04/08/2025
പൊതു വിദ്യാഭ്യാസ വകുപ്പ് സമഗ്ര ശിക്ഷ കേരളം STARS പദ്ധതിയിൽ ഉൾപ്പെടുത്തി സംസ്ഥാനത്തുടനീളം പ്രീ പ്രൈമറി സ്കൂളുകളിൽ പൂർത്തിയാക്കിവരുന്ന പദ്ധതിയാണ് വർണ്ണക്കൂടാരം.
അന്താരാഷ്ട്ര നിലവാരമുള്ള പ്രീ സ്കൂൾ പഠനാന്തരീക്ഷം ഒരുക്കുവാനുള്ള പദ്ധതികളാണ് നടപ്പിലാക്കി വരുന്നത്. കുട്ടികൾക്ക് സന്തോഷത്തോടെയും അവരുടെ അഭിരുചിക്കനുസരിച്ചും കളികളിൽലേർപ്പെടാൻ കഴിയുന്ന വിശാലവും ശിശു സൗഹൃദവുമായ ഇടങ്ങൾ ഒരുക്കുക എന്നതാണ് വർണ്ണ കൂടാരം മാതൃകാപ്രൈമറി പരിപാടിയിലൂടെ യാഥാർത്ഥ്യമാക്കുന്നത്.
വണ്ടൂർ ബി.ആർ.സിക്കു കീഴിലെ
ജി. എൽ. പി. സ്കൂൾ ശാന്തിനഗറിൽ 04. 08. 2025 ന് വർണ്ണക്കൂടാരം ബഹുമാനപ്പെട്ട വിദ്യാഭ്യാസ മന്ത്രി ശ്രീ. വി. ശിവൻകുട്ടി ഉദ്ഘാടനം ചെയ്തു. പ്രധാനാധ്യാപിക ശ്രീമതി. ആർ. അനിത സ്വാഗതം ആശംസിച്ച ചടങ്ങിൽ ബഹുമാനപ്പെട്ട എം.എൽ.എ. ശ്രീ. എ. പി. അനിൽകുമാർ അധ്യക്ഷത വഹിച്ചു. വിദ്യാകിരണം കോ-ഓർഡിനേറ്ററും എസ്. എസ്. കെ. ജില്ലാ പ്രൊജക്റ്റ് ഓഫീസറുമായ ശ്രീ. സുരേഷ് കോളശ്ശേരി പദ്ധതി വിശദീകരണം നടത്തി. തുടർന്ന് ഓരോ ഇടങ്ങളുടെയും ഉദ്ഘാടനം ക്ഷണിക്കപ്പെട്ട അതിഥികൾ നിർവഹിച്ചു.
കുട്ടികളുടെ സർവ്വതോന്മുഖ വികാസത്തിന് സഹായിക്കുന്ന 13 ഇടങ്ങളാണ് ഇവിടെ നിർമ്മിച്ചിരിക്കുന്നത്.
1. ഭാഷാ വികസനയിടം
2. ഗണിതയിടം
3. വരയിടം
4. നിർമ്മാണയിടം
5. പഞ്ചേന്ദ്രിയാനുഭവിയിടം
6. ശാസ്ത്രാനുഭവയിടം
7. കുഞ്ഞരങ്ങ്
8. കരകൗശലയിടം
9. ഹരിതോദ്യാനം
10. ഇ-ഇടം
11. അകം കളിയിടം
12. പുറം കളിയിടം
13. ആട്ടവും പാട്ടും
വണ്ടൂർ ബ്ലോക്ക് പഞ്ചായത്ത് പ്രസിഡണ്ട് ശ്രീ. ഹസ്കർ ആമയൂർ, വണ്ടൂർ ഗ്രാമപഞ്ചായത്ത് പ്രസിഡണ്ട് ശ്രീമതി വി.എം. സീന, ഗ്രാമപഞ്ചായത്ത് വൈസ് പ്രസിഡണ്ട് ശ്രീ. സിദ്ദിഖ് പട്ടിക്കാടൻ , വണ്ടൂർ ബ്ലോക്ക് പഞ്ചായത്ത് മെമ്പർ അഡ്വക്കറ്റ് ടി.രവീന്ദ്രൻ, വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ ശ്രീ സി.ടി പി. ജാബിർ, വാർഡ് മെമ്പർ ശ്രീ. ദസാബുദ്ധീൻ റസാബ്, വാർഡ് മെമ്പർ ശ്രീമതി. ശ്രീലത സുരേഷ്, വണ്ടൂർ AEO ശ്രീ. കെ. പ്രേമാനന്ദ്, വണ്ടൂർ ബി.പി.സി ശ്രീ ഷൈജി ടി മാത്യു, പി.ടി.എ. പ്രസിഡണ്ട് ശ്രീ. കെ. ഷബീബ്, എസ്. എം. സി. ചെയർമാൻ ശ്രീ. കെ. പി. സിറാജുദ്ദീൻ, എം. ടി. എ. പ്രസിഡണ്ട് ശ്രീമതി. കെ. ഷബ്ന എന്നിവർ ആശംസകൾ അർപ്പിച്ചുകൊണ്ട് സംസാരിച്ചു. സീനിയർ അസിസ്റ്റന്റ് ശ്രീമതി. ഇ.പി. സിന്ധു ചടങ്ങിന് നന്ദി പ്രകാശിപ്പിച്ചു.
