Imam Shafi She Campus

04/09/2020

നാജിയ..........
പേരു പോലെ അവളും വിജയിച്ചു മുന്നേറി....... വെള്ളിയാഴ്ച്ചയിലെ പവിത്രമാക്കപ്പെട്ട രാവിൽ സ്വർഗ്ഗ കവാടം തുറന്ന് മാലാഖമാർ മാടി വിളിച്ചപ്പോൾ അവൾ പോയി
അല്ലെങ്കിലും റബ്ബിനു പ്രിയപ്പെട്ടവരേ തിരിച്ചു വിളിക്കാൻ കാരണങ്ങൾ ഉണ്ടാകാനാണോ പാട്.........
നിഷ്കളങ്കമായി പുഞ്ചിരിക്കുന്ന നാജിയ മനസ്സിൽ നിന്നും മായുന്നില്ല
ഇന്നേ വരെ അവളുടെ യഥാർത്ഥ ശബ്ദം ഞാൻ കേട്ടിട്ടില്ല അത്രയും താഴ്മയോടെയും സൗമ്യതയോടെയുമായിരുന്നു സംസാരം അതും ചോദ്യങ്ങൾക്കുള്ള കാച്ചി കുറുക്കിയ മറുപടി മാത്രം......

പലപ്പോഴും കാണാറുണ്ട് ഭൂമിയെ പോലും വേദനിപ്പിക്കാത്തതെന്ന പോലെ അടങ്ങി ഒതുങ്ങിയുള്ള നടത്തം ക്ലാസ്സിലെ ഏറ്റവും നല്ല അനുസരണ ഉള്ള കുട്ടി, എന്നും ഉയർന്ന മാർക്കു വാങ്ങാറുള്ള പഠിതാവ്, കഴിഞ്ഞ എസ് എസ് എൽ സി പരീക്ഷയിൽ ഫുൾ A+ ആയിരുന്നു......
തീരെ സംസാരം ഇല്ല എന്നു തോന്നാറുള്ളത് കൊണ്ട് പൊതുവെ സംസാര പ്രിയരായ വിദ്യാർത്ഥിനികളുടെ അടുത്തിരുത്തുന്ന ചില വിരുതുകൾ ക്ലാസ്സിലെ അദ്ധ്യാപകർ കാട്ടുകയുണ്ടായി പക്ഷെ ഇന്നേ വരെ ആവശ്യത്തിൽ കവിഞ്ഞു സംസാരിക്കുന്നതോ സന്തോഷിക്കുന്നതോ ആയി ഞങ്ങളവളെ കണ്ടിട്ടേ ഇല്ല
കൊതിപ്പിക്കുന്ന ജീവിതം ഇപ്പോഴിതാ നമ്മളെയൊക്കെ കൊതിപ്പിക്കുന്ന ഇൽമിലായുള്ള മരണവും
പഠിച്ച ഇൽമിന്റെ ബറകത് കൊണ്ട് അള്ളാഹു ഖബർ ജീവിതം സന്തോഷത്തിലാകട്ടെ

اللهم اغفر لها وارحمها واعف عنها ووسع مدخلها واكرم نزلها ونور قبرها وادخلها الجنة مع الابرار
-റൈഹാന പാലാർ

04/09/2020

*كل نفس ذائقة الموت*
*ഏതൊരു ദേഹവും മരണം ആസ്വദിക്കുന്നതാണ്*😭

അതെ, മരണം എന്നത് കയ്പേറിയ ഒരു സത്യമാണ്....എങ്കിലും അത് പ്രിയപ്പെട്ടവരെ തേടി വരുമ്പോൾ വിശ്വസിക്കാൻ വല്ലാത്ത ഒരു പ്രയാസം ആയിരിക്കും....😔

*ഷാഫി കുടുംബത്തിലെ , വഫിയ്യ കുടുംബത്തിലെ* ഒരംഗമായിരുന്ന ഞങ്ങളുടെ പ്രിയപ്പെട്ട അനിയത്തി നാജിയ യുടെ വിയോഗം ഞങ്ങളെ അങ്ങേയറ്റം വേദനിപ്പിക്കുന്നതായിരുന്നു.....എങ്കിലും,

*നാജി.....,*
നീ ഭാഗ്യവതിയാണ്....ഇല്മിൻ വഴിയിലായ് മുഹർറം മാസം വെള്ളിയാഴ്ച രാവാണല്ലോ പടച്ച റബ്ബ് നിന്റെ റൂഹിനെ മടക്കി വിളിച്ചത്.....

