AIIMS Institute Latur

21/07/2025

AIIMS institute Latur

21/07/2025

AIIMS institute Latur 2025

17/07/2025

7 वर्षा पासुनचे नामांकित क्लासेस
AIIMS Institute Latur
(Apex integrated institute of maths and science)
माफक दरात
पुनश्च ऐकदा आपल्या सेवेत घेऊन येत आहोत
आपल्या लातूर शहरातील जुनाऔसारोड कालीकादेवी मंदीराच्या मागे सदगुरू नगर येथे
1 ली ते 10 वी सर्व विषय ( माध्यम-मराठी,सेमी व CBSE )
तज्ञ शिक्षक वृदं
इंग्लिश ग्रामर ची परिपूर्ण तयारी
प्रत्येक विद्यार्थ्यांकडे व्यक्तिगत लक्ष
प्रत्येक रविवारी परीक्षा
प्रत्येक वर्गात मर्यादित प्रवेश
विद्यार्थ्यांचा विकास हाच आमचा ध्यास

1ली ते 8 वी सर्व स्पर्धा परीक्षेची तयारी
Navoday,Scholarship, MTS,Jr,IAS,SHREYA AIS,IMO,IEO,NMMS,Etc.
आपल्या मुलांचा आचज प्रवेश निश्चीत करा
सपंर्क मो.क्र. 9665793961
संचालक प्रा.शुभम पाटील
🙏

17/07/2022

भ्रम..

आपण जाणीवपूर्वक काही बदल स्विकारतो तरीही कुठेतरी जे सत्य आहे आणि मनाचा शेवटचा तळ तो आपल्यालाच माहीत हा असतोच. आपण नेहमी स्वतःला गुंतवून ठेवण्याचा प्रयत्न करतो, स्वतःला स्वतःपासूनच वाचवण्यासाठी, हो अगदी बरोबर वाचलत. आपल्याला आनंदी आणि दुःखी कोणीच करूच शकत नाही, क्षणिक कोणी येईलही पण त्यावर निर्भर राहणही शेवटी चूकच. आपण कायम स्वतःला भ्रमात ठेवण्याचा, गुंतवण्याचा जसा सतत प्रयत्न करत राहतो. बऱ्याचदा तो यशस्वी होतो तर बऱ्याचदा नाही. सत्यापासून, वास्तवापासून काही काळ तरी अनभिज्ञ राहावे ही अभिलाषा आपण करतच राहतो. मग तो चित्रपट, पुस्तक, एखाद्या व्यक्तीचा सहवास किंवा कसलीही नशा किंवा काहीही असो.. पण अगदी तळाशी आपल्याला माहिती असतं, आपण फक्त वेळ घालवतोय जरी ते क्षण कितीही आनंददायी असले तरी ते कायम नाही हे अगदी ठळक माहित असतं. कदाचित हेच सत्य असतं आणि आपण निरंतर दूर पळू पाहतो, या वास्तवापासून वेगवेगळ्या निमित्तांनी, पण सत्य ते शेवटी पुन्हा तिथेचं आणून सोडते अगदी अलगद आणि सतत.. मग आपसुकच मनाला प्रश्न पडतो जे सत्य आणि निरंतर समाधानपूर्ण असं आहे तरी काय? जे कायम आणि स्थिर आणि ज्या नंतर कुठलाही प्रश्न कुठलही उत्तर नको आणि मग मन हरवत गूढ अशा विचार चक्रात...

कदाचित आयुष्यभर वेगवेगळ्या वाटेला आलेल्या क्षणांना पडताळणं, त्याचा अनुभव घेत पुढे पुढे जात राहणचं‌ जसं काही आपलं जीवन. कधी अस्वस्थ, तर कधी समाधानाने पूर्ण पण कुठल्याही एका अनुभूतीचा कायम असं संलग्न नाहीच. खूप सारे अनुभव, विचार आणि दृष्टीकोन ज्याला कुठलीही सीमा नाही. हो, कदाचित हेच! ते काही असं अनुत्तरीत असावं, जसं प्रत्येक जण आरश्यात बघत असतो मात्र त्याचं जसं अस्तीत्व वेगळं, तसेच आपले विचार आपल आंतरिक स्वरूप ही वेगळं असणार त्यामुळे प्रत्येकाचं त्यासाठीचं समाधान आणि उत्तरही वेगवेगळचं, वेगवेगळ्या संभावणांनी भरलेलं. कदाचित म्हणून तर शेवटी एकमेकांचं आपल्याला कुतूहल, ओढं, आस आणि उमेदही राहते आणि त्यामुळे आपण निरंतर येनाऱ्या प्रत्येक क्षणाबरोबर काहीतरी नवीन शिकतचं राहतो आणि तेच योग्यही वाटतं.

