SDPY KPMHS Edavanakad

28/05/2026

28/05/2026

*KPMHS 1980 SSLC ബാച്ചിന്റെ ആ ഗ്രൂപ്പ് ഫോട്ടോ*

ഈ ഫോട്ടോ വെറുമൊരു ചിത്രമല്ല, വരുംതലമുറയ്ക്ക് മുന്നിൽ വെക്കാൻ പറ്റിയ ഇവരുടെ സൗഹൃദത്തിന്റെ ഒന്നാന്തരം ചരിത്രരേഖയാണ്!

03/05/2026

46 വർഷങ്ങൾക്കു ശേഷം, എടവനക്കാട് കെ പി എം ഹൈസ്കൂളിലെ 1980 എസ് എസ് എൽ സി ബാച്ച് ​എടവനക്കാട് SN ഓഡിറ്റോറിയത്തിൽ ഒത്തു ചേർന്നപ്പോൾ

01/05/2026

*NMMS സ്കോളർഷിപ്പ് പരീക്ഷയിൽ വീണ്ടും ചരിത്രവിജയം*

2019 വർഷം മുതൽ NMMS പരീക്ഷയിൽ തുടർച്ചയായി വിദ്യാർത്ഥികൾക്ക് സ്കോളർഷിപ്പ് വിജയം നേടി കൊടുക്കുന്ന വൈപ്പിൻ കരയിലെ ഏക വിദ്യാലയമാണ് SDPY KPM ഹൈസ്‌കൂൾ.

*2025 - 26 അധ്യയനവർഷത്തിൽ 9 വിദ്യാർത്ഥികൾക്ക് ആണ് സ്കോളർഷിപ്പ് ലഭിച്ചത്*

പരീക്ഷയ്ക്ക് അപേക്ഷിച്ച 44 വിദ്യാർത്ഥികൾക്കും പ്രത്യേക പരിശീലനം നൽകിയിരുന്നു.

*30 വിദ്യാർത്ഥികൾ പരീക്ഷയിൽ വിജയിക്കുകയും 9 പേർക്ക് സ്‌കോളർഷിപ്പ് ലഭിക്കുകയും ചെയ്തു.*

*സ്കോളർഷിപ്പിന് അർഹരായവർക്ക് ഒൻപതാം ക്ലാസ് മുതൽ പ്ലസ് ടു വരെ പ്രതിവർഷം 12000 രൂപ വീതം ആകെ 48000 രൂപ ലഭിക്കും.*

സംസ്ഥാന തലത്തിൽ തന്നെ SDPY KPM ഹൈസ്കൂളിന് മികച്ച വിജയം നേടിയെടുക്കാൻ കഴിയുന്നത് വിദ്യാർത്ഥികൾക്ക് അധ്യാപകർ നൽകി വരുന്ന നിരന്തരമായ പരിശീലനത്തിൻ്റെയും കൃത്യമായ നിർദ്ദേശങ്ങളിലൂടെയുമാണ്.

വിജയം നേടിയ വിദ്യാർത്ഥികൾക്കും അവരെ അതിന് പ്രാപ്തരാക്കിയ അധ്യാപകർക്കും പിന്തുണ നൽകിയ രക്ഷകർത്താക്കൾക്കും പി.ടി.എ അംഗങ്ങൾക്കും ഹൃദയം നിറഞ്ഞ അഭിനന്ദനങ്ങൾ.

*5 -ാം ക്ലാസ് മുതൽ 9-ാം ക്ലാസ് അഡ്മിഷൻ തുടരുന്നു*

*അഡ്മിഷനായി രാവിലെ 10 മുതൽ 4 വരെ സ്‌കൂൾ ഓഫീസുമായി ബന്ധപ്പെടുക*

CONTACT NUMBER:
+91 85901 90820

SDPY KPMHS
EDAVANAKAD

14/04/2026

സമൃദ്ധിയുടെയും ഐശ്വര്യത്തിന്റെയും പുലരികൾ തുടരട്ടെ. ഏവർക്കും ഹൃദയം നിറഞ്ഞ വിഷു ആശംസകൾ

20/03/2026

ഈദ് ആശംസകൾ

07/03/2026

ചൂട് കാലത്ത് ശ്രദ്ധിക്കേണ്ട കാര്യങ്ങളെ കുറിച്ച് എടവനക്കാട് FHC ലെ ആരോഗ്യ പ്രവർത്തകർ ക്ലാസ്സ് ലീഡർമാർക്ക് ബോധവത്ക്കരണം നടത്തി

ചൂട് കാലത്ത് ശ്രദ്ധിക്കേണ്ട കാര്യങ്ങൾ ഇന്ന് ഫസ്റ്റ് പിരീഡ് ഓരോ ക്ലാസ്സിലും മറ്റ് വിദ്യാർത്ഥികൾക്ക് പറഞ്ഞു കൊടുക്കുവാൻ അവർ നിർദ്ദേശിച്ചിരുന്നു

