https://www.facebook.com/100109062653814/

Ayyoob Muttil, MELEVELLAYIL HOUSE, Kalpetta (2026)

09/08/2026

സംഘ് പരിവാർ അജണ്ടകൾക്കെതിരെ
കേരളം ജാഗ്രത പാലിക്കണം.
വന്ദേമാതരം സംബന്ധിച്ച
പുതിയ നിർദേശങ്ങൾ
ആശങ്കാജനകമാണ്.
രാജ്യത്തിന്റെ മതേതര മൂല്യങ്ങൾ സംരക്ഷിക്കപ്പെടണം.

25/07/2026

ധീരമായ ജനാധിപത്യ പ്രതിഷേധങ്ങൾക്ക് അഭിവാദ്യങ്ങൾ.
അധികാരത്തിന്റെ അഹങ്കാരത്തിന് മുന്നിൽ സത്യത്തിന്റെയും നീതിയുടെയും ശബ്ദം ഒരിക്കലും മങ്ങിപ്പോകില്ലെന്ന് വീണ്ടും തെളിയിച്ച സമരത്തിന് ആദരം. എതിരാളികളെ ചെറുതാക്കി കാണുകയും നിസ്സാരവത്കരിക്കുകയും ചെയ്യുന്ന ഏത് അഹങ്കാരത്തിനുമുള്ള ഓർമ്മപ്പെടുത്തലാണ് ഈ പ്രതിഷേധം.

23/07/2026

വിദ്യാര്‍ത്ഥികളുടെ ഭാവിയാണ് ഒരു രാജ്യത്തിന്റെ ഭാവി.

നീറ്റ് പരീക്ഷയെ ചുറ്റിപ്പറ്റിയുള്ള ചോദ്യച്ചോര്‍ച്ച വിവാദവും അതിനെതിരെ ഡല്‍ഹിയില്‍ വിദ്യാര്‍ത്ഥികളും രാഷ്ട്രീയ നേതാക്കള്‍ നടത്തിയ പ്രതിഷേധങ്ങള്‍ക്കിടെ പ്രതിഷേധക്കാരോട് സ്വീകരിച്ച നടപടികളെക്കുറിച്ചുള്ള വാര്‍ത്തകള്‍ ഏറെ ആശങ്കപ്പെടുത്തുന്നതാണ്.

ജനാധിപത്യത്തില്‍ പ്രതിഷേധിക്കാനുള്ള അവകാശം ഭരണഘടന ഉറപ്പുനല്‍കുന്നതാണ്. വിദ്യാര്‍ത്ഥികളുടെ ഭാവിയെ ബാധിക്കുന്ന വിഷയങ്ങളില്‍ ഉയരുന്ന ചോദ്യങ്ങള്‍ക്ക് അടിച്ചമര്‍ത്തലല്ല, മറിച്ച് സുതാര്യവും വിശ്വാസ്യതയുള്ളതുമായ മറുപടികളാണ് കേന്ദ്രസര്‍ക്കാര്‍ നല്‍കേണ്ടത്.

ഒരു പരീക്ഷയുടെ വിശ്വാസ്യത തകരുമ്പോള്‍ നഷ്ടമാകുന്നത് ലക്ഷക്കണക്കിന് വിദ്യാര്‍ത്ഥികളുടെ സ്വപ്നങ്ങളാണ്.

ഏത് സര്‍ക്കാരായാലും, ഏത് രാഷ്ട്രീയ പാര്‍ട്ടിയായാലും, വിദ്യാര്‍ത്ഥികളുടെ അവകാശത്തിനും നീതിക്കും മുന്‍ഗണന നല്‍കണം. നീതിയും സുതാര്യതയും ഉറപ്പാക്കുകയും, സമാധാനപരമായ പ്രതിഷേധങ്ങളെ ജനാധിപത്യപരമായി കൈകാര്യം ചെയ്യുകയും വേണം.

വിദ്യാര്‍ത്ഥികളുടെ സ്വപ്നങ്ങള്‍ക്ക് രാഷ്ട്രീയം പാടില്ല. അവരുടെ ഭാവിക്ക് നീതി ലഭിക്കണം.

