27/04/2021
രാജ്യത്ത് മേയ് മുതൽ 18 വയസ്സ് കഴിഞ്ഞ എല്ലാവർക്കും വാക്സിനേഷൻ ആരംഭിക്കുകയാണെന്ന വിവരം എല്ലാവരും അറിഞ്ഞു കാണുമല്ലോ. വാക്സിൻ സ്വീകരിച്ച ഒരു വ്യക്തിക്ക് ഏകദേശം ഒന്നിലധികം മാസക്കാലത്തേക്ക് രക്തദാനം സാധ്യമല്ല. കൂടാതെ കൊറോണ പകരുമെന്ന പേടിയാൽ ഇന്ന് രക്തം ദാനം ചെയ്യുന്നവരുടെ എണ്ണവും നന്നേ കുറവാണെന്ന് ആരോഗ്യരംഗത്തെ അധികൃതരും വ്യക്തമാക്കുന്നുണ്ട്. ഇക്കാരണത്താൽ തന്നെ നിലവിൽ ബ്ലഡ് ബാങ്കുകളിൽ രക്തം കുറവാണ്. എന്നിരിക്കെ തന്നെ രാജ്യത്തെ 18 കഴിഞ്ഞ എല്ലാവരും വാക്സിൻ സ്വീകരിച്ചുകഴിഞ്ഞാൽ പിന്നെ കുറച്ചു കാലത്തേക്ക് അവർക്കാർക്കും രക്തം ദാനം ചെയ്യാൻ കഴിയാതെ വരും. ഇത് ബ്ലഡ് ബാങ്കുകളിലും ആശുപത്രികളിലും ആവശ്യത്തിന് ബ്ലഡ് ഇല്ലാത്ത അവസ്ഥയിലേക്ക് നയിക്കാനും സാധ്യതയുണ്ട്.
ഇതിനൊരു പരിഹാരം എന്ന നിലയ്ക്കാണ് നാം ഏവരെയും സംഘടിപ്പിച്ചുകൊണ്ട് India Needs Blood എന്ന ക്യാമ്പയിൻ ആരംഭിക്കുന്നത്. ഇതിന്റെ ഭാഗമായി സോഷ്യൽ മീഡിയയിലെ നിങ്ങളുടെ ഇഷ്ട എഴുത്ത് പേജുകളും, ട്രോൾ പേജുകളും, Fan പേജുകളും, BGM പേജുകളും തുടങ്ങി എല്ലാവരും കൈ കോർക്കുകയാണ്. ദയവുചെയ്ത് നിങ്ങൾ ഓരോരുത്തരും ഇതിന്റെ ഭാഗമാവണമെന്ന് ആത്മാർത്ഥമായി അപേക്ഷിക്കുന്നു. അതിനായി ഈ പോസ്റ്റ് കാണുന്ന ഓരോരുത്തരും നിങ്ങളുടെ അക്കൗണ്ടുകളിലും ഇക്കാര്യം പോസ്റ്റ് ചെയ്ത് നിങ്ങളുടെ കൂട്ടുകാരെയും അറിയിക്കേണ്ടതുണ്ട്.
ഈ നിമിഷം മുതൽ 18 തികഞ്ഞ ഓരോരുത്തരും വാക്സിനേഷന് മുൻപായി രക്തം ദാനം ചെയ്യാൻ തയ്യാറാവുക. ഗവണ്മെന്റ് അംഗീകൃത ബ്ലഡ് ബാങ്കുകളിൽ രക്തം നൽകുക. രക്തം നൽകുന്ന ഒരു ഫോട്ടോയോ, വീഡിയോയോ എന്ന ഹാഷ്ടാഗ് ചേർത്ത് സോഷ്യൽ മീഡിയയിൽ പങ്കുവയ്ക്കുക. ഒരുപക്ഷെ അത് മറ്റൊരാളെ ബ്ലഡ് donate ചെയ്യാൻ പ്രേരിപ്പിക്കും.
ദയവുചെയ്ത് ഈ ക്യാമ്പയിനിന്റെ ഉദ്ദേശവും, നാടിന്റെ അവസ്ഥയും മനസിലാക്കി മുന്നോട്ട് വരിക. ഇരുപതിനാല് മണിക്കൂറും ഫോൺ നോക്കിയിരിക്കുന്ന നമ്മൾ വിചാരിച്ചാൽ, നാളെ പിറക്കുന്നത് മറ്റൊരു ചരിത്രമായിരിക്കും. നാടിന് വേണ്ടി രക്തം കൊടുക്കാൻ വരെ തയ്യാറാണല്ലോ അല്ലെ?