07/03/2026

എടവനക്കാട് KPMHSലെ മുൻ അദ്ധ്യാപിക ഐഷാ ബേബി ടീച്ചർ അന്തരിച്ചു. സംസ്കാരം നാളെ (08.03.2026) ഉച്ചയ്ക്ക് 12ന് നായരമ്പലം എ.ടി.എച്ച് ബസ്റ്റോപ്പിന് സമീപമുള്ള വീട്ടുവളപ്പിൽ

04/03/2026

എസ്എസ്എൽസി പരീക്ഷ എഴുതുന്ന എല്ലാ മക്കൾക്കും ആശംസകൾ

03/03/2026

ജാസ്‌ലിയ എന്ന പേരിന് 'നിഷ്ക്കളങ്കമായ സ്നേഹം' എന്നൊരു പുതിയ അര്‍ത്ഥം കൂടി എഴുതിച്ചേർത്താണ് ഒരു യാത്ര പോലും പറയാനാകാതെ അവള്‍ മടങ്ങുന്നത്. എപ്പോൾ സ്കൂളിന് മുന്നിലൂടെ പോകുമ്പോഴും പുറത്തെവിടെ കണ്ടാലും പേരു ചേര്‍ത്ത് സാറേ എന്നുറക്കെ നീട്ടി വിളിക്കും. ഒരു പ്രത്യേക തരം ചിരിയാണവളുടേത്. എടവനക്കാട് എസ്ഡിപിവൈ കെപിഎം ഹൈസ്കൂളിലെ സ്റ്റുഡന്റ് പോലീസ് കേഡറ്റ് യൂണിറ്റ് ഏഴാം ബാച്ചിലെ (2019-2021) ഒരു കേഡറ്റായിരുന്നു ജാസ്‌ലിയ ജോണ്‍സണ്‍‍ എന്ന പെണ്‍കുട്ടി. കാക്കി യൂണിഫോം തേച്ച് മിനുക്കി വൃത്തിയായി ധരിച്ചാണ് എന്നും അവള്‍ വരിക. പാസ്സ് ഔട്ടായി പടിയിറങ്ങിപ്പോയെങ്കിലും ഇടക്കിടെ സ്കൂളിലേക്ക് വരും. എസ് പിസി ട്രെയിനിങ്ങ് കാണാന്‍, അദ്ധ്യാപകരെക്കാണാന്‍, പുരുഷോത്തമന്‍ സാറിനെക്കാണാന്‍... ഇങ്ങനെ ഓരോരോ കാരണങ്ങളുണ്ടാകും ആ വരവിന്! പഠിച്ചിരുന്ന കാലത്ത് ഏത് SPC ആക്ടിവിറ്റിക്കും ഒപ്പമുണ്ടാകാന്‍ കൈ ഉയര്‍ത്തുന്നവരില്‍ ഒരാള്‍ അവളായിരിക്കും. എന്തിനും റെഡിയാണ്. അത്ര പോസിറ്റീവ് വൈബാണ് ആ കുട്ടിക്ക്.

അശ്രദ്ധമായൊരു ഡ്രൈവിങ്ങ് ആ നിഷ്ക്കളങ്കതയെ ഇടിച്ചു തെറിപ്പിച്ച് പാഞ്ഞുപോയതറിഞ്ഞപ്പോള്‍ അമ്മയുടേയും അച്ഛന്റേയും കുടുംബത്തിന്റേയും ഹൃദയം മാത്രമല്ല തകര്‍ന്നത്. അവള്‍ സ്നേഹം വാരിവിതറിയ എത്രയോ പേരാണ് അതില്‍ നൊമ്പരപ്പെട്ടത്. അവിടെയാണ് അവള്‍ അപൂര്‍വ്വങ്ങളില്‍ അപൂര്‍വ്വമായ ഒരാളായി മാറപ്പെടുന്നത്. അവള്‍ കടന്നു പോയ വഴികളിലൊരാളും അവളെ മറക്കില്ലെന്ന് ഈ വാര്‍ത്തയറിഞ്ഞ് ഫോണില്‍ വിളിച്ചവരുടെ വാക്കുകളിലെ ഗദ്ഗദങ്ങള്‍ സൂചിപ്പിക്കുന്നു. നാലുപേര്‍ക്ക് അവയവങ്ങള്‍ ദാനം നല്‍കി യാത്രയാകുമ്പോള്‍ അനശ്വരയായാണ് അവള്‍ സ്വര്‍ഗത്തിലേക്ക് യാത്രയാകുന്നത്. ഈ മാനത്ത് കണ്‍ചിമ്മിക്കൊണ്ടിരിക്കുന്ന ഒരു നക്ഷത്രങ്ങളിലൊന്ന് അവളുടെ നിറപുഞ്ചിരിപോലെ അനുഭവപ്പെടുന്നു. ഇങ്ങനെയൊരു യാത്ര പ്രതീക്ഷിച്ചില്ല ആരും. ജാസ്ലിയാ... ഒരിക്കലും മറക്കാനാവില്ല മോളേ, നിന്നെ ഞങ്ങള്‍ക്ക്..... !!!!

ഹരി

03/03/2026

ലോകകപ്പ് ഫുട്ബോൾ ആവേശം കെപിഎംഎച്ച് എസിലും