Meena Vinod Lohia Music Academy - मीना विनोद लोहिया संगीत अकादमी

29/06/2026

15/06/2026

09/06/2026

*नमस्कार मंडळी. 🙏🏻*

सध्याच्या युगात आपल्या सर्वांचेच आयुष्य खूपच धकाधकीचं बनलं आहे. साहजिकच मानसिक आणि शारीरिक ओढाताण झाल्यामुळे वेगवेगळे आजार डोकं वर काढत आहेत. यावर उपाय म्हणून औषधे तर आहेतच त्याचबरोबर *संगीत हे एक विशेष टॉनिक* आपल्याला गरजेचे आहे. वेगवेगळ्या संशोधनातून, सिद्धांतातून संगीत हे आरोग्यासाठी किती फायदेशीर आहे हे सिद्धही झाले आहे.
दि न्यू एज्युकेशन सोसायटी संचालित मदनमोहन लोहिया सांस्कृतिक मंचच्या माध्यमातून दरवर्षी राज्यस्तरीय भावगीत व नाट्यगीत स्पर्धा आणि संगीत महोत्सवाचे आयोजन केले जाते हे आपण जाणताच.
याचबरोबर आपल्या सर्वांनाच संगीताचे धडे नव्याने गिरवता यावेत या उद्देशाने सर्व वयोगटाकरिता संस्थेने जुलै 2024 पासून *मीना विनोद लोहिया संगीत अकॅडमी* च्या माध्यमातून याचे शास्त्रशुद्ध प्रशिक्षण देणे सुरू केले आहे.
शासनाच्या नवीन शैक्षणिक धोरणामध्येही संगीताला विशेष प्राधान्य देण्यात आले आहे. ही बाब लक्षात घेऊन विशेषतः शालेय शिक्षणाबरोबरच त्यांचे मानसिक आरोग्य सुदृढ राखण्यासाठी त्यांना संगीत शिक्षण देणे गरजेचे वाटते.
त्यांच्यातील सुप्त गुणांना वाव देत सध्या या अकॅडमीमध्ये सुगम संगीत, शास्त्रीय कंठ संगीत, हार्मोनियम व तबला असे वर्ग सुरू आहेत.
याबरोबरच नोव्हेंबर 2026 पासून कथक भरत नाट्यम बरोबर सिंथेसाईजर ही सुरु करीत आहोत... तसेच 9 ते 14 वयोगटा साठी भावगीत व नाट्यगीताची स्वतंत्र बॅच घेण्यात येणार असून तज्ञ् मार्गदर्शकां कडून कार्य शाळा ही घेण्यात येणार आहे....15 जून ते 30 जून संध्याकाळी ऍडमिशन असेल... रविवारी सुट्टी.... 1 जुलै 2026 पासून नियमित वर्ग सुरु होतील... याची पालक व विद्यार्थ्यांनी नोंद घ्यावी......
*संस्थेने अत्यंत तळमळीने या क्षेत्रातील तज्ञ व अनुभवी शिक्षक नेमून आपल्या सर्वांसाठी संगीत शिक्षणाची ही द्वारे खुली केली आहेत.*
मर्यादित प्रवेश असल्याने आपण आपला प्रवेश लवकरात लवकर निश्चित करावा. आणि आपल्या पाल्यांनाही संगीत क्षेत्रात उज्वल भविष्य साकारण्याची संधी उपलब्ध करून द्यावी ही विनंती.

अधिक माहितीसाठी संपर्क :
*मीना विनोद लोहिया संगीत अकॅडमी*
प्रिन्सेस पद्माराजे गर्ल्स हायस्कूल, कोल्हापूर.
सायं. 5 ते 7.30

*डॉ. शीतल धर्माधिकारी*
9326009386

03/06/2026

27/05/2026

11/02/2026

नमस्कार !आपल्या मीना विनोद लोहिया संगीत अकॅडमी चा नोव्हेंबर, डिसेंबर या 2025 या गांधर्व महा विद्यालयाच्या परीक्षे चा निकाल 100/ टक्के लागला असून विशेष योग्यतेसह प्रथम श्रेणित विद्यार्थ्यांनी घवघवीत यश संपादन केले आहे... त्या बद्दल सर्व विद्यार्थी, विद्यार्थिनी,,, गुरु,,, पालक या सर्वांचे संस्थे कडून हार्दिक अभिनंदन. व पुढील वाटचाली साठी खूप शुभेच्छा.! यात कंठ संगीत, तबला व हार्मोनियम शास्त्रीय पद्धतीने शिकवले जाते...
यासाठी मा विनोदकुमार लोहिया व सर्व पदाधिकाऱ्यांचे सहकार्य लाभले... याबद्दल सर्व शिक्षक ऋणी आहोत.... 🙏🙏

14/10/2025

*अभिनंदनीय वार्ता*
आपल्या संस्थेच्या पी.पी.जी. हायस्कूलच्या माजी संगीत शिक्षिका व सद्याच्या स्कूल कमिटीच्या निमंञित सदस्या आणि मीना विनोद लोहिया संगीत अकॕडमीच्या *प्राचार्या डाॕ. शितल धर्माधिकारी* यांना काल झालेल्या बच्चन वेडे म्युझिकल नाईट या कार्यक्रमात प्रसिद्ध गायक संगीतकार *श्री अवधूत गुप्ते* यांच्या शुभहस्ते *जीवन गौरव पुरस्कार* देऊन गौरवन्यात आले आहे.
याबद्दल त्यांचे हार्दिक अभिनंदन 🌹🌹🌹