11/03/2026

ഏവരും ഒപ്പമുണ്ടാകണം,
ജംഷീറിന് വേണ്ടി
ഓർമ്മയുടെ തണലൊരുക്കാൻ
-----------------------
പ്രിയ സഹോദരാ,
അസ്സലാമു അലൈക്കും ,

പുണ്യങ്ങളുടെ പൂക്കാലമായ റമദാനിലെ ഒരു സായാഹ്നത്തിൽ അല്ലാഹുവിലേക്ക് യാത്രയായ നമ്മുടെ പ്രിയ സഹോദരൻ പുളിക്കലിലെ പി.കെ. ജംഷീറിന്റെ വിയോഗം ഇന്നും നമ്മുടെ ഉള്ളിൽ ഒരു നോവായി അവശേഷിക്കുകയാണല്ലോ.
എസ്.കെ.എസ്.എസ്.എഫ് വിഖായയുടെ തുടക്കം മുതൽ പ്രസ്ഥാനത്തിന്റെ കാവലാളായി സജീവമായിരുന്ന ജംഷീർ.. ആയുസ്സിന്റെ അവസാന നിമിഷം വരെയും മറ്റുള്ളവർക്കായി ജീവിച്ച കർമ്മയോഗി..
മരണത്തിന് തൊട്ടുമുമ്പ് പോലും ഇഫ്താർ ടെന്റിൽ വഴിയാത്രക്കാർക്ക് നോമ്പുതുറ വിഭവങ്ങൾ വിതരണം ചെയ്ത് സേവനവഴിയിൽ സജീവമായിരുന്ന സഹപ്രവർത്തകൻ...
കൂലിപ്പണി ചെയ്ത് കുടുംബം പുലർത്തിയിരുന്ന ജംഷീറിന്റെ വലിയൊരു സ്വപ്നമായിരുന്നു സ്വന്തമായൊരു വീട് എന്നത്. ആ സ്വപ്നത്തിനായി രണ്ട് വർഷം മുമ്പ് അദ്ദേഹം ഒരു അടിത്തറ കെട്ടിപ്പൊക്കിയെങ്കിലും അത് പൂർത്തിയാക്കാൻ വിധി അനുവദിച്ചില്ല. നിലവിൽ വാടക വീട്ടിൽ കഴിയുന്ന അദ്ദേഹത്തിന്റെ ഭാര്യയും രണ്ട് കുഞ്ഞുമക്കളുമടങ്ങുന്ന കുടുംബത്തെ ചേർത്തുപിടിക്കേണ്ടത് നമ്മുടെ ഓരോരുത്തരുടെയും കടമയാണ്.
അതിനാൽ തന്നെ ആ യുവാവിന്റെ കുടുംബത്തിന് ഒരു വീട് നിർമ്മിച്ച് നൽകാൻ എസ്.കെ.എസ്.എസ്.എഫ് സംസ്ഥാന കമ്മിറ്റി തീരുമാനിച്ചിരിക്കുകയാണ്.
അനുബന്ധമായി എത്രയും വേഗം ഒരു കിണർ കൂടി കുഴിച്ച് നൽകണമെന്നാണ് സംഘടനാ പ്രവർത്തകരുടെ ആഗ്രഹം.
തന്റെ ജീവിതവും സമയവും പ്രസ്ഥാനത്തിനും ദീനീസേവനങ്ങൾക്കുമായി മാറ്റിവെച്ച നമ്മുടെ സഹോദരന് വേണ്ടിയുള്ള അനിവാര്യമായ ഒരു ഉദ്യമം എന്ന നിലക്ക് മുഴുവൻ ദീനീ സ്നേഹികളും ഒപ്പമുണ്ടാകുമെന്നാണ് പ്രതീക്ഷ.
പ്രസ്ഥാനത്തെ സ്നേഹിക്കുന്ന,
സേവനമനസ്കരെ എന്നും പ്രോത്സാഹിപ്പിക്കുന്ന അഭ്യുദയകാംക്ഷികളും സംഘടനാ പ്രവർത്തകരും ഒത്തൊരുമിച്ചാൽ വളരെ എളുപ്പം സാധ്യമാകുന്ന വലിയൊരു സൽപ്രവർത്തി..
ഈ പുണ്യപ്രവൃത്തി പൂർത്തീകരിക്കുന്നതിനായി താങ്കളുടെയും ബന്ധുമിത്രാദികളുടെയും ഉദാരമായ സഹായ സഹകരണങ്ങൾ ഉണ്ടാകണമെന്ന് വിനീതമായി അഭ്യർത്ഥിക്കുന്നു.

