https://www.facebook.com/111476240588363/

Rajwadi Utkarsh Mandal Natal Mumbai, Natal, Kankavli (2026)

09/01/2022

दिनांक 7/1/2022 रोजी

वंदना फाउंडेशन मुंबई यांच्या वतीने माध्यमिक विद्यालय नाटळ येथे ग्रामीण भागातील शिक्षण घेत असणाऱ्या वडिलांचे छत्र हरपलेल्या मुलांना मोफत शैक्षणिक साहित्याचे वाटप केले .ग्रामीण भागात राहणाऱ्या गरीब मुलांना जेव्हा त्यांच्या कुटुंबातील कर्ता पुरुषाचा नियतीच्या काही प्रसंगामुळे मृत्यू होतो व त्यानंतर मुलांना शालेय, सामाजिक जीवनात येणाऱ्या अनेक समस्यांना तोंड द्यावे लागते.या शाश्वत परिस्थितीचा अभ्यास करून वंदना फाउंडेशन मुंबई चे अध्यक्ष श्री.मिलिंद पवार व शशांक वंजारे यांनी कणकवली तालुक्यातील 25 मुलांना दप्तर, वह्या, कंपास ,पेन, पट्टी अशा शैक्षणिक साहित्याचा संच मुलांना दिला.यावेळी वंदना फाउंडेशन चे सदस्य राज पावसकर, दीपक पोळवणकर, प्रवीण यादव व सेवानिवृत्त शिक्षक शशिकांत वंजारे हे उपस्थित होते .त्याच बरोबर माध्यमिक विद्यालय नाटळ शालेय समिती चेअरमन श्री.भालचंद्र सावंत मुख्याध्यापक श्री. चंद्रकांत तांबे तसेच हरकुळ बुद्रुक केंद्रप्रमुख श्री. विजय भोगले ,भिरवंडे केंद्रप्रमुख श्री. उत्तम सूर्यवंशी ,फोंडा केंद्राचे केंद्रप्रमुख श्री .सुर्यकांत चव्हाण, हरकुळ खुर्द केंद्रप्रमुख व माध्यमिक विद्यालय नाटळ समितीचे खजिनदार श्री .शांताराम सावंत तसेच मुख्याध्यापक श्री .सुनील गावकर शाळा दिगवळे नंबर.१,मुख्याध्यापिका सौ.श्रेया गवस शाळा नाटळ खांदारवाडी प्रशालेचे शिक्षक श्री .आनंद तांबे , श्री.सतीश मेस्त्री, श्री शैलेश तळेकर , सौ.प्रणिता बांबुळकर, सौ स्वरा राणे शिक्षकेत्तर कर्मचारी श्री.रामदास टारपे व श्री.गंगाराम खरात व नववी ,दहावी चे विद्यार्थी उपस्थित होते. या कार्यक्रमाचे सूत्रसंचालन प्रशालेचे शिक्षक श्री दयानंद गावकर यांनी केले व आभार प्रदर्शन श्री दिनेश गावित यांनी केले.

03/01/2022

👩 बालिका दिन कार्यक्रम👩
त्यावेळी विद्यार्थिनींनी साजरे केलेल्या कार्यक्रमांचे व्हिडिओ--

