14/08/2025
സ്നേഹവും അറിവും കൈകോർത്ത ദിവസങ്ങൾ….
സമസ്ത കേരള ഇസ്ലാം മതവിദ്യാഭ്യാസ ബോർഡ് നൽകുന്ന ട്രെയിനിംഗ് ക്ലാസിൻ്റെ ഭാഗമായി കഴിഞ്ഞ രണ്ട് മാസങ്ങൾ, ആത്മീയ-അക്കാദമിക സമൃദ്ധിയുടെ കേന്ദ്രമായ ആലത്തൂർപടി ദർസിലെ സ്നേഹനിധികളായ മക്കളോടൊപ്പം ചെലവഴിക്കാനായതു ജീവിതത്തിലെ വലിയൊരു ഭാഗ്യമായി തോന്നുന്നു.
കളിയും പഠനവും, വിനോദവും മൂല്യവുമൊത്ത് ചേർന്ന ആ നാളുകൾ, ഹൃദയത്തിൽ മായാത്ത ഓർമ്മകളായി തുടരും. കുറഞ്ഞ ദിവസങ്ങളിലെ പരിചയം വർഷങ്ങളോളം വളർത്തിയ ബന്ധം പോലെ മനസ്സിൽ പതിഞ്ഞു.
സമസ്ത കേരള ജംഇയ്യത്തുൽ ഉലമ കേന്ദ്ര മുശാവറ അംഗം, ഡോ: സി.കെ അബ്ദുറഹ്മാൻ ഫൈസിയുടെ പൂർണമായ നേതൃത്വത്തിലും പ്രഗത്ഭരായ പണ്ഡിതന്മാരുടെ ശിക്ഷണത്തിലും, ആലത്തൂർപടി ദർസ് ഇന്ന് പഠന നിലവാരത്തിലും അച്ചടക്കത്തിലും ഒരു മാതൃകയാണ്.
• വിദ്യാർത്ഥികൾ – അറിവിനോടുള്ള ആഗ്രഹം, അച്ചടക്കം, സഹകരണം — എല്ലാം മാതൃകാപരമായിരുന്നു.
• ഉസ്താദുമാർ – സ്നേഹത്തോടും സഹനത്തോടും കൂടി, അറിവ് മനസ്സിലേക്കു വിതറി, വ്യക്തിത്വം രൂപപ്പെടുത്തുന്നവർ.
• രക്ഷിതാക്കൾ – ഭാഗ്യവാൻമാർ, മക്കളെ ഇത്തരത്തിലുള്ള സമൃദ്ധമായ പഠനാന്തരീക്ഷത്തിലേക്ക് ഒരുക്കിയ നിങ്ങളുടെ പിന്തുണ അഭിനന്ദനാർഹം.
ഈ വേർപിരിയൽ താൽക്കാലികമത്രേ… അറിവിന്റെയും സ്നേഹത്തിന്റെയും വിത്തുകൾ വളർന്ന്, വീണ്ടും വീണ്ടും സംഗമിക്കാൻ നാഥൻ വഴിതെളിക്കട്ടെ.
ഉസ്മാൻ ഫൈസി ഇന്ത്യനൂർ
ട്യൂട്ടർ, SKIMVB
14.08.2025
