24/08/2024
अक्ट' : 24 आगष्ट, 2024 इं
#गामिनि_दैदेनगिरिफोरजों_लोगो_हमनाय_हाबाफारि_खुंदों
दिनै इंराजि 24 आगष्ट, 2024 अक्ट'खालि बेलासि 02:30 रिंगायाव बेलगुरि गामि आव दख'रानि बेन्दोंआव थानाय बेलगुरि दालायसा दुलाराय बर' फरायसा आफादनि आफादगिरि, मुस्रि सोमखोर बसुमथारिनि दैदेननायाव दालायसानि बेन्दोंआव थानाय गामि समाज आरो माहारिनि गाहाम हास्थाइसुला मेलेमजिबि, गामिगोरा आरो 'गामि नायसं आफाद' नि दैदेनगिरिफोरखौ लानानै नख'र एबा गामियारि ओनसोलाव नुजाफ्लेनाय समाजारि जेंना-जेंसि, इयुन जोलै लाइमोनफोरनो गोथों लामा दिन्थिनाय लोगोसे आथिखाल हालामनि थासारिनि सायाव सावरायलायनो 'लोगो हमनाय हाबाफारि' खुंनाय जादोंमोन । बे मेलावनो रामफलबिल दख'रा एबसुनि आफादगिरि, मुस्रि बिजित कुमार ब्रह्म आ बाहागो लानानै समाज आरो सोलोंथाइनि सायाव गुस्लायनाय आरो जांख्रिखांनाय लाबोनो गोसो होसारनानै खामानि मावलांनायाव 'गामि समाज' खौनो बिफाव लानो खावलायबोनाय जायो । मख'नो गोनांदि, बे मेलावनो रामफलबिल दख'रा बर' समाज आफादनि आफादगिरि, मुस्रि करेन्द्र नाथ मुसाहारि, रामफलबिल दख'रा दुलाराय बर' हारिमु आफादनि गाहाइ नेहाथारि, मुस्रि घनखान्ट मुसाहारि, रामफलबिल गुदि बर' थुनलाइ आफादनि आफादगिरि, मुस्रि कालिचरण मुसाहारि, रामफलबिल दख'रा एबसुनि सुबुं फोनांजाब नेहाथारि, मुस्रि रिंखां बसुमथारि, सोलोंथाइ नेहाथारि, मुस्रि मुसुखा बसुमथारि आरो लोगो सोलोंथाइ नेहाथारि, मुस्रि मानिक कुमार बसुमथारि, बेलगुरि दालायसा एबसुनि गुबुन गुबुन बिबानगिरिफोर, दालायसानि बेन्दोंनि दर 12 गामिनि मेलेमजिबि, गामिगोरा, "गामि नायसं आफाद'नि मासिगिरि आरो लेंथुमगिरिजों लोगोसे गुबुन गुबुन बिबानगिरिफोरा बाहागो लादों।
