04/06/2021
ജൂണ് 5 ലോക പരസ്ഥിതിദിനം.
നാം അധിവസിക്കുന്ന ഈ ഭൂമിയോട് നമുക്ക് അളവറ്റ കടപ്പാടുകളുണ്ട്. ഈ ഭൂമിയില് നിന്നാണ് അല്ലാഹു നമുക്ക് ജന്മം നല്കിയത്. ഇവിടെയാണ് അവന് നമ്മെ പാര്പ്പിച്ചത്. ഈ ഭൂമിയിലെ 'ഖലീഫ' എന്ന അത്യുന്നത പദവിയാണ് അവന് നമുക്ക് നല്കിയിട്ടുള്ളത്. അവന്റെ നിര്ദ്ദേശങ്ങള് പാലിച്ച് ഈ ഭൂമിയെ അനുഭവിക്കുകയും ഇതില് പരിഷ്കരണ പ്രവര്ത്തനങ്ങള് നടത്തുകയും ചെയ്യുക എന്ന ദൗത്യമാണ് അവന് നമ്മെ ഏല്പിച്ചിട്ടുള്ളത്.
'ആകാശ ഭൂമികളുടെ സൃഷ്ടിപ്പിലും, രാപ്പകലുകളുടെ മാറ്റത്തിലും, മനുഷ്യര്ക്ക് ഉപകാരമുള്ള വസ്തുക്കളുമായി കടലിലൂടെ സഞ്ചരിക്കുന്ന കപ്പലിലും, ആകാശത്ത് നിന്ന് സൃഷ്ടാവ് മഴ വര്ഷിപ്പിച്ചു തന്നതിലൂടെ നിര്ജ്ജീവ അവസ്ഥക്ക് ശേഷം ഭൂമിക്ക് അത് മുഖേന ജീവന് നല്കിയതിലും, ഭൂമിയില് എല്ലാ തരാം ജന്തു വര്ഗ്ഗങ്ങളെയും വ്യാപിപ്പിച്ചതിലും കാറ്റുകളുടെ ഗതി ക്രമത്തിലും ആകാശ ഭൂമികല്ക്കിടയിലൂടെ നിയന്ത്രിച്ചു നയിക്കപ്പെടുന്ന മേഘത്തിലും ചിന്തിക്കുന്ന മനുഷ്യര്ക്ക് തീര്ച്ചയായും ധാരാളം ദൃഷ്ടാന്തങ്ങള് ഉണ്ട് (വി ഖു 2-264). നാം മനുഷ്യര് സംസ്കാരസമ്പന്നരാവുന്നത് നാം ജീവിതത്തില് നിലനിര്ത്തുന്ന പാരസ്പര്യത്തിന്റെയും പാരസ്ഥിതികാവബോധത്തിന്റെയും ജനാധിപത്യ മര്യാദകളോടെയാണ്.
1972 മുതലാണ് ഐക്യരാഷ്ട്രസഭയുടെ ആഭിമുഖ്യത്തില് ജൂണ് 5 ലോക പരിസഥിതിദിനമായി ആഗോളതരത്തില് ആചരിച്ചു തുടങ്ങിയത്. അത് പരിസ്ഥിതി സംരക്ഷണത്തിന്റെ പ്രാധാന്യം ഓര്മപ്പെടുത്തലാണ്. പരിസ്ഥിതിക്ക് ദോഷമായി മനുഷ്യന് പ്രവര്ത്തിക്കുന്നത് ലോക നാശത്തിന് കാരണമാകുന്നു.
പ്രകൃതി അമ്മയാണ് അതിനെ വേദനിപ്പിക്കരുത് എന്ന വാക്ക് തികച്ചും മൂല്യമേറിയതാണ്. കാരണം ലോകത്തിലുള്ള എല്ലാ മനുഷ്യര്ക്കും ശുദ്ധ വായുവും ശുദ്ധ ജലവും അടങ്ങിയ എല്ലാ ആനുകൂല്യങ്ങളും പ്രകൃതിയില് നിന്ന് അനുഭവിക്കാന് സ്വാതന്ത്ര്യമുണ്ട്. ഭൂമിയെ സുരക്ഷിതമായി നിലനിര്ത്തുകയും ഹരിത കേന്ദ്രമായി മറ്റൊരു തലമുറയെ ഏല്പിക്കേണ്ടത് നമ്മുടെ ഓരോരുത്തരുടെയും കടമയാണ്. കാരണം നമുക്കും നമ്മുടെ മുന്ഗാമികള് തന്നതാണ് മനോഹരമായ പ്രകൃതി.