*നാജി ....,🥺*
നിന്റെ ജീവിതം യഥാർത്ഥത്തിൽ ഞങ്ങൾക്ക് ഒരു മാതൃക തന്നെയായിരുന്നു....
നിന്നെ കുറിച്ച് ആർക്കും ഒരു പരാതിയോ പരിഭവമോ പറയാനുണ്ടായിരുന്നില്ല....

കാരണം,
നിഷ്കളങ്കമായ പുഞ്ചിരിയെ ആണല്ലോ നീ മുഖ മുദ്രയാക്കിയത്....
ഒരു പെണ്ണായാൽ എങ്ങനെ ജീവിക്കണം എന്ന് കുറഞ്ഞ കാലയളവിനുള്ളിൽ നീ ഞങ്ങൾക്ക് കാണിച്ച് തന്നിരുന്നു....അത് കൊണ്ട് തന്നെയാണല്ലോ പലരും നിന്നെ മാതൃകയാക്കാൻ ശ്രമിച്ചതും....

തികച്ചും സുരക്ഷിതമായ ആ ക്യാമ്പസിനുള്ളിലും നീ കാണിക്കുന്ന സൂക്ഷ്മത ഞങ്ങളെ വല്ലാതെ അൽഭുതപ്പെടുത്തിയിരുന്നൂ നാജി....🥺

ആ നാല് ചുമരുകൾക്കുള്ളിൽ നടക്കുമ്പോഴും ഇരിക്കുമ്പോഴും നീ കാണിക്കുന്ന അച്ചടക്കം ഞങ്ങളുടെ ഇടയിൽ പലപ്പോഴും ഒരു ചർച്ച വിഷയമായിരുന്നു......

ഞങ്ങളുടെ ഒരു ജൂനിയർ ആയിരുന്നിട്ട്‌ പോലും ഞങ്ങളിൽ പലരും നിന്നെ പൂർണമായി മനസ്സിലാക്കിയത് നിന്റെ മരണത്തിന് ശേഷമായിരുന്നു.....😔
കാരണം,നീ ഞങ്ങളുടെ കൂടെ ആയിരുന്നിട്ടും ഞങ്ങൾക്കിടയിൽ അറിയാതെ ജീവിക്കുകയായിരുന്നു....

ആർക്കും ഒരു ഭാരമാവാതെ,ഒരു യാത്ര പോലും ചോദിക്കാൻ നിൽക്കാതെ നീ പോയപ്പോ ഞങ്ങൾ വല്ലാതെ തളർന്നു പോയി നാജി....🥺

നിന്റെ മരണം ഞങ്ങൾക്ക് വലിയ പാഠമാണ് നൽകിയത്....ആരെയും എപ്പോൾ വേണമെങ്കിലും റബ്ബ് തിരിച്ച് വിളിക്കാം...
ഒരു യാത്ര പോലും പറയാനുള്ള സമയം നൽകാതെ......😭


*إنا لله وإنا إليه راجعون اللهم اغفر لها وارحمها واعف عنها ووسع مدخلها واكرم نزلها ونور قبرها وادخلها الجنة مع الابرار*

Khadeejath Zakiya
(Imam Shafi She Campus student)

