08/05/2026
शारदा इंग्लिश मीडियम स्कूल आणि ज्युनिअर कॉलेज, कजगाव शाळेचे दहावी बोर्ड परीक्षेत दैदिप्यमान यश
सलग 100% निकालाची परंपरा कायम; पंचक्रोशीत शाळेचा लौकिक अधिक उंचावला
यंदाच्या सन 2025-26 च्या दहावी बोर्ड परीक्षेत शारदा इंग्लिश मीडियम स्कूल आणि ज्युनिअर कॉलेज कजगाव शाळेने पुन्हा एकदा 100% निकालाची उज्ज्वल परंपरा कायम राखत उल्लेखनीय यश संपादन केले आहे. ग्रामीण भागातील विद्यार्थ्यांना गुणवत्तापूर्ण इंग्रजी माध्यमाचे शिक्षण देत संस्थेने तालुक्यात मानाचे स्थान निर्माण केले असून, पंचक्रोशीत शाळेच्या यशाची मोठ्या अभिमानाने चर्चा होत आहे.
यावर्षी एकूण 47 विद्यार्थ्यांनी परीक्षा दिली असून सर्व विद्यार्थी उत्तीर्ण झाले आहेत. त्यापैकी तब्बल 9 विद्यार्थ्यांनी 90% पेक्षा अधिक गुण मिळवत घवघवीत यश संपादन केले आहे.
कु. निशाबेन परेशभाई सितापरा यांनी 94.60% गुण मिळवत प्रथम क्रमांक पटकावला. तसेच कु. हर्षदा सुभाष परदेशी (93.60%), कु. नुपूर देविदास पाटील (93.20%), चि. हर्षवर्धन दीपक पाटील (92.80%), चि. आदित्य भूषण पाटील (91.40%), चि. माज रहीम खाटीक (91.40%), चि. ललित दीपक पाटील (91.00%), चि. उमेश ज्ञानेश्वर महाजन (90.80%) व चि. लोकेश अनिल पाटील (90.20%) यांनी विशेष प्राविण्य मिळवले.
या यशाबद्दल संस्थेचे अध्यक्ष मा. श्री सुनील चव्हाण सर, सचिव मा. श्री नंदकुमार चव्हाण सर, मुख्याध्यापक मा. श्री प्रदिप कुमावत सर तसेच सर्व शिक्षकवृंद यांनी विद्यार्थ्यांचे अभिनंदन करून त्यांच्या पुढील शैक्षणिक वाटचालीस शुभेच्छा दिल्या आहेत.
गुणवत्ता, शिस्त, आधुनिक शिक्षणपद्धती आणि विद्यार्थ्यांच्या सर्वांगीण विकासाच्या जोरावर शारदा इंग्लिश मीडियम स्कूलने परिसरात विश्वासार्ह शैक्षणिक संस्था म्हणून आपली वेगळी ओळख निर्माण केली आहे.