03/01/2022

👩 बालिका दिन कार्यक्रम👩
ज्या स्त्रीमुळे समस्त स्त्रीवर्ग आज प्रगतीच्या शिखरावर आहे. अशा क्रांतीज्योती सावित्रीबाई ज्योतिराव फुले यांचा जन्मदिवस बालिका दिन म्हणून मोठ्या उत्साहात साजरा करण्यात येतो.
राजवाडी उत्कर्ष मंडळ नाटळ, (मुंबई) संचलित माध्यमिक विद्यालय नाटळ येथे आज दिनांक 3 जानेवारी 2022 रोजी बालिका दिन उत्साहात साजरा करण्यात आला.या प्रसंगी विविध कार्यक्रमांचे आयोजन करण्यात आले होते. कृष्णाजी तुकाराम सावंत सभागृहात बालिका दिनाचे औचित्य साधून सावित्रीबाई फुले यांची जयंती साजरी करण्यात आली. याप्रसंगी कार्यक्रमाचे अध्यक्ष उच्च माध्यमिक शालेय समिती सदस्य श्री. दिगंबर सावंत यांनी क्रांतीज्योती सावित्रीबाई फुले यांच्या प्रतिमेस पुष्पहार अर्पण करून अभिवादन केले.
तसेच कर्तृत्ववान महिलांच्या कार्याची सर्वांना ओळख होऊन त्यांच्या कार्यातून प्रत्येकाने प्रेरणा घ्यावी या उद्देशाने कर्तृत्ववान महिलांच्या कार्यासंबंधी भित्तीपत्रिकेचे आयोजन करण्यात आले होते.या भित्तीपत्रिका संकलनामध्ये इयत्ता आठवीच्या विद्यार्थिनी सहभागी झाल्या होत्या.यासाठी विद्यार्थिनींना श्रीम. प्रणिता बांबुळकर व श्री. सतिश मेस्त्री यांनी मार्गदर्शन केले.
सावित्रीबाईंचा जीवन व कार्यपरिचय विद्यार्थ्यांनी आपापल्या मनोगतातून मांडला. यावेळी कु. तन्वी कदम, कु.पायल जाधव, कु.साक्षी सावंत, कु. केदार मेस्त्री या विद्यार्थ्यांनी आपले मनोगत व्यक्त केले. तसेच शिक्षकांमधून श्रीम. प्रणिता बांबुळकर व श्री.दयानंद गावकर यांनी आपले विचार मांडले. कु.लीना घोलकर हिने झाशीची राणी लक्ष्मीबाई यांचा संपूर्ण जीवनपट आपल्या बहारदार कवितेतून विद्यार्थ्यांसमोर सादर केला. तसेच इयत्ता नववीच्या विद्यार्थिनींनी स्त्री जीवनाचे विविध पैलू आपल्या नृत्य मधून सर्वांसमोर उलगडून दाखवले. कार्यक्रमाचे सूत्रसंचालन कु.शैली नेवाळकर व आभारप्रदर्शन कु. दुर्वांगी घाडीगावकर यांनी केले.
या कार्यक्रमाचे आयोजन मुख्याध्यापक श्री. सी.टी तांबे यांच्या मार्गदर्शनाखाली श्रीम. प्रणिता बांबुळकर व सौ. स्वरा राणे यांनी केले. यावेळी माध्यमिक विद्यालय नाटळ शालेय समिती चेअरमन श्री. भालचंद्र सावंत तसेच सर्व संस्था पदाधिकारी, मुख्याध्यापक श्री. चंद्रकांत तांबे यांनी विद्यार्थ्यांचे कौतुक केले.
या कार्यक्रमासाठी प्रणिता बांबुळकर, दिनेश गावित, सुनील मेस्त्री, आनंद तांबे, शैलेश तळेकर, सतीश मेस्त्री ,स्वरा राणे तसेच रामदास टारफे, गंगाधर खरात आदी उपस्थित होते.

