Ismart Maths Karimnagar

Try These

20% Discount on Learn 100+ Maths Skills

ఒక వ్యక్తి మోసగాడని మీకు తెలుసు .
వాడితో సంభంధం కుదుర్చుకోవడానికి మీరు ఇష్టపడుతారా ?
{ ఉదాహరణకు మీ ఇంటి అమ్మాయిని .. మీ వయసు బట్టి మీ చెల్లి / అక్క / కూతురు } వాడికిచ్చి పెళ్లి చెయ్యడం } .

లేదు కదా !
వాడెంత ఆస్తిపరుడైనా.. మీరు ఒప్పుకోరు .

కారణం .."
. వాడు మోసగాడు .
మనల్ని { అంటే మీరు , మీ కుటుంబం , మీ ఇంటి అమ్మాయి } కూడా మోసం చేస్తాడు.. అని అనుకొంటారు .
దూరం జరిగిపోతారు .
కదా ?

సమాజం కూడా వ్యక్తి లాంటిదే .
వ్యక్తుల సమూహమే కదా ... సమాజం అంటే .

సమాజం తన మనుగడ కోసం మోసగాళ్లను , నేరస్థులను సహించదు . శిక్షిస్తుంది . వెలివేస్తుంది .

అడ్డదారిలో పైకి రావడం కష్టమా ?సులభమా ?

సాధారణంకంటే కాస్త ఎక్కువ తేలితేటలు , కష్టించే తత్త్వం , కాస్త లక్ ఉంటే ఐఏఎస్ కొట్టేయొచ్చు .
రాచ మార్గంలో పైకి రావడం పెద్ద కష్టమేమి కాదు .
శ్రమ.. ఓపిక.. కష్టించే తత్త్వం ఉంటే చాలు .

అడ్డదారుల్లో పైకి రావడం చాలా సులభం .
కానీ అది ఎక్కువ కాలం నిలవదు .
కేసుల్లో ఇరుక్కొని లేదా క్రైమ్ వలయం లో చిక్కి త్వరలో అధోగతి పాలు కావడం ఖాయం .
చెంచల్ గూడా .. చర్లపల్లి.. రాజముండ్రి జైలు గోడలు వేలాది కథలు చెబుతాయి .
{ అవినీతి చేసి.. కేసులకు చిక్కకుండా ఇంతమంది దర్జాగా బతికేస్తున్నారు అని మీరు అనుకొంటున్నారు కదా ? చిక్కి జైలుకు పోవడం ఒక విధంగా బెటర్ . టెన్షన్స్ తో ఒళ్ళు రోగాల పుట్టగా మారి .. బినామీ బంధువుల చేతికి చిక్కి లేదా అడ్డగోలు సంపాదనతో పిల్లలు అడ్డదారులు తొక్కితే యాభై అరవై వయసులో నరకాన్ని అనుభవిస్తున్న వారెందరో . సైడ్ ఎఫెక్ట్స్ ను మరిస్తే ఎలాగండీ ?}

అడ్డదారుల్లో పైకొచ్చి అక్కడ నిలదొక్కుకోవడం చాలా కష్టం .
అసాధారణ తెలివితేటలున్న వారికే అది సాధ్యం .
దావూద్ ఇబ్రహీం , చార్లెస్ శోభరాజ్ , వీరప్పన్ , భింద్రన్వాలే, హర్షద్ మెహతా .. ఇలా ఎన్ని ఉదహారణలు అయినా చెప్పొచ్చు .

అడవిలో పుట్టి పెరిగి , చేతిలో డబ్బు వ్యవస్థలు ఏమీ లేకుండా తానే ఒక వ్యవస్థగా ఎదిగి రెండు రాష్ట్రాల పోలీస్ ను , అటవీ అధికారులను అనేక సంవత్సరాల పాటు ముప్పు తిప్పలు పెట్టడం సినిమా రచయితల ఊహకు కూడా అందని ఒక ఫాంటసీ .
నిజమయిన ఆ సినిమా ప్రియుల ఫాంటసి వీరప్పన్ .
ఆర్మీ , పోలీస్ ఫారెస్ట్ డిపార్ట్మెంట్ లో చేరుంటే అతని స్థాయి ఎలా ఉండేది ?
బహుశా గిల్, దోవల్, ఉమేష్ చంద్ర లాంటి పోలీస్ ఆఫీసర్ ల కంటే మించి పేరు ప్రఖ్యాతులు సంపాదించివుండేవాడు .
కానీ వీరప్పన్ బతుకు ఎలా ముగిసింది ?
కారణం సంఘవ్యతిరేక దారి .

