GHS Giaspura

ਅੱਜ ਮਿਤੀ 15/08/2025 ਨੂੰ ਸਰਕਾਰੀ ਹਾਈ ਸਕੂਲ ਗਿਆਸਪੁਰਾ ਵਿਖੇ 79ਵਾਂ ਸਤੰਤਰਤਾ ਦਿਵਸ ਮਨਾਇਆ ਗਿਆ।ਜਿਸ ਵਿੱਚ SMC chairman ਸਰਦਾਰ ਬਲਬੀਰ ਸਿੰਘ ਭੋਲਾ ਜੀ , ਸਰਦਾਰ ਬਲਬੀਰ ਸਿੰਘ ਸਿੱਖਿਆ ਸ਼ਾਸਤਰੀ ਅਤੇ ਹੋਰ SMC comittee ਮੈਂਬਰ ਨੇ ਸ਼ਿਰਕਤ ਕੀਤੀ।ਸਕੂਲ ਇੰਚਾਰਜ ਸ਼੍ਰੀਮਤੀ ਹਰਸ਼ਦੀਪ ਕੌਰ ਜੀ ਅਤੇ ਸਮੂਹ ਸਟਾਫ਼ ਨੇ ਸਾਰੇ ਮੈਂਬਰਾ ਦਾ ਸਵਾਗਤ ਕੀਤਾ। ਪ੍ਰੋਗਰਾਮ ਦੀ ਸ਼ੁਰੂਆਤ ਸ਼ਬਦ gayan ਨਾਲ ਕਿੱਤੀ ਗਈ। ਵਿਧਰਥੀਆ ਵਲੋ ਦੇਸ਼ ਭਗਤੀ ਤੇ ਸਮੂਹ ਗੀਤ,ਸਪੀਚ,ਡਾਂਸ,ਪੇਸ਼ ਕੀਤੇ। ਮਨਦੀਪ ਕੌਰ ਸਾਇੰਸ ਅਧਿਆਪਕ ਵਲੋ ਭਾਰਤ ਕਾ ਰਹਿਣੇ ਵਾਲਾ ਹੂ ਦੇਸ਼ ਭਗਤੀ ਦਾ ਗੀਤ ਪੇਸ਼ ਕੀਤਾ ਗਿਆ।ਸਕੂਲ ਇੰਚਾਰਜ ਅਤੇ ਸਮੂਹ ਸਟਾਫ਼ ਵੱਲੋਂ SMC comittee members ਦਾ ਸਨਮਾਨ ਕੀਤਾ ਗਿਆ।ਇਸ ਮੌਕੇ ਤੇ ਸਰਦਾਰ ਬਲਬੀਰ ਸਿੰਘ ਭੋਲਾ,ਬਲਬੀਰ ਸਿੰਘ SMC ਮੈਂਬਰ ,ਸਕੂਲ ਇੰਚਾਰਜ ਸ਼੍ਰੀਮਤੀ ਹਰਸ਼ਦੀਪ ਕੌਰ,ਜਸਪ੍ਰੀਤ ਕੌਰ,ਪੱਲਵੀ ਸੂਦ,smiley ਬੱਤਰਾ,ਮਨਦੀਪ ਕੌਰ,ਪਵਨਦੀਪ ਕੁਮਾਰ,ਮਨਪ੍ਰੀਤ ਕੌਰ,ਸੌਰਭ ,ਨਿਰਮਲ ਸਿੰਘ,ਕੈਂਪਸ manger Hardeep Singh,music teacher ਹਰਮਨਦੀਪ ਸਿੰਘ ਤੇਜ ਅਤੇ ਸਮੂਹ ਸਟਾਫ਼ ਮਜੂਦ ਸਨ।ਸਕੂਲ ਵਿੱਚ magic bus foundation ਵੱਲੋਂ ਸਕੂਲ ਦੇ ਵਿਦਿਆਰਥੀਆਂ ਦੁਆਰਾ ਮਾਰਸ਼ਲ ਆਰਟ ਅਤੇ ਐਕਟਿਵੀਜ਼ ਕਾਰਵਾਈ ਗਈ। ਮਹਿਕ ਬੱਸ ਵਲੋ ਵਿਧਾਰਥੀਆ ਨੂੰ refreshment ਵੀ ਦਿੱਤੀ ਗਈ।