11/04/2020

*പ്രാവാസികൾക്ക് കൈതാങ്ങാവാൻ ഇമാം ശാഫി അക്കാദമിയും*

ഗൾഫ് രാജ്യങ്ങളിൽ നിന്നും നാട്ടിലെത്തുന്ന പ്രവാസികളെ കോറൻ്റൈൻ ചെയ്യാൻ ഇമാം ശാഫി ഇസ്ലാമിക് അക്കാദമി തയ്യാറാണെന്ന് ഭാരാവാഹികൾ അറിയിച്ചു. സ്ഥാപനത്തിൻ്റെ നിർമ്മാണ പ്രവർത്തനത്തിലും നടത്തിപ്പിലും ഏത് സമയത്തും സ്നേഹമനസ്സാൽ ഇടപെടുന്ന പ്രവാസികളെയും നാട്ടുകാരെയും ഒരിക്കലും മറക്കാനാവില്ലെന്നും കോവിഡ് മഹാമാരി ലോകം മുഴുവനും പടർന്നിരിക്കുന്ന ഈ സാഹചര്യത്തിൽ നാട്ടിലെത്തുന്നവർക്ക് കോറൻ്റൈൻ ഉൾപ്പെടെ ആവശ്യമാകുന്ന സഹായങ്ങൾ ചെയ്യുമെന്ന് ഭാരവാഹികൾ അറിയിച്ചു.

18/03/2020

06/03/2020

17/08/2019

**ഞങ്ങളുടെ പ്രിയ ശൈഖുനാ *......*
*ആ പേമാരിയും* *പെയ്തൊഴിഞ്ഞു***.......

എഴുതാനായി പേന ചലിപ്പിച്ചപ്പോൾ എന്തോ ഹൃദയം അനിയന്ത്രിതമായി പിടക്കുകയാണ്.....
ഇരുളായി.... അന്ധതയായി ... വേദനിച്ചു വഴിയറിയാതെ നിന്ന ഞങ്ങളിൽ വഴിവിളക്കായി പ്രകാശിച്ച തേജസ്സായിരുന്നു ഞങ്ങളുടെ പ്രിയ *ശൈഖുനാ ഖാസിം ഉസ്താദ്......*
മാതാപിതാക്കളെയും കുടുംബത്തെയും വിട്ട് ഇൽമ് നുകരാൻ ഇമാം ശാഫി ഷീ ക്യാമ്പസ്സിലേക്ക് കാലെടുത്തു വെച്ച ഞങ്ങളെ സ്വമക്കളായി ഏറ്റെടുക്കുകയായിരുന്നു പ്രിയ ശൈഖുനാ......
ഞങ്ങളുടെ ഓരോ സന്തോഷങ്ങളിലും നിറ സാന്നിധ്യമായി ഞങ്ങളുടെ വേദനകളിൽ മനം വിങ്ങുന്ന കരുതലുള്ള ഒരു പിതാവായി ഞങ്ങളുടെ ചാരെ എന്നുമുണ്ടായിരുന്നു ഒരു നിഴലായി....

അന്നൊരുദിനം ഖവാലി മത്സരത്തിനായുള്ള നിരന്തര പ്രാക്ടീസ് കഴിഞ്ഞ് പോകുവാനുള്ള അനുവാദം പ്രിയ ശൈഖുനയോട് ചോദിച്ചപ്പോൾ "അങ്ങ് മലപ്പുറത്തേക്ക് ഈ മഴയത്ത് എങ്ങനെയാ മക്കളെ പോവുക " എന്ന് പറഞ്ഞു ആ യാത്ര ഒഴിവാക്കിയപ്പോൾ ഒരു പൂർണ പിതാവിന്റെ നിറ സ്നേഹവും ഉത്തരവാദിത്വ ബോധവും ആയിരുന്നു അന്ന് ഞങ്ങൾക്ക് അനുഭവിക്കാൻ കഴിഞ്ഞത്......

