DTF Yellareddypet

🔥🔥🔥🔥🔥🔥🔥🔥
*ప్రభుత్వ ఉద్యోగులందరు ఉన్నోళ్ళు ఎట్లయితరు?*
*ప్రభుత్వము పరిశీలించాలి..*
*ప్రజలందరు ఆలోచించాలి..*

మీ *BPL* కార్డు పంపకాల ప్రకారం చూస్తే..

👉ఊరిలో ఐదు ఎకరాల భూమి ఉన్నోడు పేదోడు అయితే,
ఐదు గుంటల భూమి లేని ఉద్యోగి ఉన్నోడు ఎట్లయితడు?

👉పదిహేను లక్షల బ్రీజాలో వచ్చి ఉచిత బియ్యం తీసుకుపోయే వాడు పేదోడే అయితే,
ఆర్టీసీ బస్ లో అప్ అండ్ డౌన్ చేసే ఉద్యోగి ఉన్నోడు ఎట్లయితడు?

👉లక్షల్లో జీతాలు తీసుకునే సాఫ్ట్వేర్ ఉద్యోగి పేదోడే అయితే, వేలల్లో జీతాలు తీసుకునే ప్రభుత్వ ఉద్యోగి ఉన్నోడు ఎట్లయితడు?

👉రెండు అంతస్తుల భవంతి లో నివాసం ఉన్నవాడు పేదోడే అయితే
కిరాయి ఇంట్లో ఉండే ఉద్యోగి ఉన్నోడెట్లయితడు?

👉IT లు కట్టే బిజినెస్ మెన్ ల తల్లిదండ్రులు పేదోల్లు అయితే
13 సంవత్సరాల సర్వీసు లో ఇంత వరకు IT కట్టే స్థాయిలో జీతం పొందని ఓ చిన్న ప్రభుత్వ ఉద్యోగి తల్లిదండ్రులు ఉన్నొళ్ళెట్లయితరు?

ప్రజలు గుర్తెరగాలి ఉద్యోగులు అందరు ఉన్నోళ్ళు కాదు..ఐరన్ బట్టలు వేసుకున్నంత మాత్రానా ధనవంతులు కారు..
నేటికీ 70 శాతం మంది ఉద్యోగులు జీతాల మీద సొంత ఇల్లు కట్టి పిల్లల చదువులు పూర్తి చేస్తే గొప్ప..

👉నేటి ఉద్యోగులకు మీరు ఊహించినట్టు ఉచిత ఆరోగ్యం లేదు...
ఉచిత విద్య ఫీజు రీయింబర్స్మెంట్ లేదు..
రిటైర్మెంట్ అయ్యాక పెన్షన్ లేదు...

*ఈర్ష్యపరులారా*
మీ చుట్టూ ఉన్న ఉద్యోగులకు వారసత్వంగా వచ్చిన నౌకర్లు కావు అవి.. *వాళ్ళ అవ్వ అయ్యలు ఉపవాసం ఉండి కూలీనాలీ చేసి బడికి పంపితే చిన్నప్పటి నుండి ఆటపాటలు మరిచి,*
*పండగలు పబ్బాలు వదిలేసి,*
*నోటికి రుచి మరచి,*
*కంటికి నిద్ర వదిలి, పుస్తకాల* *పురుగులా పాతిక* సంవత్సరాలు పాటు పెడితే,వచ్చిన ఉద్యోగం అది..*
ఆ ఉద్యోగం రాగానే వచ్చే జీతంతో ప్రతి పైసా ఖర్చుకు పదిసార్లు ఆలోచిస్తూ, పద్ధతిగా ఖర్చు చేస్తూ ప్రణాళికాబద్ధంగా బ్రతుకుతున్నారు
అంతే తప్ప వాళ్ళంతా బలిసినోళ్ళు కాదు.. భాగ్యవంతులు కారు..

