Valapattanam Panchayath Library

ഫോർത്ത് വേവ് ഫൗണ്ടേഷനുമായി ചേർന്ന് വളപട്ടണം ഗ്രാമപഞ്ചായത്ത് ലൈബ്രറി ക്രിയേറ്റീവ് ഹോം നടത്തിയ 'വേണ്ട' , ലഹരി പ്രതിരോധ സംഗമത്തിൽ നിന്ന്.

ഇന്ന്

സ്മാർട്ട് സമ്മർ 2.O യിൽ വിരിയുന്ന വിസ്മയങ്ങൾ.

ആർട്ടി ക്രാഫ്റ്റി ഡേ -2026

ബഹുമാനപ്പെട്ട കണ്ണൂർ മേയർ അഡ്വ. പി. ഇന്ദിര മാഡം ലൈബ്രറിയിൽ വന്നു. ആ സന്ദർശനത്തിന് പിന്നിൽ മാഡത്തിൻ്റെ ഒരു സ്വപ്‌നം കൂടി ഉണ്ടായിരുന്നു. എല്ലാ വിഭാഗം ജനങ്ങളെയും ഉൾക്കൊള്ളുന്ന ഒരു ലൈബ്രറി കം വൈജ്ഞാനിക- സാംസ്കാരിക സ്ഥാപനം കണ്ണൂർ നഗരത്തിൽ സ്ഥാപിക്കുന്നതും അതിലേക്ക് ജനങ്ങൾ ഒഴുകിയെത്തുന്നതുമായിരുന്നു ആ സ്വപ്നം. കുട്ടികൾ മുതൽ പ്രായമായവർ വരെയുള്ള ഓരോ മനുഷ്യരെയും എങ്ങനെയൊക്കെ ലൈബ്രറിക്ക് ഉൾക്കൊള്ളാൻ കഴിയും എന്നതായിരുന്നു ഞങ്ങളുടെ സംഭാഷണ വിഷയം. സ്ഥിരം സമിതി അധ്യക്ഷൻ ഹിഷാമും ഏറെ താല്പര്യത്തോടെ ആ ചർച്ചയുടെ ഭാഗമായി. പുതിയ കാലം സാങ്കേതികമായി മികവുറ്റ, സേവന സന്നദ്ധമായ പൊതുവിടങ്ങളെ അത്രമേൽ ആഗ്രഹിക്കുന്നുണ്ട്. ഭാവിയിൽ, കണ്ണൂർ കോർപ്പറേഷനിൽ കേരളത്തിലെ എണ്ണം പറഞ്ഞ ഒരു കൾച്ചറൽ നോളജ് ഹബ്ബ് ആരംഭിക്കുമെന്ന സ്വപ്‌നം എത്രയും വേഗം പ്രാവർത്തികമാകട്ടെ. വളപട്ടണം ഗ്രാമപഞ്ചായത്ത് ലൈബ്രറി തണലിലെ ഈ ഹൃദ്യമായ സംഗമത്തിന് ഇന്ദിര മാഡത്തിനോട് ഒരുപാട് നന്ദി.❤️

അവധിക്കാല ചലഞ്ചുകൾക്ക് തുടക്കമായി. സ്മാർട്ട് സമ്മർ 2.0 എന്ന് അതിനു പേര്. ആവേശം ഒട്ടും ചോർന്നു പോകാതെ എല്ലാവരും ഒന്നിച്ചു ചേർന്നു. വളപട്ടണം പോലീസ് സ്റ്റേഷനിലെ സബ്ഇൻസ്പെക്ടർ സി കെ സുജിത്ത് ചലഞ്ചുകൾ ഉദ്ഘാടനം ചെയ്തു. ബാലസൗഹൃദ പദ്ധതിയിൽ ഗ്രാമപഞ്ചായത്ത് തയ്യാറാക്കിയ കുട്ടികളുടെ ലൈബ്രറി ഡയറിയുടെ വിതരണവും അതിനൊപ്പം നടന്നു. ഡയറിയുടെ മുഖച്ചിത്രത്തിൽ ഇടംപിടിച്ച നാലു വയസ്സുകാരൻ എമിൻ സുഹൈൽ ആണ് ആദ്യ ഡയറി ഏറ്റുവാങ്ങിയത്. ഇന്ന് തന്നെയായിരുന്നു എമിൻ്റെ ജന്മദിനവും. എമിൻ ഡയറി ഏറ്റുവാങ്ങുമ്പോൾ, കൂട്ടുകാർ എല്ലാവരും ചേർന്ന് ഹാപ്പി ബർത്ത് ഡേ പാട്ടുപാടി. ഒരു ലൈബ്രറിത്തണലിൽ ഇതിനേക്കാൾ നല്ല ഒരു മുഹൂർത്തം വേറെയേത്. ക്രിയേറ്റീവ് ഹോം ബാലവേദി പ്രസിഡൻ്റ് ആർ.ശിവദ അധ്യക്ഷതവഹിച്ചു. സെക്രട്ടറി ഇലാൻ ഫൈറൂസ് സ്വാഗതം പറഞ്ഞു. ഗ്രാമപഞ്ചായത്ത് അസിസ്റ്റൻ്റ് സെക്രട്ടറി ടി.കെ സനോജ്, ബി ആർ സി പ്രതിനിധി പി.നയന എന്നിവർ സംസാരിച്ചു. ക്രിയേറ്റീവ് ഹോം കമ്മിറ്റിയംഗം ശ്രീലക്ഷ്മി ചടങ്ങിന് നന്ദിയും പറഞ്ഞു. ഇനി ചലഞ്ചുകളുടെ ഘോഷയാത്ര അങ്ങനെ തുടരും. മെയ് 31 വരെ.