26/03/2026
શિક્ષણ સાથે સંસ્કારનું ભાથું: કૌટિલ્ય વિદ્યાલયના વિદ્યાર્થીઓની જન્મદિવસની અનોખી ઉજવણી
તારીખ: ૨૧ માર્ચ ૨૦૨૬, શનિવાર
સ્થળ: કૌટિલ્ય વિદ્યાલય
આજરોજ અમારી શાળામાં 'પરિશ્રમ પારિતોષિક પ્રદાન' અને 'વાલી વિમર્શ વ્યાખ્યાન સેમિનાર' નો ત્રિવેણી સંગમ રચાયો હતો. આ કાર્યક્રમમાં માત્ર શૈક્ષણિક સિદ્ધિઓને જ નહીં, પરંતુ માનવતા અને દેશપ્રેમને પણ પુરસ્કૃત કરવામાં આવ્યા હતા.
સેવા અર્પણ: "ફૂલ નહીં તો ફૂલની પાંખડી"
અમારી શાળાના વિદ્યાર્થીઓ પોતાના જન્મદિવસ પર ઉજવણીના ખોટા ખર્ચ ટાળીને, રાષ્ટ્રની રક્ષા કરતા ભારતીય સૈનિકો માટે સ્વેચ્છાએ યોગદાન આપે છે. આ પવિત્ર નિધિને આજે એક ગૌરવપૂર્ણ સમારોહમાં અર્પણ કરવામાં આવી હતી:
ગૌરવશાળી ઉપસ્થિતિ: શાળાના પ્રમુખશ્રી સવજીભાઈ હૂણ તથા કૌટિલ્ય વિદ્યાલયના વિદ્યાર્થીઓ દ્વારા રૂપિયા ૧૧,૦૦૦ /- નો ચેક અર્પણ કરવામાં આવ્યો હતો.
સ્વીકારકર્તા: “જય જવાન નાગરિક સમિતિ” ના અગ્રણી શ્રીકાનજીભાઈ ભાલાળા તથા શ્રીહરિભાઈ કથીરીયાએ આ ચેક સ્વીકારી બાળકોની રાષ્ટ્રભાવનાને બિરદાવી હતી.
"બાળકોના હૃદયમાં દેશના જવાનો પ્રત્યે જે આદર છે, તે જ આવતીકાલના સશક્ત ભારતનો પાયો છે."
મુખ્ય અંશો:
પરિશ્રમનું સન્માન: વર્ષ દરમિયાન મહેનત કરનાર તેજસ્વી તારલાઓને પારિતોષિક આપી નવાજવામાં આવ્યા.
વાલી વિમર્શ: બાળકોના સર્વાંગી વિકાસમાં વાલીઓની ભૂમિકા વિશે પ્રેરણાદાયી વ્યાખ્યાન યોજાયું.મુખ્ય વક્તા શ્રી કાનજીભાઇ ભાલાળા
સંસ્કારનું સિંચન: જન્મદિવસની ઉજવણી મોજ-મજાને બદલે દેશસેવા સાથે જોડીને એક નવો રાહ ચીંધ્યો.
શ્રી તેજલબેન ઢોલા
આચાર્ય
કૌટિલ્ય વિદ્યાલય,કામરેજ,સુરત
