Maharashtra Information Technology support center

18/08/2026

डॉ. शैलेंद्र देवळाणकर यांच्या ‘बदलत्या विश्वरचनेत वेध विकसित भारताचा’ या ग्रंथाला उत्कृष्ट ग्रंथनिर्मिती राष्ट्रीय स्तरावर प्रथम पुरस्कार

मराठीतील वैचारिक लेखनाचा राष्ट्रीय स्तरावर गौरव; फेडरेशन ऑफ इंडियन पब्लिशर्सकडून सन्मान

भारताची बदलती जागतिक भूमिका, आंतरराष्ट्रीय सत्तासमीकरणे, परराष्ट्र धोरण आणि विकसित भारताच्या संकल्पनेचा सखोल व चिकित्सक वेध घेणाऱ्या डॉ. शैलेंद्र देवळाणकर लिखित ‘बदलत्या विश्वरचनेत वेध विकसित भारताचा’ या ग्रंथाला फेडरेशन ऑफ इंडियन पब्लिशर्सचा उत्कृष्ट ग्रंथनिर्मिती प्रथम पुरस्कार प्राप्त झाला आहे. साकेत प्रकाशन, पुणे यांच्या प्रकाशनातून साकारलेल्या या मराठी वैचारिक ग्रंथाचा राष्ट्रीय पातळीवर झालेला गौरव ही मराठी साहित्य, प्रकाशन आणि वैचारिक विश्वासाठी अभिमानाची बाब मानली जात आहे.

भारतीय प्रकाशन क्षेत्रातील अग्रगण्य संस्थांपैकी एक असलेल्या फेडरेशन ऑफ इंडियन पब्लिशर्सकडून उत्कृष्ट ग्रंथनिर्मितीचा गौरव करताना ग्रंथाची मांडणी, अक्षररचना, मुद्रण, कागदाची गुणवत्ता, बांधणी, मुखपृष्ठ, वाचनीयता आणि एकूण निर्मितीचा दर्जा अशा विविध बाबींचा विचार केला जातो.

‘बदलत्या विश्वरचनेत वेध विकसित भारताचा

*महाराष्ट्राच्या मातीला मराठवाड्यातील सुपुत्राने मिळवून दिलेला बहुमोल सन्मान मनःपूर्वक आभार आणि अभिनंदन सर 💐💐*

15/08/2026

भारताच्या 80 व्या स्वातंत्र्यदिन ध्वजारोहण सोहळा महाराष्ट्र माहिती तंत्रज्ञान सहाय्यता केंद्राच्या कोल्हापूर येथील कार्यालयात अतिशय उत्साहात साजरा झाला.

स्वातंत्र्यदिनाच्या शुभमुहूर्तावर सूर्यसेवा ग्रीन एनर्जी प्रायव्हेट लिमिटेड आणि वायसीएआय स्टार्टअप सपोर्ट कंपनी या दोन्ही कंपन्यांचा उद्घाटन सोहळादेखील आयोजित करण्यात आला.

सदर सोहळ्यास प्रमुख पाहुणे म्हणून टाटा मोटर्स मा. श्री. रवींद्र पडवळ सर, मा. शिवशाहीर डॉ. राजू राऊत सर प्रमुख पाहुणे म्हणून लाभले.
संस्थेचे अध्यक्ष मा.श्री. यशवंत शितोळे, मा. अमृता पाटील, मा. किरण पाटील, मा. चैत्राली पसारे, तसेच मी आत्मनिर्भर पूर्णांगिनी प्रकल्प समन्वयक पूर्णांगिनी वैष्णवी लकडे, पूर्णांगिनी धनश्री देवर्डेकर यांची उपस्थिती लाभली.
यावेळेचे खास वैशिष्ट्य म्हणजे संपूर्ण महाराष्ट्रातून करिअर कट्ट्याचे प्रशिक्षणार्थी उपस्थित होते.
सदर सोहळ्यास मा. ऋषिकेश कांबळे, मा. हनुमंत सलगर आणि मा. जरीना खान यांचे सहकार्य लाभले.

