25/08/2026
Save గవర్నమెంట్ స్కూల్.. రెస్పెక్ట్ టీచర్స్! ✊📚
సినిమాల్లో వినోదం పేరుతో ప్రభుత్వ పాఠశాలలు, ఉపాధ్యాయులను నెగెటివ్గా చూపించడం ఎంతమాత్రం సమంజసం కాదు.
రీల్స్ (Reels) లో చూపించే కల్పిత దృశ్యాలు వేరు... ప్రతిరోజూ క్లాస్రూమ్లో వేలాది మంది పిల్లల భవిష్యత్తును తీర్చిదిద్దే టీచర్ల రియాలిటీ వేరు!
గ్రామీణ ప్రాంతాల్లో ఎన్నో సవాళ్లను ఎదుర్కొంటూ, సమాజ పురోగతికి పునాది వేస్తున్న ప్రభుత్వ ఉపాధ్యాయుల ఆత్మగౌరవాన్ని తగ్గించేలా సీన్లు తీయడం సరికాదు. ఉపాధ్యాయ వ్యవస్థ గౌరవాన్ని కాపాడుకోవడం మరియు ప్రభుత్వ పాఠశాలలను రక్షించుకోవడం మనందరి బాధ్యత.
కళను ఆస్వాదిద్దాం... కానీ గురు స్థానాన్ని తక్కువ చేస్తే ప్రశ్నిద్దాం
గవర్నమెంట్_టీచర్
మిగతా రంగాలను సినిమాల్లో నెగెటివ్గా చూపించినప్పుడు లేని అభ్యంతరం, టీచర్లను చూపిస్తే ఎందుకు?" అని కొందరు ప్రశ్నించవచ్చు.
కానీ ఉపాధ్యాయ వ్యవస్థ అనేది కేవలం ఒక వృత్తి మాత్రమే కాదు... అది ఒక సమాజపు భవిష్యత్తును దిద్దే దిక్సూచి. పోలీసులను, రాజకీయ నాయకులను చూపించే విధానంతో గురువు స్థానాన్ని పోల్చడం ఎంతమాత్రం సమంజసం కాదు.
ప్రభుత్వ పాఠశాలల్లో నాణ్యమైన విద్యనందిస్తూ, విద్యార్థులను ఉన్నత స్థానాల్లో నిలబెడుతున్న వేలాది మంది గవర్నమెంట్ టీచర్ల కష్టాన్ని కేవలం కొన్ని నిమిషాల సినిమా సీన్లతో తక్కువ అంచనా వేయలేరు. ఎంటర్టైన్మెంట్ పేరుతో సమాజానికి మార్గదర్శకులుగా ఉండేవారి ప్రతిష్టను దెబ్బతీయవద్దని కోరుతున్నాం.