03/09/2025

30/08/2025
News on Channel B News channel

31/08/2025

नमस्कार.
दिनांक 28 ते 30 ऑगस्ट 2025 या कालावधीत श्री गणेशोत्सवाच्या पार्श्वभूमीवर आपल्या सोसायटी द्वारा आयोजित कलाश्री महोत्सव अतिशय सुंदर पार पडला.
पहिल्या दिवशी "स्वरसंध्या" कार्यक्रमाच्या सादरीकरणाने रसिक खरोखरच सुरांच्या विश्वात न्हाऊन निघाले.
संगीत कलेवर मनापासून प्रेम करणाऱ्या लोहिया कुटुंबातील अविका अंकित हिच्या सतार वादनाने आणि अनय अंकित लोहिया च्या जॅम्बे वादनाने महोत्सवाची सुरेल सुरुवात झाली. अविका हिने राग वृंदावनी सारंग ने सुरुवात केली. अनय चे जॅम्बे वादन आणखी हवेहवेसे वाटले. त्यानंतर अविकाने सादर केलेल्या जय गणेश जय गणेश या पारंपारिक गीताने या पहिल्या सत्राची सांगता झाली. संदेश खेडेकर ची तबला साथ नेहमीप्रमाणेच साजेशी होती. एकूणच या दोन्ही बालकलाकारांनी आपल्या सादरीकरणाने रसिकांना एक वेगळाच आनंद दिला.
दुसऱ्या सत्रात आपल्याच अकॅडमीतील शिक्षिका सौ. वंदना आठले यांच्या कन्या चिन्मयी आठले ओक यांच्या शास्त्रीय, उपशास्त्रीय, ठुमरी, भजन आणि अभंग गायनाने रसिकांना तृप्त केले. प्रशांत देसाई आणि स्वरूप दिवाण यांच्या समर्पक साथीने कार्यक्रमात रंगत आणली.
दुसरा दिवस गाजला तो वाद्य संगीताने. आपल्या संस्थेचा माजी विद्यार्थी आणि उदयोन्मुख कलाकार ऋतुराज धुपकर यांच्या हार्मोनियम वादनाचा आणि कोल्हापुरातील आणखी एक उदयोन्मुख कलाकार तनय कामत यांच्या बासरी वादनाचा रसिकांनी मनमुराद आनंद घेतला. या कार्यक्रमाला अनुक्रमे संदेश खेडेकर आणि ओंकार सूर्यवंशी यांची तबला साथ लाभली.
काल महोत्सवाच्या अखेरच्या दिवशी "सूरसखी", पुणे प्रस्तुत "कजरा मोहब्बतवाला" या हिंदी चित्रपटांच्या सुवर्ण काळातील फीमेल द्वेट्स या संकल्पनेवर आधारित कार्यक्रमाने महोत्सवाचा कळस गाठला. संगीतकार नौशाद, एस डी बर्मन, वसंत देसाई आणि जवळपास 60 ते 70 च्या दशकातल्या गायिकांचा हा अविष्कार अतिशय स्मरणीय होता. संपूर्णतः स्त्री कलाकार असलेल्या या कार्यक्रमातील निवेदनाबरोबरच सर्वच गायक आणि वादक यांनी जुन्या हिंदी गीतांचे सुरेल सादरीकरण केले.
जवळपास प्रत्येक गीताला रसिकांचा वन्स मोअर मिळत होता. सभागृहाबाहेरचा वरूणराजाच्या आगमनाबरोबरच सभागृहातील सर्व रसिक श्रोतेही स्वर चांदण्यात न्हाऊन गेले.
मनीषा आपटे यांच्या निवेदनानेही महोत्सवात रंगत आणली.
एकूणच हा तिसरा "कलाश्री" महोत्सव आपल्या इतर महोत्सवांप्रमाणेच अतिशय यशस्वीरित्या पार पडला.
अर्थात यासाठी नेहमीप्रमाणेच मा. विनोदजी लोहिया, मा. निर्मलजी लोहिया, मा. नितीन वाडीकर सर, प्राचार्य प्रभाकर हेरवाडे सर, प्राचार्य एस. एस. चव्हाण सर यांचे मार्गदर्शन आणि सहकार्य लाभले.
अहिरे सर यांच्या फलक लेखनाने सर्वांचे लक्ष वेधले. संस्थेतील सर्वच स्टाफ, कर्मचारी तसेच शाळेतील सर्व घटकांचे नेहमीप्रमाणेच मोलाचे सहकार्य लाभले.
अतिग्रे सर, भांडवले सर आणि प्रसाद कुलकर्णी यांचाही या महोत्सवाला मोलाचा सहभाग लाभला.
असा समारंभ म्हटलं तर नवरा नवरी शिवाय झालेला हा एक लग्न समारंभच असतो.
आपण सर्वांनी मिळून माझ्यावर जो विश्वास टाकला, तो आपण सर्वांनीच केलेल्या मोलाच्या मदतीनेच सार्थ ठरला.
पुन्हा एकदा मनापासून सर्वांचे आभार. अनावधानाने कोणाचे नाव राहून गेले असेल तर क्षमस्व.
डॉ. शीतल धर्माधिकारी.

29/08/2025

कलाश्री २०२५ - २८ ते ३० ऑगस्ट २०२५
(काही क्षणचित्रे )