21/02/2026
21 फेब्रुवारि, 2026: क'क्राझार
Bodo Literary Society, BBEC
दिनै बिनेस्वर ब्रह्म सोरदिंयारि फरायसालिमा बर' थुनलाइयारि गौथुमनि बान्जायनायाव #मुलुगनां_बिमा_राव_सान फालिथाइ खुंफुंङो। हाबाफारि बादियै गिबियावनो आलारि बाथि फोजोंनाय हाबाफारिखौ फरायसालिमानि गोरायुं बिथां प्रपेसर कमल कुमार ब्रह्म गेदेमाया मावफुंनानै होयो लोगोसे बराय बिबुंथि लाखियो बर' थुनलाइयारि गौथुमनि गाहाइ नेहाथारि प्रमद बसुमतारि बिथांआ आरो हाबाफारिखौ बेखेवनानै होयो बिथां प्रपेसर कमल कुमार ब्रह्म गेदेमाया, प्रपेसर बिथांआ गावनि बिबुंथियाव बिमा रावनि सायाव गुवारै बिबुंथि लाखियो लोगोसे बिबुंथिनि गेजेरजों साफ्रोमखौबो गावनि बिमानि रावखौ बेसेन होनानै रायज्लायनांगौ आरो बिमा रावजों सोलोंथाइ लानांगौ होन्नानै बिबुंथि लाखियो लोगोसे फोरोंगिरि, मावफारिया बिथांमोना गुबुन गुबुन रावनि सायावबो बिबुंथि लाखिनानै हाबाफारिखौ ओंथि गोनांसिन खालामनो । हाबाफारिजोंनो लोब्बा लाखिनानै थांनाय 17 जानुवारि 2026 खालारखालि गुवाहाटीनि अर्जुन भगेस्वर बरूवा स्पोर्टस कमप्लेक्स, सरूहजाय, गुवाहाटीआव बर'नि #बागुरुम्बा_दोहौ मोसानानै दिन्थिफुंहैनायाव बाहागो लाहैनाय फरायसा बिथांमोनखौबो बरायो।
बे हाबाफारियावनो साफ्रोमबो फरायसालिमानि बिबुंगोरा, बिबुंगिरि, मावफारिया लोगोसे फरायसा बिथांमोना बाहागो लाफैनानै हाबाफारिखौ जाफुसार खालामो।
