https://www.facebook.com/228793478059347/

SNAC Students Council 2k19, R Sankar Nagar, Kollam (2026)

16/09/2020

Deep condolences from the bottom of heart...

A great lose to Ayurveda community all over the world

Humble pranams to his feet🙏

16/09/2020

AYUSH വിദ്യാർത്ഥികൾ IMAക്ക് എഴുതുന്ന തുറന്ന കത്ത്.

IMA,
ഔപചാരികതയെ തികച്ചും ചോദ്യം ചെയ്യുന്ന തരത്തിലുള്ള പെരുമാറ്റങ്ങൾ കഴിഞ്ഞ കുറച്ചു നാളുകളായി സോഷ്യൽ മീഡിയയിൽ അരങ്ങേറുന്ന കാരണമാണ് ഞങ്ങൾ AYUSH വിദ്യാർത്ഥികൾ ഈ കത്തെഴുതുന്നത്. ഞങ്ങളുടെ സംസ്കാരം അത്രത്തോളം അധ:പതിക്കാത്തതുകൊണ്ടാണ് ഇപ്പോഴും മാന്യമായ ഭാഷയിൽ തുറന്നകത്ത് എഴുതുന്നത്. കാലങ്ങളേറെയായി AYUSH വിഭാഗത്തെ മുഴുവൻ തരംതാഴ്ത്തികൊണ്ടുള്ള വർത്തമാനങ്ങൾ വന്നിരുന്നെങ്കിലും ഈ കൊറോണകാലത്ത് ഉണ്ടായ അവഹേളനവും താറടിച്ചുകാണിക്കുവാനുള്ള ശ്രമങ്ങളുമാണ്, ഞങ്ങൾക്ക് ഈ കത്തെഴുതുവാനുള്ള ഹേതു . 8-9-2020ന് നടന്ന മീഡിയ വൺ ചാനൽചർച്ചയിൽ ഐഎംഎ പ്രതിനിധിയായ ഡോ.സുൽഫിയുടെ തരംതാഴ്ന്ന തരത്തിലുള്ള പെരുമാറ്റം തന്നെയാണ് അതിനുള്ള മകുടോദാഹരണം. ഞങ്ങൾ AYUSH വിദ്യാർത്ഥികളും Mbbs വിദ്യാർത്ഥികളെ പോലെ, എൻട്രൻസ് പരീക്ഷ എഴുതി, നാലര വർഷം അവർ പഠിക്കുന്ന വിഷയങ്ങൾ എല്ലാം പഠിച്ചിട്ടും ഒരു വർഷത്തെ ഇന്റേൺഷിപ്പും കഴിഞ്ഞുതന്നെയാണ് ആതുരസേവന രംഗത്ത് വരുന്നത്. അല്ലാതെ ഇന്നലെ പെയ്ത മഴയിൽ IMAയുടെ ഔദാര്യത്തോടെ പഠിച്ചിറങ്ങി വരുന്നവരല്ല ഞങ്ങൾ. കോവിഡ് -19 പോലെ ഒരു മഹാമാരിയുടെ സമയത്ത് കേരളത്തിലെ AYUSH ഡോക്ടേഴ്സ് CFLTCയിലും