హర్షద్ మెహతా .. ఆ మాటకొస్తే ఆర్థిక మోసాలు చేసేవారందరూ తెలివైన వారే ! ఒక వ్యక్తిని బురిడీ కొట్టించాలి అంటే ఎంతో కష్టం . అలాంటిది వేల మందిని బురిడీ కొట్టించడం , వ్యవస్థల్లో లోపాలతో సిరిని కూడా బెట్టడం అంటే మహా టెలివితేటలు కావాలి .
హర్షద్ మెహతా ది ఒక స్థాయి .

చార్లెస్ శోభరాజ్ ది ఇంకో స్థాయి .
వీడో బికినీ కిల్లర్ . అందమయిన అమ్మాయిలను ట్రాప్ చెయ్యడం డబ్బులు గుంజడం చంపడం , జైలు నుంచి తప్పించుకోవడం .. ఇవన్నీ మాటలా? ఎంత తెలివితేటలుండాలి ?
హర్షద్ మెహతా కృత్రిమంగా ఒక షేర్ ధర పెంచుతాడు . అబ్బో ఇందులో గ్రోత్ ఉందని మీరు కొంటారు . బాగా రేట్ వచ్చాక వాడు దాన్ని అమ్మేస్తాడు . ఆ పై ఆ షేర్ ధర పాతాళంలోకి . మీ డబ్బు ఆవిరి .

మీ డబ్బును వాడు ఆలా కొట్టేసాడన్న మాట .
తెలివంటే .. ఉండదా అండీ ?
బస్సు స్టాండ్ లో.. రైల్వే స్టేషన్ పర్సు కొట్టేసేవాడికి లేవా?
మీరు ట్రై చెయ్యండి . ఒక్క నిముషంలో దొరికి తన్నులు తింటారు .
వాడికి అందులో ఎన్ని మెళుకువలు ? శిక్షణ ? "పర్సు అజాగ్రత్తగా పెట్టుకోవడం మీ తప్పు .. వాడు తేలితేటలు వాడాడు " అంటే ఎలా ఉంటుంది ?

కన్ఫ్యూజ్ కావొద్దు .
వీరప్పన్ వల్ల వందలాది ఏనుగులు మరణించాయి . అపార అటవీ సంపద నాశనం అయ్యింది .
హర్షద్ మెహతా వల్ల మునిగిన వారెందరో !

సినిమా మధ్యలో ఆపెయ్యొద్దు .

అడ్డ దారి హీరో ల సినిమా లు ఇంటర్వెల్ కు ఒకలా ఉంటాయి .
ఆ రోజుల్లో యువకుల కాశ్మీరీ ఆపిల్ రామ్ తేరి గంగా మైలి మందాకినీ .
ఆడి కన్ను పడింది .
ఎత్తుకు పోయాడు .
ఆమెనేనా ?
ఎంత మందినో !
అక్బర్... జహంగీర్ ఆస్థానంలో కంటే వాడి దుబాయ్ డెన్స్ లో ఎక్కువ బ్యూటీస్ వుంటారు . అనుభవించాడు .
నిజమే .

మీరు ఆడి సినిమా దుబాయ్ సీన్ తో ఆపేస్తే ఎలా ?
ఇంటర్వెల్ తరువాత సీన్ కరాచీ కి షిఫ్ట్ అయ్యింది
కరాచీ సందుల్లో .. రోగాల శరీరం తో నక్కి నక్కి బతుకుతున్నాడు .
వీరప్పన్ లాగే కుక్క చావు గ్యారెంటీ .

ఐదేళ్లు యూరోపియన్ బికినీ బ్యూటీ లు.. ఇప్పుడు ఇరవై ఏళ్లుగా నేపాల్ జైలు ..

పోలా? .. పోలా?... లెక్క సరిపోలా!

లైఫ్ ప్రతోడి లెక్క సెటిల్ చేస్తుంది .

హిందువులు దీన్నే కర్మ అన్నారు .
గ్రీకులు కాస్మిక్ రెట్రిబ్యూషన్ అన్నారు .
దేవుడ్ని నమ్మని వారు మోరల్ డెటెర్మినిజం అన్నారు .
పేర్ల గోల ఎందుకు లెద్దు.

