11/08/2022
جامعہ الہدی الاسلامیہ کولکاتا میں ڈاکٹر کلیم الدین یوسف سلفی مدنی کی زیارت اورطلبہ سے خطاب
جامعہ الہدی الاسلامیہ کی روایت رہی ہے کہ وہ اپنے طلبہ کی ملاقات ہندستان کے ذی علم باصلاحیت اورجید علماء کرام اور مفکرین سےکراتے رہتے ہیں ،اسی سلسلہ کی کڑی ڈاکٹر کلیم الدین یوسف سلفی مدنی ہیں ،ڈاکٹر صاحب آج بتاریخ 11 اگست 2022 بروز جمعرات ظہر سے قبل جامعہ تشریف لائے،اسکول اور جامعہ کے تمام کلاسیس کی زیارت کی ،جامعہ اور اسکول کی تعلیمی پالیسی اور مختلف نشاطات سے آگہی کے بعد خوشی کا اظہار کیا ،جامعہ اور ذمہ داران جامعہ کے حق میں دعائیں دیں ،ظہر کی نماز کے بعد جامعہ کی مسجد میں ان کے اعزاز واکرام میں ایک مجلس کا انعقاد عمل میں آیا،جامعہ کے مدیر التعلیم مولانا محمد عالمگیر تابش تیمی حفظہ اللہ نے ڈاکٹر صاحب کا مختصر تعارف طلببہ اور اساتذہ کے مابین پیش کیا ،پھر طالب فرحان خان نے قرآن کریم کی تلاوت سے مجلس کا باضابطہ آغاز کیا،اس کے بعد ڈاکٹر صاحب کا علم کی اہمیت وفضیلت پر مدلل اور پر مغز خطاب ہوا ،اللہ انہیں جزاء خیر دے ،علم وعمل میں برکت عطافرمائے، اخیر میں مدیر جامعہ شیخ ذکی احمد مدنی حفظہ اللہ کا قیمتی بیان ہوا ،طلبہ کو علم شرعی کے حصول کی ترغیب دی ،مدیر حفلہ نے مہمان مکرم اور مدیر جامعہ کے شکریہ کے ساتھ مجلس کے اختتام کا اعلان کیا۔
اعزاز الرحمن مدنی
پرنسپل جامعہ الہدی الاسلامیہ کولکاتا
