ਨਵੀਂ ਸਵੇਰ ਪਾਠਸ਼ਾਲਾ

#ਮੋਹਾਲੀ
ਕੱਲ੍ਹ ਨਵੀਂ ਸਵੇਰ ਪਾਠਸ਼ਾਲਾ ਦੇ ਸਹਿਯੋਗ ਨਾਲ਼ ਪੀਐੱਸਯੂ (ਲਲਕਾਰ) ਵਲੋਂ ਮੋਹਾਲੀ ਦੀ 3B2 ਮਾਰਕਿਟ ਵਿਖੇ ਬਾਲ ਰਸਾਲਾ ' ਜੁਗਨੂੰ ' ਅਤੇ ਬੱਚਿਆਂ ਦੀਆਂ ਕਿਤਾਬਾਂ ਦੀ ਨੁਮਾਇਸ਼ ਲਾਈ। ਬੱਚਿਆਂ ਅਤੇ ਮਾਪਿਆਂ ਨੂੰ ਵਿਸ਼ਵ ਭਰ ਦੇ ਲੇਖਕਾਂ ਦੀਆਂ ਅਨੁਵਾਦਤ ਕਹਾਣੀਆਂ, ਅਤੇ ਬਾਲ ਰਸਾਲੇ ਵਿਚ ਕਵਿਤਾਵਾਂ, ਕਹਾਣੀਆਂ, ਅਤੇ ਵਿਗਿਆਨ ਦੇ ਵਿਸ਼ਿਆਂ ਉੱਤੇ ਲੇਖ ਬਹੁਤ ਪਸੰਦ ਆਏ। ਅੱਜ ਬੱਚਿਆਂ ਵਿੱਚ ਲੰਮੇ ਸਮੇਂ ਲਈ ਸਕ੍ਰੀਨ ਉੱਤੇ ਸਮੱਗਰੀ ਵੇਖਣ ਦਾ ਰੁਝਾਨ ਵਧਦਾ ਜਾ ਰਿਹਾ ਹੈ ਜਿਸ ਕਰਕੇ ਉਹਨਾਂ ਦੀ ਕਲਾਤਮਕਤਾ, ਪੜ੍ਹਨ ਵਿੱਚ ਦਿਲਚਸਪੀ, ਅਤੇ ਧਿਆਨ ਉੱਤੇ ਮਾੜਾ ਅਸਰ ਪੈ ਰਿਹਾ ਹੈ। ਹਿੰਸਕ ਅਤੇ ਆਪਾ-ਕੇਂਦ੍ਰਿਤ ਫ਼ਿਲਮਾਂ, ਕਾਰਟੂਨ ਆਦਿ ਉਹਨਾਂ ਦੀਆਂ ਕੋਮਲ ਭਾਵਨਾਵਾਂ ਨੂੰ ਖੋਰਾ ਲਾ ਰਹੇ ਹਨ। ਅਜਿਹੇ ਸਮਿਆਂ ਵਿੱਚ ਬਾਲ ਰਸਲਾ ਜੁਗਨੂੰ ਬੱਚਿਆਂ ਨੂੰ ਕਹਾਣੀਆਂ, ਕਵਿਤਾਵਾਂ, ਵਿਗਿਆਨ ਉੱਤੇ ਲੇਖ, ਫਿਲਮ ਸਮੀਖਿਆਵਾਂ, ਬੁਝਾਰਤਾਂ ਆਦਿ ਰਾਹੀਂ ਪੜ੍ਹਨ ਦੀ ਆਦਤ ਨਾਲ਼ ਜੋੜਨ ਦਾ ਕੰਮ ਬਾਖੂਬੀ ਨਿਭਾ ਰਿਹਾ ਹੈ।