മറ്റും ഡ്യൂട്ടി എടുക്കുന്നത് സർക്കാരിന്റേയും ആരോഗ്യവകുപ്പിന്റേയും നിർദ്ദേശപ്രകാരമാണ്. കേരളത്തിൽ, എല്ലാ സിസ്റ്റത്തിലെ ഡോക്ടർമാരും ചേർന്നുതന്നെയാണ് ആരോഗ്യമേഖലയെ നിലനിർത്തുന്നത്. അല്ലാതെ വരേണ്യ വിഭാഗം എന്ന് സ്വയം അഹങ്കാരത്തോടെ കരുതുവാൻ ആരോഗ്യമേഖല നിങ്ങൾക്ക് തീറെഴുതി തന്നിട്ടില്ല എന്നുകൂടെ ഓർമിപ്പിക്കട്ടെ . നിങ്ങൾ പറയുന്നത് മാത്രം കേട്ട് BP എടുക്കാനും താപനില പരിശോധിക്കുവാനും നിങ്ങളുടെ അടിമകളല്ല ഞങ്ങൾ. മുന്നിലിരിക്കുന്നത് ഒരു ജീവനാണെന്നും അതിനെ രക്ഷപ്പെടുത്തേണ്ടത് തങ്ങളുടെ കടമയാണെന്ന് ഉത്തമബോധ്യത്തോടെ തങ്ങളുടെ ജീവൻ പണയപ്പെടുത്തി നിൽക്കുന്നവരാണ് ഞങ്ങളും . കൊറോണ വൈറസിനെക്കാൾ മാരകമായത് തന്റെ നാവാണ് എന്ന് കഴിഞ്ഞ ദിവസം നിങ്ങളുടെ വക്താവ് തെളിയിച്ചിരിക്കുന്നു. കോവിഡ് -19ന്റെ പ്രതിരോധത്തിന്റെ ഭാഗമായുള്ള 'അമൃതം പദ്ധതി'ക്കും ആർസനികം ആൽബത്തിനും എതിരെ നിങ്ങൾ ഉന്നയിക്കുന്ന മുട്ടുന്യായങ്ങൾ അവതരിപ്പിക്കുമ്പോൾ ഓർത്തോളൂ, AYUSH എന്നത് വെറും അഞ്ച് അക്ഷരങ്ങൾ മാത്രമല്ല എന്ന യാഥാർത്ഥ്യം. വിക്കിപീഡിയയും ഗൂഗിളും മറ്റും വായിച്ച്, ഞങ്ങൾ 5.5 വർഷം പഠിക്കുന്നത്, 5.5 മിനിറ്റുകൾകൊണ്ട് പുലമ്പുന്നത് നിങ്ങൾ പഠിച്ചുറച്ച സംസ്കാരം അതായത് കൊണ്ടാവാം. എല്ലാ ചികിത്സസമ്പ്രദയത്തിനും അതിന്റെതായ ചികിത്സാരീതികളും കാഴ്ചപ്പാടുകളും ഉണ്ട്. അവയെ അവഹേളിക്കുന്ന രീതിയിൽ വിക്കിപീഡിയ നോക്കി AYUSHനെ പറ്റി അനാവശ്യമായി ഇനി നിങ്ങളുടെ വക്താക്കൾ നവരസ ഭാവത്തോടെ പുലമ്പിയാൽ ഞങ്ങൾക്കും നാക്കുകളുണ്ടെന്നു ഓർമിപ്പിക്കുന്നു.

