27/01/2026
पार्वतीनाम विकास प्रतिष्ठाण, गौर द्वारा संचलित
व्ही. एन. बी. इंग्लिश स्कूल व रुद्रा क्लासेस, लातूर यांच्या वतीने
७७ वा प्रजासत्ताक दिन मोठ्या उत्साहात साजरा
📍 संभाजी नगर, कव्हा रोड, लातूर
🗓️ दि. २७ जानेवारी २०२६
दिनांक २६ जानेवारी २०२६ रोजी भारताच्या ७७ व्या प्रजासत्ताक दिनानिमित्त पार्वतीनाम विकास प्रतिष्ठाण, गौर यांच्या वतीने संचलित व्ही. एन. बी. इंग्लिश स्कूल व रुद्रा क्लासेस, लातूर येथे प्रजासत्ताक दिनाचा कार्यक्रम मोठ्या उत्साहात व आनंददायी वातावरणात संपन्न झाला.
कार्यक्रमाच्या अध्यक्षस्थानी पार्वतीनाम विकास प्रतिष्ठाणचे अध्यक्ष श्री. विक्रम नामदेवराव बोरोळे (माजी सरपंच, गौर) हे होते.
प्रमुख पाहुणे म्हणून माजी सैनिक श्री. अरविंद सावंत (तंटामुक्ती अध्यक्ष, गौर), सुभेदार श्री. माधव परगे सर (माजी सैनिक, भारतीय सैन्य दल) उपस्थित होते.
तसेच ज्येष्ठ नागरिक म्हणून श्री. विठ्ठल डबडे काका, श्री. गणेश शहाणे काका, शितोळे काका, श्री. मधुकर जाधव काका यांची उपस्थिती लाभली.
याशिवाय प्रा. प्रमोद उबाळे सर, श्री. वैभव कल्लेकर सर, रामनारायण निषाद सर हे मान्यवरही उपस्थित होते.
कार्यक्रमाची सुरुवात सरस्वती पूजन व ध्वजवंदनाने करण्यात आली. ध्वजवंदन कार्यक्रमाचे अध्यक्ष व प्रमुख पाहुण्यांच्या हस्ते संपन्न झाले. यानंतर शाळेतील विद्यार्थ्यांना शाळेच्या वतीने खाऊ वाटप करण्यात आले.
कार्यक्रमाचे प्रास्ताविक संस्थेचे कोषाध्यक्ष श्री. बालाजी बोरोळे सर यांनी केले.
सूत्रसंचालन प्रा. प्रणिता बोरोळे मॅडम यांनी प्रभावीपणे केले, तर आभार प्रदर्शन रेखा वडतिले मॅडम यांनी केले.
या कार्यक्रमास रोहित जाधव, वैशाली जाधव, ज्योती भोसले मॅडम, तसेच पालक, विद्यार्थी, नागरिक व महिला मोठ्या संख्येने उपस्थित होते. सर्वांच्या सहभागामुळे कार्यक्रमाची शोभा अधिकच वाढली.
VNB English School
Rudra Classes, Latur