#ਲੁਧਿਆਣਾ
#ਨਵੀਂ ਸਵੇਰ ਪਾਠਸ਼ਾਲਾ
ਮਜਦੂਰ ਲਾਇਬ੍ਰੇਰੀ, ਈ ਡਬਲਯੂ ਐੱਸ ਕਲੋਨੀ , ਤਾਜਪੁਰ ਰੋਡ ਲੁਧਿਆਣਾ ਵਿਖੇ ਲਗਾਤਾਰ ਬੱਚਿਆਂ ਨੂੰ ਨਵੀਂ ਸਵੇਰ ਪਾਠਸ਼ਾਲਾ ਵੱਲੋਂ ਪੜ੍ਹਾਇਆ ਜਾਂਦਾ ਹੈ। ਇਸਦੇ ਨਾਲ਼ ਹੀ ਹਰ ਸ਼ਨੀਵਾਰ ਨੂੰ ਕੋਈ ਨਾ ਕੋਈ ਸਰਗਰਮੀ ਵੀ ਕਰਵਾਈ ਜਾਂਦੀ ਹੈ, ਜਿਵੇਂ ਫਿਲਮ ਦੀ ਪੇਸ਼ਕਾਰੀ, ਖੇਡਾਂ, ਕਹਾਣੀ ਸਨਾਉਣਾ ਆਦਿ। 16 ਮਈ ਸ਼ਨੀਵਾਰ ਨੂੰ ਬੱਚਿਆਂ ਨੂੰ 'ਐਂਗਰੀ ਬਰਡ' ਫਿਲਮ ਦਿਖਾਈ ਗਈ ਸੀ ਅਤੇ 23 ਮਈ ਸ਼ਨੀਵਾਰ ਨੂੰ ਕਹਾਣੀਆਂ ਵੀ ਸੁਣਾਈਆਂ ਗਈਆਂ ਅਤੇ ਖੇਡਾਂ ਵੀ ਖੇਡੀਆਂ ਗਈਆਂ। ਜਿਸ ਨੂੰ ਬੱਚਿਆਂ ਨੇ ਖੂਬ ਪਸੰਦ ਕੀਤਾ।

#ਲੁਧਿਆਣਾ
#ਨਵੀਂ_ਸਵੇਰ_ਪਾਠਸ਼ਾਲਾ
ਲੰਘੇ ਸ਼ਨੀਵਾਰ ਲੁਧਿਆਣਾ ਦੀ ਮਜਦੂਰ ਲਾਇਬ੍ਰੇਰੀ, ਈ ਡਬਲਯੂ ਐੱਸ ਕਲੋਨੀ ਵਿੱਚ ਪਾਠਸ਼ਾਲਾ ਦੇ ਬੱਚਿਆਂ ਨੇ ਤਰ੍ਹਾਂ-ਤਰ੍ਹਾਂ ਦੀਆਂ ਖੇਡਾਂ ਕੈਰਮਬੋਰਡ, ਬੈਡਮਿੰਟਨ ਆਦਿ ਖੇਡੀਆਂ ਅਤੇ ਇਸ ਤੋਂ ਬਾਅਦ ਇੱਕਠੇ ਬੈਠ ਕੇ ਸੰਗੀਤ ਦਾ ਅਨੰਦ ਮਾਣਿਆ। ਬੱਚੇ ਹਰ ਸ਼ਨੀਵਾਰ ਦਾ ਬੇਸਬਰੀ ਨਾਲ਼ ਇੰਤਜ਼ਾਰ ਕਰਦੇ ਹਨ ਅਤੇ ਢੇਰ ਸਾਰੀਆਂ ਖੁਸ਼ੀਆਂ ਬਟੋਰਦੇ ਹਨ ਅਤੇ ਖੁਸ਼ੀਆਂ ਦੇ ਕੇ ਵੀ ਜਾਂਦੇ ਹਨ। ਨਵੀਂ ਸਵੇਰ ਪਾਠਸ਼ਾਲਾ ਦੇ ਚਹਿਕ ਦੇ ਬੱਚਿਆਂ ਦੀਆਂ ਤਸਵੀਰਾਂ ਤੁਹਾਡੇ ਨਜਰੀ...

