ALL DEORI Students' UNION

24/08/2026

লখিমপুৰ নকাৰীৰ ৱাৰ্ড নং 3A ভটৌচুকৰ নিবাসী প্ৰয়াত চেয়াৰমেন দেউৰী আৰু শ্ৰীমতী লাহেশ্বৰী দেউৰীৰ কনিষ্ঠ পুত্ৰ শ্ৰী লক্ষী দেউৰীৰ জেষ্ঠ পুত্ৰ ঈশান দেউৰী (বয়স ২৪ বছৰ)ৰ আজি লখিমপুৰ বাইপাছত মৃতদেহ ৰহস্যজনক অৱস্থাত উদ্ধাৰ হোৱা এই হৃদয়বিদাৰক ঘটনাত আমি সদৌ দেউৰী ছাত্ৰ সন্থাই অতিকৈ মৰ্মাহত ও শোক প্ৰকাশ কৰিছোঁ।
তেখেতৰ বিদেহ আত্মাৰ সদগতিৰ কামনা কৰি শোকত ম্ৰিয়মাণ পৰিয়ালবৰ্গলৈ আমি গভীৰ সমবেদনা জ্ঞাপন কৰিছোঁ।

লগতে আৰক্ষী প্ৰশাসনক এই ৰহস্যজনক মৃত্যুৰ উচিত তদন্ত কৰি দোষীক চিনাক্ত কৰি কঠোৰ শাস্তি প্ৰদানৰ বাবে দাবী জনাইছোঁ।

||🪔ঔঁ শান্তি🪔||

22/08/2026

গণতান্ত্ৰিক দেশত নিজৰ অধিকাৰৰ বাবে প্ৰতিবাদ কৰাটো প্ৰতিজন নাগৰিকৰ অধিকাৰ।

সেই কণ্ঠক ভয়-ভাবুকি, গ্ৰেপ্তাৰ আৰু NSAৰ দৰে কঠোৰ আইনৰ অপপ্ৰয়োগেৰে স্তব্ধ কৰাৰ চেষ্টা গণতন্ত্ৰৰ ওপৰতেই আঘাত। ভূমি, অধিকাৰ আৰু ন্যায়ৰ দাবীত মাত মাতিলেই চৰকাৰে দমনমূলক আইনৰ আশ্ৰয় লোৱাটো কোনোপধ্যেই গ্ৰহণযোগ্য নহয়। জনতাৰ ভূমিৰ অধিকাৰক দমন কৰি কোনো শক্তিয়েই জনতাৰ কণ্ঠ বন্ধ কৰিব নোৱাৰে।

সেয়েহে আজি #গুৱাহাটী_চচলত ভূমি অধিকাৰ-যৌথ সংগ্ৰাম সমিতিৰ উদ্যোগত ভূমি অধিকাৰ আন্দোলনৰ নেতা #প্ৰণৱ_দলেৰ মুক্তিৰ দাবীত আৰু অসম চৰকাৰৰ দ্বাৰা NSAৰ চূড়ান্ত অপপ্ৰয়োগৰ বিৰুদ্ধে, লগতে খিলঞ্জীয়া ভূমিপুত্ৰৰ ভূমিৰ অধিকাৰ খৰ্ব কৰি পুঁজিপতিৰ স্বাৰ্থ সুৰক্ষা কৰিব খোজা চৰকাৰক ধিক্কাৰ জনাই আয়োজিত ্ণা কাৰ্যসূচীত সদৌ দেউৰী ছাত্ৰ সন্থাৰ সভাপতি শ্ৰীযুত #অবিনাশ_দেউৰী ডাঙৰীয়াৰ লগতে বিষয়ববীয়া সকলো উপস্থিত থাকে।

20/08/2026

15/08/2026

দেশৰ ৮০ সংখ্যক গৌৰৱোজ্জ্বল স্বাধীনতা দিৱসৰ পৱিত্ৰ ক্ষণত সমূহ দেশবাসীলৈ আন্তৰিক শুভেচ্ছা জ্ঞাপন কৰিছোঁ।

আজিৰ এই ঐতিহাসিক দিনটোত দেশৰ স্বাধীনতাৰ বাবে সৰ্বোচ্চ ত্যাগ স্বীকাৰ কৰা মহান স্বাধীনতা সংগ্ৰামী আৰু অমৰ শ্বহীদসকলক গভীৰ শ্ৰদ্ধাৰে স্মৰণ কৰিছোঁ লগতে সশ্ৰদ্ধ প্ৰণিপাত জনাইছোঁ।

