08/01/2020
ടീച്ചറുടെ നല്ല വാക്കുകൾക്ക് വളരെ നന്ദി. പ്രോഗ്രാമിന് വിളിച്ച സമയത്തായാലും പിന്നീടുള്ള സമയങ്ങളിലായാലും ടീച്ചറുടെ ആവേശവും സന്തോഷവും ഞങ്ങൾക്ക് മറക്കാൻ സാധിക്കില്ല. അതുപോലെതന്നെ ഈ പ്രോഗ്രാം ഏറ്റവും നന്നായി കണ്ടക്റ്റു ചെയ്യാൻ ഞങ്ങളെ സഹായിച്ച വേറെയും ഒരുപാട് ടീച്ചേർസുണ്ട്, അവരിൽ പോൾ സാർ, ലിനറ്റ് ടീച്ചർ എന്നിവരെ പ്രത്യേകിച്ചു ഓർക്കുന്നു. എല്ലാവർക്കും നന്ദി... ഞങ്ങളെയൊക്കെ ഇന്നും ഓർത്തിരിക്കുന്നതിന്.... സ്നേഹത്തോടെ സ്വീകരിച്ചതിന്... എല്ലാ തിരക്കുകളും മാറ്റി വച്ച് ഈ പ്രോഗ്രാം ഗംഭീരമാക്കുന്നതിന് ഞങ്ങളുടെ കൂടെ നിന്നതിന്....
Get together committee
08/01/2020
തണലിൽ ഒരു ഓർമ്മക്കൂട്ട്.
പൂർവ്വ വിദ്യാർത്ഥി സംഗമം
(SSLC ബാച്ച് 2000-2001)
31/12/2019
“ പടിയിറങ്ങിയപ്പോയാണ് അറിഞ്ഞത്.....
അക്ഷരങ്ങൾ പൂത്തതിനേക്കാളേറെ
ഓർമ്മകൾക്ക് വിത്ത് പാകിയ ഇടമായിരുന്നു
കലാലയം എന്ന്.... ”
അന്ന് പാകിയ ഓർമ്മകളുടെ വിശേഷങ്ങൾ പങ്കുവയ്ക്കാൻ വീണ്ടും ഒരു ഒത്തുകൂടൽ....
2000-2001 ബാച്ചിലെ എല്ലാ ഡിവിഷനിലെയും സുഹൃത്തുക്കളെ കോർത്തിണക്കിക്കൊണ്ട് ,
ജനുവരി 5 തിയതി ശക്തികുളങ്ങര.
St. Joseph High school ൽ ഒത്തുചേരുന്ന വിവരം സന്തോഷപൂർവ്വം അറിയിച്ചുകൊള്ളുന്നു.
ഈ ഗ്രൂപ്പിലുള്ള 2000-2001 ബാച്ചിലെ എല്ലാ സുഹൃത്തുക്കളും കുടുംബസമേതം എത്തിച്ചേരണമെന്ന് അഭ്യർത്ഥിക്കുന്നു.
Reunion committee.
Mob. 889 1234 701
01/11/2019
SSLC Batch 2000-2001 (10 D )
22/10/2019
ഓർമ്മകൾ പെയ്യുമ്പോൾ!
Reunion invitation batch of 2000- 01
ഇന്ന് ഓർത്തെടുക്കുവാൻ ശ്രമിക്കുമ്പോൾ ഒരുപാട് നഷ്ട്ട ബോധത്തോടെ മാത്രം ഓർമ്മയിൽ തെളിയുന്ന ഒരു കാലമുണ്ട്. ഒരിക്കൽ പോകാൻ മടിച്ച ഇടനാഴികൾ ഇന്ന് പോകാൻ കൊതിക്കുന്ന ഓർമ്മകളായി മാറി. നമ്മുക്ക് നഷ്ടമായ ആ പഴയ കാലം ഇനി വരില്ലന്നറിയാം, എന്നാലും വന്നിരുന്നെങ്കിൽ എന്നാശിക്കന്നവരാണ് നമ്മളെല്ലാം.
സ്വപ്നങ്ങൾക്ക് ചിറകു നൽകിയ, ജീവിത യാഥാർത്ഥ്യങ്ങൾ പകർന്നു നൽകിയ, ഒരു പാട് നല്ല ചങ്ങാതിമാരെ നൽകിയ നമ്മുടെ പ്രിയവിദ്യാലയം. എവിടെയൊ ജനിച്ചവർ, എവിടെയൊ വളർന്നവർ പക്ഷേ നമ്മൾ കൂട്ടുകൂടിയത് ഈ വിദ്യാലയ മുറ്റത്താണ്.
വിട പറഞ്ഞ വഴികളിൽ സുഹൃത്തുക്കൾ നൽകിയ മധുരമുള്ള ഓർമ്മകളെ താലോലിക്കുമ്പോൾ, നമ്മൾ അറിയാതെ കൊതിച്ചു പോകാറില്ലെ ആ വഴികളിലൂടെ ഒന്നു കൂടി നടക്കുവാൻ... നമ്മുടെ ആ പഴയ കൂട്ടുകാരുമായി ഒന്നുകൂടി ഒത്തുകൂടുവാൻ...