#ਲੁਧਿਆਣਾ
#ਮਜਦੂਰ_ਲਾਇਬ੍ਰੇਰੀ
ਨਵੀਂ ਸਵੇਰ ਪਾਠਸ਼ਾਲਾ ਵੱਲੋਂ ਲੁਧਿਆਣੇ ਵਿਖੇ, ਮਜਦੂਰ ਲਾਇਬ੍ਰੇਰੀ, ews ਕਲੋਨੀ ਵਿੱਚ ਲਗਾਤਾਰ ਬੱਚਿਆਂ ਨੂੰ ਫ੍ਰੀ ਟਿਉਸ਼ਨ ਦਿੱਤੀ ਜਾਂਦੀ ਹੈ। ਹੁਣ ਬੱਚੇ ਪੇਪਰ ਦੇ ਕੇ , ਨਤੀਜੇ ਪ੍ਰਾਪਤ ਕਰਕੇ ਅਗਲੀਆਂ ਕਲਾਸਾਂ ਵਿੱਚ ਚਲੇ ਗਏ ਹਨ। ਬੱਚੇ ਹਰ ਰੋਜ ਖੁਸ਼ੀ ਖੁਸ਼ੀ ਲਾਇਬ੍ਰੇਰੀ ਆਉਂਦੇ ਹਨ ਅਤੇ ਕਦੇ ਗੱਲਾ ਕਰਨ,ਕਦੇ ਕਹਾਣੀਆਂ ਸਣਾਉਣ ਅਤੇ ਕਦੇ ਖੇਡਣ ਦੀ ਗੱਲ ਕਰਦੇ ਹਨ। ਪਿਛਲੇ ਦਿਨੀਂ ਬੱਚਿਆਂ ਨੇ ਮਿਲ ਕੇ ਰੰਗਾਂ ਨਾਲ਼ ਕਲਕਾਰੀਆਂ ਕੀਤੀਆਂ। ਕੁੱਝ ਤਸਵੀਰਾਂ ਤੁਹਾਡੀ ਨਾਲ਼ ਸਾਂਝੀਆਂ ਕਰ ਰਹੇ ਆ ...

#ਜੁਗਨੂੰ

#ਬਾਲ_ਰਸਾਲਾ

ਦੋਸਤੋ, ਬਾਲ ਰਸਾਲਾ ਜੁਗਨੂੰ ਦਾ ਨੌਂਵਾਂ ਬੁਲੇਟਨ ਅਪ੍ਰੈਲ-ਜੂਨ 2026 ਛਪ ਕੇ ਆ ਗਿਆ ਹੈ।

ਬਾਲ ਰਸਾਲਾ ਜੁਗਨੂੰ ਨੇ ਆਪਣੇ ਦੋ ਸਾਲ ਦਾ ਸਫਰ ਪੂਰਾ ਕਰਕੇ ਇਸ ਬੁਲੇਟਨ ਨਾਲ਼ ਤੀਸਰੇ ਸਾਲ ਵਿੱਚ ਕਦਮ ਧਰਿਆ ਹੈ।
ਪਿਛਲੇ ਦੋ ਸਾਲਾਂ ਵਿੱਚ ਜੁਗਨੂੰ ਨੂੰ ਬਾਲ ਪਾਠਕਾਂ ਦਾ ਭਰਵਾਂ ਹੁੰਘਾਰਾ ਮਿਲ਼ਿਆ। ਇਸ ਸਮੇਂ ਦੌਰਾਨ ਅਸੀਂ ਜੁਗਨੂੰ ਰਾਹੀਂ ਬੱਚਿਆਂ ਵਿੱਚ ਚੰਗੀਆਂ ਕਦਰਾਂ-ਕੀਮਤਾਂ, ਸਾਹਿਤ ਅਤੇ ਵਿਗਿਆਨਕ ਵਿਚਾਰਾਂ ਦਾ ਪਸਾਰ ਕਰਨ ਦੇ ਨਾਲ਼-ਨਾਲ਼ ਬਾਲ ਲੇਖਕਾਂ ਅਤੇ ਕਲਾਕਾਰਾਂ ਨੂੰ ਉਤਸ਼ਾਹਿਤ ਕਰਨ ਵਿੱਚ ਵੀ ਕਾਮਯਾਬ ਹੋਏ ਹਾਂ। ਜੁਗਨੂੰ ਦੇ ਅਗਲੇ ਸਫਰ ਦੌਰਾਨ ਵੀ ਸਾਡੀ ਕੋਸ਼ਿਸ਼ ਰਹੇਗੀ ਕਿ ਅਸੀਂ ਨੰਨ੍ਹੇ ਬੱਚਿਆਂ ਦੇ ਬਾਲ ਮਨਾਂ ਨੂੰ ਟੁੰਭਦੀ ਸਮੱਗਰੀ ਰਾਹੀਂ ਉਹਨਾਂ ਵਿਅਕਤੀਤਵ ਨੂੰ ਨਵੀਂ ਪਰਵਾਜ ਦੇ ਸਕੀਏ।

