05/08/2026
#23वर्षे... बुद्धिमत्तेच्या जागतिक प्रवासाची सुवर्णगाथा..!
काळाच्या प्रवाहात काही प्रवास केवळ वर्षांची नोंद ठेवत नाहीत. ते इतिहास घडवतात. काही स्वप्ने केवळ एका संस्थेपुरती मर्यादित राहत नाहीत, तर ती लाखो कुटुंबांच्या आशा, अपेक्षा आणि उज्ज्वल भविष्याचा आधार बनतात. SIP Abacus चा 23 वर्षांचा प्रवास हा अशाच एका ध्येयवेड्या स्वप्नाचा, अथक परिश्रमाचा आणि जागतिक यशाचा प्रेरणादायी इतिहास आहे.
सन 2003 मध्ये एका साध्या पण दूरदर्शी विचाराने सुरुवात झाली "प्रत्येक मुलामध्ये दडलेली बुद्धिमत्ता जागृत करायची." अंकांशी मैत्री करून मुलांच्या विचारांना दिशा द्यायची, त्यांच्या मनात आत्मविश्वासाची ज्योत प्रज्वलित करायची आणि शिक्षणाला आनंददायी अनुभव बनवायचा. आज तेच स्वप्न लाखो विद्यार्थ्यांच्या यशोगाथेत फुलताना दिसते. SIP Abacus म्हणजे केवळ गणित शिकवणारी संस्था नव्हे, ती मुलांच्या सर्वांगीण विकासाची जीवनशाळा आहे. एसआयपी अबॅकसच्या माध्यमातून मुलांना मानसिक गणित शिकवले जाते, पण त्याचबरोबर एकाग्रता, स्मरणशक्ती, तर्कशक्ती, निरीक्षण क्षमता, कल्पनाशक्ती आणि आत्मविश्वास यांचाही विकास घडवला जातो. येथे मुलांना फक्त अंक मोजायला शिकवले जात नाहीत, तर जीवनातील प्रत्येक आव्हानाकडे आत्मविश्वासाने पाहायला शिकवले जाते.
या अद्भुत प्रवासामागे एक प्रेरणादायी व्यक्तिमत्त्व उभे आहे. SIP Academy चे Founder & Managing Director, श्री. दिनेश व्हिक्टर सर त्यांनी केवळ एका शैक्षणिक संस्थेची स्थापना केली नाही, तर शिक्षणाला जागतिक दर्जाची नवी दिशा दिली. त्यांच्या दूरदृष्टीमुळे, नाविन्यपूर्ण विचारांमुळे आणि गुणवत्तेवरील अखंड विश्वासामुळे SIP Abacus ला आंतरराष्ट्रीय स्तरावर एक वेगळी, विश्वासार्ह आणि सन्मानाची ओळख मिळाली. आज ११ देशांमध्ये, हजारो फ्रँचायझी, हजारो प्रशिक्षित शिक्षक आणि लाखो विद्यार्थ्यांसह SIP Academy ज्ञानाचा दीप प्रज्वलित करत आहे. ही केवळ संस्थेची वाढ नाही, तर भारतीय शैक्षणिक संकल्पनेला जागतिक व्यासपीठावर मिळालेला मान आहे. प्रत्येक विद्यार्थ्याच्या यशामध्ये प्रत्येक पालकाच्या समाधानामध्ये आणि प्रत्येक शिक्षकाच्या समर्पणामध्ये श्री. दिनेश व्हिक्टर सर यांच्या विचारांची छाप स्पष्टपणे दिसून येते. त्यांच्या नेतृत्वाखाली SIP Academy ने शिक्षण क्षेत्रात गुणवत्ता, संशोधन, सातत्य आणि नवोपक्रम यांचे अनोखे उदाहरण निर्माण केले आहे. म्हणूनच आज SIP Abacus हे नाव केवळ एका अभ्यासक्रमाचे प्रतिनिधित्व करत नाही, तर विश्वास, गुणवत्ता आणि उत्कृष्टतेचे प्रतीक बनले आहे. आज SIP अकादमीच्या 23 व्या वर्धापनदिनानिमित्त, या अद्वितीय प्रवासाला मनःपूर्वक सलाम करतो. तसेच या यशामागील शिल्पकार श्री. दिनेश व्हिक्टर सर यांना वाढदिवसाच्या हार्दिक शुभेच्छा देतो. त्यांनी प्रज्वलित केलेला ज्ञानाचा दीप आज लाखो बालमनांना उजळवत आहे. आणि उद्याच्या सक्षम, आत्मविश्वासपूर्ण व बुद्धिमान पिढीची निर्मिती करत आहे. 23 वर्षे म्हणजे केवळ कालावधी नव्हे, ती लाखो स्वप्नांना मिळालेली दिशा आहे. ती विश्वासाची परंपरा आहे. ती ज्ञानाची अखंड ज्योत आहे. आणि ती जगभर उजळणाऱ्या बुद्धिमत्तेची प्रेरणादायी गाथा आहे. SIP अकादमीच्या 23 व्या वर्धापनदिनाच्या मनःपूर्वक शुभेच्छा..!
श्री. दिनेश व्हिक्टर (SIP Abacus Academy MD) सर यांना वाढदिवसाच्या हार्दिक शुभेच्छा..!
त्यांच्या दूरदृष्टीतून सुरू झालेली ही ज्ञानयात्रा अशीच जगभरातील लाखो विद्यार्थ्यांचे भविष्य उजळवत राहो, हीच सदिच्छा.
मोहित गावंडे
एसआयपी अबॅकस अकादमी कारंजा