ఇది నిజం నిజం నిజం .

చచ్చిన ఫరవాలేదు.. ఒక్క రోజు అనుభవించి పోవాలి అనుకోవడం .. యూట్యూబ్ తెలివి .

1. కష్టాన్ని నమ్ముకొంటాను .

2. స్మార్ట్ వర్క్ చేస్తాను .

3. నా ఆదాయానికి తగ్గట్టు ఖర్చులు ఉండేలా చూసుకొంటాను .

4. అనవసర ఆడంబరాలకు పోను .

5 అవతలి వారితో పోల్చుకోను . పోల్చుకున్నా కేవలం పాజిటివ్ విషయాల్లో .. స్ఫూర్తి దాయకంగా ఉండేదుకే .

6 సంతోషంగా ఉండాలంటే డబ్బు అవసరం . దాన్ని చట్టబద్ధమయిన మార్గం లో సంపాదిస్తాను .

7 కేవలం డబ్బే సంతోషం కాదు . డబ్బు కు బానిస కాను . స్టేటస్ కు బానిస కాను . కుటుంబం , ఆత్మీయత అనురాగం , బంధుత్వం స్నేహం హాబీ ఇలా లైఫ్ కు ఎన్నో కోణాలు . 360 డిగ్రీస్ లైఫ్ అనుభవిస్తాను .

8 మంచితనం అంటే చేతకాని తనం కాదు . దీని సిలబస్ వేరు . దాని సిలబస్ వేరు . నేను కన్ఫ్యూజ్ కాను . జనాల్ని కన్ఫ్యూజ్ చెయ్యను .

కావాలి ఇదే మీ ఎజెండా .. ముఖ్యంగా ఇరవై ముప్పై లో ఉన్న యూత్ కు ..

శుభోదయం .

Facebook post by
Amarnath Vasireddy

🎇 *మీకు మీ కుటుంబ సభ్యులకు దీపావళి శుభాకాంక్షలు* 🎆
🌟 *20% Discount on course* 🥳
👩‍🎓 *Learn 100+ Maths Skills course*
https://youtu.be/jL1Kbj3QRnY
🔹 ఈ వీడియో లో మేము అందిస్తున్న అన్ని కోర్సుల వివరాలు ఉన్నాయి.
వీడియో పూర్తిగా చుసినతరువాత మీకు ఎలాంటి సందేహాలు ఉన్న మీరు ఫోన్ కాల్ చేయవచ్చు.
📌 Watch this👆🏻 above video then,
*You can call for further guidance.*
📲 072074 39500

సైబర్ ఫ్రాడ్ కాల్స్ వస్తున్నాయి కదా ?

ఆ నెంబర్ కి తిరిగీ కాల్ చెయ్యండి .
నెంబర్ పని చేయదు .
అంటే వారు మనకి కాల్ చెయ్యొచ్చు .
కానీ తిరిగీ మనం ఆ నెంబర్ కు కాల్ చేయలేము .

ఇది ఎలా సాధ్యం ?
చాలా సార్లు ఎవరో నెంబర్ తో మనకు కాల్ చేస్తారు .
ఉదారణకు ఎక్కడో రాజస్థాన్ లో కూర్చున్న సైబర్ నేరస్తుడు మీ నెంబర్ తో నాకు కాల్ చెయ్యొచ్చు . నేను తిరిగీ కాల్ చేస్తే .. "అయ్యో నేను చేయలేదు" అని మీరంటారు .

ఇదే పద్దతిలో మన నెంబర్ ను వుపయోగించి ... విమానానికో, రైలుకో బాంబు బెదిరింపు కాల్ చేస్తే ? పోలీస్ స్టేషన్ చుట్టూ మనం తిరగాలి.

కరోనా తరువాత .. ప్రభుత్వాలు ఆన్లైన్ చెల్లింపులను ప్రోత్సహించాయి .
కరోనా ప్రవేశ పెట్టిన లక్షాల్లో ఇదొకటి అంటే మీరు నమ్మరు .
సరే... ఆన్లైన్ చెల్లింపుల వల్ల ప్రభుత్వాలకు టాక్స్ రాబడి పెరిగింది .
జనాలకు చెల్లింపులు సులభ తరం అయ్యాయి .
అక్కడి దాక బాగానే వుంది .
మరి ఫ్రాడ్ల సంగతి ?