ਰਸਾਲਾ ਲਵਾਉਣ ਜਾਂ ਪਿਛਲੇ ਅੰਕਾਂ ਦੀ ਪੀਡੀਐਫ ਪ੍ਰਾਪਤ ਕਰਨ ਲਈ ਸੰਪਰਕ ਕਰੋ- 98093 98083

ਹੱਲੋਮਾਜਰਾ, ਚੰਡੀਗੜ੍ਹ

ਨਵੀਂ ਸੇਵਰ ਪਾਠਸ਼ਾਲਾ ਦੇ ਬੱਚਿਆਂ ਨੂੰ ਜਪਾਨੀ ਪਾਰਕ (ਸੈਕਟਰ 31- ਏ) ਦੀ ਸੈਰ ਕਰਵਾਈ ਗਈ । ਇਸ ਦੌਰਾਨ ਬੱਚਿਆਂ ਨੇ ਵਾਲੀਬਾਲ, ਬੈਡਮਿੰਟਨ, ਕ੍ਰਿਕਟ, ਖੋ-ਖੋ ਅਤੇ ਹੋਰ ਕਈ ਮਜੇਦਾਰ ਖੇਡਾਂ ਖੇਡੀਆਂ । ਇਸ ਤੋਂ ਇਲਾਵਾ, ਸਾਰੇ ਬੱਚਿਆਂ ਨੇ ਇਕੱਠੇ ਬੈਠ ਕੇ ਵੰਡ ਕੇ ਖਾਣੇ ਦਾ ਆਨੰਦ ਵੀ ਮਾਣਿਆ ।

ਬਾਲ ਮਨਾਂ ਦਾ ਸਾਥੀ 'ਜੁਗਨੂੰ'

ਤੁਸੀਂ ਤਿਮਾਹੀ ਬਾਲ ਰਸਾਲਾ ਜੁਗਨੂੰ ਪੰਜਾਬੀ ਯੂਨੀਵਰਸਿਟੀ ਪਟਿਆਲਾ ਵਿਖੇ ਚੱਲ ਰਹੇ ਪੁਸਤਕ ਮੇਲੇ ਚੋਂ ਜਨਚੇਤਨਾ (ਸਟਾਲ ਨੰਬਰ 50) ਤੋਂ ਹਾਸਲ ਕਰ ਸਕਦੇ ਹੋ।

ਸੰਪਰਕ +91 9478805499

ਦੋਸਤੋ ਬਾਲ ਰਸਾਲਾ ਜੁਗਨੂੰ ਦਾ ਨੌਵਾਂ ਬੁਲੇਟਨ, ਅਪ੍ਰੈਲ-ਜੂਨ 2026 ਜਲਦੀ ਹੀ ਛਪ ਕੇ ਆ ਜਾਵੇਗਾ।

ਰਸਾਲਾ ਲਵਾਉਣ ਲਈ ਜਾਂ ਪਿਛਲੇ ਅੰਕਾਂ ਦੀ ਪੀਡੀਐਫ ਪ੍ਰਾਪਤ ਕਰਨ ਲਈ ਹੇਠ ਦਿੱਤੇ ਨੰਬਰਾਂ ਤੇ ਸੰਪਰਕ ਕਰੋ-

9809398083
9780724125

ਲੁਧਿਆਣਾ