15/08/2024
भारतीय स्वातंत्र्याच्या 78 व्या स्वातंत्र्यदिन महोत्सवानिमित्त स्वातंत्र्यदिनाचा (Independence Day) उत्साह देशभरात ओसंडून वाहत असून ठिकठिकाणी मोठ्या उत्साहात स्वातंत्र्यदिन (15 August) साजरा केला जात आहे. याच पार्श्वभूमीवर श्री संगमेश्वर चॅरिटेबल ट्रस्ट संचलित श्री त्रिपुरा क.विज्ञान महाविद्यालयामध्ये ध्वजारोहण व स्वातंत्र्यदिन उत्साह साजरा करण्यात आला.
लातूर पॅटर्नचा चेहरा असणारे प्रा. उमाकांत होनराव यांच्या हस्ते ध्वजारोहण करण्यात आले.
श्री संगमेश्वर चॅरिटेबल ट्रस्ट चे अध्यक्ष मा प्रा. उमाकांत होनराव यांनी भारताचा उज्वल इतिहास, स्वातंत्र्य चळवळीतील क्रांतिकारकांचे बलिदान यावर विद्यार्थ्यांना संबोधित केले आणि भारताला विकसित भारत करण्यासाठी प्रत्येक विद्यार्थ्याने चारित्र्य पूर्ण, विज्ञाननिष्ठ व प्रगतिशील दृष्टीकोन बाळगणे अत्यंत आवश्यक आहे असे प्रतिपादन ही देखील याप्रसंगी केले.
ध्वजारोहण व ध्वजवंदनानंतर महाविद्यालयातील एनडीए बॅचच्या विद्यार्थ्यांनी चित्तथरारक प्रात्यक्षिके सादर करून उपस्थिथांचे मने जिंकली. व चालू शैक्षणिक वर्षातील गुणवंत विद्यार्थ्यांचा प्रशस्तीपत्र देऊन गौरव करण्यात आला. याप्रसंगी महाविद्यालयाच्या विद्यार्थ्यांनी राष्ट्रभक्ती पर गीत सादर करून प्रत्येकाच्या मनात देशभक्ती जागृत केली.
या वेळी संस्थेच्या सचिव तथा प्राचार्य सुलक्षणा केवळराम व कार्यकारी संचालक ओंकार होनराव, उपप्राचार्य राजकुमार केदासे, प्रा. दीपक होनराव, प्रा. ज्ञानेश्वर पुरी, प्रा. श्रीकृष्ण जाधव व सर्व शिक्षक-शिक्षकेत्तर कर्मचारी यांनी उत्स्फूर्त सहभाग नोंदवला.