നമ്മുടെ ഈ എളിയ പരിശ്രമം അല്ലാഹു സ്വീകരിക്കുമാറാകട്ടെ. ആമീൻ.

NAME:VIQAYA STATE SAMITHI
A/C:13890200011731
BYANCH:S.M STREET
IFSC:FDRL0001389

സയ്യിദ് ഹമീദലി ശിഹാബ് തങ്ങൾ, പാണക്കാട് (പ്രസിഡന്റ് ,എസ്.കെ.എസ്.എസ്.എഫ് സംസ്ഥാന കമ്മിറ്റി)

ഒ പി അഷറഫ് കുറ്റിക്കടവ്
(ജനറൽ സെക്രട്ടറി,എസ്.കെ.എസ്.എസ്.എഫ് സംസ്ഥാന കമ്മിറ്റി)

02/03/2026

യുദ്ധഭീതിയിൽ ലോകം!

ഇറാൻ-ഇസ്രായേൽ സംഘർഷം കടുക്കുന്നു. പിന്തുണയുമായി അമേരിക്കയും രംഗത്തുണ്ട്. മിസൈൽ ആക്രമണങ്ങളും പ്രത്യാക്രമണങ്ങളുമായി പശ്ചിമേഷ്യ
കത്തുകയാണ്. ഇതിന്റെ ആഘാതം ലോകമെമ്പാടുമുള്ള സാധാരണക്കാരെ ബാധിക്കും എന്നതിൽ തർക്കമില്ല. കൂടുതൽ യുദ്ധങ്ങളിലേക്ക് നീങ്ങാതെ ലോകനേതാക്കൾ സമാധാനത്തിന് മുൻകൈ എടുക്കുമെന്ന് കരുതാം.

29/12/2025

ശതാബ്ദി സന്ദേശയാത്ര
ഹൃദയങ്ങൾ സ്പന്ദിച്ച ദിവസങ്ങൾ

സമസ്ത കേരള ജംഇയ്യത്തുൽ ഉലമയുടെ 100-ാം വാർഷികത്തിൻ്റെ ഭാഗമായി സയ്യിദ് മുഹമ്മദ് ജിഫ്രി മുത്തുകോയ തങ്ങൾ നയിച്ച ശതാബ്ദി സന്ദേശയാത്ര കേവലം ഒരു യാത്ര മാത്രമായിരുന്നില്ല.
ആയിരക്കണക്കിന് ഹൃദയങ്ങൾ ഒന്നിച്ചുകൂടിയ, വിശ്വാസത്തിന്റെ സുഗന്ധം വീശിയ, സ്നേഹത്തിൻ്റേയും പ്രാർത്ഥനയുടേയും കുളിർമഴ പെയ്ത ദിനങ്ങളായിരുന്നു.

ഹൃദയം തഴുകിയ നിമിഷങ്ങൾ,
കന്യാകുമാരി മുതൽ മംഗലാപുരം വരെ
ഓരോ ചലനത്തിലും സ്നേഹത്തിന്റെ
പൂക്കൾ വിരിഞ്ഞു.
വഴിയോരങ്ങളിൽ, അങ്കണങ്ങളിൽ, മട്ടുപ്പാവുകളിൽ - എങ്ങും പ്രതീക്ഷയുടെ പൂത്തിരി കത്തിയ കണ്ണുകൾ... മതങ്ങൾക്കതീതമായി സാഹോദര്യത്തോടെ ഏവരും സ്വാഗതം ചെയ്ത ചിത്രങ്ങൾ...