ఒకప్పుడైతే నైజీరియా అనే ఆఫ్రికా దేశం . ఇప్పుడు కంబోడియా లాంటి అనేక దేశాలకు ఈ సైబర్ నేరాలు పెద్ద ఆదాయ వనరుగా మారాయి .
కొన్ని వేలమంది భారతీయ యువతీ యువకుల్ని ఉద్యోగాల పేరుతొ వలవేసి బానిసలుగా మార్చి ఈ సైబర్ నేరాలు చేయిస్తున్నారు .
నియంత్రణ వ్యవస్థలు నిద్దరోతున్నాయి .

ఇక్కడి ప్రభుత్వాలు దీని గురించి పెద్దగా ఎలాంటి చర్యలు చేపట్టవు.
లక్షల కోట్ల సంపద ఆన్లైన్ నేరాలు , ఆన్లైన్ గ్యాంబ్లింగ్ వల్ల తరలి పోతోంది .
ఈ వ్యాపారం లో కూడా చైనా వాడు ముందున్నాడు .
వాడి ముందు చూపు ఒక లెవెల్లో ఉంటుంది

ఇది ఇలా ఉంటే కొంతమంది స్టార్ ఆసుపత్రుల.. బంట్రోతులు .. అవునండీ వీరిని గతం లో డాక్టర్ లు అనేవారు . ఇప్పుడు డాక్టర్ లు తగ్గిపోయారు . అందరూ ప్రైవేట్ ఆసుపత్రుల ఉద్యోగులు అని సాక్షాత్తూ మెడికల్ కౌన్సిల్ అఫ్ ఇండియా అధ్యక్షుడే చెప్పాడు .
ఉద్యోగులు అనడం కంటే బంట్రోతులు అనడమే బాగుంటుంది అని నా మాట .

ఈ బంట్రోతులు కొంతమంది పిల్లల మొబైల్ వ్యసనం గురించి మాట్లాడుతూ స్క్రీన్ టైం పై నియంత్రణ ఉండాలి అని మీడియా కు చెబుతున్నారు .

ఎట్టెట్టా ? స్క్రీన్ టైం పై నియంత్రణ ఉండాలా? 18 ఏళ్ళు లోపు వారు మద్యం తాగకూడదు అని నిబంధన .
అంతే కానీ ఏదో ఓక్ పెగ్గో 90 మిల్లి కో నియంత్రణ ఉండాలి అని చెప్పలేదుగా ?
ఎందుకు .

మెడికల్ పుస్తకాల్లో చదవలేదా?
లేక... ప్రైవేట్ ఆసుపత్రుల కమిషన్ మత్తు లో మరచితిరా ?
పిల్లల్లో ప్రీ ఫ్రంటల్ కార్టెక్స్ అభివృద్ధి చెందివుండదు . దాని వల్ల ఒక దానికి అలవాటు అయితే వదలలేరు .
స్వీయ నియంత్రణ ఉండదు .

పిల్లలకు సెల్ ఫోన్ ఇవ్వొద్దు అని చెప్పాలి .
కానీ మీరు చెప్పరు.
ప్రభుత్వాలు పట్టించుకోవు .

ఎందుకంటే నిజంగా పిల్లలందరూ సెల్ ఫోన్ వాడడం మానేస్తే సెల్ ఫోన్ అమ్మకాలు... డేటా బిజినెస్ .. ఆన్లైన్ బెట్టింగ్ లాంటివి ఇప్పుడున్నదానిలో... ఇరవై శాతానికి పడిపోతాయి .
కాబట్టి మీరు నిజాలు చెప్పరు .
సన్నాయి నొక్కులు... నొక్కుతూనే వుంటారు .

ఇంకో విషయం . స్కూల్ లో తోటి పిల్లలు, ఏమి చేస్తే మన పిల్లలలు కూడా అదే చేస్తారు .
స్కూల్ లో తోటి పిలల్లు" ఆ గేమ్ .. ఈ పోర్న్ వీడియో" అని డిస్కస్ చేస్తుంటే... మనింటి బంగారం ఊరకుండదు .

