21/03/2026
*મજાના શબ્દો - ૧*
…………………
*મજા*
…………………
*મજા* શબ્દ ગુજરાતી બોલચાલનો એવો મીઠો શબ્દ છે કે સાંભળતાં જ આપણા ચહેરા પર સ્મિત આવી જાય.
વ્યાકરણની રીતે *મજા* ભાવવાચક સંજ્ઞા છે અને તેનો મૂળ સ્રોત ફારસી ભાષાનો - मज़ा - શબ્દ છે, પરંતુ ગુજરાતી ભાષાએ તેને એટલો આત્મસાત્ કર્યો છે કે હવે તો એ મૂળ ગુજરાતી શબ્દ જ લાગે છે.
*मज़ा* નો મૂળ ફારસી ભાષાનો અર્થ આનંદ, સ્વાદ, મનોરંજન કે લહાવો છે.
આજે તો રમવાની ખૂબ મજા પડી, બાગમાં ફરવાની બહુ મજા આવી, મઠને છાંયડે મજા કરવી, છે ને મજેદાર વાત — આવા અનેક શબ્દપ્રયોગોમાં *મજા* શબ્દ જીવંત બનીને વાક્યને હળવાશ અને ચેતનાપૂર્ણ ભાવ આપે છે.
વ્યાકરણની દૃષ્ટિએ પણ મજા શબ્દ રસપ્રદ છે. તે સ્ત્રીલિંગ હોવાથી - ઘણી મજા આવી - એમ કહીએ છીએ. જોકે, હિંદીમાં તે પુલ્લિંગ ગણાય છે.
*મજા* માટેના સમાનાર્થી શબ્દો પણ ઘણા મજેદાર છે; જેમ કે,
મજા, મઝા, મજો, મઝો, મજાદારી, મઝાદારી, મજેદારી અને મઝેદારી.
મજાનું માટે પણ ઘણા શબ્દો છે; જેમ કે, મજાનું, મઝાનું, મજેનું, મઝેનું, મજેદાર અને મઝેદાર.
મજા પરથી મજાક કે મજાકી જેવા શબ્દો પણ બન્યા છે, જે બતાવે છે કે આ શબ્દ કેટલો ઉપજાઉ છે.
ટૂંકમાં કહીએ તો — ગુજરાતી ભાષામાં જ્યાં હળવાશ, રમૂજ અને ક્ષણિક આનંદની વાત આવે, ત્યાં *મજા* શબ્દ વગર વાતમાં મજા જ ન આવે! સાચી વાત છે ને!
*સાચું કહેજો - મજા શબ્દ વિશે ઘણું નવું જાણવા મળ્યું ને! સાચે જ, મજા આવી ને!*
*લેખન*
•••••••••••
રાજેશ પટેલ
રાજ્ય શ્રેષ્ઠ શિક્ષક ૨૦૨૨
મેતપુર પ્રાથમિક શાળા
તા. ખંભાત જિ. આણંદ
મો. ૯૬૨૪૨૫૯૨૦૦