02/01/2022

🙏🙏भित्तीपत्रकाच्या माध्यमातून नवीन वर्षाचे स्वागत 🙏🙏

नववर्ष म्हणजे नवी अशा ,नव्या आकांक्षा ,नवी स्वप्ने आणि नवे संकल्प ,नव्या ओळखी, नवी भरारी मारण्याची वर्ष ,आपले संपूर्ण स्वप्ने पूर्ण करण्याची इच्छा घेऊन नव्या वर्षाचा सूर्योदय होत असतो. याच नवीन वर्ष 2022 चे स्वागत करताना माध्यमिक विद्यालय नाटळ, ता. कणकवली, जि.सिंधुदुर्ग इयत्ता आठवीच्या विद्यार्थ्यांनी "निरोप 2021 या वर्षाला व स्वागत नवीन वर्षाचे" या विषयावर आधारित भित्तीपत्रके प्रदर्शित केली. या भित्तीपत्रकाच्या माध्यमातून मागील वर्षाचा आढावा घेण्यात आला. यामध्ये वर्षे 2021 मधील कोरोना परिस्थिती ,कोरोना काळातील ऑनलाइन शिक्षण, ऑनलाइन शिक्षणातील समस्या, कोरोना काळात घ्यावयाची काळजी, ओमीक्राँन पुन्हा एक देशापुढील संकट ,नववर्षाभिनंदन, नव वर्षातील संकल्प ,नववर्षाची सुरुवात सर्वोत्तम संदेश अशा विषयांवर आधारित मराठी इंग्रजी भाषेतून लेख व काव्य रूपातून आपली मते मांडली. यावेळी प्रशालेची मार्गदर्शक शिक्षक श्री. दयानंद गावकर यांच्या सोबत इयत्ता आठवी चे विद्यार्थी दीप्ती सावंत,अदिती गुरव, हिमेश जाधव, शैली नेवाळकर, जान्वी पांचाळ ,उत्कर्षा नार्वेकर, साक्षी सावंत ,सुदिक्षा भोगले ,वेदिका नाटळकर,धनश्री खोचरे ,वैदेही सावंत, सानिका परब या विद्यार्थ्यांनी सहभाग घेतला.
यावेळी माध्यमिक विद्यालय नाटळ शालेय समिती चेअरमन श्री. भालचंद्र सावंत, मुख्याध्यापक श्री. चंद्रकांत तांबे, शिक्षक सुनील मेस्त्री, प्रणिता बांबुळकर, दिनेश गावित, आनंद तांबे, शैलेश तळेकर, सतीश मेस्त्री ,स्वरा राणे तसेच रामदास टारफे, गंगाधर खरात आदी उपस्थित होते.

02/11/2021

💐💐पर्यावरण पूरक आकाशकंदील स्पर्धा व प्रदर्शन 💐💐
पर्यावरण संवर्धन करता करता विद्यार्थ्यांमधील सुप्त गुणांना वाव करून देण्याच्या दृष्टीने पर्यावरणपूरक आकाश कंदील स्पर्धा व प्रदर्शनाचे आयोजन राजवाडी उत्कर्ष मंडळ नाटळ ( मुंबई ) संचलित माध्यमिक विद्यालय नाटळ आणि कृ.तु.सावंत उच्च माध्यमिक व्यवसाय शिक्षण विद्यालय नाटळ येथे सोमवार दिनांक 1/ 11/21 रोजी शाळेच्या प्रांगणात पार पडले.
सदर स्पर्धा तीन गटांमध्ये आयोजित करण्यात आली होती. या स्पर्धेकरिता प्रथम गटातून 5 विद्यार्थी द्वितीय गटातून 13 विद्यार्थी आणि तृतीय गटातून 21 विद्यार्थ्यांनी सहभाग घेतला होता. श्री.दिगंबर सावंत यांनी फित कापून स्पर्धेचे उद्घाटन केले. या स्पर्धेकरिता माध्यमिक शालेय समिती चेअरमन श्री. भालचंद्र सावंत आणि उच्च माध्यमिक शालेय समिती सदस्य श्री. दिगंबर सावंत तसेच प्रशालेचे मुख्याध्यापक श्री. सी.टी. तांबे यांनी परीक्षण केले.या स्पर्धेचा निकाल पुढीलप्रमाणे
प्रथम गट ( इ. दहावी व बारावी )
प्रथम क्र.राहुल मेस्त्री, द्वितीय क्र.विभास नाटळकर, तृतीय क्र.यश गोसावी
द्वितीय गट ( आठवी व नववी )
प्रथम क्र.उत्कर्षा नार्वेकर, द्वितीय क्र. मृण्मेश तांबे, तृतीय क्र.नमिता सावंत
तृतीय गट ( पाचवी ते सातवी )
प्रथम क्र.साक्षी गावकर, द्वितीय क्र.अनिकेत कदम, तृतीय क्र.पायल जाधव
सुट्टीचा कालावधी असताना देखील उत्स्फुर्तपणे सहभागी होत स्पर्धेसाठी एकूण 39 आकाश कंदील विद्यार्थ्यांनी तयार केले. विजेत्या स्पर्धकांना बक्षीस म्हणून भेटवस्तू देऊन गौरविण्यात आले.
नेहमीच स्वतःच्या कल्पनाशक्तीला वाव देऊन विविध कलाकृती निर्माण कराव्या आणि आपले वेगळेपण सिद्ध करावे असे आवाहन श्री. भालचंद्र सावंत यांनी विद्यार्थ्यांना केले. तसेच सर्व विद्यार्थ्यांनी उत्स्फूर्तपणे सहभागी होत प्रदर्शनाची शोभा वाढवल्याबद्दल सर्व विद्यार्थ्यांचे कौतुकही केले.या स्पर्धेचे आयोजन श्रीम.प्रणिता बांबुळकर आणि श्री. सतीश मेस्त्री यांनी केले. तसेच श्री.दयानंद गावकर व श्री. रामदास टारपे यांनीदेखील स्पर्धा आयोजनासाठी उत्तम सहकार्य केले.
सर्व संस्था पदाधिकारी प्रशालेचे मुख्याध्यापक श्री. सी.टी. तांबे आणि शिक्षक - शिक्षकेतर वृंद यांनी सर्व विद्यार्थ्यांचे कौतुक केले.🙏🙏
वरील कार्यक्रमाची युट्युब लिंक खालील प्रमाणे-
https://youtu.be/EFh4c2kpD2M

