25/11/2025
'മണ്ണും മനുഷ്യനും' - വേങ്ങര ഉപജില്ലാ പരിസ്ഥിതി നാളെ ക്ലാരി സൗത്ത് സ്കൂളിൽ.
കേരള സംസ്ഥാന ശാസ്ത്ര സാങ്കേതിക പരിസ്ഥിതി കൗൺസിലിന്റെയും (KSCSTE), കേന്ദ്ര ഗവ:മെന്റിന്റെ പരിസ്ഥിതി, വനം, കാലാവസ്ഥാ വ്യതിയാന മന്ത്രാലയത്തിന്റെയും (MoEFCC) സംയുക്ത ആഭിമുഖ്യത്തിലുള്ള പരിസ്ഥിതി വിദ്യാഭ്യാസ പരിപാടിയുടെ ഭാഗമായി, മലപ്പുറം ജില്ല ദേശീയ ഹരിത സേന (NGC) , ക്ലാരി സൗത്ത് AMLP S ലെ NGC യൂണിറ്റിന്റെ സഹകരണത്തോടെ വിദ്യാർത്ഥികൾക്കായി സുസ്ഥിര ജീവിതശൈലി ശിൽപ്പശാലാക്യാമ്പ് സംഘടിപ്പിക്കുന്നു. നവംബർ 26 - ന് ബുധനാഴ്ച രാവിലെ 10 ന് ക്ലാരി സൗത്ത് എ എം എൽ പി സ്കൂളിൽ വെച്ച് നടക്കുന്ന ഈ പരിപാടിയിൽ ശാസ്ത്രീയമായ കൂൺ കൃഷി രീതി, അതിൻ്റെപ്രാധാന്യം, ശാസ്ത്ര അവബോധ ക്ലാസ് എന്നിവ ഉൾപ്പെടുത്തിയിരിക്കുന്നു. ശാസ്ത്രത്തെയും പ്രകൃതിയെയും കൂൺ കൃഷിയെയും അടുത്തറിയാൻ വേങ്ങര ഉപജില്ലയിലെ രജിസ്റ്റർ ചെയ്ത വിദ്യാർത്ഥികൾ പങ്കെടുക്കും.
വിവിധ സെഷനുകൾക്ക് ക്ലാരി ജി എൽ പി എസ് പ്രധാനാധ്യകനും ശാസ്ത്രപ്രചാരക പ്രവർത്തകനുമായ രമേഷ് കുമാർ കെ, ദേശീയ ഹരിത സേന മലപ്പുറം പ്രോജക്ട് കോഡിനേറ്ററും കൂൺ കൃഷി പരിശീലകനുമായ സാബിർ പി എന്നിവർ നേതൃത്വം നൽകും.
സ്കൂൾ മാനേജർ ഡോ. പി സിറാജുദ്ദീൻ ഉദ്ഘാടനം ചെയ്യും. പി ടി എ പ്രസിഡണ്ട് ബുഷ്റുദ്ദീൻ തടത്തിൽ വൈസ് പ്രസിഡണ്ട് സുലൈമാൻ പെരിങ്ങോടൻ, എം ടി എ പ്രസിഡണ്ട് വിലാസിനി തുടങ്ങിയവർ പങ്കെടുക്കും.