స్కూల్ స్థాయిలో సెల్ ఫోన్ నిషేధించాలి .
కళ్లుండి చూడలేని వారికి మా స్కూల్ కు ఆహ్వానం .
నూటికి తొంబై తొమ్మిది పాయింట్ తొమ్మిది శాతం విజయం సాధించాము .
ఆ మిగతా ఒకటి రెండు కేసులు - తల్లితండ్రులు మాకు తెలియకుండా పిలల్లకు సెల్ ఫోన్ లిస్తున్నారు .
వెదికి పట్టి నిరాదాక్షిణ్యంగా టీసీ లు ఇచ్చేస్తాము .

వివాహ పూర్వ లైంగిక సంబంధాలు , బహుళ లైంగిక సంబంధాలు , ధూమపానం , మధ్య పానం , నీలి చిత్రాల వీక్షణ , డ్రగ్స్ , గంజాయి , హింస , బలాత్కారం , శాడిజం , గ్యాంబ్లింగ్ , బుల్లియింగ్ , చిరాకు , అసహనం , నిద్రలేమి , ఏకాగ్రత లోపం , చదువు చట్టుబండలు కావడం ..{ అన్నట్టు ఒక దిక్కు మాలిన ప్రభుత్వం పాస్ మార్కు లు 35 నుంచి ఇరవై కి తగ్గించేసింది . ఎదవ మొగమాటం కాకపోతే .. మీరు .. ఇరవై ఎందుకు ? ఇక పై ప్రతి ఏటా కరోనా పాస్ .. మీరు స్కూల్ లో ఇంట్లో మైబైల్ లో గేములు ఆడుతూ వయసుకు మించి పనులు చేస్తూ బతకండి అని చెప్పొచ్చుగా .. }.... ఇదండీ .. నేటి బడుల లోకం .

ఆవులు .. ఎడ్లు... చేలో మేస్తుంటే దూడలు గట్టునే ఎలా మేస్తాయి ?
అమ్మ నాన్న మొబైల్ బానిసలు.
ఒక పక్క స్టార్ ఆసుపత్రులను... మరో పక్క ఇంటర్నేషనల్ బడులను కొనుగోలు చేస్తున్న విదేశీ కంపెనీ లు .
వారికి కావలసింది వ్యాపారం . ప్రతి ఒక్కడి రక్తం పీల్చేస్తున్నారు .

ఉచిత ఆరోగ్య పరీక్షలు- స్టార్ ఆసుపత్రులు ,
ఉచిత టాలెంట్ టెస్ట్ లు - విద్యా సంస్థలు .
బకరాలను పట్టడానికి వేసే గాలాలు.

చూస్తూ వుండండి . జనవరి లోగా లక్షల మంది పడుతారు.
మా వాడి మెరిట్ కు మెచ్చి ఫిట్టింగ్ జీ వాడు డెబ్భై శాతం ఫీజు తగ్గించారు అని మురిసిపోతారు .
నాలుగు రెట్లు పెంచి కొంత తగ్గించడం అనే మర్మం .. ఫ్రీగా వస్తే ఫినాయిల్ తాగడానికి సిద్ధమయి పోయే ఈ వెర్రి బ్యాచ్ కు అర్థం కాదు .

అదండీ నేటి లోకం . దోచుకున్నోడికి దోచుకొన్నంత .
సైబర్ ఫ్రాడ్ .. రీల్స్ చెయ్యడం .. స్టార్ ఆసుపత్రులకు ఇంటర్నేషనల్ స్కూల్స్ కు అడ్మిషన్స్ తెచ్చిపెట్టడం.. గంజాయి డ్రగ్స్ స్మగ్గ్లింగ్ .. నీలి చిత్రాల్లో నటించడం .. నేటి పెద్ద పెద్ద స్వయం ఉపాధి పధకాలు
శుభోదయం

Facebook post by
Amarnath Vasireddy

“ ఆంధ్ర ప్రదేశ్ లో నెంబర్ -1 స్కూల్ “
ఈ అవార్డు ను అవార్డులు అమ్ముకొనే ఒక సంస్థ మూడు స్కూల్స్ కు .. అదీ ఒకే టౌన్ కు చెందిన మూడు స్కూల్స్ కు అమ్మింది.
ఎట్టెట్టా ?
మూడు నెంబర్ వన్ స్కూల్స్ ?
అదీ ఒకే టౌన్ కు చెందినవి ?
మరీ ఇంత కక్కుర్తి ఏంట్రా ?
ఆ మూడు స్కూల్స్ వారు నీ అవార్డు ను ప్రచారం చేసుకొంటే జనాలకు నిజం తెలిసి పోదా ?
ఇంకో “ అవార్డు అమ్ము సంస్థ “ ఢిల్లీ కి చెందిన ఒక బడిని “ వోల్ ఇండియా నెంబర్ -1 “ గా ప్రకటించేసింది.
ఆ బడిలో నాలుగేళ్ళ క్రితం ఒక హై స్కూల్ విద్యార్ధి యూకేజీ పిల్లాడిని స్కూల్ టాయిలెట్ లో చంపేశాడు.
డబ్బులకు ఎంతైనా దిగజారు తారు.
ప్రతి స్కూల్ ను సర్వే చేసి ఏది మంచి ఏది చెడు చెప్పే వ్యవస్థే దేశం లో లేదు.
ప్రతి అవార్డు బోగస్.
దానికొక రేట్.
శుభోదయం