പ്ലക്കാർഡുകളിലെ സ്നേഹസന്ദേശങ്ങൾ
പൂമഴ പെയ്യിച്ച തെരുവുകൾ,
സ്വാഗത ഗാനങ്ങൾ മുഴങ്ങിയ അന്തരീക്ഷം, കൈകളാൽ കുട്ടികളെ ഉയർത്തി കാണിച്ച മാതാപിതാക്കൾ, തങ്ങളുടെ കൈ ഒന്നു തൊടാൻ കൊതിച്ച് പ്രതീക്ഷയുടെ മിഴിതുറന്ന് വാഹനത്തിനടുത്തേക്ക് ഓടിവന്നവർ, ദുആകളുടെ പ്രകാശം നിറഞ്ഞ അന്തരീക്ഷം, ഹൃദയം അനുഗ്രഹങ്ങളുടെ പുണ്യം കൈവരിച്ച മഹത്തായ നിമിഷം...

ഇത് ഒരു യാത്ര മാത്രമായിരുന്നില്ല...
ഒരനുഭവമായിരുന്നു.
ആ ദിവസങ്ങളിൽ എല്ലാരും ഒന്നായിരുന്നു. മുസ്‌ലിം, ഹിന്ദു, ക്രിസ്ത്യാനി എന്നില്ല. മനുഷ്യർ വിഹരിച്ച ഇടം, സ്നേഹത്തിനും സമാധാനത്തിനും വേണ്ടിയുള്ള ഒരു കൂട്ടായ്മയായിരുന്നു അത്.

യാത്രയുടെ അവസാനം, പങ്കെടുത്ത ഓരോരുത്തരും മടങ്ങിയത്
പുതിയ പ്രതീക്ഷയോടെയും,
ആവേശത്തോടെയും ആയിരുന്നു.

നൂറു വർഷങ്ങൾക്ക് മുമ്പ് ആരംഭിച്ച ഒരു സ്വപ്നം അത് അള്ളാഹുവിന്റെ അനുഗ്രഹമല്ലാതെ മറ്റെന്താണ്?
ഉലമാക്കളുടെ ദുആകളുടെ
ഫലമല്ലാതെ മറ്റെന്താണ്?
വിശ്വാസികളുടെ ഐക്യത്തിന്റെ ശക്തിയല്ലാതെ മറ്റെന്താണ്?

ശതാബ്ദി സന്ദേശയാത്ര നമ്മെ പഠിപ്പിച്ചത്:
ഐക്യമാണ് നമ്മുടെ ശക്തി,
പ്രാർത്ഥനയാണ് നമ്മുടെ ആയുധം,
സ്നേഹമാണ് നമ്മുടെ മാർഗ്ഗം,
വിശ്വാസമാണ് നമ്മുടെ അടിത്തറ എന്നാണ്. നമുക്ക് പ്രതിജ്ഞയെടുക്കാം;
അടുത്ത നൂറു വർഷവും ഇതേ പാതയിലൂടെ നടക്കുമെന്ന്. വരും തലമുറകൾക്ക് ഈ പാരമ്പര്യം കൈമാറുമെന്ന്.

വർഷങ്ങൾ കടന്നുപോകട്ടെ...
പരമ്പരകൾ മാറി വരട്ടെ...
എന്നാൽ ശതാബ്ദി സന്ദേശയാത്രയുടെ ഓർമ്മകൾ നമ്മുടെ ഹൃദയങ്ങളിൽ എന്നേക്കും പച്ചപിടിച്ചിരിക്കും.
ആ കണ്ണീരിന്റെ മധുരിമ, ആ പുഞ്ചിരിയുടെ സൗന്ദര്യം, ആ ദുആകളുടെ പവിത്രത,
ആ ഐക്യത്തിന്റെ മഹത്വം - ഇതെല്ലാം കേരള ചരിത്രത്തിൽ സുവർണ്ണാക്ഷരങ്ങളിൽ എഴുതപ്പെട്ടിരിക്കുന്നു.

ശതാബ്ദി സന്ദേശയാത്രയിൽ പങ്കെടുക്കാൻ കഴിഞ്ഞത് മഹാഭാഗ്യം... അത് നമ്മുടെ ജീവിതത്തിലെ ഏറ്റവും സുന്ദരമായ നിമിഷങ്ങളായിരുന്നു...
കണ്ണീരും പ്രാർത്ഥനയും ഒരുമിച്ചൊഴുകിയ അവിസ്മരണീയ യാത്ര....

