18/11/2025
के तपाईलाई थाहा छ? टाउकाे बिना 18 months बाँचेको कुखुराको घटना।
अचम्मको कुरा, एउटा कुखुरा १८ महिना टाउको बिना नै बाँच्यो—र आजसम्म पनि मानिसहरूलाई चकित पार्ने यो कथा १९४० को दशकमा अमेरिका (USA) मा दर्ता गरिएको थियो। यस अद्भुत कुखुरालाई "माइक द हेडलेस चिकेन" भनेर चिनिन्थ्यो।
सन् १९४५ मा कोलोराडोको एउटा फार्ममा किसान लॉयड ओल्सन ले एउटा जवान भाले कुखुरा काटेर खाना बनाउन खोजे। तर उनको कोपटोले टाउको काट्दा मस्तिष्क (brain stem) को केही भाग र एउटा कान बाँकी रह्यो। यही कारण माइक हिँड्न, सन्तुलन मिलाउन, र टुक्रा टिपेझैँ गर्न सक्षम रह्यो।
सबैलाई अचम्म लाग्ने गरी, माइक मरेन। बरु ऊ त्यस्तै बाँचिरह्यो र ठूलो हुँदै गयो। उसको मालिकले दूध र पानी मिसाएर आइड्रपर मार्फत सिधै घाँटीमा हालेर खान दिंथे। केही समयमै माइक राष्ट्रिय स्तरमा चर्चित भयो—पत्रपत्रिका, प्रर्दशन र यात्रा कार्यक्रमहरूमा देखापर्न थाल्यो।
माइकलाई “मिराकल माइक” नाम दिइयो किनकि ऊ अद्भुत रूपमा बाँचिरह्यो। वैज्ञानिकहरूले समेत अध्ययन गरे कि कसरी एउटा कुखुरा टाउको बिना पनि काम गर्न सक्षम भयो।
अन्ततः १८ महिनापछि माइकको मृत्यु भयो, तर उसको कथाले आज पनि सबैलाई चकित बनाउँछ। कोलोराडोको फ्रुइटा नामक शहरमा अहिले पनि “माइक द हेडलेस चिकेन फेस्टिवल” मनाइन्छ।