জয় হিন্দ🇮🇳
বন্দে মাতৰম🇮🇳

14/08/2026

আজি ১৪ আগষ্ট, আজিৰ দিনটোতে ২০১৩ চনৰ আই এন এছ সিন্ধুৰক্ষক (INS Sindhu Rakshak) চাবমেৰিনৰ সৈতে সাগৰৰ বুকুত বিলীন হৈ গৈছিল লখিমপুৰ জিলাৰ মাজৰ চাপৰি দেউৰী গাওঁৰ নৰোত্তম দেউৰী ৷ জীৱনৰ দ্বিতীয়টো ছাবমেৰিন যাত্ৰাই নৰোত্তম দেউৰীৰ বাবে হৈ ৰ’ল অন্তিমটো যাত্ৰা ৷ দেশ মাতৃৰ হকে আত্মবলিদান দিয়া অসম আই মাতৃৰ বীৰ সন্তান ৰাষ্ট্ৰীয় #শ্বহীদ #নৰোত্তম_দেউৰীৰ পৱিত্ৰ পুণ্য মৃত্যুবাষিকী তিথিত সদৌ দেউৰী ছাত্ৰ সন্থাই গভীৰ শ্ৰদ্ধাৰে স্মৰণ কৰি শ্ৰদ্ধাঞ্জলী জ্ঞাপন কৰিছোঁ লগতে ৰাষ্ট্ৰীয় শ্বহীদ গৰাকীৰ বিদেহী আত্মাৰ চিৰ শান্তি কামনা কৰি শোকসন্তপ্ত পৰিয়ালবৰ্গলৈ গভীৰ সমবেদনা জ্ঞাপন কৰিছোঁ।
"শ্বহীদ প্রণামো তোমাক"
জয়হিন্দ🇮🇳

10/08/2026

অৰুণাচল প্ৰদেশৰ সীমান্তত তথা অসমৰ ধেমাজী জিলাৰ চিমে–বদতি সীমান্তত অনুষ্ঠিত হোৱা এখন বৈঠকৰ সময়ত দুষ্কৃতিকাৰীৰ দ্বাৰা সংঘটিত গুলিচালনাৰ ঘটনাক আমি সদৌ দেউৰী ছাত্ৰ সন্থাই তীব্ৰ ভাষাৰে গৰিহণা দিছোঁ।

শান্তিপূৰ্ণভাৱে অনুষ্ঠিত বৈঠকত নিৰপৰাধ লোকৰ ওপৰত গুলিচালনা কৰি আতংকৰ সৃষ্টি কৰা এনে গুণ্ডাগিৰি আৰু হিংসাত্মক কাৰ্য কোনো কাৰণতে গ্ৰহণযোগ্য নহয়। লগতে এনে গুণ্ডাগিৰি আৰু হিংসাত্মক কাৰ্য্য কোনো কাৰণতে সহ্য কৰা নহ’ব।

এই ঘটনাৰ লগত জড়িত অপৰাধীক শীঘ্ৰেই গ্ৰেপ্তাৰ কৰি দৃষ্টান্তমূলক শাস্তি প্ৰদান কৰিবলৈ আমি ৰাজ্য চৰকাৰ আৰু প্ৰশাসনৰ ওচৰত তীব্ৰ দাবী জনাইছোঁ। লগতে সীমান্তৰ ৰাইজৰ সুৰক্ষা সুনিশ্চিত কৰিবলৈও ৰাজ্য চৰকাৰ আৰু প্ৰশাসনৰ ওচৰত দাবী জনালো।

09/08/2026

আজি কাৰ্বি আংলং জিলাৰ বোকাজানস্থিত জিনবাবা উচ্চতৰ মাধ্যমিক বিদ্যালয়ত সংযুক্ত জনজাতীয় মঞ্চ (United Tribal Coordination Front of Assam (UTCFA)ৰ উদ্যোগত আৰু অসম খিলঞ্জীয়া মঞ্চৰ সহযোগত #আন্তঃৰাষ্ট্ৰীয়_খিলঞ্জীয়া_দিৱস উদযাপন কৰা হয়।
এই গুৰুত্বপূৰ্ণ কাৰ্যসূচীত সদৌ দেউৰী ছাত্ৰ সন্থা*ৰ সন্মানীয় সভাপতি শ্ৰীযুত #অবিনাশ_দেউৰী ডাঙৰীয়া আৰু সন্থাৰ উপদেষ্টা তথা দেউৰী সংগ্ৰাম সমিতিৰ সভাপতি শ্ৰীযুত #জি_আৰ_প্ৰদিপ_দেউৰী ডাঙৰীয়াই উপস্থিত থাকি খিলঞ্জীয়া জনগোষ্ঠীৰ ঐক্যৰ প্ৰয়োজনীয়তাৰ ওপৰত গুৰুত্বপূৰ্ণ সাৰুৱা বক্তব্য প্ৰদান কৰে।
উক্ত অনুষ্ঠানত ৰাজ্যৰ বিভিন্ন খিলঞ্জীয়া জনগোষ্ঠীৰ নেতৃবৃন্দ আৰু ছাত্ৰ সন্থাৰ বিষয়-ববিয়া লগতে স্থানীয় ৰাইজ উপস্থিত থাকে।
`