പഴയകാല ഓർമ്മക്കളെയും പുതിയ കാലത്തിന്റെ സ്വപ്നങ്ങളെയും വരവേൽക്കുവാൻ ഈ ജനുവരിയിൽ നമ്മുക്ക് വീണ്ടും അവസരം ഒരുങ്ങുകയാണ്. രണ്ടായിരമാണ്ടിൽ പത്താം ക്ലാസ്സിൽ തുടങ്ങിയ നമ്മുടെ സൗഹൃദത്തിന്റെ ഇരുപത് വർഷങ്ങൾ തികയുന്ന 2020 ന്യൂ ഇയർ കഴിഞ്ഞുള്ള ആദ്യ ഞായറാഴ്ച്ച, (അതായത് 5th ജനുവരി 2020) 9.30 മുതൽ 4 മണിവരെയാണ് നമ്മുടെ ഈ ഒത്തുചേരൽ നടത്തുവാൻ ഉദ്ദേശിക്കുന്നത്.
ഈ ചടങ്ങിൽ എല്ലാ ചങ്ങാതിമാരുടേയും പൂർണ്ണമായ സാന്നിധ്യ, സഹകരണങ്ങൾ ഉണ്ടാകണമെന്ന് ഒരുപാട് ആഗ്രഹിക്കുന്നു, പ്രതീക്ഷിക്കുന്നു...
Get together committee.
Mob. 628 2590 874
790 7065 744
889 1234 701
03/10/2016
പണ്ട് പഠിച്ച സ്കൂളിലേക്ക് ഏകനായി കടന്നുചെന്നിട്ടുണ്ടോ ?..
കൂട്ടുകാർക്കൊപ്പമല്ല.'ഗെറ്റ് ടുഗെദർ' എന്ന ഒാമനപ്പേരിൽ അറിയപ്പെടുന്ന ഒത്തുചേരലുകളുടെ ബഹളത്തിലല്ല...
ആളും ആരവവും ഇല്ലാത്തപ്പോൾ...
അദ്ധ്യാപകരും വിദ്യാർത്ഥികളും ഇല്ലാത്തപ്പോൾ...
നമുക്ക് കൂട്ടിന് സ്കൂൾ മാത്രം...
അങ്ങനെയൊരു മടങ്ങിപ്പോക്ക് ഉണ്ടായിട്ടുണ്ടോ? എന്നെങ്കിലും...??
അതൊരു വല്ലാത്ത അനുഭവമാണ്...
സൂര്യൻ അസ്തമയത്തിന് തയ്യാറെടുക്കുമ്പോൾ സ്കൂൾ കവാടം കടന്നു ചെല്ലണം...
'പിൻഡ്രോപ്പ് സൈലൻസ്' എന്നെല്ലാം വിശേഷിപ്പിക്കാവുന്ന അവസ്ഥയാവണം...
അവിടെ മുഴുവൻ അലഞ്ഞുതിരിയണം...
അപ്പോൾ ഒാർമ്മകളുടെ വേലിയേറ്റമുണ്ടാകും....
കൂട്ടുകാരോടൊപ്പം പോകുമ്പോൾ സംഭവിക്കാത്ത പല കാര്യങ്ങളും അപ്പോൾ സംഭവിക്കും...
നമുക്ക് ചുവരുകളോടും തൂണുകളോടും സംസാരിക്കാം...
അവരുടെ നെഞ്ചിൽ മുഖം പൂഴ്ത്താം...
അവർക്കും പറയാനുണ്ടാവും കഥകൾ ഏറെ....
സ്കൂൾ സ്റ്റേജിനു മുന്നിൽ കുറച്ചു നിമിഷങ്ങൾ നിൽക്കണം...
അതാ കൺമുമ്പിൽ ചില കാഴ്ച്ചകൾ...
സ്റ്റേജിൽ നിന്ന് പ്രാർത്ഥനയും ദേശീയഗാനവും പ്രസംഗവും ഉയരുന്നു...
മുറ്റം നിറയെ കുട്ടികൾ...
പെട്ടന്ന് എല്ലാം മാഞ്ഞുപോവുന്നു...
മുറ്റത്ത് നമ്മൾ മാത്രം...
ക്ലാസ് മുറികളുടെ മുന്നിലൂടെ രണ്ടു മൂന്നു തവണ നടക്കണം...
അപ്പോൾ കേൾക്കാം...
ഗുരുക്കൻമാരുടെ ശബ്ദം....
എഴുത്തച്ഛൻ,..
ചെറുശ്ശേരി,..
പ്രേംചന്ദ്,..
ഷെല്ലി...
ന്യൂട്ടൻ്റെ നിയമങ്ങൾ...
