Jamia Abdullah Bin Masood Welfare Trust

نظام الاسباق

نتیجہ امتحان داخلہ جامعہ عبداللہ بن مسعود کولکاتہ
تعلیمی سال 2026-2027

جامعہ عبداللہ بن مسعود کولکاتا میں حضرت مولانا ڈاکٹر غلام جابر شمس مصباحی کا پرتپاک استقبال

آج مورخہ 21/اکتوبر بروز منگل صبح دس بجے علمی حلقے میں مشہور و معروف عالم دین مولانا ڈاکٹر غلام جابر شمس صاحب مصباحی جامعہ عبداللہ بن مسعود کے امام بخاری دارالحدیث میں تشریف لائے ۔ جامعہ کے اساتذہ اور طلبا نے حضرت کا والہانہ استقبال کیا اور ایک علمی نشست رکھی جس میں موصوف نے جامع خطاب فرمایا ۔ اپنے خطاب میں ڈاکٹر مصباحی صاحب نے جامعہ کے طلبہ کو تحصیل علم کے میدان میں خوب جانفشانی اور جہد مسلسل جاری رکھنے پر بر انگیختہ کیا ۔ دارالحدیث میں موجود درجہ اعدادیہ تا درجہ تحقیق کے طلبا نے ڈاکٹر موصوف کی نصیحتوں کو توجہ سے سنا اور داد و تحسین پیش کی

حضرت مولانا ڈاکٹر غلام جابر شمس مصباحی ایک ذی استعداد عالم دین ، قابل محقق اور کہنہ مشق مضمون نگار ہیں ۔ ان کے مقالات و مضامین ملک کے اخبارات و رسائل میں شائع ہوتے رہتے ہیں ۔ اب تک انہوں نے ڈیڑھ سو سے زیادہ کتابوں کی تالیف و تصنیف فرمائی ہے ، موصوف کشن گنج بہار میں ایک سو ایکڑ اراضی پر نالج سیٹی بنا رہے ہیں جس کی تعمیر کا کام بھی شروع ہو چکا ہے ۔
جامعہ میں ان کے استقبال میں ایک گھنٹہ کا پروگرام ہوا اس کے بعد صلوٰۃ و سلام اور شیخ الجامعہ حضرت علامہ مفتی رحمت علی مصباحی صاحب کی دعا کے ساتھ اختتام پذیر ہوا ۔

محمد قمر الدین مصباحی
استاذ جامعہ عبداللہ بن مسعود