07/12/2025

കൊട്ടിയം മൈലക്കാട്ട് - ഒരു മുന്നറിയിപ്പ്

ദേശീയപാത ഇടിഞ്ഞത് അശ്രദ്ധയുടെ ഫലമാണ്,

നിലവാരമില്ലാത്ത പണികൾ ജീവനെ വിലകുറച്ചു,

എങ്കിലും ഇനി കർശന പരിശോധനകളോടെ,
സുരക്ഷിതമായ പാതകൾ നമുക്ക് ആവശ്യമാണ്, അർഹിക്കുന്നുമുണ്ട്!

നിർമ്മാണത്തിൽ സത്യസന്ധത ഉറപ്പാക്കാനുള്ള പൗരബോധത്തിന്റെ വിളി.

02/12/2025

സംശയങ്ങളുടെ മേഘങ്ങളെ തുളച്ച് സൂര്യപ്രകാശം പോലെയാണ് സമസ്ത കേരള ജംഇയ്യത്തുൽ ഉലമയുടെ തഹിയ്യ ഫണ്ട് ശേഖരണം വിജയത്തിന്റെ കൊടിമരങ്ങൾ ഉയർത്തിയത്. "പിരിവ് കിട്ടില്ല, എന്ന് പറഞ്ഞവർക്ക് മറുപടിയായി ഒഴുകിയെത്തിയത് ജനകീയ വിശ്വാസത്തിന്റെ പ്രളയമാണ്.

നൂറ് വർഷത്തെ യാത്രയിൽ കേരള മുസ്ലിം സമുദായത്തിന്റെ ആത്മാവായി മാറിയ ഈ പ്രസ്ഥാനത്തോടുള്ള ജനവികാരം വെറും സംഖ്യകളല്ല, അത് ഒരു ബന്ധത്തിന്റെ ഊഷ്മളതയാണ്.

പടർന്നുകിടക്കുന്ന വേരുകളെ പിഴുതെറിയാൻ ശ്രമിച്ചവർ മറന്നു - സമുദായത്തിന്റെ വിശ്വാസം കൊടുങ്കാറ്റിലും വളരുന്ന വൃക്ഷമാണെന്ന്. തഹിയ്യയുടെ വിജയം വെറും ഫണ്ടല്ല, അത് ഒരു പ്രസ്ഥാനത്തിന്റെ അജയ്യതയുടെ പ്രഖ്യാപനമാണ്.

22/11/2025

വയനാട് ജില്ലാ പഞ്ചായത്ത്, കൽപ്പറ്റ , ബത്തേരി ബ്ലോക്ക് പഞ്ചായത്തുകൾ എന്നിവയെ മുസ്ലിം മുക്തമാക്കിയ കോൺഗ്രസിന് സ്തുതി അർപ്പിക്കുന്നു. പനമരം- മാനന്തവാടി ബ്ലോക്കു പഞ്ചായത്തിൽ ഒന്നു വീതം നൽകിയ സീറ്റും കാസക്ക് തന്നെ തിരിച്ചു നൽകുക.

കൽപ്പറ്റ സീറ്റു വഴി നിയമസഭയിൽ ശാശ്വതമായി ഇരിക്കാൻ ഈ പണി ഒപ്പിച്ച യൂദാസ് സിദ്ദീഖിനും അഭിവാദ്യങ്ങൾ !

കൽപ്പറ്റയും ബത്തേരിയുമൊക്കെ മുസ്ലിം വോട്ടില്ലാതെ 2026 കടക്കാൻ വേണ്ട പണിയും കൂടി എടുത്തു കൊള്ളുക

23/10/2025

`സുകൃത വഴിക്ക് ശക്തി പകരാർ`
*തഹിയ്യ*
സമസ്ത ഫണ്ട് ശേഖരണം

സമസ്ത കേരള ജംഇയ്യത്തുൽ ഉലമയുടെ നൂറാം വാർഷികത്തിൻ്റെ ഭാഗമായി സമസ്ത നടത്തുന്ന തഹിയ്യ ഫണ്ട് ശേഖരണത്തിൻ്റെ ലഷ്യം വളരെ വലുതാണ്.

