02/01/2018
കലാസമിതി സുവർണ്ണ ജൂബിലി സംഘാടകസമിതി രൂപീകരിച്ചു.
_________________________________
തിരൂരങ്ങാടി കലാസമിതിയുടെ ഒരു വർഷം നീണ്ടു നിൽക്കുന്ന ആഘോഷ പരിപാടികൾ വിജയിപ്പിക്കുന്നതിന് 101അംഗ സംഘാടകസമിതി രൂപീകരിച്ചു.തിരൂരങ്ങാടി മുനിസിപ്പൽ
ചെയര് പേഴ്സൺ ശ്രീമതി.കെ.ടി.റഹീദ
മുഖ്യരക്ഷാധികാരിയും, കെ.ബീരാൻകുട്ടിമാസ്റ്റർചെയർമാനും, കെ.മുഹമ്മദലി ജനറൽ കൺവീനറും, ഹംസ അമ്പാടി ട്രഷററുമായ സംഘാടകസമിതിയും 12ഉപസമിതികളും രൂപീകരിച്ചു.
2018മേയ്1_ന് തുടങ്ങി 2019 മേയ്1_ന് സമാപിക്കുന്ന പരിപാടികളുടെ കരട് രുപവും അവതരിപ്പിച്ചു. കുടുംബസംഗമത്തോടെ തുടങ്ങുന്ന പരിപാടികളിൽ
അംഗൻവാടി_ഭിന്നശേഷി കുട്ടികള്ക്കുള്ള കലാ_കായിക മേള, അടുക്കള തോട്ടമത്സരം, ജൈവകൃഷി_പരിസര ശുചീകരണ_ആരോഗ്യസംരക്ഷണ ബോധവത്ക്കരണപരിപാടികൾ, നാടിനെ അറിയാൻ കുടുംബ യാത്ര , ജില്ല തല
മാപ്പിളപ്പാട്ട്_ലഘുനാടക_വായനോത്സവ പ്രശ്നോത്തരി, കലാസമിതികളുടെ കൂട്ടായ്മ, ഷൂട്ടൗട്ട് മത്സരം , നൃത്തോത്സവം, ഗാനമേള തുടങ്ങിയ പ്രതിമാസ പരിപാകളാണ് ഉൾപ്പെടുത്തിയിട്ടുള്ളത്. പരേതനായ മാപ്പിളപ്പാട്ട് ഗാന രചയിതാവ് കെ.ടി.മൊയ്തീൻ രചിച്ച 50 ഗാനങ്ങളടങ്ങുന്ന`ഗാനോപഹാരം'പുസ്തക പ്രകാശനവുംത്രൈമാസികാസപ്ളിമെൻറ്, സ്മരണിക പസിദ്ധീകരണവും ആഘോഷ പരിപാടികളിൽ ഉൾപ്പെടുത്തിയിട്ടുണ്ട്. പഴയകാല കലാകാരൻമാർ, കർഷകർ, ഉന്നത രംഗത്തുള്ള പുർവ്വ വിദ്യാർത്ഥികൾ,
ഉന്നത വിജയം കരസ്ഥമാക്കിയ വിദ്യാർത്ഥികൾ എന്നിവരെ ആദരിക്കാനും ഉദ്ദേശിക്കുന്നു.
വിവിധ പരിപാടികളിലായി സംഗീത നാടക അക്കാദമി ചെയര് പേഴ്സൺ, മന്ത്രിമാർ, ജനപ്രതിനിധികൾ, സാഹിത്യകാരൻമാർ, വിവിധ കലാകാരൻമാർ എന്നിവരെപങ്കെടുപ്പിക്കുവാനും ഉദ്ദേശിക്കുന്നു .
