12/02/2022
ഈ കടുത്ത വേനലിൽ നമ്മളെപ്പോലെതന്നെ ദാഹിക്കുന്നുണ്ട് പക്ഷികൾക്കും. മഴക്കാലം വരുന്നത് വരെ, മുറ്റത്തോ ടെറസ്സിലോ ഒരു കൊച്ചു പാത്രത്തിൽ വെള്ളം നിറച്ച് ദിവസവും പക്ഷികൾക്ക് നൽകുമോ കൂട്ടുകാരെ ?
✨ഭാരം കൂടിയ പക്ഷികൾ വക്കിൽ വന്നിരിക്കുമ്പോൾ മറിഞ്ഞ് പോകാത്തതരം പാത്രങ്ങളിലാണ് വെള്ളം വയ്ക്കേണ്ടത്. മൺചട്ടികൾ ആണ് ഉചിതം.
✨കടുംനിറത്തിലുള്ള പാത്രങ്ങൾ ഉപയോഗിക്കരുത്.
കറുപ്പ് , ചാര , മണ്ണിന്റെ നിറം, പച്ച എന്നീ നിറങ്ങളിലുള്ള പാത്രങ്ങൾ ആകാം.
✨തൂങ്ങിയാടുന്ന രീതിയിലോ വളരെ ഉയരത്തിലോ അല്ല പാത്രം വെക്കേണ്ടത്.
തറയിൽ ഇറങ്ങിവന്ന് വെള്ളം കുടിക്കാനാണ് പക്ഷികൾക്ക് ഇഷ്ടം.
എന്നാൽ മതിലിലോ ടെറസിലോ രക്ഷകർത്താക്കളുടെ അനുവാദത്തോടെ വെള്ളം നിറച്ച പാത്രങ്ങൾ സ്ഥാപിക്കാവുന്നതാണ്.
✨തണൽ ഉള്ളിടത്ത് വേണം വെള്ളം നിറച്ച പാത്രം വയ്ക്കാൻ. അല്പം സൂര്യപ്രകാശം വീണാലും കുഴപ്പമില്ല.
✨ദിവസവും രണ്ട് പ്രാവിശ്യമെങ്കിലും ഈ പാത്രത്തിലെ വെള്ളം മാറ്റുകയും ശുദ്ധമായ വെള്ളം നിറച്ച് വെക്കുകയും വേണം.
സ്റ്റുഡൻ്റ് പോലീസ് കേഡറ്റ് - We Learn to Serve