ਸਹਸ ਗਿਆਸਪੁਰਾ ਵਿੱਚ ਅੱਜ ਤੀਆਂ ਦਾ ਤਿਉਹਾਰ ਵੱਡੀ ਧੂਮਧਾਮ ਅਤੇ ਸੱਭਿਆਚਾਰਕ ਢੰਗ ਨਾਲ ਮਨਾਇਆ ਗਿਆ। ਸਮਾਗਮ ਦੀ ਸ਼ੁਰੂਆਤ ਸਕੂਲ ਇੰਚਾਰਜ ਸ਼੍ਰੀਮਤੀ ਹਰਸ਼ਦੀਪ ਕੌਰ ਜੀ ਨੇ ਕੀਤੀ ਅਤੇ ਵਿਦਿਆਰਥੀਆਂ ਨੂੰ ਪੰਜਾਬੀ ਸੰਸਕ੍ਰਿਤੀ ਨਾਲ ਜੁੜੇ ਰਹਿਣ ਦਾ ਸੰਦੇਸ਼ ਦਿੱਤਾ ਅਤੇ ਤੀਆਂ ਦੀ ਮਹੱਤਤਾ ਤੇ ਇਸ ਤਿਉਹਾਰ ਦੀਆਂ ਪਰੰਪਰਾਵਾਂ ਉਤੇ ਚਾਨਣ ਪਾਇਆ। ਉਨ੍ਹਾਂ ਕਿਹਾ ਕਿ ਇਹ ਤਿਉਹਾਰ ਔਰਤਾਂ ਦੀ ਖੁਸ਼ੀ, ਰੰਗਤਾ ਅਤੇ ਰਚਨਾਤਮਕਤਾ ਦਾ ਪ੍ਰਤੀਕ ਹੈ।
ਇਸ ਮੌਕੇ ਸ਼੍ਰੀਮਤੀ ਹੇਮ ਲਤਾ ਜੀ ਨੇ ਖ਼ਾਸ ਸ਼ਿਰਕਤ ਕੀਤੀ।

ਸਕੂਲ ਦੇ ਵਿਦਿਆਰਥੀਆਂ ਵੱਲੋਂ ਰੰਗਾ-ਰੰਗ ਪ੍ਰੋਗਰਾਮ ਪੇਸ਼ ਕੀਤੇ ਗਏ ਜਿਵੇਂ ਕਿ ਗਿੱਧਾ, ਤੀਆਂ ਦੇ ਗੀਤ, ਲੋਕਨਾਚ ਤੇ ਕਵਿਤਾਵਾਂ। ਕੁੜੀਆਂ ਨੇ ਰੰਗ-ਬਿਰੰਗੀਆਂ ਪੋਸ਼ਾਕਾਂ ਪਾ ਕੇ ਅਤੇ ਚੂੜੀਆਂ-ਮੇਹੰਦੀਆਂ ਨਾਲ ਤਿਉਹਾਰ ਨੂੰ ਰੌਣਕ ਬਖਸ਼ੀ।

ਸਮਾਗਮ ਵਿੱਚ ਸਕੂਲ ਸਟਾਫ ਜਸਪ੍ਰੀਤ ਕੌਰ, ਦੀਪਿਕਾ, ਸਮਾਈਲੀ ਬੱਤਰਾ, ਮਨਪ੍ਰੀਤ ਕੌਰ,ਪੱਲਵੀ ਸੂਦ, ਮਨਦੀਪ ਕੌਰ, ਪਵਨਦੀਪ ਕੁਮਾਰ, ਮਨਦੀਪ ਸਿੰਘ, ਸੰਦੀਪ ਸਿੰਘ, ਨਿਰਮਲ ਸਿੰਘ, ਲੋਕੇਸ਼ ਸ਼ਰਮਾ ਅਤੇ ਸੌਰਭ ਕੁਮਾਰ ਨੇ ਭਾਗ ਲਿਆ ਅਤੇ ਸਮੂਹ ਪ੍ਰਬੰਧ ਵਿਚ ਯੋਗਦਾਨ ਪਾਇਆ।

ਵਿਦਿਆਰਥੀਆਂ ਵਾਸਤੇ ਮਹਿੰਦੀ ਮੁਕਾਬਲੇ, ਤੀਆਂ ਕਵਿਤਾ ਲਿਖਣ ਮੁਕਾਬਲੇ ਵੀ ਕਰਵਾਏ ਗਏ। ਜਿੱਤਣ ਵਾਲੇ ਵਿਦਿਆਰਥੀਆਂ ਨੂੰ ਇਨਾਮ ਦੇ ਕੇ ਉਤਸਾਹਿਤ ਕੀਤਾ ਗਿਆ।