15/09/2020

13/09/2020

പ്രിയ വിദ്യാർത്ഥി സുഹൃത്തുക്കളെ,

ലോകമെങ്ങും *COVID-19* പാൻഡെമിക് ൻ്റെ ദുരിതങ്ങൾ നേരിട്ട് കൊണ്ടിരിക്കുന്ന ഈ സാഹചര്യത്തിൽ ആരോഗ്യപ്രവർത്തകർ എല്ലാം തന്നെ ഒരൊറ്റ ലക്ഷ്യത്തോടെ കർമനിരതരായി പോരാടിക്കൊണ്ടിരിക്കുകയാണ്...ആരോഗ്യ മേഘലയിലുള്ള
*AYUSH* -ൻ്റെ സാധ്യതകളെ എന്നും അടിച്ചമർത്തിയിട്ടുള്ള
IMA പോലുള്ള സംഘടനകൾ ആദ്യം മുതൽക്കേ AYUSH വൈദ്യശാസ്ത്ര മേഖലകളെ അകറ്റി നിർത്താൻ നോക്കിയെങ്കിലും COVID-19 രൂക്ഷമായി കൊണ്ടിരിക്കെ ആവശ്യ പരിചരണത്തിനായി *COVID 19 FIRST LINE TREATMENT CENTRE* കളിൽ *AYUSH* ന്റെ കീഴിൽ വരുന്ന DEPARTMENT കളെ ഉൾപ്പെടുത്തുകയും AYURVEDHA , HOMOEOPATHY, കേരളത്തിലെ ആദ്യത്തെ *REVERSE QUARANTINE CENTRE ന്* SIDDHA ഹോസ്പിറ്റലുകൾ ഉപയോഗിക്കുകയും അവിടെ *AYUSH* *DOCTORS* നെ നിയമിക്കുകയും ചെയ്തിരുന്നു .
ഇതിനിടെ COVID 19 പ്രതിരോധത്തിന്റെ ഭാഗമായുള്ള AYUSH മിനിസ്റ്റ്റി നിർദ്ദേശിച്ച മരുന്നുകളെ കുറിച്ചുള്ള ചർച്ചകൾ നടക്കുകയും ഒരു channel ചർച്ചയിൽ IMA പ്രതിനിധി CFLTC യിൽ WORK ചെയ്യുന്ന *AYUSH DOCTORS* നെ മുഴുവൻ അവഹേളിക്കുന്ന തരത്തിൽ സംസാരിക്കുകയുമുണ്ടായി. ആയതിൻ്റെ ഭാഗമായി *AYUSH* മേഖലയിൽ ശക്തമായ പ്രതിഷേധം ഉയർന്നിരുന്നു. ഇതിനുപിന്നാലെ വിഘടിച്ചു നിന്നിരുന്ന ആയുഷ് വിഭാഗത്തിലെ മുഴുവൻ വിദ്യാർത്ഥിസമൂഹവും നിഷ്പക്ഷമായി ഒന്നിച്ച് കൊണ്ട് *AYUSH STUDENTS UNITED MOVEMENT*(ASUM)
എന്ന പേരിൽ
കേരളത്തിലെ മുഴുവൻ *BAMS* , *BHMS* , *BSMS* & *BUMS* വിദ്യാർത്ഥികളെ ഒരു കുടകീഴിൽ അണിനിരത്തി IMA യുടെ പ്രസ്താവനക്കെതിരെ *സെപ്റ്റംബർ* *14* , *15*, *16* തീയതികളിൽ ത്രിദിന പ്രതിഷേധ പരിപാടികളുമായി മുന്നോട്ട് പോകാൻ തീരുമാനിച്ചിരിക്കുന്നു .
14 നു എല്ലാ സമൂഹ്യ മാധ്യമങ്ങളിലും poster hashtag ക്യാമ്പയിൻ. കൂടാതെ ഫേസ്ബുക്ക് ഫ്രെയിം ചെയ്ഞ്ച് ചെയ്യ്ത് പിന്തുണ അറിക്കൽ.
15 ന് IMA ക്കു എതിരെ മിനിസ്ട്രി യിലേക്ക് ഒരു ലെറ്ററും ഒരു പ്രതിഷേധ വീഡിയോയും തയ്യാറാക്കും.. 16 ന് IMA ക്ക് വിദ്യാർത്ഥികളുടെ ഭാഗത്തു നിന്ന് ഒരു ഓപ്പൺ ലെറ്റർ.. തുടങ്ങിയ പ്രതിഷേധ പരിപാടികൾ ആണ് ചെയ്യുവാൻ ഉദ്ദേശിക്കുന്നത്.!