Facebook Post by
Amarnath Vasireddy

జాయినింగ్ ది డాట్స్
రీడింగ్ బిట్వీన్ ది లైన్స్
అంటారు.
కరోనా కాలం లో
ముందుగా నా అనుమానం తో మొదలయ్యింది.
అటుపై కొన్ని ఘటనల్ని జాగ్రత్త్తగా గమనిస్తే ఒక విషయం అర్థమయ్యింది.
అటుపై వరుసగా ఎన్నో ఘటనలు నా అనుమానాలను బలపరిచాయి.
“ స్కూల్ తెరిస్తే పిల్లలు చస్తారు “ అని ప్రచారం.
“ పిల్లలకు ఏమీ కాదు “ అని చివరకు ప్రపంచ ఆరోగ్య సంస్థ చెప్పినా దానికి ప్రచారం రాదు.
ఎక్కడైనా ఒక అధికారి “ విద్యా సంస్థలు తెరవాలి “ అని ఆలోచిస్తే వెంటనే సర్వే లు వచ్చేస్తాయి.
“ ఎనభై శాతం పేరెంట్స్ వద్దంటున్నారు “ అని.
నాకున్న పరిచయాల తో కూపీ లాగితే అది ఉత్తుత్తి సర్వే అని దాని వెనుక ఒక పెద్ద ఏడూ టెక్ సంస్థ ఉందని తేలింది.
అటుపై ఒకటి ఒకటి.
ఇన్నాళ్లకు సినిమా గా వచ్చింది.
సరే సినిమా కదా.
డ్రామా ఎలిమెంట్ వుంటుంది.
నిజం చెప్పాలంటే సినిమా లో చూపింది గోరంత.
రెండేళ్లు .. పిల్లల్ని పాఠశాలకు దూరం చేసి .. ప్రభుత్వాల పై ఒత్తిడి తెచ్చి .. పేరెంట్స్ ను కన్ఫ్యూజ్ చేసి .. చాలా పాపం మూట కట్టుకున్నాడు. దివాళా తీసాడు.
అప్పుడే అయిపోలేదు.
ఇప్పుడే రజని కాంత్ సినిమా చూసి బయటకు వచ్చా.
బాగుంది.
తమిళ పేరు తెలుగు లో కొనసాగించడం నచ్చ లేదు.