നാം ഓരോരുത്തരും പ്രകൃതിയെ നോവിക്കില്ലെന്ന് ദൃഢനിശ്ചയം ചെയ്താല് തീരാവുന്നതേ ഉള്ളൂ. സാമൂഹ്യ സാംസ്കാരിക സാമ്പത്തിക പുരോഗതിക്ക് വികസനം അനിവാര്യമാണ്. പക്ഷേ പലപ്പോഴും ഇത് പ്രകൃതിക്ക് ദോഷമായി ബാധിക്കുന്നു എന്നതാണ് വസ്തുത. പ്രകൃതിയെ ദോഷമായി ബാധിക്കാത്ത രീതിയില് ഉള്ള വികസനമാണ് എന്നന്നേക്കും ജനങ്ങള്ക്കും മറ്റു ജീവജാലങ്ങള്ക്കും എന്തിനേറെ ഭൂമിക്ക് തന്നെ ആവിശ്യവും ആശ്വാസവും.
തുടരെ ഉണ്ടാകുന്ന കാലാവസ്ഥ വ്യതിയാനം മനുഷ്യന് വികസനത്തിന് പ്രകൃതിയെ എങ്ങനെ ഉപയോഗിക്കുന്നു എന്നതിനുള്ള തെളിവാണ്.
അശാസ്ത്രീയമായ വികസന പ്രവര്ത്തനം ഭൂമിയുടെ നിലനില്പ്പിന് തന്നെ ഭീഷണിയാണ്. ഗ്രാമങ്ങള് നഗരങ്ങളായി മാറുന്നു. കൂടാതെ ശുചീകരണ പ്രശ്നങ്ങളും പ്രകൃതിയെ ശ്വാസം മുട്ടിക്കുന്നു. പ്രകൃതിയില് ആപത്തുകള് ഉണ്ടാകുമ്പോള് നാം ശ്രദ്ധിക്കുന്നുവെങ്കിലും അത് കഴിയുമ്പോള് എല്ലാം മറക്കുന്നു. സമകാലീനമായി ഉണ്ടായ പ്രളയം ഒരു ദുരന്തമായി വന്നപ്പോള് തന്റെ ചെയ്തികള് കൊണ്ട് മനുഷ്യന് ഖേദിച്ചു, എന്നാല് അത് കഴിഞ്ഞപ്പോള് ആര്ക്കും ഒന്നും ഇവ്വിഷയത്തില് അലട്ടുന്നേയില്ല. അത് തന്നെയാണ് മനുഷ്യന്റെ ഏറ്റവും വലിയ പോരായ്മയും പരാജയവും.
ഇസ്ലാം പ്രകൃതി സ്നേഹത്തെ വളരെ അധികം പ്രാധാന്യം കല്പ്പിക്കുന്നുണ്ട്.
പരിശുദ്ധ ഖുര്ആനില് പലയിടങ്ങളിലായി പ്രകൃതി വിഭവങ്ങളെ എടുത്ത് ഉദ്ധരിച്ച് കൊണ്ട് 'നിങ്ങള്ക്ക് ദൃഷ്ഠാന്തമാണ്, നിങ്ങള് അതിലേക്ക് നോക്കുന്നില്ലേ, നിങ്ങള് ചിന്തിക്കുന്നില്ലേയോ, തുടങ്ങിയ ഉത്ബോധനങ്ങള് കാണാന് കഴിയും. നബി (സ) പറയുന്നു. ഏതെങ്കിലും ഒരു മുസ്ലിം കൃഷി ചെയ്യുകയോ വല്ല മരം നടുകയോ ചെയ്യുകയും അതില് നിന്ന് വല്ല പക്ഷിയോ മനുഷ്യനോ മൃഗമോ ഭക്ഷിക്കുക ചെയ്താല് അവന് ധര്മം ചെയ്ത പ്രതിഫലമാണ്. അത്യധികം പ്രകൃതി സംരക്ഷണത്തിന് പ്രാധാന്യം നല്കുന്നുണ്ട് വിശുദ്ധ ഇസ്ലാം.
ലോകത്തെ പ്രഥമ മനുഷ്യ പുത്രനായ ഹാബീല് (റ) ഒരു കര്ഷകന് ആയിരുന്നു, അതായത് ഇസ്ലാം ലോകത്തിന് കാണിച്ച് കൊടുത്ത ആദ്യ പാഠം പ്രകൃതിയെ സ്നേഹിക്കുകയും പരിപാലിക്കുകയും ചെയ്യുന്ന ഒരു കര്ഷകനെ ആയിരുന്നു. പരിസ്ഥിതി സംരക്ഷണം ബാധ്യതയും പുണ്യകര്മ്മവുമാണ്. ലോകാവസാനം വരെ മനുഷ്യര്ക്കും സകല ജീവികള്ക്കും പാര്ക്കാനും ഉപയോഗിക്കാനും സൃഷ്ടാവ് ഒരുക്കിത്തന്നതാണ് ഈ ഭൂമി ബോധത്തോടെയായിരിക്കണം ഇതിനെ നാം കൈകാര്യം ചെയ്യേണ്ടത്.
*Shameemath Hasna*
*Degree 1st*