*ఉమ్మడి సర్వీసు నిబంధనల అమలుకు మార్గం సుగమం చేసిన సుప్రీంకోర్టు*
*రాష్ట్ర ప్రభుత్వం వేగంగా స్పందించి పదోన్నతుల కల్పనకు చర్యలు తీసుకోవాలని యుయస్పీసీ డిమాండ్*
ప్రభుత్వ, జిల్లా పరిషత్, మండల పరిషత్ పాఠశాలల్లో పనిచేస్తున్న ఉపాధ్యాయుల ఏకీకృత సర్వీసు నిబంధనల అమలుకు వీలుగా 2017 జూన్ 23న కేంద్ర ప్రభుత్వ గెజిట్ ద్వారా రాష్ట్రపతి ఉత్తర్వులకు సవరణ ఉత్తర్వులు విడుదల చేసింది.
ఈ ఉత్తర్వులను సవాలు చేస్తూ కొందరు ప్రభుత్వ ఉపాధ్యాయులు హైకోర్టును ఆశ్రయించి స్టేటస్కో ఉత్తర్వులు పొందారు. దాదాపు సంవత్సరం తర్వాత 2018 ఆగస్ట్ మొదటి వారంలో విచారణకు వచ్చింది. సుదీర్ఘ వాదోపవాదాల అనంతరం తీర్పును రిజర్వు చేసి ఆగస్టు 28న రాష్ట్ర పతి ఉత్తర్వులు చెల్లవంటూ తీర్పు వెలువరించింది.
యుయస్పీసీ డిమాండ్ మేరకు రాష్ట్ర ప్రభుత్వం హైకోర్టు తీర్పును సవాలు చేస్తూ నవంబరులో సుప్రీం కోర్టులో స్పెషల్ లీవ్ పిటీషన్ వేసింది. ఈ రోజు(సోమవారం) ఉదయం కేసు విచారణకు రాగా హైకోర్టు తీర్పును నిలుపుదల చేస్తూ సర్వోన్నత న్యాయస్థానం మధ్యంతర ఉత్తర్వులు జారీచేసింది.
సుప్రీం కోర్టు ఆదేశాల పట్ల ఉపాధ్యాయ సంఘాల పోరాట కమిటీ (యుయస్పీసీ) హర్షం వ్యక్తం చేస్తున్నది. రాష్ట్ర ప్రభుత్వం వేగంగా స్పందించి ఉపాధ్యాయుల సర్వీసు నిబంధనలు రూపొందించి సహజ న్యాయం, సమాన న్యాయం ప్రాతిపదికన అర్హులైన ఉపాధ్యాయులందరికీ పదోన్నతుల కల్పనకు చర్యలు తీసుకోవాలని USPC కోరుతున్నది.
ఎంఈఓ, డిప్యూటీ ఈఓ, శిక్షణ కళాశాలల్లోని అధ్యాపకుల ఖాళీలను పదోన్నతుల ద్వారా భర్తీ చేసి విద్యారంగంలో నెలకొన్న సంక్షోభానికి ముగింపు పలకాలని USPC డిమాండ్ చేస్తున్నది.

రఘు భయ్యా..!
దాదాపు 36 ఏళ్ల సుదీర్ఘమైన ఉపాధ్యాయ జీవితంతో పాటు .... ఉపాధ్యాయ సంఘ ప్రతినిధిగా దాదాపు రెండున్నర దశాబ్దాలు పూర్తిచేసుకొని... ఈరోజు ఉద్యోగ విరమణ చేస్తున్న మీకు మనస్ఫూర్తిగా అభినందనలు. ఏ స్కూల్లో పనిచేసినా.... అందరితో కలివిడిగా ఉండడం... మొదటినుంచీ మీకున్న ఓ మంచి అలవాటు. ఉమ్మడి కరీంనగర్ జిల్లా వ్యాప్తంగా... ఉద్యోగ, ఉపాధ్యాయులందరికీ మీరు సుపరిచితులే! అవినీతి మకిలి అంటని ఉపాధ్యాయ ప్రతినిధుల విభాగంలో మిమ్మల్ని సగటు టీచర్ చూస్తాడు. మీరు నమ్మిన సిద్ధాంతానికి కట్టుబడి పనిచేశారని సగటు టీచర్ భావన. ఎదురుగా ఉన్నది... ఉన్నతాధికారా? ప్రజాప్రతినిధా? అన్నది అప్రస్తుతం. తప్పు చేశారని భావిస్తే.... నిలదీయడమే మీ నైజం. నోరులేని అమాయకపు ప్రైమరీ మెంబెర్ వైపు....నిలబడి.... అధికారులను ప్రశ్నించడమే మీ లక్షణం! 90వ దశకంలో.... ఉపాధ్యాయ పోస్టింగుల సందర్భంగా.... అవినీతికి పాల్పడిన జెడ్పీ అధికారుల వెంటపడిన తీరు.... ఉపాధ్యాయ ప్రతినిధిగా.... మీకు గుర్తుండిపోయే ప్రముఖ సంఘటనల్లో ఒకటి! సబ్జెక్టు ఏదైనా.... అనర్గళంగా మాట్లాడ్డం మీతర్వాతే.... ఎవరైనా!