ਸਮਾਪਨ ‘ਤੇ ਸਕੂਲ ਇੰਚਾਰਜ ਨੇ ਸਾਰਿਆਂ ਦਾ ਧੰਨਵਾਦ ਕੀਤਾ ਅਤੇ ਵਿਦਿਆਰਥੀਆਂ ਨੂੰ ਆਪਣੀ ਸੱਭਿਆਚਾਰਕ ਮੂਲਾਂ ਨਾਲ ਜੁੜੇ ਰਹਿਣ ਦੀ ਪ੍ਰੇਰਣਾ ਦਿੱਤੀ।

ਮਿਤੀ 01-08-2025 ਨੂੰ ਸਰਕਾਰੀ ਹਾਈ ਸਕੂਲ ਗਿਆਸਪੁਰਾ ਵਿੱਚ Civil Surgeon Office ਦੀ ਟੀਮ ਵੱਲੋਂ ਦੌਰਾ ਕੀਤਾ ਗਿਆ।
ਇਸ ਦੌਰੇ ਦੌਰਾਨ ਵਿਦਿਆਰਥੀਆਂ ਨੂੰ ਡੈਂਗੂ ਬੁਖਾਰ ਤੋਂ ਬਚਾਅ, ਲੱਛਣ ਅਤੇ ਇਲਾਜ ਬਾਰੇ ਵਿਸਥਾਰਪੂਰਕ ਜਾਣਕਾਰੀ ਦਿੱਤੀ ਗਈ। ਟੀਮ ਵੱਲੋਂ ਸਾਫ਼-ਸਫ਼ਾਈ ਰੱਖਣ ਅਤੇ ਮੱਖੀਆਂ/ਮੱਛਰਾਂ ਤੋਂ ਬਚਾਅ ਲਈ ਕਈ ਢੰਗ ਵੀ ਵਿਖਾਏ ਗਏ।

ਵਿਦਿਆਰਥੀਆਂ ਨੇ ਵੀ ਉਤਸ਼ਾਹ ਨਾਲ ਸਵਾਲ ਕੀਤੇ ਤੇ ਜਾਣਕਾਰੀ ਪ੍ਰਾਪਤ ਕੀਤੀ।
ਸਕੂਲ ਇੰਚਾਰਜ ਸ਼੍ਰੀਮਤੀ ਹਰਸ਼ਦੀਪ ਕੌਰ ਜੀ ਦੀ ਅਗਵਾਈ ਹੇਠ ਇਹ ਪ੍ਰੋਗਰਾਮ ਸਫਲਤਾਪੂਰਕ ਸੰਪੰਨ ਹੋਇਆ।
ਸਮੂਹ ਸਟਾਫ਼ ਨੇ Civil Surgeon Office ਦੀ ਟੀਮ ਦਾ ਧੰਨਵਾਦ ਕੀਤਾ ਤੇ ਭਵਿੱਖ ਵਿੱਚ ਵੀ ਅਜਿਹੀਆਂ ਸਿਹਤ ਸੰਬੰਧੀ ਜਾਗਰੂਕਤਾ ਗਤੀਵਿਧੀਆਂ ਕਰਵਾਉਣ ਦੀ ਕਮੀਟਮੈਂਟ ਦਿੱਤੀ।

ਸਰਕਾਰੀ ਹਦਾਇਤਾਂ ਅਨੁਸਾਰ ਅੱਜ ਮਿਤੀ 05-07-2025 ਨੂੰ ਸਰਕਾਰੀ ਹਾਈ ਸਕੂਲ ਗਿਆਸਪੁਰਾ ਵਿਖੇ ਇੱਕ ਵਿਸ਼ੇਸ਼ ਪ੍ਰਦਰਸ਼ਨੀ ਕਰਵਾਈ ਗਈ।

9ਵੀਂ ਅਤੇ 10ਵੀਂ ਜਮਾਤ ਦੇ ਵਿਦਿਆਰਥੀਆਂ ਵੱਲੋਂ ਨਸ਼ਾ ਵਿਰੋਧੀ ਮੁਹਿੰਮ ਸੰਬੰਧੀ ਪੋਸਟਰ ਤਿਆਰ ਕੀਤੇ ਗਏ, ਜੋ ਡਰੱਗ ਦੀ ਬੁਰਾਈਆਂ ਖ਼ਿਲਾਫ਼ ਪ੍ਰਭਾਵਸ਼ਾਲੀ ਸੁਨੇਹਾ ਦੇ ਰਹੇ ਸਨ।

6ਵੀਂ ਤੋਂ 8ਵੀਂ ਜਮਾਤ ਤੱਕ ਦੇ ਵਿਦਿਆਰਥੀਆਂ ਨੇ ਬਹੁਤ ਹੀ ਜੋਸ਼ ਅਤੇ ਉਤਸ਼ਾਹ ਨਾਲ ਬੈਗਲੈੱਸ ਐਕਟੀਵਿਟੀ ਵਿੱਚ ਭਾਗ ਲਿਆ ਅਤੇ ਹਾਲੀਡੇ ਹੋਮਵਰਕ ਸੰਬੰਧੀ ਬੇਹਤਰੀਨ ਪ੍ਰਾਜੈਕਟ ਅਤੇ ਅਸਾਈਨਮੈਂਟ ਤਿਆਰ ਕੀਤੀਆਂ।