മഴയുടെ ശക്തിയിൽ ക്യാമ്പസ്സിനു പിൻവശം പടുത്തുയർത്തിയ മതിൽക്കെട്ട് മറിഞ്ഞു വീണപ്പോൾ ദൂരെയെവിടെയോ പരിപാടിലായിരുന്ന ഉസ്താദിന്റെ വാക്കുകൾ അന്നും ഞങ്ങൾക്ക് സ്വാന്തനമേകി "ഞാൻ അല്പം ദൂരെയാണ് വരുന്നത് വരെയും എന്റെ മക്കളോട് സമാധിനാക്കാൻ പറയണം ആരും പേടിക്കരുത്.... " അങ്ങനെ പോകുന്ന ഒരുപാട് ആശ്വാസ വാക്കുകൾ....
എന്നാൽ നാഥാ..... അന്ന് ഞങ്ങൾക്കൊരു പ്രതീക്ഷയുണ്ടായിരുന്നു പ്രിയ ശൈഖുനാ ഉടനെ ഞങ്ങളിൽ അണയുമെന്ന് എന്നാൽ ഇന്ന്.... ആ പ്രതീക്ഷകൾ അസ്തമിച്ചിരിക്കുകയാണ് പൂർണമായും ഞങ്ങൾ അനാഥരായത് പോലെയാണ്....
തഫ്സീറിന്റെയും ദീവാനുഷാഫിയുടെയും ക്ലാസുകൾ എന്നും ഒരു അത്ഭുത ലോകമായിരുന്നു ഞങ്ങൾക്ക്.....ഉസ്താദിന്റെ വിശദീകരണ ധ്വനികൾക്ക് ആഴം ഏറെയായിരുന്നു
ഏത് സമയം കോളേജിലേക്ക് കടന്ന് വന്നാലും സ്നേഹപൂർവ്വം ഞങ്ങളെ വിളിക്കുക പതിവായിരുന്നു ഞങ്ങളിലൂടെ കോളേജിന്റെ നീക്കങ്ങൾ ഓരോന്നായി അറിയാൻ ഉസ്താദ് ശ്രമിക്കും
പഠനത്തിന് പുറമെ പഠ്യേതര പ്രവർത്തനങ്ങളിലും ഞങ്ങളുടെ വലിയ പിന്തുണയായിരുന്നു പ്രിയ ശൈഖുനാ....
ഞങ്ങളുടെ ആഗ്രഹങ്ങൾക് ഉസ്താദിന്റെയടുക്കൽ എന്നും സ്വീകാര്യത മാത്രമാണ്

ഓർക്കുകയാണ്..... ഈ കഴിഞ്ഞ റമളാനിൽ പരീക്ഷാർത്ഥം ഞങ്ങൾ കുറച്ചു കുട്ടികൾ കോളേജിൽ തങ്ങിയപ്പോൾ എല്ലാ വൈകുന്നേരങ്ങളിലും ശൈഖുനാ ഞങ്ങളുടെയരികിലേക് കടന്നുവരും "എന്താ മക്കളെ ഇന്ന് നോമ്പ് മുറിക്ക് എന്താ വേണ്ടത് " എന്ന് ആവർത്തിച്ച് ചോദിക്കുമ്പോൾ ഞങ്ങൾ സ്നേഹപൂർവ്വം അത് നിരസിക്കുമ്പോൾ ഉസ്താദ് അത് അംഗീകരിക്കുമായിരുന്നില്ല ആവശ്യങ്ങളുടെ പട്ടിക നിരത്താൻ പ്രേരിപ്പിച്ചു കൊണ്ടേയിരിക്കും

കോളേജിന്റെ ആദ്യ വർഷം ചെറിയൊരു അസുഖം വന്ന് വീട്ടിൽ നിന്ന് രണ്ടു ദിവസം പുറത്തിറങ്ങാൻ സാധിക്കാതെ വന്നപ്പോൾ ഞങ്ങളെയെല്ലാവരെയും വീട്ടിലേക്ക് വിളിച്ചു വരുത്തി സുഖാന്വേഷണങ്ങൾ നടത്തിയ ഉസ്താദിന്റെ സ്നേഹവായ്പുകൾക്ക് മുമ്പിൽ പലപ്പോഴും തലകുനിക്കേണ്ടി വന്നിട്ടുണ്ട്
കളങ്കമില്ലാത്ത ഹൃദയത്തിൽ നിന്നും ഉറവയെടുക്കുന്ന സ്നേഹത്തിനും വല്ലാത്ത തെളിമയായിരുന്നു..........
ഈ കഴിഞ്ഞ വർഷം മലപ്പുറം വെച്ച് അരങ്ങേറിയ വഫിയ്യ സംസ്ഥാന കലോത്സവത്തിന്റെ ദീർഘമായ രണ്ട് ദിവസത്തെ യാത്രയ്ക്ക് ശേഷം കോളേജിൽ തിരിച്ചെത്തുമ്പോൾ ഞങ്ങളെയും കാത്ത് പ്രിയ ശൈഖുനയുണ്ടായിരുന്നു തിരക്കുകൾക്കിടയിലും ഞങ്ങളുടെ യാത്രാവിവരണം കേൾക്കാൻ ഒരു മടിയും കൂടാതെയാണ് അന്ന് ശൈഖുനാ ഇരുന്ന് തന്നത്... എല്ലാം കേട്ടതിനു ശേഷം ഹൃദയം തുറന്ന ആ പുഞ്ചിരിയിൽ സന്തോഷത്തിന്റെ അടയാളങ്ങൾ നിറഞ്ഞു കണ്ടു.......