29/10/2021

✴️✴️**पर्यावरणपूरक आकाशकंदील कार्यशाळा** ✴️✴️
निसर्गाच्या अस्तित्वावर आपले अस्तित्व अवलंबून आहे. पण, प्लास्टिकच्या विळख्यात आपण स्वतःला अडकवून ठेवले आहे. प्लास्टिकला पर्यायी वस्तूंचा वापर करून पर्यावरणाचे संवर्धन होण्यासाठी पर्यावरणपूरक वस्तूंची निर्मिती विद्यार्थीदशेतच मुलांमध्ये बनविणे काळाची गरज बनल्याने राजवाडी उत्कर्ष मंडळ नाटळ (मुंबई) संचलित माध्यमिक विद्यालय नाटळ आणि कृ.तु.सावंत उच्च माध्यमिक व्यवसाय शिक्षण विद्यालय येथे बुधवार दि.27/ 10 /21 रोजी पाचवी ते सातवीच्या विद्यार्थ्यांकरिता आणि गुरुवार दि.28 /10 /21 रोजी आठवी ते बारावीच्या विद्यार्थ्यांकरिता पर्यावरणपूरक आकाशकंदील कार्यशाळेचे आयोजन करण्यात आले होते.
कोरोनाच्या संकटामुळे मोबाईल हा विद्यार्थ्यांचा सर्वात जवळचा मित्र बनला आहे. अशावेळी मुलांना मोबाईलच्या जाळ्यातून बाजूला सारून तसेच पर्यावरणाचे संवर्धन करता करता विद्यार्थ्यांमधील सुप्त कलागुणांना वाव करून देण्याच्या दृष्टीने या उपक्रमाचे आयोजन करण्यात आले होते.
प्रशालेचे मुख्याध्यापक चंद्रकांत तांबे यांच्या मार्गदर्शनाखाली विज्ञान शिक्षिका श्रीम. प्रणिता बांबुळकर आणि उच्च माध्यमिकच्या शिक्षिका सौ. स्वरा राणे व शिक्षक श्री.सतिश मेस्त्री यांनी विद्यार्थ्यांना विविध प्रकारचे आकर्षक कंदील करण्याचे प्रात्यक्षिक दाखवले. हे पर्यावरणपूरक आकाश कंदील बनवण्यासाठी विद्यार्थ्यांना थर्माकोल ,प्लास्टिक न वापरता विविध प्रकारचे कागद , पुठ्ठा , बांबूच्या काठ्या अशा पर्यावरणपूरक वस्तूंचा उपयोग करून आकर्षक कंदील कसे बनवावे आणि पर्यावरणाचा समतोल कसा राखावा यासंबंधी श्रीम. प्रणिता बांबुळकर यांनी विद्यार्थ्यांमध्ये जागरूकता निर्माण केली.
स्वतःच्या घरासमोर कंदील स्वतः तयार करून लावण्यासोबतच विद्यार्थ्यांनी अशा छोट्या छोट्या वस्तू बनवून रोजगाराच्या संधी निर्माण करण्याच्या दृष्टीने याप्रसंगी विद्यार्थ्यांना प्रोत्साहित करण्यात आले.
या उपक्रमाची यशस्वीता जाणण्यासाठी प्रशालेमध्ये सोमवार दिनांक 01 /11/ 21 रोजी पर्यावरण पूरक आकाश कंदीलांचे प्रदर्शन व स्पर्धा आयोजित करण्यात आली आहे.या कार्यशाळेप्रसंगी प्रशालेचे मुख्याध्यापक श्री. चंद्रकांत तांबे, दिनेश गावीत, सतीश मेस्त्री, आनंद तांबे, सुनिल मेस्त्री, दयानंद गावकर शैलेश तळेकर आणि शिक्षकेतर कर्मचारी उपस्थित होते.
सर्व संस्था पदाधिकारी आणि मुख्याध्यापक चंद्रकांत तांबे यांनी या कार्यशाळेच्या उपक्रमाचे कौतुक करत विद्यार्थ्यांना प्रदर्शनात सहभागी होण्यासाठी प्रोत्साहित केले.
कार्यक्रमाची युट्युब लिंक खालील प्रमाणे
https://youtu.be/ReitLibUj5w
https://youtu.be/1E0kJC-6iUk
https://youtu.be/RCy7bCqNZnU

