12/02/2024
ഇരുപത്തിനാലാമത് പൂക്കോട്ടൂർ
ഹജ്ജ് ക്യാമ്പ് ഏപ്രിൽ 20, 21 തിയ്യതികളിൽ
പൂക്കോട്ടൂർ പി കെ എം ഐ സി ക്യാമ്പസ് വെച്ച് നടക്കും;
സ്വാഗതസംഘം രൂപീകരിച്ചു.
പൂക്കോട്ടൂർ: സംസ്ഥാനത്തെ ഏറ്റവും വലിയ ഹജ്ജ് ക്യാമ്പായ പൂക്കോട്ടൂർ ഹജ്ജ് ക്യാമ്പ് ഏപ്രിൽ 20,21 തീയതികളിൽ പൂക്കോട്ടൂർ പി കെ എം ഐ സി ക്യാമ്പസിൽ വച്ച് നടക്കും.
ഉസ്താദ് അബ്ദുസ്സമദ് പൂക്കോട്ടൂർ നേതൃത്വം നൽകുന്ന ക്ലാസിൽ സംസ്ഥാനത്തിന്റെ വിവിധ ഭാഗങ്ങളിൽ നിന്നായി നിരവധി ഹാജിമാർ പങ്കെടുക്കും.
രണ്ട് ദിവസം നീണ്ടു നിൽക്കുന്ന ക്യാമ്പിന്റെ സുഗമമായ നടത്തിപ്പിന് വിപുലമായ സ്വാഗതസംഘ രൂപീകരണം നടന്നു.
മുഖ്യ രക്ഷാധികാരിയായി പി.കെ കുഞ്ഞാലിക്കുട്ടി എം.എൽ.എ, രക്ഷാധികാരികളായി അബ്ദു സമദ് സമദാനി എം പി, പി ഉബൈദുള്ള എം.എൽ.എ, കെ മുഹമ്മദുണ്ണി ഹാജി, എന്നിവരേയും
ചെയർമാനായി സയ്യിദ് സാദിക്കലി ശിഹാബ് തങ്ങൾ പാണക്കാട്, വർക്കിങ് ചെയർമാനായി കെ.എം അക്ബർ, ജനറൽ കൺവീനർ ടി.വി ഇബ്രാഹിം എം.എൽ.എ, വർക്കിംഗ് കൺവീനർ കെ.പി. ഉണ്ണിതു ഹാജി, ട്രഷറർ പി.എം.ആർ. അലവി ഹാജി, എന്നിവരേയും തെരഞ്ഞെടുത്തു.
വൈസ് ചെയർമാന്മാരായി അബ്ദുസ്സമദ് പൂക്കോട്ടൂർ, അഡ്വ. അബ്ദുറഹ്മാൻ കാരാട്ട്, കെ. ഇസ്മാഈൽ മാസ്റ്റർ, അഡ്വ. പി.വി. മനാഫ്, പി.പി. ഹുസൈൻ മുസ്ലിയാർ, എ.എം. അബൂബക്കർ എന്ന കുഞ്ഞാപ്പു, കെ. മൻസൂർ എന്ന കുഞ്ഞിപ്പു, കെ. മമ്മദ് ഹാജി, വി. യൂസുഫ് ഹാജി, പി. എ. സലാം, മോഴിക്കൽ ഇസ്മാഈൽ എന്നിവരേയും ജോയിൻ്റ് കൺവീനർമാരായി വി. പി. സലീം മാസ്റ്റർ, ഹസൻ സഖാഫി പൂക്കോട്ടൂർ, ഹുസൈൻ മന്നെത്തൊടി, അഡ്വ. എൻ. കെ. മജീദ്, പാലക്കൻ ബശീർ എന്ന മുത്തു, യൂനുസ് ഫൈസ്, മുജീബ് കൊടക്കാടൻ, എ. എം. ഇഖ്ബാൽ, സി.ടി. നൗഷാദ് എന്നിവരേയും തെരെഞ്ഞെടുത്തു.
പി. കെ. എം. ഐ. സി. ക്യാമ്പസിൽ സ്ഥാപനത്തിൻ്റെ വർക്കിങ് പ്രസിഡൻ്റ് കെ. എം. അക്ബറിൻ്റെ അധ്യക്ഷതയിൽ ചേർന്ന സ്വാഗത സംഘം രൂപീകരണയോഗം ടി.വി. ഇബ്രാഹീം എം. എൽ. എ. ഉദ്ഘാടനം നിർവഹിച്ചു. അബ്ദുസ്സമദ് പൂക്കോട്ടൂർ മുഖ്യപ്രഭാഷണം നടത്തി. അഡ്വ. അബ്ദുറഹ്മാൻ കാരാട്ട് സ്വാഗതസംഘാംഗ പ്രഖ്യാപനം നടത്തി. പി. എം. ആർ. അലവി ഹാജി, പി.പി. ഹുസൈൻ മുസ്ലിയാർ, സി.കെ. മുഹമ്മദ് മാഹിരി, മുജീബ് പൂക്കോട്ടൂർ, അബ്ദുൽ അസീസ് ദാരിമി, അബൂബക്കർ ദാരിമി പുല്ലാര എന്നിവർ സംബന്ധിച്ചു. കെ. പി. ഉണ്ണീതു ഹാജി സ്വാഗതവും ഹുസൈൻ മന്നെത്തൊടി നന്ദിയും പറഞ്ഞു.
