AL-Azhar Matriculation Higher Secondary School

18/09/2026

14/09/2026

மஸ்ஜித்களும் மதரஸாக்களும் வெறும் தொழுகைக்கான இடங்களாக மட்டும் இருந்த காலம் அல்ல அது.

அவை அறிவின் மையங்களாக இருந்தன.

அந்த அறிவுச் சூழலில் உருவான தலைமுறைகள் உலக வரலாற்றையே மாற்றினர்.

கலீஃபாக்கள், ஸஹாபாக்கள, அறிஞர்கள், மருத்துவர்கள், கணிதவியலாளர்கள், வானியலாளர்கள், இயற்பியலாளர்கள், தத்துவவாதிகள், உளவியலாளர்கள் என பல்வேறு துறைகளில் அறிவால், ஞானத்தால் நிறைந்த தலைமுறைகள் உருவாகின.

இப்னு சீனா, இப்னு ஹைதம், அல்-குவாரிஸ்மி போன்ற அறிஞர்களின் அறிவுப் பயணம் இதற்கு சிறந்த வரலாற்றுச் சான்றுகள்.

அவர்களுக்கு அறிவு என்பது மதத்திலிருந்து பிரிக்கப்பட்ட ஒன்று அல்ல.

இறைவனை அறிதலும், இறைவனின் படைப்புகளை ஆராய்தலும் ஒன்றுக்கொன்று எதிரானவையாய் இருந்ததில்லை....

குர்ஆன் மனிதனை மீண்டும் மீண்டும் சிந்திக்க அழைக்கிறது.

வானத்தைப் பாருங்கள்.
பூமியை ஆராயுங்கள்.
உயிரினங்களை கவனியுங்கள்.
தாவரங்களை சிந்தியுங்கள்.
மனிதனின் படைப்பை ஆராயுங்கள்.
பிரபஞ்சத்தின் ஒழுங்கைப் புரிந்துகொள்ளுங்கள். என்று....

இதனால் உருவாக வேண்டிய மாணவன் வெறும் மனப்பாடம் செய்பவன் அல்ல.

அவன்
Critical Thinker
Creative Thinker
Logical Reasoner
Analytical Learner
Researcher
Problem Solver
Communicator
Leader - என பன்முக அறிவால் சூழப்பட்டிருந்தான்...

வரலாற்றின் பல கட்டங்களில் மதமும் அறிவியலும் தனித்தனி துறைகளாகப் பிரிக்கப்பட்டன.

அதன் விளைவாக, கல்வி ஒரு பக்கம்; மார்க்க வாழ்க்கை மற்றொரு பக்கம் என்ற பிரிவு பல சமூகங்களில் உருவானது.

ஆனால் இஸ்லாமியக் கல்வியின் அடிப்படை நோக்கம் அப்படியல்ல.

தொழுகை மட்டும் தெரிந்த மனிதனை உருவாக்குவது அல்ல;
தொழுகையுடன் சிந்திக்கத் தெரிந்த மனிதனை உருவாக்குவது.

குர்ஆனை ஓதத் தெரிந்தவனாக மட்டும் அல்ல;
குர்ஆன் தூண்டும் சிந்தனையை உலகைப் புரிந்துகொள்ளப் பயன்படுத்தக்கூடியவனாக உருவாக்குவது.

நமது மஸ்ஜித்கள் தொழுகை முடிந்தவுடன் மூடப்படும் இடங்களா?

*மஸ்ஜித்கள், சமூகத்தின் அறிவு, ஒழுக்கம், திறன், ஆராய்ச்சி, தலைமை ஆகியவற்றை வளர்க்கும் 24/7 மையங்களாக திகழவேண்டும்*

மஸ்ஜித்கள் அறிவின் மையமாகவும்,
மாணவர்களின் கற்றல் மையமாகவும்,
பெற்றோர் வழிகாட்டல் மையமாகவும்,
இளைஞர் திறன் வளர்ப்பு,
ஆராய்ச்சி மற்றும் தலைமைத்துவப் பயிற்சி மையமாகவும்,
சமூக சேவை மையமாகவும்,
மாற வேண்டும்.

இந்த அடிப்படையிலே.

நமது அல்-அஸ்ஹர் பள்ளி வளாகத்தில் நடைபெறவுள்ள அடிக்கல் நாட்டுவிழாவின் மூலம்,

இஸ்லாமிய கலாச்சார மையம்
இஸ்லாமிய ஆராய்ச்சி மையம்
இஸ்லாமிய நூலகம்
இஸ்லாமிய ஹிஃப்ழ் பள்ளி

எனப் பல்வேறு புதிய கல்வி மற்றும் அறிவு மையங்களுக்கான புதிய கட்டுமானப் பணிகள் தொடங்கப்படவுள்ளன என்பதை மகிழ்ச்சியுடன் தெரிவித்துக் கொள்கிறோம்.

இவை வெறும் கட்டிடங்கள் அல்ல;
அறிவு, சிந்தனை, ஆராய்ச்சி, ஒழுக்கம் மற்றும் தலைமைத்துவம் கொண்ட புதிய தலைமுறையை உருவாக்கும் மையங்களாக அமையவுள்ளன.