*AYUSH STUDENTS UNITED MOVEMENT*

01/06/2020

#ശ്രീ നാരായണ ഇൻസ്റ്റിറ്റ്യൂട്ട് ഓഫ് ആയുർവേദിക് സ്റ്റഡീസ് ആൻഡ് റിസർച്ച്, SNIASR കൊല്ലം
2015 ബാച്ചിൽ നിന്നും കേരളത്തിലെ വിവിധ ജില്ലകളിൽ COVID 19 ന്റെ ഭാഗമായി റീജിയണൽ COVID റെസ്പോൺസ് സെലിന്റെ വിവിധ ആയുർരക്ഷ ക്ലിനിക്കിൽ പ്രവർത്തിക്കുന്ന ഭാവിയിലെ ഡോക്ടർമാർക്ക്‌ 😍😍.SNAC യുടെ #അഭിനന്ദനങ്ങൾ ❤❤❤❤❤
കോവിഡ് പ്രതിരോധത്തിനും രോഗവിമുക്തിയെ തുടർന്നുള്ള ആരോഗ്യ പുന:സ്ഥാപനത്തിനും ആയുർവേദ മേഖല ഇദപര്യന്തം നടത്തിക്കൊണ്ടിരുന്ന പ്രവർത്തനങ്ങൾ ശ്ലാഘനീയമാണ്. പ്രസ്തുത പ്രവർത്തനങ്ങൾക്ക് മാറ്റുകൂട്ടിക്കൊണ്ട് ആയുർവ്വേദത്തിന്റെ സാധ്യതകൾ ക്വാറൻറ്റൈൻ ചെയ്യപ്പെട്ടിരിക്കുന്നവർക്ക് രോഗ പ്രതിരോധം സാധിക്കുന്നതിനു കൂടി ഉപയോഗപ്പെടുത്തുവാൻ സംസ്ഥാന സർക്കാർ തീരുമാനിച്ചിരിക്കുകയാണ്. ഈ തീരുമാനത്തിലേക്ക് സർക്കാർ എത്തിച്ചേർന്നത് പരിപക്വമായ അനവധി കൂടിയാലോചനകളിലൂടെയാണ്. കോവിഡ് രോഗബാധയുടെ ഒന്നാം ഘട്ടം മുതൽ വിദേശ രാജ്യങ്ങളിൽ നിന്നും രാജ്യത്തെ ഇതര സംസ്ഥാനങ്ങളിൽ നിന്നും നമ്മുടെ സഹോദരങ്ങളെ സ്വദേശത്തെത്തിക്കാൻ ആരംഭിച്ചിരിക്കുന്ന ഈ മൂന്നാം ഘട്ടം വരെ നിരവധിയായ ഇടപെടലുകളാണ് വകുപ്പുതലത്തിലും ആയുർവ്വേദ മേഖല ഒന്നാകെയും നടത്തിയിട്ടുള്ളത്. ബഹു .മുഖ്യമന്ത്രി വിളിച്ചു ചേർത്ത ആയുർവ്വേദ വിദഗ്ദ്ധരുടെ വീഡിയോ കോൺഫ്രൻസിനെ തുടർന്ന് രൂപം കൊണ്ട ടാസ്ക് ഫോഴ്സ് തയ്യാറാക്കിയ പ്രൊപ്പോസൽ സർക്കാർ അംഗീകരിക്കുകയും സ്റ്റേറ്റ് ആയുർവ്വേദ കോവിഡ് റെസ്പോൺസ് സെൽ, റീജിയണൽ ആയുർവ്വേദ കോവിഡ് റെസ്പോൺസ് സെൽ, ഡിസ്ട്രിക്ട് ആയുർവേദ കോവിഡ് റെസ്പോൺസ് സെൽ, എല്ലാ സർക്കാർ ആയുർവേദ ആശുപത്രികളിലും ഡിസ്പെൻസറികളിലും ആയുർ രക്ഷാക്ലിനിക്കുകൾ ആരംഭിക്കുകയും ചെയ്തു. കേരളത്തിൽ ഇതിനോടകം ഭാരതീയ ചികിത്സാ വകുപ്പിന്റെ ആഭിമുഖ്യത്തിൽ മുഴുവൻ തദ്ദേശ സ്വയംഭരണ സ്ഥാപന പരിധികളിലെയും ISM, NHM സ്ഥാപനങ്ങളിൽ ആയുർ രക്ഷാക്ലിനിക്കുകൾ പ്രവർത്തിക്കുന്നു. ആയുർവ്വേദ മെഡിക്കൽ വിദ്യാഭ്യാസ വകുപ്പിനു കീഴിലുള്ള 3 ഗവൺമെന്റ് ആയുർവേദ കോളേജ് ആശുപത്രികളിലും ആയുർ രക്ഷാ ക്ലിനിക്കുകൾ പ്രവർത്തിച്ചു വരികയാണ്. സംസ്ഥാനത്ത്
ആകെ 1206 ആയുർ രക്ഷാ ക്ലിനിക്കുകളാണ് കോവിഡ് പ്രതിരോധ പ്രവർത്തനങ്ങൾ നടത്തി വരുന്നത്.