ఉపాధ్యాయ ప్రతినిధిగా మీరు వ్యవహరిస్తున్న తీరును అప్పటి రాజ్యం భరించలేకపోయింది .... ఎలాగైనా లొంగదీసుకోవాలనే ఎత్తుగడ వేసింది..... దాదాపు రెండు దశాబ్దాల క్రితం.... RTC బస్సులో ప్రయాణిస్తున్న మిమ్మల్ని... మధ్యలోనే బస్సు నుంచి బలవంతంగా దింపి... మిమ్మల్ని మాయం చేసింది. విషయం తెల్సి.... సోదర ఉపాధ్యాయ సంఘ ప్రతినిధులుగా.... ఆనాడు... అందరం... తీవ్రంగా కలత చెందాం! ఉదయం... ఇంటినుంచి తీసుకెళ్లిన వ్యక్తిని సాయంత్రంకల్లా.... ‘ఖతం’ చేస్తున్న రోజులవి! అందుకే.... కొద్దో..... గొప్పో... సంఘాల మధ్య ఉన్న విభేదాలను సైతం పక్కనబెట్టాం! ... ఎలాగైనా మిమ్మల్ని కాపాడుకోవాలనే ఒకేఒక లక్ష్యంతో.... అందరం ఒక్కటైయ్యామ్! .... SP కార్యాలయంలో .... మిమ్మల్ని చూపించేదాకా.... అక్కడినుంచి... కదిలే ప్రసక్తే లేదని తెగేసి చెప్పాం! గంటల తరబడి పోలీసు అధికారులతో వాదనకు దిగి.... ఆందోళన చేసాం... రాష్ట్ర మంత్రి ఒకరికి పరిస్థితి తీవ్రతను వివరించి.... జోక్యం చేసుకొని... ప్రాణాలను కాపాడాలని కోరాం! అయితే... అప్పటికే “ఆపరేషన్” పూర్తి అయిపోయిందని చెప్తే... అక్కడున్న ఉపాధ్యాయ ప్రతినిధుల గుండెలు పగిలాయి. శక్తిని కూడదీసుకొని... రఘు భయ్యాని... చూపించేదాకా అక్కణ్ణుంచి కదలమని భీష్మించుకుని కూర్చుంటే..... మేం తీసుకనేరాలేదని.... పోలీసు అధికారులు మాట మార్చి చెప్పిన విషయం.... బయటికి పొక్కి.... ఉమ్మడి కరీంనగర్ జిల్లాలోని ఉపాధ్యాయలోకం.... తల్లడిల్లిపోయింది. ఒక్కటై.... మొత్తుకున్నది. రఘు భయ్యాకు “అలా” జరగకూడదని .... మిమ్మల్ని మళ్ళీ చూడాలని... క్షణమొక యుగంలా గడిపింది. మీరు క్షేమంగా తిరిగి రావాలని ముక్తకంఠంతో కోరుకున్నది. అదీ.... మీరంటే ఉపాధ్యాయులకున్న ప్రేమ! ఒక మనిషికి అంతకంటే ఇంకేం కావాలి భయ్యా...!? ఉపాధ్యాయ సంఘాల ప్రతినిధులం అందరం .... అర్థరాత్రి SP కార్యాలయం నుంచి.... ఆనాడు మిమ్మల్ని... బయటికి తీసుకొని వస్తుంటే.....ఇటు SP ఆఫీస్ ముందు....అటు మీ ఇంటిదగ్గర ....మీకోసం... పలువురు టీచర్లు ... ఆత్మీయులు, బంధుమిత్రులు... ఉత్కంఠగా... ఎదిరిచూసిన ... ఉద్విగ్నక్షణాలు... నాకింకా గుర్తే! అంతటి అవ్యాజమైన ప్రేమ ఎంతమందికి దొరుకుతుంది?

సుదీర్ఘకాలం ఉపాధ్యాయుడిగా.... ఉపాధ్యాయ ప్రతినిధిగా పనిచేసి... సిద్దిపేట జిల్లా, బెజ్జంకి మండలం, ZPHS తోటపల్లిలో ఈరోజు రిటైర్ అవుతున్న మీకు వ్యక్తిగతంగా నా పక్షాన, TRTF జిల్లా శాఖ పక్షాన మరోసారి అభినందనలు తెలియజేస్తున్నా! కుటుంబ బాధ్యతలన్నిటిని ఇప్పటికే సంపూర్ణంగా పూర్తిచేసి... హ్యాపీగా రిటైర్ అవుతున్న మీరు..... మీ భావిజీవితంలో కూడా సమాజ శ్రేయస్సు కోసం... పనిచేయాలని ఆకాంక్షిస్తూ.... చేస్తారని విశ్వసిస్తూ... ! 💐💐💐
-ఎం.ప్రతాపరెడ్డి.

