20/03/2025
#ब्रिलियंट #मध्ये #तृतीय #वर्षातील #विद्यार्थ्यांचा #निरोप #समारंभ #कार्यक्रम #संपन्न
लातूर : लोकमाता अहिल्यादेवी चॅरिटेबल ट्रस्ट संचालित ब्रिलियंट महाविद्यालय,लातूर येथे संस्थाध्यक्ष प्राचार्य. एकनाथ पाटील यांच्या मार्गदर्शनाखाली मंगळवार (दि.18) रोजी बी.ए.,बी.कॉम.व बी.एस्सी. तृतीय वर्षातील विद्यार्थ्यांचा निरोप समारभ संपन्न झाला. कार्यक्रमाच्या अध्यक्षस्थानी महाविद्यालयाचे #प्रभारी #प्राचार्य #प्रा. #युवराज #बी. #अंधोरीकर हे होते.प्रमुख पाहुणे म्हणून कै.प्रयागबाई पाटील कनिष्ठ महाविद्यालय,लातूर येथील #प्रा. #संतोष #तोडकर हे लाभले होते तर गोविंदलाल कन्हैयालाल जोशी (रात्रीचे) महाविद्यालय,लातूर येथील #प्रभारी #प्राचार्य #डॉ. #सचिन #प्रयाग यांची प्रमुख उपस्थिती होती. कार्यक्रमाची सुरुवात लोकमाता अहिल्यादेवी यांच्या प्रतिमेचे पुजन करून झाली. प्रास्ताविक प्रा.प्रियंका गोमचाळे यांनी केले. यावेळी विद्यापीठ हिवाळी परीक्षा 2024 मधील महाविद्यालयातील गुणवंत विद्यार्थ्यांचा मान्यवरांच्या हस्ते सत्कार करण्यात आला.
पदवी शिक्षणाचा काळ हा सुवर्ण काळ असतो, पदवी घेऊन जेंव्हा आपण बाहेर पडतो तेंव्हा स्पर्धा ही स्वतः सोबत असते त्यामुळे आपल्या कार्यात नेहमी सातत्य ठेवा असा कानमंत्र यावेळी प्रमुख पाहुणे प्रा. संतोष तोडकर यांनी दिला. तर डॉ.प्रयाग यांनी विद्यार्थ्यांनी आपल्या अनुभवाचा वापर महाविद्यालयासाठी करावा असे मत व्यक्त केले. तसेच तृतीय वर्षातील विद्यार्थी व विद्यर्थिनींनी महाविद्यालयाविषयी आपल्या आठवणी सांगत भावनिक मत व्यक्त केले व सर्व कर्मचाऱ्यांचे आभार मानले.
अध्यक्षीय भाषणात प्रभारी प्राचार्य प्रा. युवराज बी.अंधोरीकर यांनी विद्यार्थ्यांना पुढील आयुष्यात सत्य, जिद्द, चिकाटी व प्रामाणिकता जवळ असेल तर यश संपादनासाठी वेळ लागणार नाही तसेच विद्यार्थ्यांनी माजी विद्यार्थी संघटनेच्या माध्यमातून महाविद्यालयासाठी कार्य करावे असे मत व्यक्त करून सर्व विद्यार्थ्यांना महाविद्यालया अंतर्गत घेतल्या जाणाऱ्या पूर्व सत्र परीक्षेस व पुढील महिन्यात सुरू होणाऱ्या विद्यापीठ उन्हाळी परीक्षा 2025 साठी शुभेच्छा दिल्या.
सूत्रसंचालन प्रा. सोनाली कांबळे तर आभार डॉ.अर्चना धनवे यांनी मानले.कार्यक्रमाच्या यशस्वीतेसाठी प्रथम व द्वितीय वर्षातील विद्यार्थ्यांनी परिश्रम घेतले. कार्यक्रमास डॉ.शिवेश्वर मुचाटे,डॉ.जितेंद्र गायकवाड, प्रा.बळीराम मोठेराव,प्रा. ऋषिकेश साके,प्रा. मीना ढगे,प्रा.दिपक पाटे,प्रा.स्वप्नाली क्षीरसागर,प्रा.श्रद्धा पाडे, श्री.परशुराम तिवारी,श्री.परमेश्वर लवटे, श्री. दयानंद भारती,अजय सांडूर,गणेश लवटे,सर्व प्राध्यापक वर्ग,शिक्षकेत्तर कर्मचारी व विद्यार्थी मोठया संख्येने उपस्थित होते.