09/08/2026

26/07/2026

*पुणे विभाग*
*विभागीय त्रैमासिक बैठक व एकदिवसीय कार्यशाळा उत्साहात संपन्न.*
*दिनांक: २५ जुलै २०२६, वार: शनिवार** रोजी महाराष्ट्र राज्य उच्च व तंत्र शिक्षण विभाग, महाराष्ट्र माहिती तंत्रज्ञान सहाय्यता केंद्र आणि *के. के. वाघ कला, वाणिज्य, विज्ञान व संगणक विज्ञान* *महाविद्यालय सरस्वतीनगर, पंचवटी, नाशिक* यांच्या संयुक्त विद्यमाने ‘करिअर कट्टा’ या उपक्रमांतर्गत पुणे विभागाच्या विभागीय त्रैमासिक बैठक व एकदिवसीय कार्यशाळेचे आयोजन करण्यात आले होते. ही कार्यशाळा सरस्वतीनगर येथील के. के. वाघ शैक्षणिक संकुलातील पंजाबराव देशमुख हॉल येथे पार पडली.
या कार्यशाळेस विविध तालुक्यांतील व जिल्ह्यांतील समन्वयक, करिअर संसदेचे प्रतिनिधी, तसेच १५० पेक्षा जास्त शिक्षक व विद्यार्थी मोठ्या संख्येने उपस्थित होते.
या कार्यक्रमाचे *उद्घाटन* *श्री. अजिंक्य (दादा) वाघ (जनसंपर्क संचालक, के. के. वाघ शिक्षण संस्था, नाशिक)* यांच्या हस्ते करण्यात आले.
तर *डॉ. वि. मा. सेवलीकर (विश्वस्त व समन्वयक, के. के. वाघ सरस्वतीनगर शैक्षणिक संकुल, नाशिक)* यांनी कार्यक्रमाचे *अध्यक्षस्थान* भूषवले. तसेच
*मा. यशवंत शितोळे* (अध्यक्ष, महाराष्ट्र माहिती तंत्रज्ञान सहाय्यता केंद्र) यांनी उपस्थितांना मोलाचे मार्गदर्शन केले.
डॉ. पी. व्ही. रसाळ (प्राचार्य, के. के. वाघ आर्टस्, कॉमर्स, सायन्स आणि कॉम्प्युटर सायन्स महाविद्यालय, नाशिक) यांची प्रमुख उपस्थिती लाभली होती.
कार्यक्रमाच्या यशस्वीतेसाठी ‘करिअर कट्टा’चे समन्वयक प्रा. पी. बी. देसाई आणि प्रा. टी. एस. जोशी, तसेच करिअर संसदेचे मुख्यमंत्री यश मोरे यांच्यासह सर्व विभागप्रमुख, शिक्षक, शिक्षकेतर कर्मचारीवृंद आणि करिअर संसदेच्या सर्व पदाधिकाऱ्यांचे विशेष सहकार्य लाभले.
युवकांना करिअरच्या विविध संधींची माहिती देऊन त्यांचा सर्वांगीण विकास साधण्याच्या उद्देशाने आयोजित केलेली ही कार्यशाळा अत्यंत उत्साहात आणि यशस्वीरीत्या संपन्न झाली.

24/07/2026

📍छत्रपती संभाजीनगर

महाराष्ट्र राज्य उच्च व तंत्र शिक्षण विभाग, महाराष्ट्र माहिती तंत्रज्ञान सहाय्यता केंद्र (MITSC) आणि सरस्वती भुवन कला व वाणिज्य महाविद्यालय, छत्रपती संभाजीनगर यांच्या संयुक्त विद्यमाने आयोजित करिअर कट्टा या उपक्रमांतर्गत विभागीय कार्यशाळा व त्रैमासिक बैठक उत्साहपूर्ण वातावरणात पार पडली. आगामी शैक्षणिक वर्ष २०२६-२७ मध्ये करिअर कट्टा अंतर्गत राबविण्यात येणाऱ्या विविध उपक्रमांचे नियोजन, विभागीय समन्वय अधिक प्रभावी करणे आणि विद्यार्थ्यांच्या सर्वांगीण विकासासाठी कृती आराखडा निश्चित करणे, हा बैठकीचा मुख्य उद्देश होता.
‘जय जय महाराष्ट्र माझा’ या गीताने कार्यक्रमाची सुरुवात झाली. उपस्थित मान्यवरांचे स्वागत करून कार्यक्रमाचे उद्घाटन करण्यात आले. प्राचार्य डॉ. विवेक मिरगणे यांनी प्रास्ताविकातून करिअर कट्टा हा विद्यार्थ्यांच्या व्यक्तिमत्त्व विकास, नेतृत्व क्षमता, संशोधन वृत्ती, कौशल्य विकास आणि उद्योजकता जोपासणारा प्रभावी उपक्रम असल्याचे सांगत राष्ट्रीय शैक्षणिक धोरण २०२० च्या उद्दिष्टपूर्तीत त्याची महत्त्वपूर्ण भूमिका अधोरेखित केली.
करिअर कट्टाचे प्रमुख मार्गदर्शक मा. यशवंत शितोळे यांनी आगामी शैक्षणिक वर्षातील विविध उपक्रमांचा सविस्तर आढावा घेत विभागीय स्टार्टअप समिट, Pre-Avishkar Orientation Workshop, Faculty Development Programme (FDP), Induction Awareness Week तसेच विद्यार्थ्यांमध्ये नवोपक्रम, संशोधन आणि उद्योजकता वाढीसाठी राबविण्यात येणाऱ्या विविध योजनांची माहिती दिली. विद्यार्थ्यांनी नोकरीच्या शोधात न राहता रोजगारनिर्माते बनण्याच्या दृष्टीने स्टार्टअप संस्कृती स्वीकारण्याचे त्यांनी आवाहन केले.
बैठकीत प्रत्येक महाविद्यालयात Innovation Club, Startup Club, Research Club, Reading Club, Leadership Club, Environment Club, Constitution Club आणि Entrepreneurship Club स्थापन करून वर्षभर विविध उपक्रम राबविण्याचा निर्णय घेण्यात आला. तसेच जिल्हास्तरीय विद्यार्थी संवाद, एकदिवसीय कार्यशाळा, संशोधन प्रोत्साहन, करिअर मार्गदर्शन आणि स्पर्धा परीक्षा तयारीसंदर्भातील कार्यक्रमांचे नियोजन करण्यात आले.