കഴിയില്ല നാഥാ......... ഈ ശൈഖുനായുടെ മദ്ഹുകൾ നിരത്താൻ വാക്കുകൾക്കും വർണനകൾക്കും അതീതമാണ് ഞങ്ങളുടെ പ്രിയ ഗുരുവര്യൻ.........
ആഘോഷങ്ങളിലൊക്കെയും ഞങ്ങൾ പങ്കുചേരാതെ ശൈഖുനയ്ക്ക് സന്തോഷം ഉണ്ടാവുമായിരുന്നില്ല
ഇന്നേവരെയും ആ നിലാവിന്റെ മുഖത്ത് ഒരു അനിഷ്ടമോ വെറുപ്പോ ഞങ്ങളോട് പ്രകടമായി കണ്ടിരുന്നില്ല
ഞങ്ങളെ കാണുമ്പോൾ വല്ലാത്ത സന്തോഷമായിരുന്നു എന്നും ഉസ്താദിന് അറിയാത്ത പേര് ആണ് വിദ്യാർത്ഥികളുടേത് എങ്കിൽ അവർക്കായി ഒരു പേര് ഉണ്ടാക്കി വിളിക്കാനും ഉസ്താദ് മടി കാണിച്ചില്ല
എപ്പോഴും പുഞ്ചിരിച്ചു തമാശയിലൂടെ കാര്യ ഗൗരവത്തിലേക്ക് ഉളരിക്കുന്ന പ്രിയ ഗുരുവിന്റെ ജീവിതത്തിൽ ഞങ്ങൾക്ക് മാതൃകകൾ ഏറെയാണ്.....

അവിചാരിതമായാണ് പ്രിയ ശൈഖിന്റെ വിയോഗ വാർത്ത ഞങ്ങളിലെത്തിയത്........ഞങ്ങളോരോരുത്തർക്കും വിജ്ഞാന ഗേഹത്തിൽ സ്നേഹ പിതാവിന്റെ വാത്സല്യങ്ങൾ ഇല്ലല്ലോ എന്ന് ഓർത്തു വിങ്ങുകയാണ്......
ഗുരുവേ.....
അങ്ങ് ഞങ്ങളുടെ ഹൃദയത്തിന്റെ വെളിച്ചമാണ്
പകരം വെക്കാനോ പകരമാക്കാനോയില്ലാത്ത ഇൽമിനെ ബഹ്‌റാണ് അങ്ങ്.....
ഹൃദയം പറിച്ചെടുക്കുന്ന വേദനയിലും.....അങ്ങ് കാണിച്ചു തന്ന പൂർണമായ അല്ലാഹുവിലുള്ള തവക്കുലും ഇമാമുനാ ശാഫി തങ്ങളോടുള്ള തവസ്സുലും മുറുകെ പിടിച്ചു അങ്ങ് വെട്ടിത്തെളിച്ച പാതയിലൂടെ ഞങ്ങൾ സഞ്ചരിക്കും ഇൻശാ അല്ലാഹ്..... നാളെയുടെ ലോകത്തേക്ക് അങ്ങയുടെ കൈ പിടിക്കണം ഞങ്ങൾക്ക്.......നാഥാ നീ തൗഫീഖ് നൽകണേ....... 🤲

✍ *ഇമാം ശാഫി ഷീ ക്യാമ്പസ്‌ വഫിയ്യ വിദ്യാർത്ഥിനികൾ*

02/12/2018