27/10/2021

💐💐राजवाडी उत्कर्ष मंडळ नाटळ (मुंबई) संचलित माध्यमिक विद्यालय, नाटळ आणि कृ.तु.सावंत उच्च माध्यमिक व्यवसाय शिक्षण विद्यालय, नाटळ येथील मैदानावरील लॉनवर सुबक अशी *"ग्रास लेटर्स"* तयार केली. कृ.तु.सावंत उच्च माध्यमिक व्यवसाय शिक्षण विद्यालयाच्या बारावीच्या विद्यार्थ्यांनी मार्गदर्शक शिक्षक श्री. सतिश मेस्त्री व श्री.शैलेश तळेकर यांच्या मार्गदर्शनाखाली प्रथम M.V.N ( Madhyamik vidyalay Natal )लेटर्स आखून घेऊन त्यानंतर त्यांना ग्रास कटर च्या साह्याने आकार देऊन पटांगणाची शोभा वाढविली.. कृ.तु.सावंत उच्च माध्यमिक व्यवसाय शिक्षण विद्यालयाच्या कन्स्ट्रक्शन टेक्नॉलॉजी या विभागामार्फत प्रात्यक्षिक घेतले जाते. या प्रात्यक्षिका अंतर्गत इयत्ता बारावीचे विद्यार्थी कु. राहुल मेस्त्री, कु. शुभम परब,कु.ज्ञानेश गवाणकर, कु.अनिरुद्ध सुतार, कु. चेतन कदम, कु. जयेश कुरतडकर, कु. कल्पेश तेली, कु. दिव्येश मेस्त्री या विद्यार्थ्यांनी , कन्स्ट्रक्शन टेक्नॉलॉजी विभागाचे मार्गदर्शक शिक्षक श्री.सतिश मेस्त्री व श्री.शैलेश तळेकर यांच्या मार्गदर्शनाखाली उत्तम प्रकारे *"ग्रास लेटर्सचे"* प्रात्यक्षिक केले.💐💐