இந்த மகத்தான இறைப்பணியில் நம் அனைவரது பங்களிப்பும் அளப்பரியது.

11/09/2026

بِسْمِ اللهِ الرَّحْمٰنِ الرَّحِيْمِ
இரண்டு முக்கியமான வரலாற்றுச் சந்திப்புகள்!* இன்ஷா அல்லாஹ், வருகிற *19 செப்டம்பர் 2026* அன்று நமது Al-Azhar Matriculation Higher Secondary School, Kadayanallur வளாகத்தில் இரண்டு முக்கியமான நிகழ்வுகள் நடைபெற உள்ளன.
இரு நிகழ்வுகளும் கல்வி, சமூக எழுச்சி, இஸ்லாமிய மறுமலர்ச்சி மற்றும் எதிர்கால தலைமுறையை உருவாக்கும் ஆக்கப்பூர்வமான பயணத்திற்கு ஒரு முக்கியமான தொடக்கமாக அமையட்டும் என இறைவனைப் பிரார்த்திப்போம்.
*நிகழ்வு – 1*
TISWA – 9th Annual General Body Meeting –
Tamilnadu Islamic School Welfare Association (TISWA)-வின் 9-வது Annual General Body Meeting நமது அல்-அஸ்ஹர் பள்ளி வளாகத்தில் நடைபெற உள்ளது. தமிழகத்தின் பல்வேறு பகுதிகளில் இருந்து, கன்னியாகுமரி முதல் சென்னை வரையிலும், கோயம்புத்தூர் முதல் இராமநாதபுரம் வரையிலும் இயங்கி வரும் இஸ்லாமியப் பள்ளிகளின் தாளாளர்கள், முதல்வர்கள் மற்றும் நிர்வாகிகள் இந்நிகழ்வில் ஒன்றுகூட உள்ளனர். பள்ளிகளை இணைப்போம் – கல்வித் தரத்தை உயர்த்துவோம் – நிர்வாகத்தை மேம்படுத்துவோம் – அடுத்த தலைமுறையை உருவாக்குவோம் என்ற நோக்கில் கருத்துகள், அனுபவங்கள் மற்றும் புதிய வாய்ப்புகளைப் பகிர்ந்து கொள்ளும் ஒரு முக்கியமான சந்திப்பாக அமைய உள்ளது.
தமிழகத்தில் இயங்கி வரும் இஸ்லாமியப் பள்ளிகள் ஒன்றிணைந்து, கல்வித் தரத்தையும் நிர்வாகத் திறனையும் மேம்படுத்துவதற்கான ஒரு வலுவான தளமாக *TISWA* தொடர்ந்து செயல்பட வேண்டும் என்பதே இச்சந்திப்பின் நோக்கம்.
இதுவரை TISWA-வில் இணையாத இஸ்லாமியப் பள்ளிகளும் இந்நிகழ்வில் கலந்து கொண்டு, இந்த கல்வியமைப்பில் இணைந்து பயன்பெற அன்புடன் அழைக்கின்றோம்.*

நிகழ்வு – 2*
Hifz School | Islamic Research Centre | Islamic Library அடிக்கல் நாட்டுவிழா
அதே நாளில், நமது Al-Azhar பள்ளி வளாகத்தில் எதிர்கால தலைமுறைக்கான மிக முக்கியமான மூன்று கல்வி மற்றும் இஸ்லாமிய அறிவுக் கட்டமைப்புகளுக்கான அடிக்கல் நாட்டுவிழாவும் நடைபெற உள்ளது.
Hifz School - திருக்குர்ஆனை மனனம் செய்வதோடு மட்டுமல்லாமல், குர்ஆன் அடிப்படையிலான அறிவு, ஒழுக்கம் மற்றும் வாழ்க்கைத் திறன்களை வளர்க்கும் தலைமுறையை உருவாக்கும் நோக்கத்துடன்.
Islamic Research Centre - இஸ்லாமிய அறிவு, ஆய்வு, சிந்தனை, சமகாலச் சமூகத் தேவைகள் மற்றும் அறிவார்ந்த தலைமையை வளர்க்கும் ஒரு மையமாக.
Islamic Library - மாணவர்கள், ஆசிரியர்கள், அறிஞர்கள் மற்றும் சமூகத்தினரிடையே வாசிப்பு – ஆய்வு – சிந்தனை – அறிவுப் பகிர்வு ஆகியவற்றை வளர்க்கும் அறிவுக் களஞ்சியமாக வளர வேண்டும் என்பதே எங்களது நோக்கம். இவ்வடிக்கல் நாட்டுவிழா ஒரு கட்டிடத்தின் தொடக்கம் மட்டுமல்ல. இது இஸ்லாமிய அறிவு, மறுமலர்ச்சி, தலைமைத்துவத்திற்கான அடிக்கல்.
இரண்டு நிகழ்வுகள் – ஒரே நோக்கம் கல்வி நிறுவனங்களை இணைப்போம்! தரமான கல்வியை உருவாக்குவோம்! இஸ்லாமிய அறிவை வளர்ப்போம்! திறமையான தலைமுறையை உருவாக்குவோம்! அனைவரும் இந்நிகழ்வில் கலந்து கொண்டு சிறப்பிக்குமாறு அன்புடன் அழைக்கின்றோம்.