12/06/2022

*मी आहे ना*
*Every thing is fine*
आपल्या आयुष्यात आलेली माणसं ही काही उगाच आलेली नसतात.. प्रत्येक गोष्टीमागे काहीतरी कारण असतं.. कुणाशी तरी काहीतरी ऋणानुबंध जुळलेले असतात.. नाहीतर सव्वाशे करोड लोकसंख्येच्या देशात नेमक्या याच व्यक्तींशी आपली ओळख का होते?याचे उत्तर कोणीही देऊ शकत नाही..
जी नाती तयार होतात ती आपण जीवापाड जपावी.. आपल्या जगण्यासाठी ज्या प्राणवायूची गरज असते तो प्राणवायू म्हणजे ही आपली माणसे... रक्ताच्या नात्यांना काही चॉईस नसतो,पण आपलेपणाच्या नात्यात तसं नसतं... . *It's mutual relation... मन जुळलं की आपलेपणाचे नात होते...* जे बंध खूप स्ट्रॉंग असतात ते कोणाच्याही सांगण्याने किंवा विपरीत परिस्थितीत कधीच तुटत नाहीत... आपण खूप वाईट परिस्थितीतून जात असताना मित्राचे किंवा मैत्रिणीचे " *मी आहे ना* " एवढे शब्द संजीवनी सारखे काम करतात.. अगदी प्रत्यक्ष नाही पण अप्रत्यक्ष सोबत असणं खूप सकारात्मक ऊर्जा देणारं असतं...
*पैशांनी श्रीमंत होणं खूप सोपं आहे हो...*
*नात्यांनी समृद्ध होणं तितकंच कठीण*

10/06/2022

१२वी परिक्षेत उत्तीर्ण झालेल्या सर्व विद्यार्थ्यांचे मनापासुन हार्दिक अभिनंदन आणि शुभेच्छा.
तसेच अनुत्तीर्ण विद्यार्थ्यांचे सुध्दा!
अनुत्तीर्ण विद्यार्थ्यांचे अशासाठी की,अपयशानं खचुन न जाता जिद्दीनं प्रयत्न करावा.लक्षात ठेवा अपयश ही यशाची पहीली पायरी असते.अपयश आलं म्हणजे आयुष्य संपलं असं नाही.तर ही एक संधी आहे स्वतःला सिध्द करण्याची.हुशार आणि मध्यम बुध्दी असलेल्यांना एकच सांगणं आहे-तुमच्या बुध्दीला झेपेल तेवढा अभ्यास करा.जास्त ताण घेऊ नका.आणि वाईट मार्गाला तर अजिबात जावु नका.अभ्यास,कठोर परिश्रम ठेवलात तर यशस्वी नक्की व्हाल.खचुन गेलात तर तुमचंच नुकसान.
उठा गरुडाप्रमाणे उंच भरारी घ्या.
पुढील वाटचालीस पुन्हा एकदा खुप खुप शुभेच्छा आणि अभिनंदन!
🌹🎉💃💃☺☺🙏🙏

10/06/2022

तु कुठं हरवली आजी ?
—————————-

नजर लागु नये म्हणून
तु कडाकड बोटं मोडायची
लेकराचा मुका घ्यायला
तु मायेनं जवळ ओढायची

चंचईतून काढायची
तु पाच दहा पैशाची नाणी
प्रेमानं भरवायची खाऊ
मांडीवर बसऊन पाजायची पाणी

कुशीत घेऊन थापटायची
रोज नवी गोष्ट सांगायची
बाळाला पाठीवर बसऊन
तु घोडा होऊन रांगायची

शाळेतून आल्यावर
लाडीक लाडीक गप्पा
चिंध्यांच्या चेंडूचा म्हणायची
असा टाकायचा टप्पा

कधी जात्यावरच्या ओव्या
कधी गोड गोड गाणे
सर्वांच्या आवडीचा स्वयंपाक
करायची तु आनंदाने

कुणाचं दुखलं खुपलं तर
रात्र रात्र जागायची
देवापुढं हात जोडून
सुख त्याचेसाठी मागायची

सोप्या भाषेत समजावायची
तु सणवार , प्रथा , परंपरा
सगळी कामं ऊरकायची
तु किती भराभरा ?

पाहूण्यांच्या सरबराईत
कमी पडू दिलं नाही काही
कुणाची लेक आली माहेरी तर
तु ही व्हायचीस तिची आई

डबडबलेल्या डोळ्यांनी
निघतांना ती पाया पडायची
सुखानं नांद पोरी म्हणतांना
आजी ! तु सुध्दा रडायची

तुझ्यामुळे प्रेमाच्या बंधनात
बांधल्या जायचा प्रत्येकजण
तुझ्यामुळेच तर घराला
होत खरंच घरपण

हल्ली राजाराणीच्या संसारात
आजी तुला स्थान नाही
पूर्वी सारखा आज तुला
वडीलकीचा मान नाही

स्वार्थी झाली लेकरे
फक्त मी आणि माझे
तु कुणाला वाटते अडगळ
तर कुणाला वाटते ओझे

तु जशी कुढत असते
तशी गहीवरते तुझी खाट
एकाकी जिवन जगतांना
तु पहातेस मरणाची वाट

आनंदाचे हसरे गोकुळ
कुठं राहीले पूर्वीसारखे
नात नातू झाले आज
आजी आजोबांना पोरके

तुझ्याच घराचे तुझ्यासाठी
आज बंद झाले दार
तु कुठं हरवली आजी
तुला कोणी केलं हद्दपार ?

09/06/2022

ठरवून केलेल्या गोष्टींपेक्षा अचानक झालेल्या गोष्टी जास्त आठवणी व्यापतात , ना कसली पूर्वतयारी, ना कसली धाकधूक , ना कसल भूतकाळीन ओझ ..

असतात ते फक्त नवे क्षण , कोरी मनस्थिती आणि तितकेच कारकरीत अनुभव ....

- शुभ रात्री ... 💞

09/06/2022