`

09/08/2026

আজি ৯ আগষ্ট - আন্ত:ৰাষ্ট্ৰীয় খিলঞ্জীয়া দিৱস।

এই পবিত্ৰ দিনটোত সমগ্ৰ বিশ্বৰ লগতে আমাৰ অসমৰ সকলো খিলঞ্জীয়া তথা ভুমিপুত্ৰ ৰাইজলৈ সদৌ দেউৰী ছাত্ৰ সন্থাৰ তৰফৰ পৰা আন্তৰিক শুভেচ্ছা জনাইছোঁ।

খিলঞ্জীয়া মানে মাতৃভূমিৰ প্ৰকৃত ৰক্ষক। আমাৰ ভাষা, আমাৰ সংস্কৃতি, আমাৰ ৰীতি-নীতি আৰু আমাৰ পৰম্পৰাগত জ্ঞানেই আমাৰ আচল সম্পদ। এইবোৰ যাতে অক্ষুন্ন থাকিব লাগিব।

কিন্তু দুখৰে ক’ব লাগে, আজিও বহু ঠাইত খিলঞ্জীয়াসকলে নিজৰ ভাষা, ভূমি আৰু সংস্কৃতি ৰক্ষাৰ বাবে সংগ্ৰাম কৰিব লগা হৈছে।

লগতে খিলঞ্জীয়াসকলৰ অধিকাৰ, আত্ম-পৰিচয় আৰু অস্তিত্বৰ বাবে জীৱনজোৰা সংগ্ৰাম কৰা শ্ৰদ্ধাৰ প্ৰয়াত #ৰাণাপ্ৰসাদ_দেউৰী দেৱক গভীৰ শ্ৰদ্ধাৰে সোৱৰিছোঁ । তেওঁ দেখুৱাই যোৱা পথতেই আমি আগবাঢ়ি যাব লাগিব।

03/08/2026

শোক প্ৰস্তাৱ
বিশ্বনাথ জিলা দেউৰী সাহিত্য সভাৰ সভাপতি তথা ইতিহাস প্ৰসিদ্ধ তাম্ৰেশ্বৰী মন্দিৰ অন্তিম গৰাকী দেউৰী পূজাৰী #লাইফাই_বৰদেউৰী ৰ প্ৰথম বটাঁ প্ৰাপক শ্ৰদ্ধাৰ শ্ৰীযুত #নিৰণ_কুমাৰ_দেউৰী দেৱৰ সহধৰ্মিনী স্বগীয় ৰ্নিমালী দেউৰী ডাঙৰীয়ানীৰ বিয়োগৰ বাতৰি পাই আমি সদৌ দেউৰী ছাত্ৰ সন্থাই অত্যন্ত মৰ্মাহত ও শোক প্ৰকাশ কৰিছোঁ।

দেউৰী জাতিৰ ধৰ্ম-সংস্কৃতিৰ সৈতে জড়িত এগৰাকী মহিলাৰ এনেকৈ অকালতে বিদায়ে আমাৰ সমাজক গভীৰ শোকত নিমজ্জিত কৰিছে।

আইমাতৃ ৰ্নিমালী দেউৰীৰ বিদেহী আত্মাই চিৰশান্তি লাভ কৰক আৰু এই দুখৰ সময়ত আমি নিৰণ কুমাৰ দেউৰীদেৱৰ লগতে শোকসন্তপ্ত পৰিয়ালবৰ্গলৈ গভীৰ সমবেদনা জ্ঞাপন কৰিছোঁ। শোকসন্তপ্ত পৰিয়ালক এই দুখ সহ্য কৰিবলৈ কুন্দিমামায়ে শক্তি দিয়ক।

||🪔ঔ শান্তা🪔||

02/08/2026

কমনৱেলথ গেমছ ২০২৬ৰ মহিলাৰ ৭৫ কিলোগ্ৰাম শাখাত ৰূপৰ পদক জয় কৰি পুনৰবাৰ সমগ্ৰ অসমবাসীক গৌৰৱান্বিত কৰা #লাভলীনা_বৰগোহাঁইলৈ সদৌ দেউৰী ছাত্ৰ সন্থাৰ তৰফৰ পৰা আন্তৰিক অভিনন্দন আৰু শুভেচ্ছা জ্ঞাপন কৰিছোঁ।
অনাগত দিনতো লাভলীনাই আন্তঃৰাষ্ট্ৰীয় ক্ৰীড়া মঞ্চত ভাৰত আৰু অসমৰ নাম সদায় উজ্বলাই থাকক এয়াই আমাৰ কামনা।
!🇮🇳🥇