ਵਿਦਿਆਰਥੀਆਂ ਵੱਲੋਂ ਤਿਆਰ ਕੀਤੇ ਪ੍ਰਾਜੈਕਟ ਬਹੁਤ ਸ਼ਾਨਦਾਰ ਅਤੇ ਰਚਨਾਤਮਕ ਰਹੇ।
ਇਹ ਪ੍ਰਦਰਸ਼ਨੀ ਮੈਡਮ ਮਨਪ੍ਰੀਤ ਕੌਰ, ਕੰਪਿਊਟਰ ਫੈਕਲਟੀ ਅਤੇ ਮੈਡਮ ਸਮਾਈਲੀ ਬਤਰਾ ਵੱਲੋਂ ਸਕੂਲ ਇੰਚਾਰਜ ਮੈਡਮ ਹਰਸ਼ਦੀਪ ਕੌਰ ਦੀ ਸਾਂਝੀ ਅਤੇ ਉੱਚੀ ਸੋਚ ਵਾਲੀ ਰਹਿਨੁਮਾਈ ਹੇਠ ਆਯੋਜਿਤ ਕੀਤੀ ਗਈ।

ਸਕੂਲ ਦੇ ਸਟਾਫ ਮੈਂਬਰਾਂ ਨੇ ਵੀ ਪ੍ਰਦਰਸ਼ਨੀ ਦਾ ਦੌਰਾ ਕੀਤਾ ਅਤੇ ਵਿਦਿਆਰਥੀਆਂ ਨੂੰ ਉਤਸ਼ਾਹਿਤ ਕੀਤਾ।

5 ਜੂਨ ਨੂੰ ਸਹਸ ਗਿਆਸਪੁਰਾ ਵਿਖ਼ੇ ਮੈਜਿਕ ਬੱਸ ਫਾਊਂਡੇਸ਼ਨ ਦੀ ਮਦਦ ਨਾਲ ਵਾਤਾਵਰਣ ਦਿਵਸ ਮਨਾਇਆ ਗਿਆ। ਵਿਦਿਆਰਥੀਆਂ ਨੇ ਆਪਣੇ ਮਾਪਿਆਂ, ਮਿਡ ਡੇ ਮੀਲ ਵਰਕਰਾਂ ਅਤੇ ਮੈਜਿਕ ਬੱਸ ਫਾਊਂਡੇਸ਼ਨ ਸਟਾਫ ਦੀ ਮਦਦ ਨਾਲ ਗ੍ਰਾਉੰਡ ਸਾਫ਼ ਕੀਤਾ । ਉਨ੍ਹਾਂ ਨੇ ਕਿਚਨ ਗਾਰਡਨ ਬਣਾਇਆ ਅਤੇ ਸਬਜ਼ੀਆਂ ਦੇ ਬੀਜ ਬੀਜੇ। ਸਭ ਤੋਂ ਵੱਧ ਕੁਸ਼ਲ ਵਿਦਿਆਰਥੀਆਂ ਨੂੰ ਇਨਾਮ ਵੰਡੇ ਗਏ। ਸਾਰੇ ਵਿਦਿਆਰਥੀਆਂ ਨੂੰ ਰਿਫਰੈਸ਼ਮੈਂਟ ਦਿੱਤੀ ਗਈ। ਸਕੂਲ ਇੰਚਾਰਜ ਸ਼੍ਰੀਮਤੀ ਹਰਸ਼ਦੀਪ ਕੌਰ ਨੇ ਇੱਕ ਪ੍ਰੇਰਣਾਦਾਇਕ ਭਾਸ਼ਣ ਦਿੱਤਾ ਅਤੇ ਵਿਦਿਆਰਥੀਆਂ, ਐਮਡੀਐਮ ਵਰਕਰਾਂ ਅਤੇ ਮੈਜਿਕ ਬੱਸ ਫਾਊਂਡੇਸ਼ਨ ਸਟਾਫ ਨੂੰ ਉਤਸ਼ਾਹਿਤ ਕੀਤਾ। ਇਸ ਮੌਕੇ ਪੂਰਾ ਸਟਾਫ ਸਕੂਲ ਵਿੱਚ ਮੌਜੂਦ ਸੀ।