ఉద్యమాల ఉపాధ్యాయుడి ఉద్యోగ విరమణ

ఛానెళ్లూ, పత్రికలు మహాకవి శ్రీశ్రీ అన్నట్లు
పెట్టుబడికీ, కట్టుకథకీ అక్రమంగా పుట్టిన
విషపుత్రికలైతే డబ్బుసంచుల కొమ్ముకాసే
గార్దభ పాత్రికేయమే పెల్లుబుకుతుంది.
నిరంతరం బ్రోకర్ బ్రోతల్ వ్యవహారాల దుర్గంధమే నలుదిశలా విరజిమ్ముతుంది.

ఒక సెమినార్లో 50 మంది కూర్చుని వేదిక మీద ప్రసంగం చేస్తున్న స్పీకర్ మాటలను శ్రద్ధగా వింటున్నారు. కొద్ది సేపు తరువాత స్పీకర్ తన ప్రసంగాన్ని ఆపి అందరికి ఒక్కొక్కరికి ఒక్కొక్క బెలూన్ ఇచ్చి దాని మీద ఎవరి పేరు వారు రాయండి అని చెప్పాడు. అందరు అలా చేసారు.తరువాత సెమినార్ జరుగుతున్న గదికి పక్కన ఉన్న మరొక గదిలోకి వెళ్లి ఒక మూలన అన్ని బెలూన్లు పెట్టి రండని అన్నాడు.....

వాళ్ళు అలాగే చేసి మొదటి గదిలోకి వచ్చి తమ తమ సీట్లల్లో కూర్చున్నారు. ఈ సారి అందరు వెళ్లి మీ మీ బెలూన్ లు వెంటనే పోయి తెచ్చుకొమ్మని స్పీకర్ చెప్పాడు. అందరు వెంటనే లేచి బెల్లూన్లు ఉన్న గదిలోకి వెళ్లి వాళ్ళ పేర్లున్న బెలూన్ల కోసం వెతకసాగారు.. అందరు ఒకేసారి వచ్చి గోల ,గోల చేస్తూ నాకే ముందు దొరకాలని ఉద్దేశ్యంతో వెతకటం వళ్ళ ఎవ్వరికి వాళ్ళ వాళ్ళ పేర్లున్న బెలూన్లు దొరకలేదు, ఒకరివి మరొకరికి వచ్చాయి.....

తరువాత స్పీకర్ వచ్చి చుస్తే ఎవ్వరికి వారి పేర్లు ఉన్న బెలూన్ దొరకలేదు, అందరు బలూన్లు అక్కడే ఉంచి వెనుకకు రమ్మని చెప్పగానే అందరు అలా చేసారు. ఈ సారి స్పీకర్ వారందరిని కొద్ది సేపు తీక్షణంగా చూసి మీరు మరొకసారి ప్రయత్నించండి కాకపోతే ఈ సారి ఎవరికైతే బెలూన్ దొరుకుతుందో అది వారి చేతులోకి తీసుకొని దాని మీద ఉన్న పేరు చెప్పండి వాళ్ళు వచ్చి ఆ బెలూన్ తీసుకుంటారు, అలాగే అందరు చెయ్యండి దొరుకుతుంది అని చెప్పి మళ్ళి ఆ గదిలోకి పంపించాడు...

ఈ సారి ఎవ్వరు ఏమ మాట్లాడకుండా పోయి బెలూన్ పట్టుకుని స్పీకర్ చెప్పినట్టు చేసారు...
2 నిమిషాల్లో పని అయిపోయి అందరు వాళ్ళ బెలూన్లు చేతులో పట్టుకుని గది నుండి బయటకు వచ్చారు...

ఇదంతా చూసిన స్పీకర్ గంభీరమైన స్వరం తో ఇలా అన్నాడు:-

"సరిగ్గా ఇలాంటివే మన జీవితం లో కూడా జరుగుతున్నాయి .ఎవరికోసం వారే బ్రతుకుతున్నారు కానీ ఇతరులకు సహాయం చెయ్యాలని మీలో లేకుండా పోయింది కాబట్టే పిచ్చి పట్టిన వారి లాగ గదిలోకి వెళ్ళితే దొరకలేదు కానీ ఇతరులకు సహాయం చేస్తే నీకు అదే సహాయం దొరికింది. మీరు ఇతరులకు సహాయపడి వారికి సంతోషాన్ని ఇవ్వగలిగితే మీరు అడగకుండానే మీకు కూడా సహాయం దొరుకుతుంది".