നടക്കാൻ സാധിക്കട്ടെ എന്ന് ആത്മാർത്ഥമായി പ്രാർത്ഥിക്കുന്നു...
✍🏻സക്കരിയ മേൽമുറി