സ്വാസ്ഥ്യം, സുഖായുഷ്യം, പുനർജനി എന്നിവയോടൊപ്പം ഇനി മുതൽ ക്വാറൻറയിൻ(ഇൻസ്റ്റിറ്റ്യൂഷണൽ& ഹോം) ചെയ്യപ്പെട്ടിട്ടുള്ള മുതിർന്ന പൗരന്മാരുൾപ്പടെയുള്ളവർക്ക് കോവിഡ് രോഗ പ്രതിരോധ ഔഷധങ്ങളും വൈദ്യോപദേശങ്ങളും നൽകുവാനാണ് സർക്കാർ പുതിയതായി ഇറക്കിയിട്ടുള്ള ഉത്തരവിലൂടെ നിർദ്ദേശിച്ചിട്ടുള്ളത്‌.
ഇതൊരു പുതിയ നിയോഗമാണ്.പൊതുജനാരോഗ്യ സംവിധാനത്തിലേക്ക് ആയുർവ്വേദത്തെ ചേർത്ത് നിർത്തിക്കൊണ്ട് ബഹുമാനപ്പെട്ട മുഖ്യമന്ത്രി ശ്രീ. പിണറായി വിജയനും ആരോഗ്യമന്ത്രി ശ്രീമതി.കെ.കെ.ശൈലജ ടീച്ചറും ആധികാരിക ആയുർവ്വേദത്തിന്റെ സാധ്യതകൾക്ക് അടിവരയിട്ടുറപ്പിച്ചിരിക്കുന്നു. അവർക്ക് സ്നേഹാദരങ്ങൾ അർപ്പിക്കുന്നു.
ഇനി നമ്മുടെ ഉത്തരവാദിത്തമാണ്. ഏൽപ്പിക്കപ്പെട്ട ചുമതലകൾ എറ്റവും നന്നായി നിർവ്വഹിക്കപ്പെടേണ്ടതുണ്ട്....... കേരളത്തിലെ
ആയുർവേദ ചരിത്രത്തിലെ ഈ സുപ്രധാന അധ്യായത്തിലേക്ക് ഓരോ അക്ഷരങ്ങളും എഴുതി ചേർക്കാൻ നമുക്ക് സാധിക്കട്ടെ.....
ആയുഷ് സെക്രട്ടറി, മുഖ്യമന്ത്രിയുടെ ഓഫീസിലെയും ആരോഗ്യമന്ത്രിയുടെ ഓഫീസിലെയും ആയുഷ് വകുപ്പിലെ ജീവനക്കാർ, ഭാരതീയ ചികിത്സാ വകുപ്പിന്റെയും ആയുർവേദ മെഡിക്കൽ എഡ്യുക്കേഷൻ വകുപ്പിന്റെയും ഡയറക്ടർമാർ, ജോയിന്റ് ഡയറക്ടർമാർ, ഓഫീസിലെ ജീവനക്കാർ, സ്റ്റേറ്റ് ആയുർവ്വേദ കോവിഡ് റെസ്പോൺസ് സെൽ കോ-ഓർഡിനേറ്റർ, സെൽ അംഗങ്ങൾ, വിദഗ്ദ്ധ സമിതി അംഗങ്ങൾ........... റീജിയണൽ, ജില്ലാ കോവിഡ് റെസ്‌പോൺസ് സെൽ അംഗങ്ങൾ
ഈ ഉത്തരവിലേക്ക് എത്തിച്ചേരുന്നതിനു നിദാനമായ മികച്ച പ്രവർത്തനങ്ങൾ നടത്തിയ സംസ്ഥാനത്തുടനീളമുള്ള സർക്കാർ ആയുർവ്വേദ സ്ഥാപനങ്ങളി നൂറുകണക്കിനു വരുന്ന ഡോക്ടർമാർ, ആയുർവേദ കോളേജ് അധ്യാപകർ, ജീവനക്കാർ.....
ആയുർവ്വേദ പൊതു സമൂഹത്തിന്റെ നേതാക്കൾ ,ഡോക്ടർമാർ.....
ആയുർവ്വേദ കോളേജ് വിദ്യാർത്ഥികൾ .....
തദ്ദേശ സ്വയംഭരണ സ്ഥാപനങ്ങളിലെ ജനപ്രതിനിധികൾ, ആയുർ രക്ഷാ ടാസ്ക് ഫോഴ്സ് അംഗങ്ങൾ .........
എല്ലാവർക്കും അഭിനന്ദനങ്ങൾ.
ഈ അഭിമാന മുഹൂർത്തത്തിൽ ,കേരള മുഴുവനാളുകൾക്കും ഈ മഹാമാരിയിൽ നിന്നും പ്രതിരോധം തീർക്കാൻ ആത്മാർപ്പണം ചെയ്യുന്നതായി നമുക്ക് പ്രതിജ്ഞ ചെയ്യാം. ചരിത്രപരമായ കടമ നിറവേറ്റാം.
(Poster credits : Udayan😎)