చాలా ఏళ్ళ తరువాత... నిన్న ఒకే రోజు.. రెండు సినిమాలు చూసా . పొద్దున్న - వెట్టయ్యన్ .
మధ్యాహ్నం - జనక అయితే కనుక .
“ జనక అయితే కనుక “ లో పిల్లని పెంచడం లో మధ్య తరగతి కుటుంబాలు ఎదుర్కొనే ఆర్థిక కష్టాలు చూపారు .
స్కూల్ ఫీజుల దోపిడీ నిజం .
అత్యధిక శాతం పాఠశాలలు ... నియమాల్ని పాటించకపోవడం నిజం .
సమస్య కు మరో కోణం .
నేటి తరం పేరెంట్స్ లో ఒక స్పష్టమయిన ట్రెండ్ కనిపిస్తోంది .
👉ఫీజు ఎంత ఎక్కువుంటే స్కూల్, అంత గొప్పదని అనుకొంటున్నారు .
👉తమ తాహతుకు మించిన పాఠశాలలో పిల్లలని చేర్పిస్తున్నారు .
👉తమ పిల్లలు చదివే స్కూల్ తమ స్టేటస్ సింబల్ అని భావిస్తున్నారు .
👉” ఇరవై ఎకరాల స్థలం .. గుర్రపు స్వారీ .. ఫెన్సింగ్ , ఆర్చరీ , గోల్ఫ్, , బబుల్ సాకర్ , జుగర్ , కానోయింగ్, అండర్ వాటర్ హాకీ “ .. అనే ప్రకటనలు చూసి మురిసి పోయి చేర్పిస్తున్నారు .
ఇందులో పిల్లలు ఆడేదెంత ?
నేర్చుకొనేదేంత ??
అని ఆలోచించడం లేదు.
👉వేలం వెర్రి .
“ పక్కింటావిడ తన కొడుకును... సంవత్సరానికి పది లక్షల ఫీజు... ఇంటర్నేషనల్... సీఈబీఎస్సీ స్కూల్ లో చేర్పించనప్పటినుంచి భూమిపై నిలబడడం లేదు . మన పిల్లాడ్ని... కనీసం పదహైదు లక్షల ఫీజు స్కూల్ లో చేర్పించాలి . వచ్చే వారం కిట్టి పార్టీ లో ఆమె పొగరణచాలి అంతే “
. భర్త ఒప్పుకొనేదాకా పగలు రాత్రి పస్తులు పడుకోపెట్టేస్తుంది.
వినక చస్తాడా?
వినక పొతే చస్తాడు !!
"పేరు గొప్ప" పాటశాలలో చేరిస్తే పిలల్లు కూడా అలాగే తయారవుతున్నారు . "మా ఫ్రెండ్స్ దసరా కు సింగపూర్ వెళ్లారు .. మనం జపాన్ పోదాం" . " వాళ్ళ కారు ఇది .. ఐ ఫోన్ ఇది .. మనకేది? .. ఇలా మొదలవుతుంది ....
అంతం కాదది ..
... డాంభికాల గాలిబుడగ జీవితానికి ఆరంభం .
ఉమ్మడి కుటుంబ వ్యవస్థ కనుమరుగు కావడం తో... ఆధునిక గృహిణి పని భారం పెరిగిన మాట నిజం .
పురుష పుంగవులు ఇంకా గుమ్మడి కాలంలోనే ఉండి పోతున్న మాట నిజం .
భర్తతో పాటు ఆఫీసుకు వెళ్లి వచ్చిన, ఆధునిక గృహిణి... ఆయన గారు కాలుపై కాలువేసుకొని సోఫా లో కూర్చుంటే... ఇంటి పని... వంట పని... పిల్లల పని ... చెయ్యలేక సతమతమవుతున్న మాట నిజం .
అదే సమయం లో పిల్లలకు ఏడాది వయసులోనే సెల్ ఫోన్ అలవాటు చేసి .. " అయ్యో! నేనేమి చేసేది? .. సెల్ ఫోన్ లేకుంటే వాడు అన్నం తినడు! .. అరిచి గోల చేస్తాడు!! అని తెలుగు టీవీ డైలీ సీరియల్స్ స్థాయిలో శోకాలు ఒలకబోస్తున్నది కూడా నిజం .
ఏ పాఠశాలలో చేర్పించావు అనేది .. ఇప్పుడు కేవలం తల్లితండ్రి బిల్డ్ అప్ కోసమే . "ఏ రాయియతేనేమి పళ్లూడ గొట్టు కోవడానికి ?అన్నట్టు .వీడియో . గేములు .. పాలపళ్ళు... ఊడక ముందే నీలి చిత్రాలు , పట్టరాని కోపం .. అసహనం , చిరాకు నిద్రలేమి .. ఏకాగ్రత లోపం .. ఆరో ఏడు తరగతుల్లో నుంచి మొదలెట్టి టీన్ ఏజ్ ప్రేమలు .. ఇంకాస్త ముదిరి పాఠశాల ప్రాంగణం లోనే ముద్దులు .. హుక్కా పెన్స్ .. వోడ్కా .. గంజాయి .. బుల్లియింగ్ .. ఆన్లైన్ బెట్టింగ్ .. ఇదీ నేటి రేపటి పౌరుల లోకం .