പിര്യോഡിക് ടേബിൾ....
നിങ്ങൾക്ക് കാണാം...
മുന്നിലെ ബെഞ്ചുകളിൽ കാതു കൂർപ്പിച്ചിരിക്കുന്ന മുഖങ്ങൾ...
താടിയ്ക്ക് കൈയ്യും കൊടുത്ത് ഉറക്കത്തിലേക്ക് വഴുതിവീഴാൻ പോകുന്ന മറ്റു ചില മുഖങ്ങൾ....
ചിലയിടങ്ങളിൽ സാരമായ മാറ്റങ്ങൾ സംഭവിച്ചിട്ടുണ്ടാകാം...
അവിടെ നിൽക്കരുത്....
ഒരു നെടുവീർപ്പിനപ്പുറമുള്ള ദുഃഖപ്രകടനങ്ങൾ പാടില്ല....
ഒരു മാറ്റവും സംഭവിക്കാത്ത ഭാഗങ്ങളിലേക്ക് പാഞ്ഞുചെല്ലണം....
അവിടെയും കാണാം പല പല കാഴ്ച്ചകൾ....
ഉച്ചസമയത്ത് ചോറും ചെറുപയറുമായി നടന്നുനീങ്ങുന്നവരുടെ കൂട്ടം....
പൊട്ടിയ പൈപ്പിൽ നിന്നും കുതിച്ചൊഴുകുന്ന ജലം...
മഴക്കാലത്ത് മുറ്റം നിറയെ കറുത്ത കുടകൾ...
ഒാടിനിടയിലൂടെ ഒരു കള്ളനെപ്പോലെ കടന്നുവന്ന് നോട്ട്ബുക്കിൽ വീഴുന്ന മഴത്തുള്ളി...
പരിസ്ഥിതിദിനത്തിൽ നട്ടുപിടിപ്പിച്ച ചെടികൾ...
മാങ്ങ ഉപ്പും മുളകും കൂട്ടി തിന്നുന്നത്....
ഒരറ്റത്ത് ക്രിക്കറ്റും ഫുട്ബോളും...
നിസ്സാരവിലയുടെ പ്ലാസ്റ്റിക് പന്ത്...
മറ്റേ
അറ്റത്ത് കള്ളനും പൊലീസും...
അതിനിടയിൽ ഒളിച്ചു കളി....
കൂട്ടത്തല്ല്...ചീത്തവിളി... അലറുന്ന മാഷുമാർ....
അങ്ങനെ മുന്നോട്ടുനടക്കണം...
ക്ഷീണിച്ചാൽ ഇരിക്കാം...
കാതോർത്താൽ കേൾക്കാം...
നിങ്ങളുടെ കാൽപ്പാടുകൾ...
പൊട്ടിച്ചിരികൾ....
വിതുമ്പലുകൾ....
ഹെഡ്മാസ്റ്ററുടെ ബൂട്ട്സിൻ്റെ ശബ്ദം...
ജനൽക്കമ്പിയിൽ ആഞ്ഞുപതിക്കുന്ന ചൂരൽ....
ഒടുവിൽ ചുവരിന് നമ്മുടെ കണ്ണുനീരിൻ്റെ സ്വാദ് മനസ്സിലാവും...
നമ്മുടെ മനസ്സിൻ്റെ തേങ്ങൽ തൂണുകളുടെ കാതുകൾക്ക് വിരുന്നാവും...
എന്താണ് മനസ്സ് തേങ്ങുന്നത്?
എന്താണ് പറയുന്നത്...?
തിരിച്ചുതരുമോ ആ നാളുകൾ ..?
കുറച്ചു നേരത്തേക്കെങ്കിലും മടക്കിത്തരുമോ ആ കാലം...??
കടന്നുവന്ന വഴികൾ ഒരു പാഴ്വസ്തു മാത്രമാണെങ്കിൽ നിങ്ങൾക്കീ വികാരം മനസ്സിലാവില്ല...
ഒാർമ്മകൾ ഹരമാണെങ്കിൽ ഇത് നിങ്ങൾക്ക് മനസ്സിലാവും...
തടവുകാരനാവുന്നത് സങ്കടകരമാണ്...
പക്ഷേ ഒാർമ്മകളുടെ തടവുകാരനാവുന്നത് എന്നെ സംബന്ധിച്ചിടത്തോളം ആഹ്ലാദകരമാണ്....
തനിച്ചൊരു യാത്ര പോണം...
ഒരിക്കലെങ്കിലും...
ഒരുകാലത്ത് എല്ലാമായിരുന്ന മണ്ണിലേക്ക്...
( #ആരാ എഴുതിയത് എന്ന് അറിയില്ല എന്നാലും വായിച്ചു തീർന്നപ്പോ മനസ്സിൽ ഒരുപാട് സപർശിച്ചു)😘😘
22/09/2012
those who have your group photos please upload in this page .......
22/10/2019
06/05/2019