26/10/2021

💐💐 *मुलींसाठी मार्गदर्शन वर्ग चर्चासत्र* 💐💐
राजवाडी उत्कर्ष मंडळ नाटळ (मुंबई) संचलित माध्यमिक विद्यालय नाटळ आणि कृ. तु.सावंत उच्च माध्यमिक व्यवसाय शिक्षण विद्यालय, नाटळ या प्रशालेतील इयत्ता पाचवी ते सातवी या विद्यार्थिनींना पहिल्या सत्रात तसेच आठवी ते बारावी च्या विद्यार्थिनींकरिता दुसऱ्या सत्रात मार्गदर्शन वर्ग तसेच चर्चासत्राचे आयोजन करण्यात आले होते. सर्व कोवीड प्रतिबंधक नियमांचे पालन करण्यासाठी हे चर्चासत्र दोन सत्रात घेण्यात आले. याप्रसंगी पाचवी ते सातवी आणि आठवी ते बारावीच्या विद्यार्थिनींना आपल्या आरोग्याची उत्तम प्रकारे काळजी कशी घ्यावी,स्वतःच्या शरीराची स्वच्छता कशी ठेवावी, आपल्या निरोगी आरोग्याच्या दृष्टीने संतुलित आहार कसा घ्यावा, यासंबंधीचे मार्गदर्शन सौ. स्वरा राणे यांनी केले.
यासोबतच उत्कर्षा उपक्रमांतर्गत मासिक पाळी व्यवस्थापनाच्यादृष्टीने मुलींच्या वयोमानानुसार होत जाणारे शारीरिक बदल व या विषयाचे समज-गैरसमज तसेच मासिक पाळी दरम्यान घ्यावयाची काळजी त्यासोबतच शरीराची स्वच्छता कशी राखावी यासंबंधी श्रीमती. प्रणिता बांबुळकर यांनी मार्गदर्शन केले.
या चर्चासत्रात विद्यार्थिनींनी मनमोकळेपणाने आपल्या शंका उपस्थित केल्या व त्याचे योग्य पद्धतीने निरसन करण्याचा प्रयत्न महिला शिक्षिका श्रीमती प्रणिता बांबुळकर व सौ. स्वरा राणे यांनी केला.🙏🙏

22/10/2021

🌹🌹 कौतुक सोहळा 🌹🌹

राजवाडी उत्कर्ष मंडळ नाटळ (मुंबई) संचलित माध्यमिक विद्यालय नाटळ आणि कृ.तु.सावंत उच्च माध्यमिक व्यवसाय शिक्षण विद्यालय,नाटळ येथे " *शारदोत्सव 2021* " निमित्त *शालेय स्तरावरील चित्रकला स्पर्धेचे आयोजन* करण्यात आले होते. ही स्पर्धा तीन गटांमध्ये विभागणी झाली होती. या स्पर्धेसाठी विद्यार्थ्यांनी उत्स्फूर्तपणे सहभाग नोंदविला. सहभागी विद्यार्थ्यांनी रेखाटलेली चित्रे भित्तीफलकावर लावण्यात आली होती. तीनही गटातील विजेत्या स्पर्धकांना चित्रकला संच बक्षीसपर भेटवस्तू म्हणून देण्यात आला. प्रशालेचे मुख्याध्यापक श्री.सी.टी.तांबे तसेच सर्व शिक्षक वृंदातर्फे बक्षीस देऊन विद्यार्थ्यांना गौरविण्यात आले. या स्पर्धेसाठी प्रशालेचे माजी शिक्षक श्री पी.एस.कांबळे यांनी परीक्षण केले. तसेच या कार्यक्रमाचे आयोजन प्रशालेच्या सहाय्यक शिक्षिका श्रीम. प्रणिता बांबुळकर यांनी केले.
विजेत्या स्पर्धकांची नावे पुढील प्रमाणे -
*गट क्र. 1 (इयत्ता 10वी 12वी )*
विषय - सरस्वतीपूजन देखावा
प्रथम क्र. कु. राहुल महेंद्र मेस्त्री.
*गट क्र. 2 (इयत्ता आठवी व नववी)* विषय - सरस्वती प्रतिमा
प्रथम क्र.- कु.जान्हवी विकास पांचाळ. द्वितीय क्र.- कु. उत्कर्षा श्रीधर नार्वेकर.
तृतीय -क्र. कु.सुहानी सुभाष देवळी.
*गट क्र. 3( इयत्ता पाचवी ते सातवी)*
विषय - निसर्ग चित्र
प्रथम क्र. - कु. रश्मी विकास सावंत. द्वितीय क्र. -कु.लक्ष्मी भीमा जाधव. तृतीय क्र. कु. अपूर्वा संतोष घाडीगावकर. आणि
कु. पायल संजय जाधव.
या कार्यक्रमासाठी सर्व संस्था पदाधिकारी , मा. मुख्याध्यापक श्री. सी. टी. तांबे सर, शिक्षक व शिक्षकेत्तर वृंद यांनी सहभागी विद्यार्थ्यांचे व मार्गदर्शक शिक्षकांचे कौतुक केले.