ਅੱਜ ਮਿਤੀ 31-05-2025 ਨੂੰ ਵਿਭਾਗ ਦੀਆਂ ਹਦਾਇਤਾ ਅਨੁਸਾਰ ਸਰਕਾਰੀ ਹਾਈ ਸਕੂਲ ਗਿਆਸਪੁਰਾ ਵਿੱਚ ਮਾਪੇ ਅਧਿਆਪਕ ਮਿਲਣੀ ਰੱਖੀ ਗਈ। ਇਸਦੇ ਨਾਲ ਹੀ World Environment Day ਤਹਿਤ ਵਿਦਿਆਰਥੀਆਂ ਨੇ ਸਕੂਲ ਵਿੱਚ ਪੌਦੇ ਲਗਾਏ ਅਤੇ ਵਿਦਿਆਰਥੀਆਂ ਵਿਚਕਾਰ ਪੋਸਟਰ ਮੇਕਿੰਗ ਮੁਕਾਬਲਾ ਕਰਵਾਇਆ ਗਿਆ।

ਪੀ.ਟੀ.ਐਮ. ਵਿੱਚ ਮਾਪਿਆਂ ਨੇ ਅਧਿਆਪਕਾਂ ਨਾਲ ਮਿਲ ਕੇ ਬੱਚਿਆਂ ਦੀ ਪੜ੍ਹਾਈ ਬਾਰੇ ਵਿਚਾਰ ਵਟਾਂਦਰਾ ਕੀਤਾ। ਇਸ ਦੇ ਨਾਲ ਹੀ 15 ਜੁਲਾਈ ਤੋਂ ਹੋਣ ਵਾਲੀਆਂ ਪ੍ਰੀਖਿਆਵਾਂ ਬਾਰੇ ਵੀ ਉਹਨਾਂ ਨੂੰ ਦਿਸ਼ਾ ਨਿਰਦੇਸ਼ ਦਿੱਤੇ ਗਏ। ਮਿਸ਼ਨ ਸਮਰੱਥ ਦੇ ਤਹਿਤ ਚਲਣ ਵਾਲੀਆਂ ਗਤੀਵਿਧੀਆਂ ਬਾਰੇ ਵੀ ਮਾਤਾ ਪਿਤਾ ਨੂੰ ਜਾਣੂ ਕਰਵਾਇਆ ਗਿਆ, ਨਾਲ ਹੀ ਬੱਚਿਆਂ ਨੂੰ ਛੁੱਟੀਆਂ ਦਾ ਕੰਮ ਵੀ ਦਿੱਤਾ ਗਿਆ।
ਸਕੂਲ ਇੰਚਾਰਜ ਸ਼੍ਰੀਮਤੀ ਹਰਸ਼ਦੀਪ ਕੌਰ ਜੀ ਦੀ ਯੋਗ ਅਗਵਾਈ ਵਿੱਚ ਵਿਦਿਆਰਥੀਆਂ ਅਤੇ ਮਾਪਿਆਂ ਲਈ ਠੰਢੇ ਮਿੱਠੇ ਜਲ ਦੀ ਛਬੀਲ ਲਗਾਈ। ਸਮੂਹ ਟੀਚਿੰਗ ਅਤੇ ਨਾਨ -ਸਟਾਫ਼ ਨੇ ਤਨ ਮਨ ਧਨ ਨਾਲ ਆਪਣਾ ਯੋਗਦਾਨ ਪਾਇਆ।
#ਮਾਪੇਅਧਿਆਪਕਮਿਲਣੀ