గమనించరు.
చూసినా పట్టించుకోరు ..
పట్టించుకున్నా ఏమి చేయలేరు .
"ఈ కాలం పిల్లలు ఇంతేలే" అని సరిపెట్టుకొంటున్నారు .
2010 తరువాత పుట్టిన పిల్లల్ని ఆల్ఫా జెనరేషన్ అంటారు .
వీరి తల్లితండ్రులు ఆల్ఫా తరం పేరెంట్స్ .
వీరిలో తొంబై శాతం బిల్డ్ అప్ మనుషులు .
ఎవడైనా పిచ్చోడు వద్దురా బాబు .. కరోనా వాక్ సీన్ ... విషంతో సమానం అని చెబితే "... " అందరూ వేసుకొంటున్నారు . తప్పేముంది? " అని లైన్ లో నిలుచుని... సూది మందు గుచ్చుకొని ... ఫేస్బుక్ ఇంస్టాగ్రామ్ లో ఫోటో లు పెట్టి మురిసి... ఇప్పుడు రకరకాల సైడ్ రియాక్షన్స్ బాధపడుతున్నట్టే ...
" సెల్ ఫోన్ వద్దు .. స్కూల్ లో మిగతా పిల్లలు... ఫోన్ వాడుతుంటే మీరు మీ పిల్లల్ని నిలవరించలేరు . మీరు స్కూల్ లో పిల్లలకు ఫోన్ వల్ల కలిగే నష్టాల గురించి చెప్పండి . లేకుంటే మీ స్కూల్ నుంచి TC గ్యారెంటీ అని చెప్పండి . దెబ్బకు దిగొస్తారు"... అని నాలాంటి వాళ్ళు చెబుతుంటే ..
.. " మా స్కూల్ లో పిల్లలకు సెల్ ఫోన్ ద్వారా హోమ్ వర్క్ ఇస్తారు .. ఇంటికొచ్చాక వాడు గూగుల్ తో బిజీ .. ఇంకేముంది .. మరో రెండేళ్లకు బిళ్ళ గేట్ అయిపోతాడు" అని మురిసి పోయే మూర్కులు కోకొల్లలు .
లండన్ నుంచి హరి కృష్ణ " సార్ ! సాఫ్ట్ వెర్ లో ఉన్న మా ఫ్రెండ్స్ నలుగురితో మాట్లాడాను . అందరూ ఇంటర్నేషనల్ స్కూల్స్ . ఇంటికొచ్చాక సెల్ ఫోన్ తో కాలక్షేపం తప్పించి రూపాయ ప్రయోజనం లేదు ! చదువు చట్టుబండలయ్యింది " అని నలుగురూ ఏడుస్తున్నారు . దీని గురించి రాయండి సార్ " అని మెసేజ్ .
"చెబితే జనాలు వినేటట్టు అయితే ఇంకేముంది హరికృష్ణ గారు?" అని రిప్లై ఇచ్చాను .
జనాలు వినరు అంటే ఘటన గుర్తొచ్చింది .
మొన్న ఒక ఫంక్షన్ కు వెళ్ళాము .
మా పాత అపార్ట్మెంట్ కు చెందిన ఇరవై మంది దాకా అక్కడికి వచ్చారు .
మూడేళ్ళుగా వారిని కలవలేదు .
ఈ మూడేళ్ళలో అందరూ పదహైదు సంవత్సరాల వయసు పై బడ్డారు .
" అదేంటి అమర్నాథ్ గారు .. మూడేళ్ళుగా మమల్ని పూర్తిగా వదిలేసారు . వెనుక నుంచి చూసి మీరేనా ?లేక మీ అబ్బాయా ? అని చర్చించుకొంటున్నాము " అని వాళ్ళు మాట్లాడతుంటే ...
.. కరోనా కాలం లో అపార్ట్మెంట్ వాట్సాప్ గ్రూప్ లో "ఎండ .. డి విటమిన్... బి 12 విటమిన్ .. వాక్ సీన్ వద్దు " అని ఎన్నో సార్లు నేను పెట్టిన పోస్టులు ..దాన్ని వారి పట్టించుకోని వైనం .. అన్నీ గుర్తొచ్చాయి .
విషయం తెలియదు .
అవతలి వాడు చెప్పేది మంచో చెడో తెలుసుకోలేరు ..
ఇదే నేటి ప్రపంచం .
కంప్యూటర్ మొరాయించింది . ప్రతి సారికి హ్యాంగ్ అయ్యింది . పోస్ట్ చేసింది సేవ్ కాదు . పది సార్లు ఎడిట్ చెయ్యాల్సి వచ్చింది

Facebook post by
Amarnath Vasireddy

👉🏻 To get this on WhatsApp click the link https://wa.me/917207439500?text=study_material