23/07/2026

महाराष्ट्र राज्य उच्च व तंत्र शिक्षण विभाग, महाराष्ट्र माहिती तंत्रज्ञान सहाय्यता केंद्र (MITSC) आणि *श्री शिवाजी विद्याप्रसारक संस्थेचे पा. रा. घोगरे विज्ञान महाविद्यालय, धुळे* यांच्या संयुक्त विद्यमाने आयोजित एकदिवसीय कार्यशाळा आणि करिअर कट्टा विभागीय त्रैमासिक बैठक उत्साहात संपन्न झाली.
या कार्यक्रमांमध्ये विद्यार्थ्यांनी केवळ नोकरीच्या शोधात न राहता रोजगारनिर्माते बनण्याची मानसिकता विकसित करावी, असे प्रतिपादन महाराष्ट्र माहिती तंत्रज्ञान सहाय्यता केंद्राचे अध्यक्ष *मा.यशवंत शितोळे* यांनी केले.
महाविद्यालयात आयोजित या बैठकीच्या अध्यक्षस्थानी *प्राचार्य डॉ. स. ना. भारंबे* होते. उपस्थित मान्यवरांच्या हस्ते कार्यक्रमाचे उद्घाटन करण्यात आले. *प्राचार्य डॉ. एम. व्ही. पाटील* यांनी प्रास्ताविकातून करिअर कट्टा उपक्रमाची उद्दिष्टे स्पष्ट करत विद्यार्थ्यांनी पारंपारिक शिक्षणाबरोबरच कौशल्य विकास, नेतृत्व, संशोधन वृत्ती आणि उद्योजकता यांचा स्वीकार करण्याचे आवाहन केले.
प्रमुख मार्गदर्शन करताना *मा.यशवंत शितोळे* यांनी बदलत्या जागतिक परिस्थितीत कौशल्याधारित शिक्षण, स्टार्टअप संस्कृती, संशोधन आणि नवकल्पनांचे वाढते महत्त्व अधोरेखित केले. विद्यार्थ्यांनी स्वतःच्या कल्पनांवर आधारित उद्योग उभारण्याची तयारी ठेवावी, शासनाच्या विविध योजना, प्रशिक्षण आणि आर्थिक सहाय्याचा लाभ घ्यावा, असे त्यांनी सांगितले.
बैठकीत स्टार्टअप उभारणीची प्रक्रिया, संशोधन, उत्पादन विकास, बाजारपेठेचा अभ्यास, आर्थिक नियोजन, गुंतवणूकदारांसमोर प्रभावी सादरीकरण तसेच आगामी स्टार्टअप समिटमध्ये सहभागाची माहिती देण्यात आली. याशिवाय कृत्रिम बुद्धिमत्ता (AI), कृषी उद्योजकता, नवीकरणीय ऊर्जा, सौरऊर्जा क्षेत्रातील रोजगाराच्या संधी, संशोधन संस्कृती, कौशल्य विकास, प्रमाणपत्र अभ्यासक्रम आणि रोजगाराभिमुख प्रशिक्षण याविषयीही सविस्तर मार्गदर्शन करण्यात आले.
विद्यार्थ्यांनी अविष्कार संशोधन स्पर्धा, विविध राज्यस्तरीय व राष्ट्रीय स्तरावरील स्पर्धांमध्ये सहभागी व्हावे तसेच महाविद्यालयांमध्ये फायनान्स क्लब, बिझनेस क्लब, करिअर क्लब आणि इनोव्हेशन क्लबच्या माध्यमातून नेतृत्वगुण व उद्योजकता विकसित करावी, असेही यावेळी सांगण्यात आले.
कार्यक्रमात स्टार्टअप, संशोधन, करिअर नियोजन, ऍड-ऑन अभ्यासक्रम आणि शासनाच्या विविध योजनांबाबत विद्यार्थ्यांशी प्रश्नोत्तर सत्र घेण्यात आले. मान्यवरांनी विद्यार्थ्यांच्या शंकांचे समाधान करत भविष्यातील करिअरच्या विविध संधींची माहिती दिली.