ਅੱਜ ਮਿਤੀ 29-05-2025 ਨੂੰ ਸਹਸ ਗਿਆਸਪੁਰਾ ਵਿਖ਼ੇ ਮਾਸਟਰ ਟ੍ਰਸਟ ਗਰੁੱਪ ਦੇ ਮੈਨੇਜਿੰਗ ਡਾਇਰੈਕਟਰ ਸ. ਹਰਜੀਤ ਸਿੰਘ ਅਰੋੜਾ ਜੀ ਵਲੋਂ ਸਕੂਲ ਅਤੇ ਵਿਦਿਆਰਥੀਆਂ ਦੀ ਭਲਾਈ ਲਈ RO ਵਾਲੇ 2 ਵਾਟਰ ਕੂਲਰ ਅਤੇ 6000 ਰਜਿਸਟਰ ਦਾਨ ਦਿੱਤੇ ਗਏ। ਸਕੂਲ ਵਿੱਚ ਵਿਦਿਆਰਥੀਆਂ ਦੀ ਗਿਣਤੀ 3000 ਦੇ ਕਰੀਬ ਹੋਣ ਕਰਕੇ ਅਸੀਂ ਮੈਨੇਜਿੰਗ ਡਾਇਰੈਕਟਰ ਸਰ ਦਾ ਧੰਨਵਾਦ ਕਰਦੇ ਹਾਂ। ਇਸ ਮੌਕੇ ਸਕੂਲ ਇੰਚਾਰਜ ਸ਼੍ਰੀਮਤੀ ਹਰਸ਼ਦੀਪ ਕੌਰ ਜੀ ਨੇ ਆਏ ਮਹਿਮਾਨਾਂ ਦਾ ਸਵਾਗਤ ਕੀਤਾ। ਸਕੂਲ ਇੰਚਾਰਜ ਅਤੇ ਸਕੂਲ ਸਟਾਫ਼ ਨੇ ਓਹਨਾ ਦਾ ਧੰਨਵਾਦ ਕੀਤਾ। ਸਕੂਲ ਵਲੋਂ ਸਨਮਾਨ ਚਿੰਨ੍ਹ ਅਤੇ ਸਨਮਾਨ ਪੱਤਰ ਦਿੱਤਾ ਗਿਆ।
ਸਕੂਲ ਦੇ ਵਿਕਾਸ ਵਿੱਚ ਅੱਗੇ ਆ ਰਹੇ ਦਾਨੀ ਸੱਜਣਾਂ ਦੇ ਸਹਿਯੋਗ ਨਾਲ ਆਪਣਾ ਸਕੂਲ ਦਿਨ ਦੁੱਗਣੀ ਰਾਤ ਚੌਗਣੀ ਤਰੱਕੀ ਕਰ ਰਿਹਾ ਹੈ।

ਸਮੂਹ ਸਟਾਫ ਦਾਨੀ ਸੱਜਣਾਂ ਦੀਆਂ ਆਸਾਂ ਤੇ ਪੂਰਾ ਉਤਰਨ ਲਈ ਤਨ ਮਨ ਧਨ ਨਾਲ ਹਾਜ਼ਰ ਹੈ ਜੀ। ਇਸ ਮੌਕੇ ਸਕੂਲ ਇੰਚਾਰਜ ਸ਼੍ਰੀਮਤੀ ਹਰਸ਼ਦੀਪ ਕੌਰ ਜੀ, ਸ਼੍ਰੀ ਪਵਨਦੀਪ ਕੁਮਾਰ, ਸ਼੍ਰੀਮਤੀ ਪੱਲਵੀ ਸੂਦ, ਸ਼੍ਰੀਮਤੀ ਦੀਪਿਕਾ, ਸ਼੍ਰੀਮਤੀ ਹਰਕੰਵਲਜੀਤ ਕੌਰ, ਸ. ਨਿਰਮਲ ਸਿੰਘ, ਕੈੰਪਸ ਮੈਨੇਜਰ ਸ. ਹਰਦੀਪ ਸਿੰਘ ਹਾਜਰ ਸਨ।

ਵਿਭਾਗ ਦੀਆਂ ਹਦਾਇਤਾਂ ਅਨੁਸਾਰ ਅੱਜ ਸਰਕਾਰੀ ਹਾਈ ਸਕੂਲ ਗਿਆਸਪੁਰਾ ਵਿਖੇ ਸਮਰ ਕੈਂਪ ਦੇ ਪਹਿਲੇ ਦਿਨ ਦੀ ਐਕਟੀਵਿਟੀ ਤੇਲਗੂ ਭਾਸ਼ਾ ਦੀ ਮੁੱਢਲੀ ਜਾਣਕਾਰੀ ਅੱਖਰ ਨੰਬਰ ਅਤੇ ਆਮ ਵਰਤੋਂ ਵਿੱਚ ਆਉਣ ਵਾਲੇ ਸ਼ਬਦ ਕਰਾਏ ਗਏ, ਜਿਸ ਵਿੱਚ ਅਧਿਆਪਕਾਂ ਨੇ ਵਿਦਿਆਰਥੀਆਂ ਦੇ ਗਰੁੱਪ ਬਣਾ ਕੇ ਉਹਨਾਂ ਨੂੰ ਜਾਣਕਾਰੀ ਦਿੱਤੀ ਗਈ।

ਅੱਜ ਸਰਕਾਰੀ ਹਾਈ ਸਕੂਲ, ਗਿਆਸਪੁਰਾ ਵਿਖ਼ੇ ਪੰਜਾਬ ਪ੍ਰਦੂਸ਼ਣ ਕੰਟਰੋਲ ਬੋਰਡ (ਪੀਪੀਸੀਬੀ) ਦੁਆਰਾ ਇੱਕ ਜਾਗਰੂਕਤਾ ਪ੍ਰੋਗਰਾਮ ਆਯੋਜਿਤ ਕੀਤਾ ਗਿਆ । ਇਸ ਪ੍ਰੋਗਰਾਮ ਵਿੱਚ ਇਹਨਾਂ ਗੱਲਾਂ ਨੂੰ ਉਜਾਗਰ ਕੀਤਾ ਗਿਆ:

1. ਪੀਪੀਸੀਬੀ ਦੀ 50 ਸਾਲਾਂ ਦੀ ਵਿਰਾਸਤ
2. ਵਿਸ਼ਵ ਵਾਤਾਵਰਣ ਦਿਵਸ 2025 ਥੀਮ: "ਪਲਾਸਟਿਕ ਪ੍ਰਦੂਸ਼ਣ ਨੂੰ ਹਰਾਓ"
3. ਮਿਸ਼ਨ ਲਾਈਫ
4. ਸਿੰਗਲ-ਯੂਜ਼ ਪਲਾਸਟਿਕ ਦਾ ਨੁਕਸਾਨਦੇਹ ਪ੍ਰਭਾਵ

ਰੁਝੇਵੇਂ ਵਾਲੀਆਂ ਗਤੀਵਿਧੀਆਂ
1. ਪੋਸਟਰ ਬਣਾਉਣ ਦਾ ਮੁਕਾਬਲਾ ਕਰਵਾਇਆ ਗਿਆ ਜਿਸ ਵਿੱਚ ਲਗਭਗ 60 ਵਿਦਿਆਰਥੀਆਂ ਨੇ ਹਿੱਸਾ ਲਿਆ
2. ਪਹਿਲੇ 10 ਭਾਗੀਦਾਰਾਂ ਲਈ ਸਟੇਸ਼ਨਰੀ ਪੁਰਸਕਾਰ ਦਿੱਤੇ ਗਏ
3. ਪਹਿਲੇ 3 ਭਾਗੀਦਾਰਾਂ ਨੂੰ ਟ੍ਰਾਫੀਆਂ ਦਿੱਤੀਆਂ ਗਈਆਂ
4. ਵਾਤਾਵਰਣ ਅਨੁਕੂਲ ਅਭਿਆਸਾਂ ਨੂੰ ਉਤਸ਼ਾਹਿਤ ਕਰਨ ਲਈ ਵਿਦਿਆਰਥੀਆਂ ਅਤੇ ਅਧਿਆਪਕਾਂ ਨੂੰ ਕੱਪੜੇ ਦੇ ਥੈਲੇ ਵੰਡੇ ਗਏ

ਬੋਰਡ ਦੇ ਨੁਮਾਇਦਿਆਂ ਨੇ ਵਿਦਿਆਰਥੀਆਂ ਨੂੰ ਪਲਾਸਟਿਕ ਪ੍ਰਦੂਸ਼ਣ ਨੂੰ ਘਟਾਉਣ ਲਈ ਛੋਟੇ ਕਦਮ ਚੁੱਕਣ ਲਈ ਉਤਸ਼ਾਹਿਤ ਕੀਤਾ। ਇਸ ਮੌਕੇ ਸ਼੍ਰੀ ਸੁਨੀਲ ਸਿਧਾਨਾ ਜੀ (AEE PPCB) ਨੇ ਮੁੱਖ ਮਹਿਮਾਨ ਵਜੋਂ ਸ਼ਿਰਕਤ ਕੀਤੀ। ਓਹਨਾ ਤੋਂ ਇਲਾਵਾ ਅਨੀਸ਼ ਧੂਰੀਆ (AEE PPCB), ਧਰਤਵੀਰ ਸਿੰਘ (AEE PPCB), ਇਸ਼ਮਨਜੋਤ ਸਿੰਘ (AEE PPCB), ਤੀਰਥ ਸਿੰਘ , ਅਜੈਦੀਪ ਸਿੰਘ (JE PPCB) ਜੀ ਨੇ ਵੀ ਸ਼ਿਰਕਤ ਕੀਤੀ।ਸਕੂਲ ਇੰਚਾਰਜ ਸ਼੍ਰੀਮਤੀ ਹਰਸ਼ਦੀਪ ਕੌਰ ਜੀ ਨੇ ਆਈ ਟੀਮ ਦਾ ਸਵਾਗਤ ਕੀਤਾ। ਸ਼੍ਰੀਮਤੀ ਪੱਲਵੀ ਸੂਦ ਜੀ ਨੇ ਲੈਕਚਰ ਦਿੱਤਾ। ਇਸ ਪਹਿਲਕਦਮੀ ਲਈ ਪੀਪੀਸੀਬੀ ਅਤੇ ਸਕੂਲ ਨੂੰ ਵਧਾਈ!