21/10/2021

Being the trustee of the Natal High School , it is proud moment for me to see the school restarted after long time and struggling period. I am thankful to many doners who help us to repair , rebuild the old building which was in critical condition. I am specially thankful to Annie Rao , Rajesh Rao , Nehal Pankaj Parikh , Sandeep Vaidya , Omkar Vilas Sawant anil chavan digawale for their generous timely help for this noble cause I will upload the list of other doners also.

After watching these students , I remembered my school days . Golden period of my life,, I am very grateful to my school, teachers .. I will do my level best to trasfer their legecy to next generation..

-- Abhijit Sawant
President (Rajwadi Utkarsh Mandal Natal (Mumbai))

18/10/2021

*🌹🌹वाचन प्रेरणा दिन
🌹🌹*
One best book is equal to hundred good friends, but one good friend is equal to a library..
- Dr. Abdul Kalam

भारताचे ज्येष्ठ शास्त्रज्ञ आणि माजी राष्ट्रपती मिसाईल मॅन डॉ.ए.पी.जे. अब्दुल कलाम यांना श्रद्धांजली अर्पण करण्यासाठी डॉ. अब्दुल कलाम यांचा 15 ऑक्टोबर हा जन्मदिन " वाचन प्रेरणा दिन " म्हणून साजरा केला जातो. विद्यार्थ्यांमध्ये वाचनाची आवड निर्माण व्हावी, या दृष्टीने वाचन प्रेरणा दिवसाचे आयोजन केले जाते. या वाचन प्रेरणा दिनाचे औचित्य साधून राजवाडी उत्कर्ष मंडळ,नाटळ (मुंबई) संचलित माध्यमिक विद्यालय नाटळ आणि कृ. तु.सावंत उच्च माध्यमिक व्यावसायिक शिक्षण विद्यालय येथील डॉ.अब्दुल कलाम यांच्या जीवनपटावर आधारित भित्तीपत्रिकेचे आयोजन करण्यात आले होते.या भित्तीपत्रिका संकलनाचे नियोजन इयत्ता दहावीचे सर्व विद्यार्थी तसेच मार्गदर्शक शिक्षक श्री. दयानंद गावकर यांनी केले.
या उपक्रमाचे, सर्व संस्था पदाधिकारी , मा. मुख्याध्यापक श्री. सी. टी. तांबे सर, शिक्षक व शिक्षकेत्तर वृंद यांनी विद्यार्थ्यांचे व मार्गदर्शक शिक्षकांचे कौतुक केले.. 🙏🙏

15/10/2021

आज दसर्‍या च्या निमित्ताने स्मारक भवन परिसर सफाई करून, तोरण लावून शालेय समितीचे नवीन अध्यक्ष श्री भालचंद्र सावंत, मुख्याध्यापक श्री तांबे सर व ईतर सहकार्‍यांच्या पुढाकाराने साजरा करण्यात आला..

या निमित्ताने सर्व ग्रामस्थांना आवाहन करण्यात येत आहे की परिसर स्वच्छ ठेवण्यात यावा.. कचरा करू नये.. प्लास्टिक चा वापर टाळावा...गाड्या पार्किंग करणाऱ्यांनी स्वेच्छा देणगी द्यावी.. जेणेकरून समाज सेवेसाठी मंडळाला आर्थिक हातभार लाभेल..

अध्यक्ष ... अभिजीत सावंत 🙏🙏

Rajwadi Utkarsh Mandal Natal Mumbai

09/01/2022

03/01/2022

03/01/2022

02/01/2022

02/11/2021

29/10/2021

27/10/2021

26/10/2021

22/10/2021

21/10/2021

18/10/2021

15/10/2021

Address

Telephone

Website

Alerts

Contact The School

Shortcuts

Share

Category

Listing takedown request