25/06/2026
#પરસાંતજ_પ્રાથમિક_શાળા
#શાળાપ્રવેશોત્સવ_અને_કન્યાકેળવણી_મહોત્સવ
આજ રોજ પરસાંતજ પ્રાથમિક શાળામાં " શાળા પ્રવેશોત્સવ અને કન્યા કેળવણી મહોત્સવ " નું આયોજન કરવામાં આવ્યું હતું , જેમાં બાળકોને આંગણવાડીમાં , બાલવાટિકામાં , ધોરણ એક માં અને ધોરણ 9 માં પ્રવેશ આપવામાં આવ્યો.
આ કાર્યક્રમ માં મુખ્ય મહેમાન તરીકે " શ્રીમતી જ્યોત્સનાબેન પટેલ - પ્રમુખ શ્રી નગરપાલિકા ખેડા " હાજર રહી કાર્યક્રમની શોભા વધારી હતી. તેમની સાથે પધારેલ શ્રી નયનભાઈ પટેલ, લાઇઝન અધિકારી તરીકે આવેલ શ્રી જાવેદભાઈ સૈયદ , ગામના અગ્રણી એવા જિલ્લા પંચાયતના સભ્ય શ્રી રમણભાઈ ગોહેલ સાહેબ, તાલુકા પંચાયતના સભ્ય શ્રી રાયસંગભાઈ ગોહેલ , ગામના સરપંચશ્રી , જલારામ હાઇસ્કુલ ના આચાર્યશ્રી, મંત્રીશ્રી તથા શિક્ષક ગણ ,અધ્યક્ષશ્રી તેમજ સભ્યો, તેમજ અન્ય આગેવાનો ગ્રામજનો હાજર રહી કાર્યક્રમને સફળ બનાવ્યો હતો.
શાળાના વિદ્યાર્થીઓ દ્વારા પ્રાર્થના રજૂ કરવામાં આવી. મહેમાનો નું પુસ્તક, કલગી દ્વારા સ્વાગત બાદ બાળાઓ દ્વારા સ્વાગત ગીત રજુ કરવામાં આવ્યું.
"HELPING AND SERVING CHARITABLE TRUST " તરફથી ધોરણ 1 અને બાલ વાટિકામાં પ્રવેશપાત્ર બાળકોને દફતર, વોટર બોટલ તેમજ શૈક્ષણિક કીટ નું વિતરણ કરવામાં આવ્યું. શાળા પરિવાર દ્વારા તેમનું સન્માન કરવામાં આવ્યું. મુખ્ય મહેમાન શ્રી દ્વારા સરકારશ્રી તરફથી મળેલ ધોરણ 1 થી 8 ના બાળકોને શૈક્ષણિક કીટ આપવામાં આવી. શાળા પરિવાર દ્વારા ગત વર્ષના ધોરણ 3 થી 10 ના પ્રથમ નંબર પાસ વિદ્યાર્થીઓને ઇનામ વિતરણ કરવામાં આવ્યું અને NMMS , જ્ઞાનસેતુ તથા જ્ઞાન સાધના પરિક્ષામાં મેરીટમાં આવેલ વિદ્યાર્થીઓ , ગણિત વિજ્ઞાન પ્રદેશન માં જિલ્લા કક્ષા માં ભાગ લીધેલ વિદ્યાર્થીઓ તથા ખેલ મહાકુંભ માં ચેસમાં જિલ્લા કક્ષાએ ભાગ લેનાર વિદ્યાર્થીઓ નું શાળા દ્વારા સન્માન કરવામાં આવ્યુ.
જલારામ હાઈસ્કુલ ના આચાર્યશ્રી જીતુભાઇ પટેલ , રમણભાઇ ગોહેલ અને લાઈઝન અધિકારી દ્વારા પ્રેરક પ્રવચન આપવામાં આવ્યું. શાળાના શિક્ષકશ્રી અનિલભાઈ દ્વારા આભારવિધી કર્યા બાદ " વાહન વ્યવહાર અને માર્ગ સલામતી " કાર્યક્રમ અંતર્ગત પ્રતિજ્ઞા લેવામાં આવી. મુખ્ય મહેમાનશ્રી દ્વારા શાળાની કોમ્પ્યુટર લેબ, સાયન્સ લેબ, જ્ઞાનકુંજ પ્રોજેક્ટ, પ્રજ્ઞા રૂમની મુલાકાત કરવામાં આવી.
વૃક્ષારોપણ કર્યા બાદ મુખ્ય મહેમાનશ્રી જ્યોત્સનાબેન પટેલ દ્વારા એસએમસી બેઠક કરી અને શાળાની કામગીરીને બિરદાવી તથા શાળાને આવશ્યકતા મુજબ મદદની ખાતરી આપી.