ਅੱਜ ਮਿਤੀ 28-04-2025 ਨੂੰ ਜਾਗ੍ਰਿਤੀ ਲਹਿਰ ਅਖ਼ਬਾਰ ਨੇ ਪੰਜਾਬੀ ਭਵਨ ਵਿਖ਼ੇ 10ਵੀਂ ਵਰ੍ਹੇਗੰਢ ਮਨਾਈ। ਇਸ ਮੌਕੇ ਜਿਥੇ ਪੰਜਾਬ ਸਰਕਾਰ ਦੇ ਨੁਮਾਇੰਦਿਆਂ ਨੇ ਸ਼ਿਰਕਤ ਕੀਤੀ ਓਥੇ ਸਹਸ ਗਿਆਸਪੁਰਾ ਨੂੰ ਵੀ ਸੱਦਾ ਪੱਤਰ ਮਿਲਿਆ। ਸਹਸ ਗਿਆਸਪੁਰਾ ਦੇ ਵਿਦਿਆਰਥਣਾਂ ਨੇ ਸ਼ਬਦ ਗਾਇਨ ਕੀਤਾ। ਇਸ ਉਪਰੰਤ ਦੇਸ਼ ਭਗਤੀ ਦੇ ਗੀਤ " Bharat ka rehne wala hoon" ਅਤੇ " Dil diya hai jaan bhi denge" ਗਾਏ। ਅਸੀਂ ਜਾਗ੍ਰਿਤੀ ਲਹਿਰ ਅਖ਼ਬਾਰ ਦਾ ਧੰਨਵਾਦ ਕਰਦੇ ਹਾਂ ਜਿਨ੍ਹਾਂ ਨੇ ਸਹਸ ਗਿਆਸਪੁਰਾ ਨੂੰ ਸੱਦਾ ਪੱਤਰ ਦੇ ਕੇ ਮਾਣ ਬਖਸ਼ਿਆ ਅਤੇ ਵਿਦਿਆਰਥਣਾਂ ਨੂੰ ਆਪਣੀ ਪ੍ਰਤਿਭਾ ਦਿਖਾਉਣ ਦਾ ਮੌਕਾ ਦਿੱਤਾ।

"ਜੈ ਹੋ ਰੰਗਮੰਚ" ਮੋਗਾ ਪੰਜਾਬ ਥੀਏਟਰ ਟੀਮ ਵਲੋਂ ਮਿਤੀ 24-04-2025 ਨੂੰ ਸਹਸ ਗਿਆਸਪੁਰਾ ਵਿਖ਼ੇ ਬਲਰਾਜ ਸਾਗਰ ਜੀ ਦਾ ਲਿਖਿਆ ਅਤੇ ਸੁਖਦੇਵ ਲੱਧੜ ਜੀ ਦਾ ਨਿਰਦੇਸ਼ਿਤ ਕੀਤਾ ਹੋਇਆ ਇੱਕ ਨਾਟਕ "ਸੁਲਗਦੀ ਧਰਤੀ" ਪੇਸ਼ ਕੀਤਾ ਗਿਆ ਜਿਸ ਦਾ ਵਿਸ਼ਾ ਨਸ਼ੇ ਵਿੱਚ ਗਲਤਾਨ ਹੋ ਰਹੀ ਜਵਾਨੀ ਅਤੇ ਭਰੂਣ ਹੱਤਿਆ ਸੀ। ਸਾਰੀ ਟੀਮ ਨੇ ਬਹੁਤ ਹੀ ਪ੍ਰਭਾਵਸ਼ਾਲੀ ਢੰਗ ਨਾਲ ਨਾਟਕ ਵਿਚਲੇ ਕਿਰਦਾਰ ਨਿਭਾਏ ਅਤੇ ਆਪਣਾ ਸੁਨੇਹਾ ਅੱਜ ਦੀ ਪੀੜ੍ਹੀ ਤੱਕ ਪਹੁੰਚਾਉਣ ਦੀ ਕੋਸ਼ਿਸ਼ ਕੀਤੀ। ਸਕੂਲ ਇੰਚਾਰਜ ਸ਼੍ਰੀਮਤੀ ਹਰਸ਼ਦੀਪ ਕੌਰ ਜੀ ਨੇ ਟੀਮ ਦਾ ਧੰਨਵਾਦ ਕੀਤਾ ਅਤੇ ਅੱਗੇ ਹੋਰ ਵੀ ਅਜਿਹੇ ਪ੍ਰੋਗਰਾਮਾਂ ਲਈ ਉਤਸਾਹਿਤ ਕੀਤਾ।