വിദ്യാഭ്യാസ , ദഅ് വാ, ജീവകാരുണ്യ പദ്ധതികൾ ഉൾപ്പെടുത്തി തയ്യാറാക്കപ്പെട്ട പദ്ധതികളുടെ നിർവഹണത്തിലേക്കും, ദഅ് വത്തിനൊരു കൈത്താങ്ങായി സമസ്ത നടത്തിക്കൊണ്ടിരിക്കുന്ന കൈത്താങ്ങ് പദ്ധതിയിലേക്കും , ദേശീയ അന്തർദേശീയ തലങ്ങളിലെ സമസ്തയുടെ ശാക്തീകരണ പ്രവർത്തനങ്ങളിലേക്കുക്കുമായാണ് സമസ്ത ഫണ്ട് സമാഹരണം നടത്തുന്നത്.

ഇൻ്റർനാഷനൽ റിസർച്ച് സെന്റർ, കുല്ലിയത്തുൽ ഖുർആൻ, മൾട്ടി പർപ്പസ് ട്രെയ്നിംഗ് സെന്റർ, ഫിനിഷിംഗ് സ്കൂൾ, ഹെറിറ്റേജ് മ്യൂസിയം, ഇന്റർനാഷനൽ കൺവെൻഷൻ സെൻ്റർ തുടങ്ങിയ സംവിധാനങ്ങൾ ഉൾക്കൊള്ളുന്ന *സമസ്ത സെൻ്റിനറി എജ്യു സിറ്റി* ,

വാളയാർ, തിരിപ്പൂർ പറങ്കിപ്പേട്ട രാമനാഥപുരം എന്നിവിടങ്ങളിലെ വിദ്യാഭ്യാസ സ്ഥാപനങ്ങൾ ഉൾപ്പെടുത്തിയ *തമിഴ്നാട് വിദ്യാഭ്യാസ പദ്ധതി,*

അവശതയനുഭവിക്കുന്ന രോഗികൾക്കും, ആശുപത്രിയിൽ നിന്നും മടക്കിയ രോഗികൾക്കുള്ള പാലിയേറ്റീവ് സെൻ്ററായി
*മെഡിക്കൽ കെയർ സെൻ്റർ,*

മദ്യം, ലഹരി തുടങ്ങിയവയിൽ അകപ്പെട്ട് ജീവിതം അവസാനിപ്പിക്കാൻ ഇരിക്കുന്നവര ജീവിതത്തിലേക്ക് തിരിച്ചു കൊണ്ട് വരാനുള്ള
*റീ ഹാബിലിറ്റേഷൻ സെൻ്റർ* ,

ലോകത്തിൻ്റെ വിവിധ ഭാഗങ്ങളിലെ നാൽപതിലധികം രാജ്യങ്ങളിൽ നിന്നായി കുട്ടികൾ പഠിച്ച് കൊണ്ടിരിക്കുന്ന ഈ ലേർണിംഗ് മദ്റസയുടെ കേന്ദ്രവും, അതിനോട് ചേർന്ന വിദ്യാഭ്യാസ പ്രവർത്തനങ്ങൾക്കുമായി ആധുനിക സൗകര്യങ്ങളോട് കൂടിയ
*ഇ ലേർണിംഗ് വില്ലേജ്,*

*പഠന വൈകല്യം നേരിടുന്നവർക്കുള്ള പ്രത്യേക വിദ്യാഭ്യാസ സ്ഥാപനം* ,

പ്രധാന നഗരങ്ങളിൽ *ഹോസ്റ്റൽ നിർമാണം* തുടങ്ങിയ പദ്ധതികളാണ് നൂറാം വാർഷികത്തിൻ്റെ ഭാഗമായി നടപ്പിലാക്കാൻ പോകുന്നത്.

ഈ സദുദ്യമത്തിൽ പങ്ക് ചേരാൻ താഴെ കാണുന്ന ലിങ്ക് തുറന്ന് പണമടക്കുക.

https://thahiyya.samastha.info/

Ayyoob Muttil

09/08/2026

25/07/2026

23/07/2026

11/03/2026

02/03/2026

29/12/2025

07/12/2025

02/12/2025

22/11/2025

23/10/2025

Address

Telephone

Website

Alerts

Contact The School

Shortcuts

Share

Category

Listing takedown request